Thursday, August 27, 2009

Франчайз бизнесийн залилан


Хэрвээ та франчайз худалдан авах гэж байгаа бол чирнингээс болгоомжлоорой
Чирнинг-Энэ нь франчайзыг дампууруулахыг хүлээж, дахин худалдах зорилготойгоор франчайз худалдахыг хэлнэ. Өөрөөр хэлбэл, франчайз эзэмшигч нь бүтээгдэхүүнээс илүү франчайзаа худалдаж мөнгө олохыг хэлнэ.

Энэ асуудал бол дэлхий нийтэд түгээмэл, ялангуяа Австралид их байдаг. Энэ хэрхэн ажиллахыг үзье. Оршин тогтнохоор тэмцэж байгаа франчайз хүлээн авагч илүү удаан хугацаанд франчайзаа ажиллуулж чадах хэдий ч тэднийг алдагдлаар зовоож, франчайз бизнесийг хаалгахаар хүчилдэг. Франчайз эзэмшигч нь тэднийг амжилттай ажиллахад туслах сонирхолгүй бөгөөд тэднийг дампууруулж, хямд үнээр өөр нэг худалдан авагчдад дахин худалдахыг хүснэ. Франчайз эзэмшигч өөр хэн нэгэнд франчайзаа борлуулан дахин хоосруулж, илүү их мөнгө олдог байна. Ихэнх хүмүүсийн хувьд энэ асуудал энгийн байна. Тэд системдээ үлдэх хангалттай мөнгө олж чадахгүй. Ирээдүйд орох орлогыг хоосон амласан учраас тэд түрээсээ төлж, амарч, гэр бүлээ тэжээж чадахгүйд хүрнэ.

Хэрвээ нэг жилийн франчайз эзэмшигчийн эрэлтийг хувь 30 хувьд хүрвэл тэд чирнингээр буруутгагдах магадлалтай болно. Франчайз эзэмшигч нь нэг франчайз хүлээн авагчийг амжилттай ажиллуулахын оронд хоёрыг дампууруулснаас маш их мөнгө олно. Засгийн газар, Франчайзын холбоод болон бусад холбогдох байгууллагууд таныг чирнингээс хамгаалах ажлуудыг бараг хийдэггүй. Мэдээж тодорхой хувийг энэхүү 30 хувиас доогуур барьж байдаг учраас тэд хардалт, сэрдэлтээс зайлсхийж чадна. Энэ бол гэмт хэрэг. Франчайзын ертөнцөд франчайз хүлээн авагчдыг хамгаалсан хууль бараг байдаггүй учраас франчайз бизнесийн худалдааг маш сайн харж, судлах нь чухал. Та хичээл зүтгэлтэй, сэжигтэй болгоомжтой байх хэрэгтэй ба маш их эрсдэлгүйгээр мөнгө олох илүү сайн аргууд олон бий гэдгийг санаарай.

Франчайзын бодомжууд

Хэрэв та сайн франчайз хайж байгаа бол орох гэж байгаа бизнес тань танд үнэхээр таарч байна уу. Магадгүй та дөнгөж хөрөнгө оруулалт хийж байгаа эсвэл франчайзын гэрээ яг таны өмнө байгаа бол зогс бүх зүйлийг нарийн шалгаарай. Бид хуулийн зөвлөгөө өгөх гээгүй боловч экс-франчайз хүлээн авагчийн хувьд та яг хаана байгааг зааж өгье.

Франчайзингийн бизнес саналуудын амжилтай ажилласан түүх маш ховор бөгөөд өнөөдөр бүүр ч багассаар байна. Энэ бүхэн яг л казино тоглохтой адил юм. Ихэнхи хүмүүс мөнгө алдаж, цөөнхи мөнгө хождог ба энэхүү өчүүхэн аз эцэстээ дуусна.

Бэрхшээл юу вэ гэвэл бүх зүйл өмнө нь аль хэдийн хийгдээд бүх зах зээл ханачихсан байдаг. Франчайз эзэмшигчийн гол зорилго бол аль болох их франчайз зарж борлуулах бөгөөд энэ нь франчайз хүлээн авагч үнэхээр орлого болж чадахааргүй хоорондоо маш ойрхон олон нэгжийг бий болгоход хүргэнэ. Франчайз эзэмшигч энэхүү олон франчайз зарснаар мөнгө олж, франчайз нэгжүүд хоорондоо хэр ойрхон байх нь тэдэнд огт хамаагүй. Франчайзд хөрөнгө оруулалт хийснээр түүнээс орлого ашиг бараг олохгүй. Өөрийн бизнестээ болохыг хүсвэл үүнийг өөрөө хий. Эхлэлтэнд чамаас бага мөнгө шаардагдах ба франчайз худалдан авснаас илүү орлоготой байж, амжилт олох боломж илүү өндөр байдаг. Тэдний юу ярьж байгаад бүү итгэ, тэд зөвхөн худалдахыг л хүсдэг. Франчайз худалдан авснаар та өөрийн бизнестэй болно хэмээн ярьдаг боловч үнэндээ та өөрийхөө хийх ажлыг худалдан авч байгаа юм. Аз болж таны сүлжээний цэвэр орлого 15 хувь хүрсэн ч та франчайз эзэмшигчдээ ройэлти төлөх ёстой учраас франчайзор тань таны 50 хувь хамтрагч болох ба та зовж ажиллаж олсон мөнгөө тэдэн өгөх болно. Та үнэндээ тэдний төлөө бизнес хийх лиценз эзэмшсэн гэсэн үг. Франчайзор таны мөнгөөр зах зээлд туршилт хийж, өөрийн бизнесээ өргөтгөх учраас тэд эрсдэлийг үүрэхгүй хэн нэгэнд франчайзын хамгийн сайн санал хэмээн дуулгаж, ятгахыг оролдоно.

Франчайзын луйвар
Та франчайз бизнесийн хохирогч уу? Та дампуурсан франчайз хүлээн авагч уу?

Та франчайз бизнест орж үзээгүй бол энэ яаж сүйрдгийг ойлгоход маш хэцүү. Хүмүүс бүх амьдралдаа цуглуулсан мөнгөө үргэлж алддаг. Хөрөнгө оруулалт, дээр нь байшин, хөрөнгө мөнгөө бүгдийг алддаг бөгөөд биеийн болон оюун санааны хувьд мөн хохирно. Гэр бүл салалт, сүйрсэн харилцаа тэр ч бүү хэл амиа хорлосон тохиолдол ч их гардаг.

Та өөрт байгаа бүх зүйлээр хөрөнгө оруулалт хийж, олон жилийн цаг хугацаа зарцуулж, удахгүй бүх зүйл сайхан болно гэж итгэсээр дампуурсан бизнесээ хадгалсаар байна уу. Франчайзингийн залилангийн олон хохирогчид алдагдлаа багасгахын тулд бизнесээ орхиж чадахгүй, сайжрахыг хүлээж, илүү их хохирол амсдаг байна. Алдсан нэг цент бүр франчайз эзэмшигчийн халаасанд орох болно. Та үргэлжлүүлбэл франчайз эзэмшигчдийн мөнгө өссөөр байна гэдэг нь ойлгомжтой. "Бусад хүн ямар сайн ажиллаж байна" гэж өөртөө байнга хэлсээр та дампуурсан франчайз хүлээн авагч болсноо мэднэ. Эцэст нь та азтай бол энэ асуудлаа өөр нэг хохирогчид худалдах эсвэл цус бага асгаруулахын тулд зүгээр л зогсоох талаар таныг бодоход хүргэнэ. Чамд юу үлдэх вэ гэвэл дахин барьж байгуулахад цаг хугацаа их зарцуулахаар хоосон мөр л байх болно.

Та бүх зүйлээ алдаж, ядуурал, хоосролыг мэдэрч, чамайг ямар амархан хуурсныг мэднэ. Дэлхийд тань шиг хэдэн мянган хүн байгааг та интернэтээс хайж үзээд тайвшрах болно. Олон жилийн хугацаа, санхүүгийн хүндрэлийг орлуулах юу ч байхгүй. Юутай ч үлдсэн хамаагүй хөдөлж, амьдралаа дахин бүтээх хэрэгтэй.

Энэ бүх хууран мэхлэлтээс салсны дараа ч тэдгээр франчайзын залилагчид эргэн тойронд чинь байсаар байх болно. Тэдэнд амьдралаа хянуулахыг бүү зөвшөөрөөрэй. Зөвлөх мэргэжилтэнтэй уулзаж, юунд итгэж байгаа тухайгаа ярих хэрэгтэй. Чи маш их мэдлэгтэй болно.

Бизнесээ алдах нь гэр бүл салалт болон хайртай хүнээ алдахтай адил амьдралын хамгийн том стресс үүсгэгч гэж тооцогддог.

Швейцарийн нэрт сэтгэл судлаач доктор Элезабеф Кубер-Росс бизнесийн сүйрлийн 5 шатлал байдаг гэж үзжээ.

Үгүйсгэл.
Энэ нь хамгийн эрүүл шат бөгөөд тухайн хүн өөрөөсөө "Яагаад би гэж" асууж, заналхийлж байгаа стрессийн эсрэг тэмцэх стратеги боловсруулна.

Уур хилэн эсвэл дургүйцэл. Энэ шатанд өөрийгөө буруутгах байдал үүснэ.

Шийдвэрлэлт. Энэ нь "түр эвлэрэх үе" бөгөөд тэд өөрсдийн санаандаа байдлыг ухаж ойлгож, тэдний хийх гэж байгаа алхам амжилттай болоосой гэж боддог байна.

Сэтгэлийн дарамт. Энэ бол жинхэнэ зовлон гунигтай шат бөгөөд сэтгэлээр унаж, ямар ч итгэл найдваргүй байгаагаа мэдэрнэ.

Хүлээн зөвшөөрөлт. Энд бодит байдалтай нүүр тулж, цааш үргэлжлүүлнэ.

Бизнесийн энэхүү алдагдлын муу талыг суралцсан туршлага хэмээн үзэх нь бизнес эрхлэгчийг хурдан тайвшруулж, амьдралынхаа дараагийн алхмыг хийхэд туслана. Цаг хугацаа бол бүхнийг эмчлэгч бөгөөд зөвхөн сайн сайхан зүйлийг бодож, өчүүхэн жижиг хийх зүйл олоод, цагийг зугаатай өнгөрүүлэх хэрэгтэй.

Өнгөрсөн цаг хугацаанд амралтын өдрүүдээр хийж чаддагүй байсан зүйлээ хийгээрэй. Жишээ нь: өдөржин гэр бүлтэйгээ гадуур зугаалж, ямарч ажлын тухай бодолгүйгээр өдрийн хоолоо гэрээс гадуур идэх хэрэгтэй.

Дампуурснаас 9 сарын дараа, чи байнгын ажилтай болж, халаасандаа хэдэн төгрөгтэй болсноор бизнесийн өрөө төлж эхлэнэ. Мөн сарын өмнө улс дотроо аялаж амжсан байх бөгөөд урьд нь мөрөөдөж байсан зүйлдээ зориулах мөнгийг хэмнэснээр нэлээд мөнгө цуглуулах болно. Мэдээж франчайзын залилагчдад хуурагдахаасаа өмнө ямарч бодолгүй шууд худалдаж авч чадах байсан нь ойлгомжтой. Чи ямар нэгэн өөр зүйл хийх хэрэгтэй болно. Тэдгээр хүмүүс чиний амьдралыг хангалттай сүйрүүлсэн болохоор тэдэнтэй дахин харьцахгүй байж, харьцаагаа үргэлжүүлэхийг бүү зөвшөөр. Дампуурсан франчайзын тухай сайтуудаар орж, дампуурсан тухайгаа өөрийн зовлон нэгтэй хүмүүстэй хуваалцах нь сэтгэлийг засах хамгийн үр дүнтэй аргуудын нэг. Франчайз эзэмшигч нар эдгээр сайтуудад дургүй бөгөөд хаалгахыг нууцаар гуйдаг боловч энэ бүхэн ямарч хууль дүрэм зөрчөөгүй учраас хаагдахгүй үлдсээр байна.

Эх сурвалж: Бизнес таймс - Б.Мөнхнаст

Цааш нь...

Wednesday, August 26, 2009

Хөдөлмөрийн яармаг 2009


Герман, Aвстри, Швейцари, АНУ, Австрали, Англи, Япон, Солонгос, Хятад, Чех, Франц, Польш, Малайз, , Энэтхэг, Турк зэрэг өндөр хөгжилтэй орнуудад
сурч буй оюутнууд, төгсөгчид, эргэн ирэгсдийн анхааралд!!!

Монгол-Германы Гүүр ТББ-аас өндөр хөгжилтэй орнуудын их дээд сургуулиудад суралцагсад, төгссөгчид, эх орондоо эргэн ирсэн Монголчууддаа зориулсан
“Хөдөлмөрийн яармаг-2009” арга хэмжээг

2009 оны 09 сарын 08-09-нд зохион байгуулж байна.

Бизнесийн салбарт амжилттай ажиллаж буй нэр хүндтэй дотоод, гадаадын компаниуд, олон улсын ба хөгжлийн хамтын ажиллагааны
байгууллагууд оролцож,
ирээдүйтэй, чансаатай ажлын байруудыг санал болгоно.

Биржийн арга хэмжээ төр засгийн үйлчилгээний “ЭЛИТ” төвд 2009 оны 09 сарын 08-нд 14:30-18:00, 09-нд 09-16 цагуудад болно.

Дадлага хийх, ажлын байр хайж буй болон сайжруулах хүсэлтэй оюутнууд, төгсөгчид 2009 оны 09 сарын 04-ыг хүртэлх хугацаанд Монгол-Германы Гүүр ТББ-д бүртгүүлж, хөтөлбөр, урилгаа авна уу. Өндөр хөгжилтэй орнуудад суралцагсад, төгсөгчдийн холбоод холбоо барина уу.

“Хөдөлмөрийн яармаг-2009”-д оролцогч Та бүхний хамтын ажиллагаанд талархлаа илэрхийлье!


Монгол-Германы Гүүр ТББ
Сөүлийн гудамж-6/2, Од плаза-308,
Утас: 315990,9923 8025,9907 3355, 8808 6325
Емайл: info@mdb.mn beratung@mdb.mn
Веб: www.mdb.mn

Цааш нь...

Monday, August 24, 2009

Гар утасны дэлхийн зах зээл



Энэ оны 1 дүгээр улиралд гар утасны дэлхийн зах зээл уналттай байв. "IDC"-ийн мэдээгээр, үүрэн утасны худалдаа өнгөрсөн оны мөн үеэс 15.8 хувиар, "CCS Insights''-ийн судалгаагаар 14.8 хувь, харин "Strategy Analytics''-ээр 13 хувиар тус тус буурчээ. Ялангуяа "Моторола" фирмийх 46.4 хувиар хорогдож, 231 сая долларын алдагдалтай ажилласан байна.

Худалдааны бууралтаараа хоёрт "Sony Ericsson" компани орж, 35 хувиар борлуулалт нь унажээ. Харин бусад үүрэн телефоны оператор дотроос "Нокиа"-гийн худалдаа арай гайгүй байна. Шинжээчдийн үзэж буйгаар, гар утасны нийлүүлэгчдийн хувьд смартфоны худалдааны зах зээл ойрын хугацаанд өсөх хандлагатай байна гэнэ.
Эх сурвалж: Business times

Цааш нь...

Friday, August 21, 2009

Дэлгүүр хэсэх дон


Саяхан гарсан судалгаагаар Германд 500 мянган хүн дэлгүүр хэсэж мөнгө үрэх донтой болох нь тогтоогджээ. Дэлхийн хөгжингүй орнуудын иргэдийн дунд сүүлийн жилүүдэд өсөх хандлагатай байгаа энэхүү шинэ төрлийн сэтгэхүйн "өвчин" нь хүйс харгалзахгүйгээр улам бүр залуужиж байгаа гэнэ.

Судалгаанд хамрагдсан хүмүүс эхэндээ сард ойролцоогоор нэг удаад дэлгүүрээс бараа худалдан авдаг байснаа дараа нь өдөрт хэд хэдэн удаа болтлоо эрс олширдог болохоо хүлээн зөвшөөрсөн байна. Тэд ямар нэгэн зүйл худалдан авбал сэтгэл санаа нь хөнгөрч, тайвширлыг олж авдаг хэмээн санал нэгтэй баталцгааж байв. Харамсалтай нь энэ тайвшрал удаан үргэлжилдэггүй ажээ.

Ихэнхи өвчтөнүүд эцэстээ ямар нэгэн зорилгогүйгээр дэлгүүр хэсэж ямар ч хэрэгцээгүй бараагаа худалдан авдаг болдог байна. Ингэж хийсэн худалдааны дараа тэд сэтгэл санаагаар илүү их унаж, санхүүгийн хувьд ч уналтанд ордог.

Орчин үед мэдээллийн хэрэгслээр минут тутамд цацагдах бараа материалын хэрэгтэй хэрэггүй зар сурталчилгаа хүмүүсийн сэтгэл зүйд маш их нөлөөлж байна хэмээн ихэнхи өртөгсөд үздэг хэдий ч үнэн чанартаа гэр бүлийн хямрал, ажил дээрхи ачаалал, нийгмийн байдал гээд хүчин зүйлс тэдний энэхүү үйлдлийн шалтгаан болж байгааг эрдэмтэд хэлж байна.

Сэтгэл судлаачид энэхүү өвчлөлийн эсрэг янз бүрийн аргыг туршиж байна. Үр дүнтэй аргын нэг нь гипотенузын арга гэнэ.

Эх сурвалж: Өнөөдрийн монгол, ГөГө

Цааш нь...

Thursday, August 20, 2009

“Сурталчилгааны сувгийг судалгаанд үндэслэн сонгох нь”



Хэвлэлийн хүрээлэнгээс 2009 оны 8-р сарын 21-ний 16.00 цагт Шведийн хэвлэл мэдээллийн судлаач Магнус Ансхелмтэй хийх “Сурталчилгааны сувгийг судалгаанд үндэслэн сонгох нь” уулзалт зохион байгуулна. Уулзалтаар компаниудын хувьд хүндрэлтэй асуудал хэвээр байгаа бүтээгдэхүүн, үйлчилгээнийхээ сурталчилгааг хэрэглэгчдэд хэрхэн яаж оновчтой хүргэж, бизнесийн үр ашгаа дээшлүүлэхийг хэлэлцэх болно.

Бизнест өрсөлдөөн нэмэгдэхийн хэрээр хэрэглэгчдийн үйл хөдлөлийг таамаглах, бүтээгдэхүүн, үйлчилгээгээ хэрэглэгчдэд хүргэх, сурталчилгааны үр ашигтай суваг сонгох, реклам сурталчилгаанд цацаж буй төсвийн үр дүнг тооцох зэрэг хүндрэлтэй асуудлууд тулгардаг. Эдгээрийг шийдэх арга замыг эрэлхийлэх боломжийг энэхүү уулзалт олгох юм.

Магнус Ансхелм нь Швед улсын К2 судалгааны компанийн захирал, Шведийн олон нийтийн радиогийн шинжээчээр 12 жил ажилласан, хэвлэл мэдээллийн зах зээлийн судалгаагаар 20 гаруй жил дагнан ажиллаж байгаа туршлагатай мэргэжилтэн юм.

Чанартай реклам тухайн бараа бүтээгдэхүүний борлуулалтыг 20 хувь өсгөдөг бол оновчтой байршуулалт 30 хувь ч өсгөж чадах тул Та бүхнийг энэхүү уулзалтад өргөнөөр оролцохыг урьж байна.

ТAX: 15000 төгрөг
Жич: Хэвлэл мэдээлэл хэрэглэгчдийн судалгааны гишүүн байгууллага үнэ төлбөргүй.

Зохион байгуулагч:
Хэвлэлийн хүрээлэн
Холбогдох утас: 70113475, 8800-8787, 96649649

Цааш нь...
:
Design by Dzelque Blogger Templates 2008

Design by infinityskins.blogspot.com 2008