Залуу Mаркетер

Тошиба тусгай нүдний шил шаардлагагүй анхны 3D дэлгэц бүтээжээ

2011-02-02T18:01:00.000+08:00

3D киног тусгай нүдний шил зүүж үздэгийг хүн бүр мэддэг. Тэгвэл Японы Тошиба компани шил зүүхгүйгээр 3D кинонуудыг үзэх боломжтой тусгай дэлгэцтэй анхны дижитал зурагт бүтээсэн тухайгаа зарлалаа.

Дэлхийн анхных гэгдэж буй энэхүү зурагт 12 инчийн дэлгэцтэй юм байна. Тус компанийн шинэ бүтээгдэхүүн 12GL1 нь 119 800 иен буюу 923 еврогийн үнэтэй бөгөөд 20 инчийн дэлгэцтэйг Зул сарын баяраар хэрэглэгчдэд хүргэхээр зэхэж байгаа аж.

Харин 40 инчийнхийг нь ирэх дөрөвдүгээр сард худалдаанд гаргахаар төлөвлөжээ.

Б.Тамир

“Wikileaks” сая гаруй еврогийн ашиг олов

2011-02-02T17:58:00.001+08:00

Шуугиан тарьсан “Wikileaks” сайт энэ онд сая гаруй еврогийн ашиг олжээ. Хамгийн гол нь энэ бүх мөнгө сайн санаат хүмүүсийн хандив аж.

Харин тус сайтын зардал нь 400 мянган евро болжээ. Зарлагын ихэнх хэсэг нь, компьютерын тоног төхөөрөмж худалдаж авах, интернэтийн төлбөр, ажилтнуудын томилолтын зардалд урссан байна.

“Wikileaks” сайт Ирак, Афганистаны дайн, АНУ-тай холбоотой ажилладаг дипломатуудын тухай нууц материал нийтэлснээрээ нэрд гарсан юм. Энэ материалуудад энгийн номхон иргэдийн амь үрэгдсэн тоо, баригдсан хүмүүсийг тамлан зовоосон, бүтэлгүйтсэн байлдааны ажиллагааны тухай мэдээлсэн билээ.

Д.Түвшинтөр

Дэлхий долоон тэрбум хүнд бэлэн үү

2011-01-28T17:57:00.000+08:00

НҮБ-ын Хүн амын хорооны тооцоогоор энэ оны сүүлээр дэлхий долоон тэрбум дахь иргэнээ хүлээж авна. Энэ нь дэлхийн хүн ам хурдацтай өсч буйн хамгийн том илрэл. Өдгөө амьд сэрүүн буй дэлхийн зургаан тэрбум дахь иргэн Боснийн Аднан Невич ердөө 11 настай билээ. Өрх, хот, улс, цаашлаад бүс нутаг, тивдээ шинэ хүн мэндлэх нь таатай мэдээ ч илүү өргөн цараагаар тунгаавал гариг дэлхий маань энэ олон тэрбум хүнийг энгэртээ багтааж чадах уу гэдэг асуулт эрхгүй ургана.

Бүр ч аймшигтай өөр нэг баримт бол энэ зууны дунд гэхэд дэлхийн хүн ам есөн тэрбумд хүрнэ гэсэн тооцоо юм. 1.5 тэрбум хүн хоногт 1.25 ам.доллар ч хүрэхгүй мөнгөөр амь зуудаг, тэрбум орчим хүн өлсгөлөнд нэрвэгдсэн, байгаль орчин сүйрлийн ирмэгт тулчихаад байгаа одоогийн дэлхий удахгүй долоон тэрбум асуудалтай болох нь. Энэ тухай хүн ам зүйч, эрдэмтэн Роберт Кунзиг "Үндэсний газарзүй" сэтгүүлийн шинэ дугаарын тэргүүн өгүүлэлд дэлгэрэнгүй тайлбарлажээ. Түүний онцолсноор зөвхөн энэ цаг үед л дэлхийн хүн ам онцгой хурдаар өссөн. Хүн төрөлхтөн тэрбумуулаа болох гэж 1800 гаруй жил "зүдэрсэн" атлаа гурван тэрбумаас долоон тэрбум болохдоо ердөө 50 гаруйхан жил л зарцуулжээ.

Энэхүү хурдацтай өсөлт юуны түрүүнд хүний оюун ухааны хөгжил, ололт амжилттай холбоотой. Эрт цагт дэлхийн хаана ч эмэгтэй хүн арван хүүхэд төрүүлэх нь хэвийн үзэгдэл байлаа. Хүүхдүүд нь бүгд идэр настай золгохгүй гэдгийг эцэг, эхчүүд мэддэг байв. Харин энэ ойлголт анагаах ухаан, ахуй орчин сайжирснаас шалтгаалан өдгөө нэгэнт үгүй болжээ. Төрөх насны эмэгтэйд ногдох нярайн тоо дэлхийн хэмжээнд буурсан нь өрхүүд хөдөөгөөс хот суурин уруу шилжиж, цөөн гэлтгүй төрүүлсэн хүүхэд бүрээ эрүүл орчинд өсгөх чадвартай болсонтой холбоотой. Дэлхийн хүн ам одоогийн хурдаар өссөөр байвал 2050 он гэхэд дэлхий 8-11 тэрбум хүнтэй болох төлөвтэй байна. Мумбай, Лагос зэрэг их хотуудын зах дахь ядуусын хорооллоор явахад "Яаж илүү хүн агуулна даа" гэж бодогддог.

Ийн санаа зовсон эрдэмтдийн нэг, "Хүн амын тэсрэлт" номоороо алдаршсан Пол Эрлихийг Р.Кунзиг иш татжээ. "Хэт их хүн хэчнээн их гамшиг дагуулахыг би эртнээс тооцсон. Гэхдээ хэдэн жилийн өмнө Делид байхдаа хэзээ ч мартахааргүйгээр, тун аймшигтайгаар их хүний аюулыг мэдэрч билээ. Бараг 50 хэм давсан халуунд утаа, тоос, үнэр гэдэг тамтаггүй. Хүмүүс энд тэндгүй идэж, ууж, угааж, унтана. Хэрэлдэж, хэлэлцэж, зарим нь хашгирна. Таксины цонхон дээр алгаа нааж, гуйлга гуйна. Автобус, галт тэргээс зүүгдэнэ. Булан тохойд тамхи татна, бие засна. Хүмүүс,хүмүүс... Хаа сайгүй нэгнээсээ ялгагдахааргүй хүмүүс"... П.Эрлих 1966 онд буюу Энэтхэгийн хүн ам 500 сая байхад ийн бичжээ.

Өдгөө тус улсын хүн ам 1.2 тэрбумд хүрсэн бөгөөд энэ зууны дунд гэхэд 1.7 тэрбум болох төлөвтэй байгаа. Гэхдээ дэлхийд хангалттай орон зай бий эсэх нь гол бэрхшээл биш гэнэ. Р.Кунзигийн тооцоогоор есөн тэрбум хүн дэлхийгээр нэг тархан суурьшлаа ч дэлхийн хүн амын дундаж нягтрал өнөөгийн Францынхтай дүйнэ. Тиймээс хүн ам зүйчид орон зайд биш байгалийн чадамж хийгээд хүний өөрийгөө тэтгэх хүч суларна гэж эмээж байгаа юм. Вашингтон дахь Дэлхийн бодлого хүрээлэнгийнхний үзэж буйгаар хэт их хүн хүнсний хомсдол дагуулж, хоол хүнсний гачаал хүн төрөлхтөн, дэлхийн соёл иргэншлийг мөхөөх гэнэ.

Тус хүрээлэнгийн санал болгосноор хүн төрөлхтнийг аврах ганц арга дэлхий нийтийг дайны үеийнх шиг бэлэн байдалд байлгах. Тэгж байж л дэлхийн хүн амыг найман тэрбумаас өсгөхгүй байх, өссөн ч хүнсний хомсдолоос сэргийлнэ гэж Дэлхийн бодлогынхон үзжээ. Найман тэрбум гэдэг НҮБ-ын 2050 онд тогтоосон хамгийн бага үзүүлэлт. Хүнсний гачаалаас гадна нийгмийн олон сөрөг хандлага хүн амын хэт өсөлтийг дагана. Дэлхийн хүн ам хурдацтайгаас гадна тун тэгш бусаар өсч байгаа. Хүнийхээ тоогоор Хятадыг хэдхэн жилийн дотор гүйцэх нь тодорхой болсон Энэтхэг ирэх хагас зуун жилд 500 сая хүн угтаж авах бол хөгжингүй орнууд гэнэтийн их наслалттай тулна.

"Дэлхийн хүн ам-2010" тайланд дурдсанаар Япон, Итали, Герман зэрэг чинээлэг орнуудад тэтгэврийн насны нэг хүнийг ердөө гуравхан хүн тэтгэхээр байгаа аж. Харин энэ үзүүлэлт Африк, Ойрхи Дорнодод 25:1 гэсэн харьцаатай байна. Дэлхийн хүн ам өсөхийн хэрээр энэ үзүүлэлт бүр ч дордож, олон улсын эдийн засаг тэтгэврийн насныхныг тэтгэх гэж туйлдаж эхэлнэ. АНУ л гэхэд ДНБ-ийхээ 8.4 хувийг нийгмийн халамжид зориулдаг бөгөөд энэ зууны дунд гэхэд эл тоо 14.5 хувьд хүрэх төлөвтэй байна.

2050 оны дэлхий хүн амын нягтрал ихтэй, настнууд олонтой, бухимдаж, цөхөрсөн улстөрчид, туйлдаж, доройтсон эдийн засагтайгаар төсөөлөгдөж байна. Ийм ирээдүйгээс зугтах арга бий юу? Боловсрол, ахуйн шинэчлэл онцгой чухал ч ихэнх шинжээчийн санал нийлдгээр цагаачлал хамгийн зөв шийдэл байж мэдэх юм. Зуун хүрэхгүй хугацаанд хөгжингүй орнууд хөдөлмөрийн насныхангүй болж, хөгжиж буй орнууд хүүхэд, залуусаар дүүрнэ. Хүн ам зүй, эдийн засгийн тогтворгүй байдлыг "анагаах" хамгийн боломжит арга тэгэхээр яах аргагүй цагаачлал юм. Улстөр, нийгмийн олон бэрхшээл үүсгэж мэдэх ч хүнээ багтааж ядсан дэлхийд их нүүдлээс өөр ямар ч арга үлдэхгүй. Өнөөгийн Америк, Японы хүн амын үзүүлэлтүүдийг харьцуулахад л цагаачлалын эерэг талыг харж болно.

Г.Лхагва

2011 он тоймчдын толинд

2011-01-27T17:55:00.000+08:00

Үйл явдлаар баян нэгэн он шувтарч, адал явдлаар дүүрэн бас нэгэн жил эхэлж байна. Шинэ жил бидэнд юу зэхээ бол. Олон улсын тоймчдын энэ оны таамаглалуудаас хамгийн онцгойг нь түүвэрлэн хүргэе.

Хүнсний хямрал дэгдэх үү
Санхүү, эдийн засгийн хямрал гэж олон жил ярьсан дэлхий дахин үүнээс хэд дахин дор гамшигт хямралтай энэ жил анх удаа нүүр тулж мэдэхээр байна. Импортын хүнсний өртөг дэлхийн хэмжээнд энэ жил 2008 оны рекорд үзүүлэлтийг ч давах гэнэ. Мөн хөдөө аж ахуйн гол бүтээгдэхүүнүүдийн үнэ хамгийн өндөр гэгдсэн өмнөх үзүүлэлтээс давах төлөвтэй байна. НҮБ-ын Хүнс, хөдөө аж ахуйн байгууллагын тооцоогоор эрдэнэшиш, буудай, буурцгийн шош зэрэг бүтээгдэхүүний үнэ урьд байгаагүйгээр өсч, зөвхөн цагаан будааны үнэ л тогтвортой байх аж. Хүнсний үнийн өсөлтөд таагүй цаг агаар хамгийн их нөлөөлдөг. Био түлш зэрэг нийтийн хэрэгцээ, шаардлага ч багагүй нөлөөлж байгаа. Энэ оны хүнсний хямрал нэг бус содон шинжтэй. Хамгийн сонирхолтой нь дэлхийн хамгийн өлсгөлөн тив гэгддэг Африкт байдал хавьгүй дээрдсэн үзүүлэлт байна. Тиймээс 2007-2008 оных шиг хүнснээс үүдэлтэй жагсаал цуглаан энэ онд цөөн болно.

Хоёр Солонгос нэгдэх үү
Яав ч үгүй. Солонгосын хойгийн асуудлыг нэгмөсөн шийдэх хамгийн зөв арга яах аргагүй нэгдмэл Солонгос Улсыг байгуулах ч одоогоор энэ нь хамгийн боломжгүйд тооцогдоод байна. Ким Чен Ирийн суудлаа хүлээлгэх явц тун ээдрээтэй байгаа энэ үед Пхеньяны дотоод хүрээллийнхэн хүртэл ихэд барьц алдаж байгаа бололтой. Сөүлийн албаныхан ч мөн ямар нэг үйл явдлын гэнэтийн өрнөлөөс эмээж байгаа. Солонгос үндэстэн нэг л өдөр нэгдэхийг үгүйсгэх аргагүй ч тийм онцгой чухал түүхэн эргэлт энэ онд л лав болохгүй.

АНУ, НАТО-гийн хүчин Афганистаны дайнд ялах уу
Арав дахь оноо угтаж буй Афганистаны дайн чухам энэ жил л НАТО-гийн албаныхны хүссэнээр өрнөж мэдэх юм. АНУ болон тус улсын холбоотнууд өдгөө талибуудын гол түшиц газрыг овоо хараандаа аваад байгаа. НАТО-гийн албан хаагчид туршлагатай, тооны хувьд чамлагдахааргүй болж, Афганы арми ч хүн, хүчний хувьд хурдацтай өссөн. Гэсэн ч амар дайн гэж үгүй. Афганистан, Пакистаны хилийн зурвас нутагт пакистан босогчид хүчирхэгжсэн нь америкчуудыг зовоож эхэлсэн бол Кабулын эрх баригчдын дунд авлига, засаглалын "гажиг" бүр ч дордсоор байна. Юутай ч зэвсэгт босогчдын хүч өмнөх жилүүдийнхээс суларсан тул энгийн иргэд болон энхийг сахиулагчдын эндэгдэл буурна гэдэгт ажиглагчид итгэлтэй байгаа.

Мубаракийн эрин төгсөх үү
Мубаракийнхан хүсэхгүй бол үгүй. Бие нь сүүлийн хэдэн жилд ихэд чилээрхэх болсон Ерөнхийлөгч Хосни Мубарак 1981 оноос хойш хашсан төрийн тэргүүний албаа амар хүлээлгэж өгөхгүйгээ нуухгүй байгаа. Харин эрүүл мэнд нь дордсоор байвал энэ оны сонгуульд оролцолгүй өөрийнхөө оронд хүү Гамалаа удирдагчийн суудал уруу зүтгүүлж мэдэх юм. Хүүгээ үнэхээр залгамжлагчаа болгохыг хүсвэл ахмад Мубарак залуу Мубаракийг Ерөнхийлөгч болгох ажлыг өөрөө ахлах хэрэгтэй. Түүнийг үгүй болчихвол армийнхан төдийгүй эрх баригч Үндэсний ардчилсан намд залуу Мубаракийг дэмжигчид олон үлдэхгүй болов уу.

Суданд иргэний дайн дэгдэх үү
Энэ улс ямар ч үед үймээнтэй байдаг нь бараг л бичигдээгүй хууль. Олны тэсэн ядан хүлээж байгаа энэ сарын бүх нийтийн санал асуулга Өмнөд Судан тусгаар улс болох эсэхийг шийдэх бөгөөд дүн нь ямар байхаас үл хамааран тус улс үймж мэдэхээр байна. Гэхдээ Хартумын эрх баригчид, өмнөдийн зэвсэгт босогчдын хэн хэн нь Африкийн хамгийн олон жил үргэлжилсэн иргэний дайныг сэдрээхийг хүсэхгүй нь мэдээж. Өмнөд, умардын хилийн бүс нутаг дахь газрын тосны арвин нөөцийг ашиг, тус болгох эсэх нь мөн талуудын зөвшилцөл, ойлголцлоос хамаарна. Өмнөд Судан Хартумын засаглалаас хараат бус болох нь бараг л тодорхой болсон энэ үед Суданы төдийгүй бүс нутгийн зэвсэгт хүчнийхэн болзошгүй аюулд бэлэн байхыг хичээж байна. Дэлхийн отгон улсыг цогцлоох явц дайнтай биш юм гэхэд түгшүүртэй байх нь гарцаагүй.

Европын нийгмийн хямрал даамжрах уу
Европын холбоо даяар эрх баригчид хэмнэх бодлого баримталж, ажилгүйчүүдийн эгнээ тэлэх болсон. Өнгөрсөн сарын эхээр Европын олон улсад эсэргүүцлийн жагсаал цуглаан гаарсан бөгөөд бүгд гүндээ өөр өөр шалтгаантай ч иргэдийн дунд нийтлэг нэг эмзэглэл, дургүйцэл байсан нь албаныхны хэмнэх, хөрөнгө танах бодлого юм. Санхүү, эдийн засгийн хямралд барих төрийнхөө шийдвэрийг эсэргүүцэгчид энэ онд бүр ч нэмэгдэнэ. Эдийн засгийн суурь нь бүхлээрээ ганхсан Грек, Ирланд Олон улсын валютын сангийн хэмнэлтийн олон бодлогод түүртэж эхэлсэн бол Португали, Испани, магадгүй Итали, Бельги зэрэг улс гадны зээлдээ бүр ч орооцолдож мэдэх юм. Хэмнэх бодлого Британийн улстөрд ч нөлөөлж магадгүй. Ерөнхийлөгч Николя Саркозийн нэр хүнд мөн л эдийн засгийн шалтгаанаар улам бүдгэрч, Францыг сүүлийн хэдэн арван жилд тохиогоогүй улстөрийн хямрал уруу чирч мэднэ. Зарим шинжээчийн таамаглаж буйгаар европчууд 1848, 1968 оныг санагдуулам их эсэргүүцлийн хөдөлгөөнийг энэ жил өрнүүлэх гэнэ.

"WikiLeaks" сэргэх үү
Мэдээж сэргэнэ. Гэхдээ цахим талбарыг урьдын адил эзэгнэхгүй. Афганистан, Иракийн дайны олон нууцыг дэлгэснийхээ хариуд Жулиан Ассанж нэр хүндтэй нэгэн болсон ч хүчингийн хэрэгт холбогдсон, дипломат төлөөлөгчдийн маш нууц захидал, баримтыг дэлгэсэн зэрэг нь түүнийг сүүдэрлэн дагасаар байх болно. Ж.Ассанжийн "тэрслэх" кампанит ажил дуусаагүй нь мэдээж. Гэхдээ "WikiLeaks''-ийн хувьд нууц баримт хуулбарлагчдын шинэ цахим хуудсууд энэ оны гол шалгуур байна. Яг л дуу татах "Napster" сайт байр сууриа алдсан шиг "WikiLeaks" содон бизнесээ алдаж эхэлнэ.

Нефть дуусах уу
Газрын тосны хэрэгцээ, шаардлага энэ онд бүр ч өснө. Олон улсын эрчим хүчний агентлагийн тооцоогоор өнгөрсөн онд дэлхий дахины нефтийн хоногийн хэрэглээ 2.3 сая баррель байсан нь түүхэн дэх хоёр дахь өндөр үзүүлэлт юм. Олон орны эдийн засаг хурдацтай өсч байгаа нь үүнд хамгийн их нөлөөлж байгаа. Гэвч ОПЕК-ийн орнууд хар алтны нөөц, олборлолтоос илүү үнэд илүү санаа зовж байна. Тиймээс нефтийн үнийг хэт өсгөж, хэт бууруулахгүй байхад газрын тосны салбарынхан энэ онд хамгийн их анхаарна. Шинжээчдийн санал нийлж байгаагаар 2011 он баррель нефтийн үнэ дахин 100 ам.доллар давсан жил хэмээн түүхэнд үлдэнэ.

Г.Лхагва

2010 онд Британийн 160 иргэн саятан болжээ

2011-01-25T17:52:00.000+08:00

Их Британийн 160 орчим иргэн 2010 онд сугалаанд аз таарч саятан болсон тухай Үндэсний сугалааны (National Lottery) зохион байгуулагчид мэдэгдэв.

Өнгөрсөн онд тус улсын 26 оршин суугч National Lottery-ийн ачаар саятан болсон байна. Тэгвэл өнгөрсөн онд 158 хүн гол шагналын эзэн болж нийт 775 сая паунд хожсон аж.

Хамгийн том буюу 113 сая паундыг хожсон хүн нэрээ нууцлахыг хүссэн бөгөөд тэрээр Британийн хамгийн баян 589 хүний нэг болсон юм.

Зул сарын баярын сугалаагаар 25 хүн шинээр саятны жагсаалтад орж иржээ. 16 жилийн өмнөөс эхэлсэн National Lottery сугалаа 2010 оны аравдугаар сард 2500 дахь саятнаа төрүүлсэн байна.

Япон: Стратегийн металлын зах зээл

2011-01-24T17:52:00.000+08:00

Өөрийн гэх бараг нөөцгүй Япон улс, аж үйлдвэрийнхээ орчин үеийн салбарыг хөгжүүлэхийн тулд стратегийн гол түүхий эдээр тогтвортой хангах асуудлыг эрчимтэй авч үзэх болжээ. Энэ асуудлыг шийдвэрлэх үүднээс тус улсын Засгийн газар нь хувийн хэвшилтэйгээ гэрээтэй ажиллаж эхэлж байна.

Гадаад түншүүдтэй ажиллах үндсэн хэлбэр нь хөрөнгө оруулалт хийж, хамтарсан шинэ үйлдвэр байгуулж байна. Түүнээс гадна төр нь байгалийн баялаг ихтэй улс оронд эдийн засгийн дэмжлэг үзүүлдэг байна.

Их Наран улсад ховор металл нэлээд эрэлт хэрэгцээтэй байдаг. Эдгээр металлаар тэд цахилгаан болон эрлийз автомашин, нарны зай болон галт тэрэгний гол хөдөлгүүр үйлдвэрлэдэг бөгөөд үүгээрээ дэлхийд өрсөлдөх чадвараараа дээгүүрт ордог.

Өнгөрсөн наймдугаар сард Японы Гадаад харилцааны сайд К.Окада Хятадаас нийлүүлэгдэх стратегийн металлд хязгаар тавьсныг хүчингүй болгох асуудлаар Бээжинд хэлэлцээр хийсэн нь амжилтгүй болсон байна. Харин жил бүр ховор металлын худалдааны асуудлаар дэд сайдуудын хэмжээнд талууд ярилцахаар тогтжээ.

Facebook-ийн хөрөнгийг 50 тэрбум доллараар үнэллээ

2011-01-22T17:49:00.000+08:00

Хөрөнгө оруулалтын "Goldman Sachs" банк Faсеbook нийгмийн сүлжээний нийт хөрөнгийг 50 тэрбумд хүргэлээ.

Тус банк Оросын хөрөнгө оруулалтын "DST" компанитай хамтран Facebook-ийн хөгжилд 500 сая доллар оруулсан байна.

Тодруулбал, "Goldman Sachs" 450 сая, "DST" 50 сая доллар хандивлажээ. "Goldman Sachs''-ийн үнэлснээр, эдүгээ Facebook нь Yahoo!, eBay, Time Warner зэрэг корпорациудаас ч илүү үнэлгээтэй болсон ажээ.

"Wikipedia" 10 нас хүрлээ

2011-01-21T17:46:00.000+08:00

Интернэт соёлын ойлголттой хүмүүст ч байх боломжгүй мэт санагдаж байсан цахим нэвтэрхий толийг бодит хэрэглээ болгож, дэлхий нийтийг танин мэдэхүй, мэдээллийн их сүлжээнд холбосон "Wikipedia"-гийнхэн өнгөрөгч бямба гаригт 10 насныхаа ойг тэмдэглэлээ.

Уг сайтыг үндэслэгчийн нэг Жимми Уэйлсийн хэлснээр цахим нэвтэрхий толийн төрсөн өдөр интернэтээс мэдлэг, мэдээлэл олж авдаг хүн бүрийн баяр юм. 2000 оны эхээр "мэндэлсэн" цахим нэвтэрхий толь 2001 оны нэгдүгээр сарын 16-нд анх интернэтэд үйлчилж эхэлжээ.

Мэдээллийн нэгдсэн сан байгуулах хүсэл нь 270 хэлээр үйл ажиллагаа явуулдаг, 17 сая нийтлэлийн сантай, хоногт 400 сая гаруй хэрэглэгч хүлээж авдаг дэлхийн хэмжээний үзэгдэл болно гэж Ж.Уэйлс төсөөлөө ч үгүй гэдэг. Өдгөө "Wikipedia" дэлхийн топ арван сайтын нэг болсон төдийгүй уншигчдынх нь тоо хамгийн хурдтай өсч буй цахим хуудсаар сүүлийн гурван жил дараалан шалгарчээ.

Гэвч цахим нэвтэрхий толийн зохиогч, техникчид энэ амжилтыг "Wikipedia"-ийн оргил гэж үзэхгүй байна. Ж.Уэйлс тэргүүтэй танин мэдэхүйн эрэлчид тэрбум хүнийг байнгын хэрэглэгчээ болгох зорилт тавьжээ. Мөн АНУ-аас гадна байрлах офисуудынхаа тоог нэмэх гэнэ. Ойн өмнөхөн Америкаас гаднах "Wikipedia"-ийн анхны салбар Энэтхэгт үүдээ нээсэн юм.

Г.Дулам

iPad планшетийн зах зээлийн 87% хангаж байна

2011-01-21T15:53:00.001+08:00

Судалгааны IDC компани 2010 оны 3-р улирлын планшетийн зах зээлийн үзүүлэлтийг гаргалаа. Дэлхийн планшетийн зах зээл 45,1 хувиар өссөн бөгөөд 4,8 сая планшет 2010 оны 3-р улиралд үйлдвэрлэгдсэн байна. Харин 2010 оны 2-р улиралд 3,3 сая планшет үйлдвэрлэгджээ. IDC судалгаагаар дэлхийн зах зээлийн дийлэнх буюу 87,4 хувийг Apple iPad планшет эзэлж байгаа юм.

2010 онд дэлхийн зах зээлд 17 сая планшет худалдаалагдсан бөгөөд шинжээчдийн тооцоолсноор 2011 онд 44,6 сая, 2012 онд 70,8 сая планшет зарагдах аж. Энэ онд Android 3.0 удирдлагатай планшет болон Windows 7 webOS моделийн планшет ихээр үйлдвэрлэгдэх төлөвтэй байна.

2010 оны хамгийн муу рекламыг шалгаруулжээ

2011-01-20T18:04:00.002+08:00

Хоёр дахь жилдээ зохион байгуулагдаж байгааThe Tracy Awards нь 2010 оны хамгийн муу рекламыг тодрууллаа. 11 “ялагчдын” жагсаалт The Tracy Awards-ийн албан ёсны сайт дээр тавигдсан байна. Энэ жилийн жагсаалтад хуучин “ялагчид” болон шинэ оролцогчид багтсан байна. Ингээд хамгийн муу жүжигчилсэн тоглолтоороо “Oreo” жигнэмэгийн "Heads or Tails" /сүлд эсвэл тоо/ реклам шалгарчээ. Сонордуулахад, уг брэндийн реклам өнгөрсөн оны номинацид мөн байсан юм.

Энэ жил “‘Шилдэг фотошоп’, ‘Шилдэг копирайтинг’” зэрэг номинацуудыг шалгаруулсан. Үүнээс гадна АНУ-ын “Хариуцлагатай эмч нарын холбоо” /PCRM /-оос гаргасан McDonald's-ын антиреклам багтсан байна.

2010 оны хамгийн муу рекламаар мөн шар айрагны The Tube брэндийн видео шалгарсан юм. Шүүгчид уг рекламыг Bud Light шар айрагны “шар айраг сайхан, эрэгтэй хүмүүс тэнэг” гэсэн санааг хулгайлсан гэж үзжээ.

The Tracy Awards нь дэлхийн олон улс орнуудын рекламууд дундаас “шилдэг”-ээ шалгаруулсан ба 9-11-р сарын дунд хүртэл үргэлжлэн явсан ба хүссэн хүн бүр рекламаа явуулах боломжтой ажээ.

“Ялагчдын” жагсаалтыг хүргэж байна. Дэлгэрэнгүй мэдээллийг энд дарж үзнэ үү.

Oreo – " Heads or Tails" - Хамгийн муу жүжиглэлт
Doubletree – Double - “Шилдэг фотошоп”
Sizzler – "How do you Sizzler?" – “Шилдэг копирайтинг”
Foundation – For A Better Life "Sportsmanship" – Утга санаагаа буруу гаргаж, бусдыг доромжилсон
Summer's Eve – "How to ask for a raise." – 1963 оноос хойших “шилдэг” сексизм
Heineken – "The Tube" – Дуурайх гэсэн “шилдэг” оролдлого
State Farm – "Dap" – Албан шахалтаар олон талыг харуулах гэсэн “шилдэг” оролдлого
PCRM – "Consequences" – Гиперболын “шилдэг” ашиглалт
Courvoisier – You wish – Ихэмсэг зангийн “шилдэг” ашиглалт
Cold-EEZE – "Facebook Packaging Tie-in" – Хүүхдийн хөдөлмөр ашигласан “шилдэг” жишээ
Gravity Defying Shoes – "Sperm Logo" – Лого зохиох тухай “шилдэг” арга

“Apple” амжилт тогтоожээ

2011-01-20T17:41:00.002+08:00

“Apple” компанийн “i Phone”, “i Pad” өнгөрсөн зул сарын баяраар хамгийн гүйлгээтэй бараа байжээ. Эдгээр болон бусад барааны тус компанид оруулсан сүүлийн гурван сарын орлого нь зургаан тэрбум ам.доллар болсон байна.

Тус компанийн тэргүүн Стив Жобс “Барааны борлуулалт өндөр хувьтай байгаад сэтгэл хангалуун байна. Бидний энэ амжилт технологийн дэвшилтэй салшгүй холбоотой” гэжээ. Дашрамд дуулгахад, тэрбээр өнгөрсөн даваа гаригаас эхлэн эмнэлгийн тодорхойлолтоор хэсэг хугацаанд ажлаасаа хөндийрснөө мэдэгдсэн юм.

Лондонгийн төвийн дүүрэгт электрон барааны худалдаа эрхэлдэг Санчес Скуз “Би Apple компанийн бараагаар дэлгүүрийнхээ лангууг дүүргэх дуртай. Тэд үргэлж шинэлэг зүйлийг бүтээдэг нь бидний ашигт сайнаар нөлөөлдөг” гэжээ.

Үйлдвэрлэгдсэн цагаасаа хойш эрэлттэй байгаа “i Phone” гар утасны борлуулалт өнгөрсөн онд тус компанид 16.24 сая ам.долларын орлого оруулжээ. Харин хэрэглэгчдийн талархлыг хүлээгээд байгаа “i Pad” 7.33, “i Pod” 19.45 сая ам.долларын орлого олсон байна. Мэргэжилтнүүдийн тогтоосноор өнгөрсөн онд “Apple” компани цагт 354 ам.доллар олсон гэнэ. Энэ бол тус компанийн түүхэнд байгаагүй үзүүлэлт ажээ.

Д.Түвшинтөр

Интернэт худалдааны хэмжээ дөрвөн триллионд хүрэв

2011-01-20T17:39:00.001+08:00

Өнгөрсөн онд Хятадын интернэт худалдааны зах зээлийн арилжааны хэмжээ дөрвөн триллион 500 тэрбум юаньд хүрч, өмнөх оныхоос 22 хувиар нэмэгдсэн гэж тус улсын Интернэт худалдааны судалгааны төвийнхэн мэдээлжээ.

Интернэт худалдааны арилжаа ийнхүү нэмэгдсэн нь ихэвчлэн жижиг дунд аж ахуйн нэгжийн цахим худалдаанд оролцохыг дорвитой дэмжиж ирсэнтэй холбоотой гэж мэргэжилтнүүд үзэж байна. Үүний сацуу цахим худалдааны бизнесменүүд шинээр хөгжиж байгаа аж ахуйн нэгжид хөнгөлөлттэй бодлого хэрэгжүүлсэн аж.

Хятадын Интернэт худалдааны судалгааны төвийн мэргэжилтэн Ян Жоупин “Интернэт худалдаа нь мэдээллийн зуунд ихээхэн ашиг олох боломжтой хувилбар. Одоо бараагаа зах дээр зарах цаг нь үеэ элээж байна” гэв.

Хятадуудын гуравны нэг нь интернэт хэрэглэдэг

2011-01-17T15:57:00.000+08:00

Хятад улсын интернэт хэрэглээний 2010 оны тайлан саяхан гарчээ. Уг тайланд 2010 оны эцсийн байдлаар Хятад улсад интернэт хэрэглэгчдийн тоо 457 саяд хүрч, өмнөх онтой харьцуулахад 73,3 саяаар өссөн байна. Хятадын интернэт хэрэглэгчид нэг долоо хоногт дунджаар 18,3 цаг, нэг хоногт 2,61 цагийг интернэт орчинд өнгөрүүлдэг болжээ. Хятадын алслагдсан муж, хөдөө тосгонд интернэт хэрэглэгчид 16,9 хувиар өсч, 125 саяд хүрсэн нь Хятад улсад интернэтийн дэд бүтэц сайжирсныг харуулж байна.

Түүнчлэн интернэтээр төлбөр тооцоо хийх, бараа бүтээгдэхүүн захиалж, худалдан авах хэмжээ 2009 онтой харьцуулахад 48 хувиар өсчээ. Нийт интернэт хэрэглэгчдийн 66,2 хувь нь гар утаснаасаа интернэтэд холбогддог бөгөөд өмнөх оноос мөн 5,4 хувиар өсчээ. Харин интернэтийн хурд 2009 онд харьцангуй удаан 100.9 кб/с байсан бол 2010 онд 212.5 кб/с болсон ч, дэлхийн интернэтийн хурдны дундаж хэмжээнд хараахан хүрээгүй байна.

Б. Энхцэцэг

Хямралаас жижиг бизнес аажмаар гарч байна

2010-10-19T23:23:00.000+08:00

Жижиг бизнес бол АНУ-ын инновацийн үндсэн эх үүсвэр гэж "Deutsche Ваnк"-ны судалгааны багийнхны гаргасан "US small business post-crisis" илтгэлд тэмдэглэсэн байна. Америкийн эдийн засгийн энэ секторт нь ажиллах хүч нэлээд хувийг эзэлдэг байна. Жишээлбэл, 1993-2008 онд ажиллах хүчний 64 хувь нь жижиг бизнесийн салбарт оногдож байв.

2007 онд Америкийн экспортонд жижиг бизнесийн хувийн жин 30.2 хувьтай байсан бөгөөд томоохон компаниудтай харьцуулахад 13 дахин их жижиг компаниуд байгуулагдаж байна.

Сүүлийн эдийн засгийн хямралын үеэр 500 орчим ажиллах хүчинтэй жижиг бизнес эрхлэгчид нэлээд алдагдал хүлээсэн. Ялангуяа барилгын салбарынхан хүчтэй хямралд өртжээ. Харин одоо хямралаас гарах үйл ажиллагаа нь олигтой сайн сэргэж чадахгүй байна. Шинжээчид энэ шалтгааныг жижиг бизнест зориулсан банкны зээл нь хатуу нөхцөлтэй гэж үзсэн байна. Мөн түүнчлэн худалдааны нийт хэмжээ доогуур, эдийн засгийн хөгжлийн ойрын ирээдүй тодорхойгүй байна гэж дүгнэжээ.

Америкийн жижиг бизнесийн хөгжилд үл хөдлөх хөрөнгийн үнэ буурсан нь сөрөг нөлөө үзүүлсээр байна. Орон сууцны зах зээлийн өсөлт нь жижиг бизнесийнхэнд өнөөдөр өндийж чадахгүй байгаагийн бас нэгэн шалтгаан нь болоод байна.

Өнгөрсөн онд жижиг бизнесийг дэмжихэд төр нь тусгай хөтөлбөр боловсруулж гаргасан нь юуны өмнө
барилгын секторт хандуулсан байжээ. Тэгвэл саяхан Конгресс нь 2010 онд ажлын байр нэмэгдүүлсэн компаниудыг татвараас хөнгөлөх тухай хуулийг гаргажээ. Гэвч Германы шинжээчид энэ арга хэмжээ бол жижиг бизнест эерэг нөлөө урт хугацаанд үзүүлж чадахгүй гэж үзсэн байна.

Илтгэлд АНУ-ын жижиг бизнесийн салбарыг сайжруулах гол хөшүүрэг нь дотоодын хэрэглээний эрэлтийг нэмэгдүүлэх, санхүүжилтийн асуудлыг хөнгөлөхөд оршино гэж дурьдсан байна. Энэ оны эхний хагас жилийн байдлаар Америкт худалдан авалт нэлээд өссөн байна. Ойрын жилүүдэд хэрэглээний өсөлт тогтвортой байвал жижиг бизнесийн ашиг орлого болон худалдаа нэмэгдэхэд хөшүүрэг болно гэж шинжээчид үзжээ.

Гучин таван долларын үнэтэй компьютер

2010-10-18T11:21:00.000+08:00

Энэтхэгт 2011 онд багтаж дор хаяж 35 ам.доллараас илүүгүй үнэтэй компьютер үйлдвэрлэх гэнэ.

Хэрвээ энэ төсөл амжилттай биелэгдэх тохиолдолд үнээ 10 долларт хүргэх боломжтой гэж мэдэгдэж байна. Энэхүү компьютер оюутнуудад зориулсан бөгөөд уг төхөөрөмжөөр интернэт рүү орох болон видео хурал хийх ач холбогдолтой аж.

Түүнээс гадна энэхүү компьютер нь нарны эрчим хүчээр тэжээгдэж, эрчим хүчний зардал өндөртэй улс оронд тохиромжтой юм байна. Энэ тохиолдолд Энэтхэгийн хэрэглэгч "Associated Press" компанид нэмэлт төлбөр төлөх гэнэ.

Энэтхэгийн Хүн амын нөөцийн яам, уг компьютер нь Массачусетын технологийн их сургуулиас 2005 онд үйлдвэрлэсэн 100 ам.долларын үнэтэй, хөгжиж буй орнуудын хүүхдүүдэд зориулагдсан компьютерт хариу барьж байгаа юм гэж хэлж байна.

Хар алтны хаан орнууд

2010-10-15T23:19:00.000+08:00

Газрын тосны нөөц олборлолтоороо дэлхийд тэргүүлэгч улсуудыг жагсаажээ. Энэ жагсаалтыг гаргахдаа газрын тос, байгалийн хийн нөөц болон үйлдвэрлэл, экспортын хэмжээ зэргийг нь тооцон үзжээ. Тухайлбал нэг өдөрт хичнээн торх газрын тос олборлодгийг нь авч үзсэн байна. Сонирхуулахад нэг торх буюу баррель гэдэг нь 159 литр орчим хэмжээг хэлдэг байна.

1. САУДИ АРАБ
Саудийн Араб бол дэлхийн хамгийн том газрын тос экспортлогч улс юм. Үүнийг ганцхан жишээгээр тодотгоё. Саудын Арабын экспортын барааны 90 хувийг газрын тос эзэлдэг бөгөөд газрын тосноос олсон орлогынхоо ихэнхийг буюу 75 хувийг засгийн газар нь нийгмийн халамжид зориулдаг байна.

2. ОХУ
Манай хойд хөрш бурхнаас хуваарилсан их баялагтай ард түмэн. Сүүлийн жилүүдэд дэлхийн зах зээл дээр газрын тосны үнэ өссөнөөс үүдэн шатах, тослох бүтээгдэхүүний үнэ ч өссөн нь ийм төрлийн бүтээгдэхүүн, цахилгаан экпортолдог ОХУ-ын эдийн засгийн өсөлтөд маш их нөлөөлсөн юм. Энэ улсын дотоодын цахилгаан дулаан хэрэглэгчид байгалийн хий ашигладаг. ОХУ-ын газрын тосны нийт хэмжээ бүрэн тодорхойлогдоогүй, одоо ч шинэ орд газрууд нээгдсээр байгаа бөгөөд энэ төрлийн бүтээгдэхүүний хэмжээгээрээ дэлхийд аман хүзүүдэж явна.

3. ИРАН
Иран 1997 он гэхэд л 8438 километр урт нефть дамжуулах хоолойтой байв. Мөн үүнээс гадна 19161 километр байгалийн хийн хоолойтой байсан байна. Иран нь Евроазийн төвд байрладаг газар нутаг, эдийн засгийн ач холбогдол өндөртэй, супер байршилтай нутаг юм. Сүүлийн цөөн хэдэн жилд байгалийн хий, газрын тосны үйлдвэрлэл нь улам бүр өргөжин тэлж, дэлхийн тэргүүлэх экспортлогчдын нэг болоод байна.

4. МЕКСИК
Төв Америкийн бүс нутгийнхаа хүчирхэг орны нэг нь Мексик бөгөөд 1994 оноос Эдийн засгийн хамтын ажиллагаа, хөгжлийн байгууллагад (ОЕСЭ) элссэн цорын ганц Латин Америкийн орон болжээ. Тус улс 2008 онд дэлхийн хамгийн том газрын тос бэлтгэн нийлүүлэгч орнуудын жагсаалтад долдугаарт бичигдэж байв. Мексикийн газрын тосны бүтээгдэхүүний 88 хувийг нь боловсруулаагүй болон хагас боловсруулсан газрын тос, шингэрүүлсэн байгалийн хий эзэлдэг байна. Мексик улс нь энэ онд өдөрт 2.7 сая торх газрын тос боловсруулах ажээ.

5. ХЯТАД
Монгол улс газрын тосны арвин их нөөцтэй хоёр том хөршийн дунд оршдог болохоор манайд ч гэсэн энэ төрлийн бүтээгдэхүүний томоохон нөөц байх магадлалтай билээ. Хятад улс нь АНУ-ын дараа орох газрын тос үйлдвэрлэгч томоохон улсын нэг юм. Хятад нь 2010 онд өдөрт дөрвөн сая торх газрын тос гаргахаар байгаа юм. Зарим нэг эх сурвалжид дурдсанаар Хятад улсыг 16 тэрбум баррель газрын тосны нөөцтэй гэжээ.

6. НОРВЕГИ
Скандиновын хойгийн Норвеги улс байгалийнхний, газрын тосны салбар сайн хөгжсөн бөгөөд шатахуун түлшний хамгийн том үйлдвэрлэгч улс юм. Норвегийн газрын тосны нөөцтэй ажээ. Энэ улсад одоо ч гэсэн байгалийн хийн ордууд шинээр илэрсээр байна. Норвегийн засгийн газар нь Баррент тэнгисийн бүс нутгийг дэмжин хөгжүүлж байна.

7. КАНАД
Канад нь өнгөрсөн жилийн нэгдүгээр сард 178 тэрбум торх тос олборлосноор Саудын Арабын дараа орж байсан юм. Канад улс нь 2008 онд өдөрт нэг сая торх газрын тос экспортолж байжээ. Экспортынх нь ихэнхийг АНУ авдаг байна.

8. ВЕНЕСУЭЛЬ
Өмнөд Америкийн Венесуэль нь өнгөрсөн онд 99 тэрбум торх газрын тос олборложээ. Венесуэль нь дэлхийн зах зээл дээр газрын тос бэлтгэн нийлүүлэгч томоохон улсын нэг бөгөөд сүүлийн жилүүдэд газрын тосны үйлдвэрлэл багассан аж.

9. АРАБЫН НЭГДСЭН ЭМИРАТ
Энэ орны өнөөгийн гайхам хөгжлийн зангилаа энэ газрын тостой холбоотой. АНЭ улс нь өнгөрсөн жилийн нэгдүгээр сард 97.8 тэрбум торх тос олзворлосон байна. АНЭ нь газрын тосыг түүхийгээр нь болон олон янзын боловсруулсан байдлаар экспортолдог байна.

10. КУВЕЙТ
Арабын ертөнцийн баян орнуудын нэг Кувейтийн газар нутгийн 10.35 хувь газрын тосны нөөцтэй гэсэн байна. Энэхүү бүс нутгаас 2001 онд өдөрт 22.87 сая торх газрын тос олборлосон бол 2008 онд 26.29 сая торх газрын тос олборлосон байна. Кувейт нь нэг хүнд ногдох дотоодын нийт бүтээгдэхүүнээр дэлхийд гуравт ордог.

"Newsweek" сэтгүүлээ худалджээ

2010-10-13T11:13:00.000+08:00

"Вашингтон Пост" Америкийн долоо хоног тутмын олны танил "Newsweek" сэтгүүлээ 91 настай тэрбумтан Сидни Харманд худалдсан байна. Ноён С.Харман нь аудио техник үйлдвэрлэдэг "Harman International Industries" компанитай юм.

Энэхүү сэтгүүлийн худалдаа хэдээр явагдсан тухай мэдээлэл одоогоор алга байна. Сэтгүүлийн шинэ эзэн редакцийн ихэнх сэтгүүлчдийг ажлын орон тоон дээр нь хэвээр үлдээж , харин ерөнхий редактор Жо Мичийг суудлаа тавьж өгөхийг хүсжээ. Дашрамд сонирхуулахад "Вашингтон Пост" нь 1961 оноос эхэлж "Newsweek"-ээ худалдах тухай зараа гаргаж байжээ. Түүний дагуу 70 компаниас хүсэлт ирсэн гэдэг

business times

Аз жаргал 75 мянган ам.доллараас эхэлдэг

2010-10-11T11:10:00.000+08:00

Принстоны их сургуулийн эрдэмтэд аз жаргал 75 мянган ам.доллараас эхэлдэг гэж үзэж байна. Жилдээ энэ хэмжээний орлого олдог иргэдийн амьдрал амгалан, сэтгэлзүй ихэд өөдрөг болдог гэнэ.

Ангус Дитон, Дэниел Канеман нарын эрдэмтэд 2008-2009 онд АНУ-ын 450 мянган иргэний дунд санал асуулга явуулсны дүнд ийм шийдэлд хүрчээ.

"Жилийн орлого нь 75 мянгаас давсан гэр бүлийнхэн өдөр тутмын амьдралдаа санаа зоволгүй амьдарч эхэлдэг. Тэд даатгалаа бүрэн хэмжээгээр төлчихсөн тул гэнэтийн аюулаас ч айхгүй. Үүнийгээ дагаад амьдралдаа сэтгэл хангалуун, өөдрөг болдог" гэж Дитон тайлбарлажээ.

Аз жаргалын үнийг тогтоохын тулд эрдэмтэд олон судалгаа, санал асуулга явуулж байснаас энэ удаагийнх илүү бодитой болж чадсан гэж үзэж байгаа юм.

"Мөнгө хүнийг шууд аз жаргалтай болгодог гэж хэлж болохгүй. Гэхдээ хоол унд, хувцас хэрэглэл, орон сууц, эрүүл мэндийн асуудалдаа толгой өвдөхөөргүй мөнгөтэй, орлоготой болсон цагт л хүн амгалан, сэтгэл хангалуун байх боломж нээгддэг. 75 мянган ам.доллараас доош орлоготой гэр бүл өөрсдийгөө аз жаргалыг бүрэн мэдэрдэггүй гэж ойлгож болохгүй. Гэр бүл хэдэн гишүүнтэй, ямар хотод, санхүүгийн ямар нөхцөл байдлын дор амьдардаг нь энд бас хамаарна. Тэгэхээр зөвхөн 75 мянга гэсэн тоог шүтэх хэрэггүй" гэж эрдэмтэн Дитон үргэлжлүүлэн ярьжээ.

Ядуу гэр бүлийнхэн өвчлөх нь элбэг, салалт ч төдий хэмжээгээр нэмэгддэг гэнэ. Мөн амралтын өдрүүдээр биеийнхээ алжаалыг бүрэн тайлж чаддаггүй ажээ.

"Амьдрал шударга биш гэдгийг хүмүүс бүгд мэддэг. Гэхдээ бидний судалгаа үнэхээр аз жаргалын босго мөнгө байж л хүмүүс алжаалаа бүрэн тайлж, амгалан амьдарч болохыг нотолсон" гэж Дитон дүгнэлтдээ дурьджээ.

Р.Гэгээ

Гүүгл телевизийн хөгжлийг шинэ шатанд аваачна

2010-10-08T23:08:00.000+08:00

Интернэтийн хайлтын системийн тэргүүлэгч Гүүгл компани “Гүүгл ТВ” хэмээх шинэ бүтээгдэхүүнээ энэ онд багтааж зах зээлд гаргахаар зарлаад байгаа.

Үйлчилгээний гол зорилго нь интернэт дэх видео контентуудыг ТВ дээр хялбар үзэх боломж олгох.
Энэ нь программ хангамжийн платформ бөгөөд хэд хэдэн төхөөрөмж үйлдвэрлэгчидтэй хамтарч нэг цогц үйлчилгээ болгох төлөвлөгөөтэй байгаа аж.

Программ хангамжийн хэсэг нь Андройд үйлдлийн систем дээр суурилсан, Хром броузер ашигладаг байх ба видео тоглуулагч нь Адоб Флаш тоглуулагч 10.1 байх нээ.

Харин төхөөрөмж талдаа тэд Sony, LogiTech, Dish Network, Intel компаниудтай хамтрах аж.

Тухайлбал:
-Сони нь Гүүгл ТВ систем агуулсан ТВ, Блю Рай диск тоглуулагчдаа энэ намар багтаан гаргана
-Ложитек нь Гүүгл ТВ-г дэмжих хүлээн авагч боксыг удирдлагатай нь үйлдвэрлэнэ (Андройд системтэй гар утаснаас тусгай программын тусламжтай мөн удирдаж болно)
-Диш нэтворк компани хиймэл дагуулаар хүлээн авах төхөөрөмжийг үйлдвэрлэх гэнэ.
-Харин Интел дээрх бүх төхөөрөмж дотор ажиллах Atom CE4100 чипийг бүтээх ажээ. Энэ нь HD хүртэл өндөр чанартай видеог хурдтайгаар декод хийх чадвартай гэнэ.

Мөн Best Buy онлайн худалдааны сүлжээ борлуулалт тал дээр нь хамтрах ажээ.

Ер нь Интернэт ба ТВ-г холбох нь цоо шинэ санаа биш бөгөөд өмнө нь гарч байсан санаачлагууд дампуурч байсан түүхтэй. Харин мөнгөтэй, технологийн чадавхтай Гүүгл чадах эсэхийг харах үлдлээ.

Одоо зах зээл дээр ихэнх ТВ үйлдвэрлэгчид Интернэтэд холбогддог ТВ гаргаад байгаа. Гэхдээ тэд нь зөвхөн урьдчилан тохируулсан цөөн тооны сайтуудтай холбогдож ажилладаг. Жишээ нь Youtube, Netflix, Picasa гэх мэт.

Харин Гүүгл ТВ нь дурын вебээс видео тоглуулах чадвартайгаараа онцлог.

Дашрамд дурдахад Үндэсний портал GoGo.mn-ээс удахгүй нэвтрүүлэх онлайн видео үйлчилгээ нь Гүүгл ТВ платформтой бүрэн нийцэх ажээ.

GoGo R&D team

Их хэмжээний орлоготой болгосон санаанууд

2010-10-08T11:02:00.000+08:00

1. Million Dollar Homepage: Английн жирийн нэгэн оюутан өөрийн вэб сайтын дэлгэцийн нэг пексилийг нэг доллараар зарна хэмээн зар тавьснаар нэг сая доллар олж чаджээ. Уг сайтын нийт пексил нь нэг сая. Ийнхүү тэрээр бүх пексилээ зарж нэг сая ам.доллар олсон байна.

2. Santa Mail: Вуron Reese хэмээх залуу өөрийн вэб сайтандаа Санта Клаусын өмнөөс хүүхдүүдэд 10 доллараар захидал бичиж өгнө хэмээн зар тавьснаар асар баян болсон байна. 2001 оноос одоог хүртэл нийт 200 мянган захидал бичиж илгээсэн бөгөөд жилийн орлого нь нэг тэрбум болсон гэнэ.

3. Laser Monks: МС Соy хэмээх хүн принтерийн хор дуусах бүрд байнга худалдан авах нь маш үнэтэй байсан учир принтерийн хор цэнэглэх аргыг нээн гаргажээ. Энэ бизнес нь анхандаа тийм ч сайн байгаагүй ч одоо бол өдөрт 200-300 захиалга авдаг гэнэ. Жилийн орлого нь 250 мянган ам.доллар болжээ.

4. AntennaBalls: Жайсон Волл хэмээх хүн 1997онд авто машины антины үзүүрт гоёмсог бөмбөлөг хийж зарах санаа сэджээ. Тэрхүү санаа нь амжилттай болж 115 мянган ам.доллар олсон бөгөөд одоогоор 50 төрлийн антины бөмбөлөг хийж жилд дөрвөн саяыг зардаг гэнэ.

5. FitDeck: Пилл Блак гэдэг хүн биеийн тамирын үндсэн хөдөлгөөний зургийг үзүүлсэн картын цуглуулга бүтээн тэрийгээ бизнес болгожээ. Энэхүү санаа нь маш амжилттай болж жилийн турш 4.7 сая ам.долларын ашиг олсон бизнес болжээ.

6. PositivesDating.Com: Паул Грави болон Брандон Койчилин гэдэг хүмүүс ДОХ-ын вирүстай хүмүүстэй болзох хүн илүү олон байх болов уу хэмээн бодож ДОХ-той хүмүүстэй болзох болзооны сайт нээн ажиллуулжээ. Энэхүү бизнес нь маш ашигтай болж жилийн орлого нь 110 мянган ам.долларт хүрч, гишүүнээр элссэн хүний тоо нь хоёр жилийн дотор 50000-д хүрчээ.

7. Designer Diaper Bags: Гурван хүүхдийн эх 34 настай Кристи Рэйн нь хүүхдийн живхийг гялгар уутанд хийж явах нь ямар нэгэн үрэвсэлд хүргэнэ хэмээн тусгай живхний сав бүтээн хийсэн байна. Ийнхүү гоёмсог дизайнтай, цэвэрхэн хүүхдийн живхний савны бизнес нь 180 мянган ам.долларын ашиг олсон байна.

8. Picky Domains: Энэхүү бизнес нь сонин бөгөөд үйлчлүүлэгч тухайн компанид 50 ам.доллар өгөн компаниас танд олон домайн нэр явуулна. Тэр дундаас та дуртайгаа сонгож авна. Гоё нэр зохиосон хүн нь 25 ам.доллар авах бөгөөд компанийн үйлчилгээний хөлс гээд 25 ам.доллар авах юм байна. Энэхүү бизнес нь маш амжилттай болж жилийн орлого нь нэг сая ам.долларт хүрсэн гэнэ.

9. Lucky Wishbone Co: Тахиа болон шувууны цээжний хэсэгт нь ийм гурвалжин яс байдаг гэнэ. Тэр ясыг хоёр талаас нь барин татаад хугарахад урт яс барьж үлдсэн хүнийх нь хүсэл биелдэг гэсэн яриа байдаг аж. Үүнийг ашиглан энэхүү гурвалжин ясыг пластикаар хийн хүмүүст зарах болжээ. Мөн л ашигтай болж жилийн орлого нь нэг сая ам.долларт хүрсэн гэнэ.

Эх сурвалж: http://www.niigmiintoli.mn/

Хамгийн залуу тэрбумтан

2010-10-07T10:59:00.000+08:00

500 сая хүнийг Facebook сүлжээгээр дамжуулан холбодог америк залуу Марк Зукерберг дэлхийн хамгийн залуу тэрбумтанд тооцогдож байна.

Тэрээр одоо 4.3 тэрбум долларын хөрөнгөтэй ч Калифорнид сарын 3500 доллараар даруухан байр
хөлслөн амьдардаг.

Дэлхийн хамгийн том нийгмийн сүлжээ болоод буй Facebook-ийн талаарх сонирхолтой баримтыг танилцуулъя.

-2004 оны хоёрдугаар сард байгуулагдсан. Марк Зукерберг энэ сайтаа анх Харвардын их сургуулийн унтлагын өрөөнөөс нээн цацаж байжээ

-Эдүгээ 1700 гаруй ажилтантай

-70 орчим хэл дээр нэвтэрдэг

-Компанийн үнэлгээ 21.7 тэрбум

-500 сая хэрэглэгчтэй

-Хэрэглэгчид нь нэг сард 700 тэрбум минутыг Facebook-т зарцуулдаг

-Дуучин Майкл Жексоны Facebook дахь хуудас 20 сая фэнтэй болж дээд амжилт тогтоож байв.

Эх сурвалж: Зууны мэдээ

Японы бизнесийн орчны үзүүлэлт сайн байна

2010-10-06T22:32:00.000+08:00

Японы бизнесийн орчны үзүүлэлт иений ханш чангарч байгаагаас үл хамааран сайжирсан дүн гарчээ. Тус улсын төв банкнаас хийсэн судалгаанд энэ талаар харуулсан байна.

Японд үйл ажиллагаагаа явуулдаг 11 мянга орчим компанийн дунд санал асуулга явуулахад тэдний дийлэнх хувь нь эерэг үнэлгээ өгсөн аж. Гэхдээ үйлдвэрлэгчдийн ихэнх нь энэ оны эцэс гэхэд эдийн засгийн үзүүлэлтүүд тааруухан болно гэх хүлээлттэй байгаа юм.

Японы "Никкей" индекс өчигдрийн байдлаар 0.6 хувиар чангарчээ. Харин ам.долларын иентэй харьцах ханш бага зэрэг суларсан байна. Токиод нэг ам.доллар 83.40 иентэй тэнцжээ. Японы үйлдвэрлэгчдийн хувьд АНУ тэргүүтэй бусад орон руу гаргах экспортдоо нэлээд найдвар тавьж байгаа.

Тийм учраас иений ханшийн өсөлтөд гол анхаарлаа хандуулж байгаа юм. Японы төв банкнаас зах зээлд гарах валютын нийлүүлэлтээ нэмэгдүүлж, оронд нь ам.доллар худалдан авах болсон.

Үүний дүнд иений ханш бага зэрэг суларч байна. Одоогоос хагас сарын өмнө нэг ам.доллар 82.33 иентэй тэнцэж байв. Японы үйлдвэрлэгчдийн хувьд энэ оны: эцэс гэхэд нэг ам.доллар 89.66 иентэй тэнцэнэ гэх хүлээлттэй байна. Харин үүнээс өмнөхөн авсан судалгаагаар тэд ирэх арванхоёрдугаар сард нэг ам.доллар 90.18 иентэй тэнцэнэ хэмээн найдаж байсан юм.

Дэлхий дахинд өлсгөлөнгийн аюул нүүрлэж байна

2010-10-05T22:38:00.000+08:00

Их Британийн (Daily Telegraph) сонины хүнсний зах зээлд ээлжит донсолгоо болно гэж үзэж байна.

Орос улс төмсний ургацынхаа тал орчим хувийг алдсан бөгөөд, үр тарианы хямрал нь үргэлжилж, ирэх жилээс Засгийн газартаа хандан гадаад зах зээлээс үр тариа худалдан авах санал тавихаас өөр аргагүй байдалд хүрнэ.

Улаан буудайн үнэ энэ оны зургадугаар сараас хойш 70 хувь өссөн байна. Оросын гадаад зах зээлд нийлүүлдэг улаан буудайн дөрөвний нэг хувийг хангадаг Хар далайн орчмын бүс нутаг ган гачгийн улмаас асар их хохирол амссан юм.

НҮБ-ын Хүнс, Хөдөө аж ахуйн байгууллага бүх зүйл есдүгээр сар гэхэд аажуу тайван байдалд орно гэж найдаж байлаа. Гэтэл тийм биш, харин хүнсний бүтээгдэхүүний үнэ улам бүр нэмэгдсээр байна.

Тус байгууллага 2008 онд үнийн үсрэлтээс шалтгаалан "Гуравдагч ертөнцөд" хүнсний дажин дэгдсэн шиг үйл явдал дахин давтагдах вий гэж айн болгоомжлох боллоо.

Тэр үед улаан буудайн үнэ 13 долларт хүрч байсан юм. Одоохондоо дэлхийн зах зээлийн үнэ дээрх их үнээс 22 хувиар доогуур байна.

Орос энэ жил 60 сая тонн хүрэхтэй үгүйтэй тариа хураан авах бөгөөд дотоодын нийт хэрэглээ нь 75 сая тонн юм. Тус улсын нөөцийн санд (intervition fund) 9,5 сая тонн улаан буудайн нөөц байгаа ч цаана нь 17 сая тонн үр тариа хэрэгтэй тул ирэх жил гаднаас импортлон авахаас өөр аргагүй.

Өөр нэг сэтгэл түгшээж байгаа зүйлд эрдэнэ шиш орж байгаа бөгөөд энэ салатны ургамлын үнэ зургадугаар сараас 40 хувь нэмэгджээ. Үүний гол шалтгаан нь АНУ-д ургац муу байсан явдал юм.

Үүнтэй зэрэгцэн Хятад улс наймдугаар сард урьд өмнө авч байгаагүй асар их хэмжээ болох 432 мянган тонн эрдэнэ шиш гаднаас худалдан авснаа мэдэгдсэн юм. Эрдэнэ шишийн дэлхийн нөөц бага хэмжээтэй бөгөөд 37 жилийн турш нэг төвшинд байгаа учраас үнэ өсөхөд хүргэж байна.

Хэрэв Орос болон Украинд ахиад нэг жил үр тариа муу ургах юм бол Дэлхийн хүнсний зах зээлийг донсолгох аюулд хүргэнэ.

Олонхи эдийн засагчид хүнсний барааны үнийн хөөрөгдөл болон алтны үнэ асар өндөр байгаа нь бүхэлдээ үнийн өсөлт инфляцийн дохио тэмдэг гэдэгт итгэлтэй байна.

АНУ болон Европын мөнгө-зээлийн хэтэрхий аядуу зөөлөн бодлого нь дэлхий дахинд бэлэн мөнгөний илүүдэл үүсгэж байгаа юм.

Орос үнийн өсөлт инфляциараа Европт гуравдугаарт орж байна. Энэ оны нэгдүгээр сараас наймдугаар сард 5,4 хувь байсан бол есдүгээр сарын 20-ны байдлаар зургаан хувь болжээ.

Оросын Засгийн газар эхнээсээ 2010 онд бүхэлдээ 6-7 хувьд багтаана гэж тооцоолж байв. Европ тивд үнийн өсөлтөөрөө Оросыг зөвхөн Мальт (+6,4 хувь) Румын (+5,6 хувь) улсууд гүйцэд түрүүлээд байна.

Карнеги сангийн судалгааны дүнгээр Оросын эд хэрэглээний үнийн өсөлт инфляц 8,5-9 хувьд хүрч болзошгүй байгаа бөгөөд ирэх жилийн эхний хагаст хоёр орон тоотой болох магадлал их байгаа гэж үзсэн байна.

Тус сангийн шинжээчдийн онцлон тэмдэглэснээр оросуудын хэрэглээний зардлын ихээхэн хувийг буюу 38 хувийг хүнсний бараа эзэлдэг. Ийм учраас дэлхий дахинд хүнсний бүтээгдэхүүний үнэ өсөх нь Оросын өргөн хэрэглээний барааны үнийн индексэд хүчтэй бөгөөд түргэн үйлчилнэ гэжээ.

Жишээлбэл, 2007 онд улаан буудайн дэлхий дахины үнэ 2-3 дахин нэмэгдэхэд Орос дахь хүнсний бүтээгдэхүүний үнийн өсөлт инфляци 21 хувиар өссөн бол хүнсний бус бүтээгдзхүүний үнийн өсөлт 7-8 хувь байсан гэж Карнеги сангийн тойм мэдээлэлд бичжээ.

Дэлхийн төв банкууд, хүнсний бүтээгдэхүүний хомсдлын улмаас үүссэн үнийн өсөлт инфляци эсвэл мөнгөний эргэлт буурах дифляци хоёрын аль нэгийг нь сонгох хүнд хэцүү шалгуурын өмнө нь зогсч байна гэж (The Daily Telegraph) сонины шинжээчид үзэж байна.

АНУ, Хятад хоёрын хооронд худалдааны дайн эхэллээ

2010-10-04T22:34:00.006+08:00

Юанийн дуулиан тасрахгүй л байна. АНУ-ын Сангийн сайд Тимоти Гайтнер Хятадын бодлого боловсруулагчдад хандаж, валютын ханшаа дорвитойхон шиг өсгөөд өгөөч хэмээн аргадах, уурлахын дундуур хэлсэн нь саяхан.

Үүнээс нь эмээсэндээ ч юм уу үнэхээр л Хятадын төв банкнаас юанийн ханшийг хэдэн өдөр дараалан өсгөснөөр нэг ам.доллар 6.711 юаньтай тэнцэх болов. Энэ нь 2008 онд валютаа ам.доллараас уяж байсан үеийнхээс даруй 1.8 хувиар чангарсан дүн байв.

Гэхдээ зүгээр ч нэг өсгөсөнгүй. Төв банкны мэргэжилтэн, эдийн засагчид нь удаа дараалан мэдэгдэл хийж, америкчуудыг удахгүй болох сонгуульдаа бэлтгэж, хий сүржигнэн шоу хийж байна гэх утгатай зүйл ярьсан нь бий.

Барак Обамагийн засаг захиргааныхны үзэж буйгаар Хятадын бодлого боловсруулагчид юанийн ханшийг чөлөөлнө гэсэн амлалтаа биелүүлэхэд хэтэрхий хойрго хандаж байгаа аж.

Сүүлийн үед дэлхийд тэргүүлэгч гүрнүүдийн эдийн засаг хүндхэн байдалд ороод байгаа. Тэд дотоод зах зээлдээ түшиглэхээс илүү экспортоо нэмэгдүүлэх замаар хөл дээрээ босохыг чармайж байна. Ингэхийн тулд хямд валютаар үнэлэгдсэн бараа бүтээгдэхүүн худалдах хэрэгтэй. Тиймээс хөгжингүй орнууд валютынхаа ханшийг сулруулахын тулд юу ч хийхээс буцахаа больсон гэхэд болно. Тэдний нэг нь АНУ.

Америкчууд өнгөрсөн зургадугаар сард Хятадын талтай тохиролцоонд хүрч байв. Хятадын Ерөнхий сайд Вэн Зябао юанийн ханшийг 20 хүртэл хувиар чангаруулж болно хэмээн зөвшөөрсөн. Тэгэхдээ аажим бөгөөд алгуурхан хөдөлнө гэдгээ мэдэгдсэн юм. Америкчууд үүнийг зөвшөөрсөн боловч одоо "Хэтэрхий удаан байна" хэмээн ундууцах болжээ.

Өнгөрсөн долоо хоногт болсон НҮБ-ын Ерөнхий ассамблейн чуулганы үеэр Б.Обама, Вэн Зябао нар ганцаарчилж уулзан юанийн ханшийн талаар нухацтай хэлэлцсэн билээ. Гэхдээ сүүлийн үед олон улсын хэвлэлүүдээр шуугиад байгаа худалдааны дайны талаар ярилцаагүй аж.

Уг нь тэд аль хэдийнэ хоёр улс хоорондын худалдаандаа хориг тавиад эхэлсэн юм.

Өнгөрсөн баасан гарагт АНУ-ын Конгресс валютын ханшаа хүчээр тогтоон барьж буй орнуудаас импортоор орж ирсэн бараа бүтээгдэхүүнд ноогдуулах татвараа нэмнэ хэмээн мэдэгдсэн. Үүнийгээ Конгрессын хороогоор хэлэлцэн баталжээ.

Тэдний энэ бодлого шууд Хятадын эсрэг чиглэсэн гэдгийг ажиглагчид нотолж байна. АНУ-ын Худалдааны яамнаас дотоодын үйлдвэрлэгчдээ дэмжихийн тулд ийм шийдвэр гаргасан гэдгийг онцолсон нь мэдээж.

Үнэхээр Хятадын талынхны шантаачилж байгаачлан Б.Обамагийн засаг захиргаа ирэх арваннэгдүгээр сарын 2-нд болох сонгуульд бэлтгэж, иргэддээ дорвитой юм хийсэн болж харагдах гэж ч байж магадгүй.

Тус улсын Сангийн сайд Т.Гайтнер хоёр долоо хоногийн өмнө Конгрессын хуралдаан дээр АНУ Их 20-ийн орнуудтай хамтарч, Хятадыг валютын бодлогоо хурдан өөрчлөхөд хүргэнэ гэдгээ мэдэгдэж байсан билээ.

Уржигдар Бразилийн төв банкны тэргүүн Хенрик Мейриллис Т.Гайтнерийн саналыг дэмжиж, "Их 20-ийн орнууд валют арилжааны тэнцвэрт байдлыг хангах нь зайлшгүй юм" хэмээн онцолсон байна.

Хэдийгээр бусад орны санхүүгийн зохицуулагчдын зүгээс ямар нэг хариу өгөөгүй боловч АНУ Хятадыг "чангалах"-ын тулд эгнээгээ өргөтгөхөөр давших нь зайлшгүй юм.

Хариуд нь Хятадын тал ч зүгээр суусангүй. Тус улсын Засгийн газар АНУ-аас орж ирдэг тахианы маханд импортын татвар ноогдуулахаар болсон. Тус улсын Худалдааны яамны мэдэгдэлд дурьдсанаар АНУ-аас авах импортын татвар 105.4 хувиар нэмэгдэх аж. Ингэхдээ мөн л дотоодын үйлдвэрлэгчдээ дэмжиж байна хэмээн гэмгүй сайхан тайлбарлажээ.

Уг шийдвэрээ өнгөрсөн даваа гарагаас хэрэгжүүлж эхэлсэн бөгөөд ойрын таван жилд хүчин төгөлдөр байх аж. Энэ нь АНУ-ын тахианы махны үйлдвэрлэлийг тун хүнд байдалд оруулах нь ойлгомжтой юм.

Хоёр орны харилцааг муутгах шалтгаан ганц юань ч биш юм. АНУ Тайваньд зэвсэг нийлүүлсэн явдал,
Далай ламын айлчлал, "Google"-ийн дуулиан, хамгийн сүүлд АНУ-ын холбоотон Япон, Өмнөд Солонгостой Хятадын харилцаа муудсан нь хоёр их гүрний асуудалд нэрмээс болно уу гэхээс өөр зүйлгүй.

Үүнтэй зэрэгцээд эдийн засагчдын дунд юанийн ханшийн өсөлт нь америкчуудад үнэхээр хэрэгтэй эсэхэд эргэлзэх хүн олон байна.

Нобелийн шагналт эдийн засагч Роберт Манделл энэ талаар "Bloomberg"-т өгсөн ярилцлагадаа дурьджээ. Тэрбээр "Б.Обамагийн засаг захиргааныхны онцлоод байгаа ажилгүйдлийн түвшний үзүүлэлт юанийн ханшийн өөрчлөлтөөс хамаарч буурахгүй" гэсэн байна. "Энэ бол зүгээр л гамшиг" хэмээн тэрбээр нэрлэжээ.

Колумбийн их сургуулийн профессор Р.Манделлийн үзэж буйгаар АНУ-ын төсвийн алдагдал 1980-аад оноос хойш зах зээлийн жамаараа өсөн нэмэгдэж эхэлсэн аж. Түүнээс Хятадын бодлого боловсруулагчид юанийн ханшийг ам.доллартай уяснаас болсон хэрэг биш юм. Одоо тэднийг валютын бодлогоо өөрчлөхийг хүчээр шахаж шаардах болсон. Гэтэл энэ нь ам.доллар, еврогийн ханшийн хэлбэлзэл дээр тоглох боломжийг Хятадад олгож байгаа аж.

Тус улс түүхий эдийн эрэлтийг дангаараа бүрдүүлж байна. Хэрэв тэднийг хүчээр юанийн ханшаа чангаруулахаас өөр аргагүйд хүргэвэл, газрын тос зэрэг түүхий эдийн үнэд нөлөөлөх замаар валютын ханшаа дахин сулруулж мэдэх юм. Энэ нь дэлхийн эдийн засагт сөргөөр нөлөөлж, томоохон аюул дагуулна гэдгийг ч Нобелийн шагналт эрдэмтэн онцолжээ.

Т.Элиса

Кофены дэлхийн экспортын бууралт

2010-10-04T22:30:00.002+08:00

Олон улсын кофены байгууллага /IСО/-ын мэдээгээр, энэ оны эхний найман сарын байдлаар кофены дэлхийн экспорт өнгөрсөн жилийн мөн үеэс 8 хувиар буурч, 61.6 сая шуудай байлаа.

Тухайлбал, "арабик" сортых 7.34 хувиар, харин "робуста"-гийх 9.44 хувиар тус тус доошилжээ.
ICO-ийн дүгнэлтээр, кофены дэлхийн экспорт 2009 онд 95.5 сая шуудайд хүрч байсан бол мөнгөн дүнгээр 13.2 тэрбум доллар байв. Экспортын бууралт нь энэ Хүнсний үнийн бууралт болон нийлүүлэлтийн хэмжээнээс шалтгаалсан гэж олон улсын шинжээчид үзэж байна.

Кофены дэлхийн томоохон экспортлогч Энэтхэг улс энэ оны эхний найман сарын хугацаанд нийлүүлтээ 2.9 сая шуудайд хүргэж, өнгөрсөн жилийн мөн үеэс 42.64 хувиар өсгөжээ.

Хувь хүний мэдээллийн сайттай болно

2010-08-17T13:24:00.000+08:00

Интернэт хайлтын "Google" компани хэрэглэгчдийг татахын тулд "Facebook", 'Twitter", "Hi5" шиг хувь хүний мэдээллийн сайт нээхээр ажиллаж байгаа гэнэ.

Тэд уг сайтын нэрийг нууцалж байгаа юм. Мөн бусад сайтаас илүү олон төрлийн үйлчилгээтэй хэмээн амлажээ. Тиймдээ ч тэдгээр сайтыг орлогогүй болгох аж.

"Google" компани шинэ сайтыг хэзээ ашиглаж эхлэхийг нууцалж байгаа аж. Ямартай ч хэрэглэгчдэд 100 хувь сэтгэл ханамжийн баталгаа олгох аж.

Сайтын хамгийн давуу тал нь өөрсдийн холбоос дахь нэг хүнтэй шууд ярьж болох гэнэ. Тайлбарлавал, та өөрийн тухай мэдээллийг уг сайтад оруулж, улмаар өөр нэгэн хүнтэй найзын холбоо тогтооно. Харин та өөрийн хуудсандаа ажиллаж байх үедээ холбоосонд байгаа найз руугаа залгах боломжтой гэсэн үг.

Билл Гейтс: Би дээд зиндааны гэж нэрлэгдсэн энгийн л хүн

2010-08-16T13:17:00.003+08:00

“Майкрософт” компанийг үндэслэгч, тэрбумтан Билл Гейтс Испанийн Мадрид хотын “Лос 40 Принсиралес” радиод ярилцлага өгчээ. Тэрбээр өнгөрөгч сард тус улсад болсон олон улсын хүмүүнлэгийн их хуралд оролцсон юм. Тухайн үед олон улсын хүмүүнлэгийн байгууллагад 50 мянган ам.доллар хандивлажээ. Түүний хувьд дэлхийн хамгийн баян хүний жагсаалтыг 10 гаруй жил тэргүүлсэн гэдэг.

-Та хэдхэн хоногийн өмнө олон улсын хүмүүнлэгийн санд 50 мянган ам.доллар хандивласан. Энэ таны хэд дэх удаагийн хандив бэ?
-Би тоолж үзээгүй. Ямартай ч өөрийгөө хоослоогүй л байна.

-Та бүх өөрийнхөө бүх хөрөнгийг хандивлаж чадах уу?
-Магадгүй. Яахав, би нас барах хугацаагаа бүрэн мэдчихсэн тохиолдолд байж болох л юм.

-Хандив өгөх үедээ юу боддог вэ?
-Хүний харцнаас аз жаргалыг хардаг. Хүн бүхэн намайг баян гэж боддог. Би үүнд баярладаг.

-Яагаад. Зарим хүмүүс ингэж хэлэхэд дургүй байдаг шүү дээ?
-Би компаниа байгуулахдаа халаасанд минь 200 ам.доллартай л байлаа. Энэ мөнгө бол Америкийн нөхцөлд компани байгуулахад эрхийг бичиг авах л мөнгө. Тэгээд л эрхийн бичгээ авсан даа.

-Тэр үед хүндрэлтэй асуудал нь юу байв?
-Мэдээж АНУ-ын хууль чанга шүү дээ. Хүссэн хүн болгон компани байгуулчихдаггүй. Миний хувьд компанийн гэрчилгээгээ авах гэж таван долоо хоног явсан. Энэ хугацаанд гэдэс минь өлөн явж байсан өдөр ч бий.

-Харин анх удаа өөрийн гэсэн мөнгөтэй болоход ямар сэтгэгдэл төрсөн бэ?
-Миний хамгийн сайхан мөчүүдийн нэг. Учир нь 1500 ам.долларыг банкнаас авсан. Тэгээд гарч яваад цадталаа хооллосон доо.

-Та үнэхээр өлсдөг байжээ?
-Тиймээ. Олон цаг тоног төхөөрөмжүүдийн дэргэд сууна гэдэг хэцүү.

-Компьютерийн ажил эрхэлдэг хүмүүсийн дийлэнх нь тарган байдаг шүү дээ?
-Таргалахын тухайд уу. Би 20 жилийн өмнө их иддэг байсан. Хүмүүс надад хандаж энэ тухай хэлдэг л байсан. Гэвч би төдийлөн ач холбогдол өгөөгүй. Яагаад би хүссэнээр идэж болохгүй гэж. Тэгээд ч би таргалахгүй. Дорныхны хэлдэгээр таргалана гэдэг хүний бодлоос хамаарна.

-Дорно дахин гэснээс Далай ламтай уулзаж байсан шүү дээ. Тэр ямар хүн бэ?
-Үнэхээр сайхан хүн. Хүн бүхэн түүнтэй хамт байхаар тайван байдаг гэж ярьдаг. Энэ үнэн юм билээ.

-Та нөлөө бүхий хүмүүстэй найз. Тэгэхээр та өөрийгөө дээд зиндааны хүн гэж боддог уу?
-Би дээд зиндааны гэж нэрлэгдсэн энгийн л хүн. Намайг дээд зиндааны гэж нэрлэдэг хүмүүс миний хэтэвчний зузааныг л харж байгаа юм. Би баян уу гэвэл тийм. Харин дээд зиндааных уу гэвэл үгүй. Би тэгэхээр энгийн нэгэн эр.

-Та олон одтой зочид буудалд буудаггүй чинь үүнтэй холбоотой юу?
-Тийм. Би зарим илүү зүйлд мөнгө үрэх дургүй. Та намайг харамч гэж бодож байна уу. Тэгвэл үгүй. Баян хүмүүс өөрийгөө бусдад мэдрүүлэх гэж үнэтэй зүйл хэрэглэдэг. Мөн өндөр үнэтэй буудалд буудаг. Учир нь өндөр үнэтэй буудал сайн хамгаалалттай байдаг юм. Тэгэхээр тэд энгийн хүмүүс дунд амьдарч чадахгүй. Тэднээс айж байгаа хэрэг.

-Та тэгвэл хэдэн одтой зочид буудалд буудаг вэ?
-Гурав, дөрөв. Зарим тохиолдолд улс төрийн эрх бүхий хүмүүс намайг урихдаа дээд зэрэглэлийн зочид буудалд буухыг санал болгодог. Түүнийг нь хүндэтгэдэг.

-Танд 1990 оны “Порше-911” байгаа шүү дээ. Өөр автомашинтай юу?
-Би “Порше-911” автомашиндаа үнэхээр хайртай. Одоо ч унадаг. Надад бас “Ройлс Ролл” бий. Гэхдээ түүнийг унахад сэтгэлд нэг л хүрэхгүй юм. Унаад явахад хэцүү. Тэгээд л дасал болсон “Порше”-гоо унана даа.

-Та гольф тоглож, виски уух дуртай юу?
-Вүүдстэй хэд хэдэн удаа тоглож байсан. Гэхдээ би нэг хожоогүй л дээ. Ер нь нэг их тоглоод байдаггүй. Нэг үгээр хэлбэл завгүй. Тэгж тоглож байхаар сангийнхаа ажлыг хийдэг. Учир нь манай санд сая сая хүн ханддаг. Тэдний захидалтай уншиж танилцдаг.

-Тэдгээр захидалд хариу өгдөг үү?
-Захидал болгонд хариу өгөх боломжгүй. Гэхдээ манай сангийн ажилчид цаг тухай бүрт нь хариу явуулахыг эрмэлздэг. Миний хувьд хамгийн хүндрэлтэй гэсэн захидлуудыг хүлээн авдаг. Хүндрэлтэй гэдэг нь амьдралын хувьд юм шүү.

-Опра таныг шоундаа урих гэж байгаа тухай сонссон энэ үнэн үү?
-Би мэдэхгүй юм байна. Хэрэв завтай үедээ болох л юм. Би дуртайяа хүлээж авна. Учир нь тэр их энэрэнгүй эмэгтэй. Түүнээс суралцах зүйл их.

-Хэрэв Опра тантай хүмүүнлэгийн асуудлаар хамтарч ажиллахыг хүсвэл?
-Би мэдээж дургүйцэхгүй. Харин ч том үйл ажиллагаа болно гэж бодож байна. Бас дэлхийн нөлөө бүхий хүмүүсийг урьж, хандив цуглуулж, тусламж хэрэгтэй байгаа сургууль, цэцэрлэг, эмнэлэгт хандив өгөх нь сайхан ажил.

-Та хэн нэгэн гэнэтийн бэлэг барих дуртай юу?
-Үнэхээр дуртай. Би Мелиндад олон ч удаа гэнэтийн бэлэг барьсан. Тэр бүхэнд түүний сайхан инээмсэглэлийг харахыг хүсдэг. Бид учраагүй бол би өнөөдрийн түвшинд очих эсэхийг бурхан л мэдэх байх.

-Мелинда таныг сайхан инээмсэглэлээрээ өөртөө дурлуулсан гэсэн үг?
-Яг тийм. Тэр намайг байнга дэмждэгт баярладаг.

-Та хоёр хэрхэн танилцаж байв?
-Бид 1992 онд Флоридагийн нэгэн зоогийн газар танилцаж байв. Тухайн үед тэр над руу хараад л байсан. Би ч гэсэн. Тэгээд л улаан дарс бариад очсон доо. Би тэгэхэд үнэхээр их сандарч байлаа. Яагаад гэвэл түүний гайхалтай нүд намайг алмайруулсан гэхэд болно.

-Эцэг болно гэдэг таны хувьд биелэшгүй мэт санагдсан гэсэн. Яагаад?
-Тиймээ. Би жаахан хүүхдүүдийг их ядаргаатай гэж боддог байв. Гэтэл 1996 онд Женнифер төрсөн. Би тэр үед эцэг болсондоо нэг л итгэж өгөхгүй байлаа. Женнифер үнэхээр зөөлөн бас шингэн биетэй санагдсан. Тэр үе үе уйлна. Одоо дурсахад тэр үе сайхан байж.

-Та хүүхдүүддээ хөрөнгөө өвлүүлэх үү?
-Энэ их хэцүү асуудал. Өвлүүлэхгүй бол хүүхдүүд маань гомдоно. Харин өвлүүлэхээр миний сангийн үйл ажиллагааг үргэлжлүүлэх эсэх нь бүрхэг.

-Яагаад. Тэдний таны хүүхдүүд шүү дээ?
-Би өвлүүлэхгүй гэж яриагүй шүү дээ. Ямартай ч энэ тухай бодоход хэтэрхий эрт байна.

-Та бизнес эрхэлж байхдаа дампуурч байсан удаа бий юу?
-Дампуурал гэдэг төлөвлөгөө муутай бизнесмений сул тал. Эхэндээ төлөвлөгөө муутай байснаас дампуурч байсан удаа бий. Ер нь дахин сэхнэ гэдэг тийм ч амар биш. Хамгийн чухал нь маш сайн төлөвлөгөө зохиох хэрэгтэй. Тэгвэл чи амжилтад хүрнэ.

-Өнгөрсөн оны дэлхийн эдийн засгийн хямрал “Майкрософт” компанид хэр зэрэг нөлөөлсөн бэ?
-Тодорхой хэмжээгээр нөлөөлсөн. Манай эдийн засагчид сайн төлөвлөгөө боловсруулсны үр дүнд хямралыг амжилттай давсан.

-Дэлхийн томоохон компаниуд мянга мянган ажилчнаа цомхотгосон. Харин танайх?
-Бид аль болох манайд итгэж, ажилд орсон хүмүүсийг цомхотгохгүйг хичээсэн. Тиймээс нэг ч ажилтнаа халаагүй.

Д.Түвшинтөр http://www.niigmiintoli.mn/

Багаар ажиллах чадвар буюу Гэхдээ...

2010-04-08T09:16:00.002+08:00

Монголчууд бидний хувьд энэ үг танил болоод удаж буй. Гэхдээ би л хувьдаа ЯГ юу гэсэн үг болохыг мэддэггүй.

Интернэт ухаж явтал Ж. Лувсандорж гэдэг залуу “Бидэнд багаар ажиллах чадвар дутмаг байдаг нь жижиг, том аль ч хүрээнд мэдрэгддэг. Энэ чадвар дутмаг байдаг нь монголчууд бид эртнээс бие дааж, бор гэртээ Богд болж амьдардаг байсантай холбоотой юм болов уу. ...” гэжээ.

Үүнийгээ “1 айл өрх гэртээ бүхий л ахуйн хэрэгцээний зүйлсээ бие даагаад хийчихнэ, хувцасаа хийгээд өмсчихнө, хоолоо хийгээд идчихнэ, архиа нэрээд уучихна. Тийм болохоор бусдаас гуйгаад байх зүйл байхгүй, хамтран ажиллах шаардлага бараг гардаггүй байсан юм болов уу” гэсэн жишээгээр тайлбарлажээ.

ГЭХДЭЭ тэр нэгэн айл өрхийн бодвол аав нь олон таван үггүй лидердээд ээж, охидууд нь хувцасаа залхууралгүй хийгээд, хоолоо хийгээд, архиа нэрээд бодвол хөвгүүд нь хариуцлагатайхан шиг хонь малаа хариулдаг байсан биз. Тэгэхээр энэ бараг л баг мөн байх аа.

ТЭРГҮҮН АСУУЛТ: ҮҮНИЙГ БАГ БИШ ГЭЖ ҮЗВЭЛ ЯГ ЮУГ БАГ ГЭХ ВЭ?

Ганц хүн айл болохгүй гэсэн ардын сайхан үгэнд үндэслэн энэ бол баг юм хэмээн итгэн цааш үргэлжлүүлье. Гэхдээ учир бий.

Баг олон хүнээс бүрдэх ёстой юм бол цэргийн хороо баг мөн үү?

ГЭХДЭЭ...
3. Асуудлыг шийдвэрлэхэд бүх гишүүд оролцох
7. Харилцах, нэвтрэлцэх, хэл амаа ололцох чадвараа сайжруулах. Үүнд харилцааны соёл эзэмших, хэлний мэдлэгээ сайжруулах гэх мэт асуудал хамаарна.
Гэсэн зүйлсийг http://mergenii.blog.banjig.net/post.php?post_id=123615 –оосуншлаа.

Гэтэл цэргийн ангид 1. Ямагт даргын зөв, 2. Даргын буруу чиний зөв санагдаад байвал нэгдүгээр дүрмийг сана гэсэн ДҮРЭМ бий. Олон тулалдаанд орж ялалт байгуулсан цэргийн хороодод энэ дүрэм бий...
Тэгэхээр багийн гишүүн зөвхөн гүйцэтгэгч байж болно.

ДЭД АСУУЛТ: БАГИЙН ДЭГЛЭМ АВТОРИТАР УУ? ТОТАЛИТАР УУ?

Бас нэгэн зөрчилдөөн байна аа.

Монголчуудыг багаар ажиллах чадваргүй гэж спорт дээр жишээ аван тайлбарлах нь түгээмэл байдаг. Бокс, сумо, жудод амжилт гаргадаг атлаа хөлбөмбөг, сагсан бөмбөгт 00 гэх зэргээр. Бодит байдал дээр тийм л дээ.

ГЭХДЭЭ...
Түвшинбаяр ганцаараа бэлтгэл хийгээд, өөрөө мөнгөө гаргаад, өөрөө бусад бүх асуудлыг шийдээд Олимпийн аварга болоогүй ээ. Түүний ард менежер, дасгалжуулагч, санхүүжүүлэгч, дэмжигч гэх мэт олон хүн бий. Тэдний зорилго түүнийг олимпийн л аварга болгох байсан...

Тэгвэл тэд багийн гишүүдэд орох уу?
Орохгүй гээд үзвэл нэгдсэн зорилготой хүмүүс байдаг, орно гэчихвэл дэвжээн дээр барилдаагүйгээс гадна Монголчууд бид багаар ажиллах чадвартай хүмүүс болчихлоо.

ГУТГААР АСУУЛТ: МОНГОЛЧУУДАД БАГААР АЖИЛЛАХ ЧАДВАР БИЙ ЮУ?

Энэ асуулт гарсан чинь “Багаар ажиллах чадвар гэж юу вэ?” хэмээх асуудал гарч ирлээ. Онлайн буй хэдэн найзаасаа асуулаа.

Х. Хангал: Тойрч суугаад эвтэйхэн пиводох
М. Үүрийнтуяа: busdiig ayataihan ayaldan dagah hadvar.......kkkk
Ц.Ганцоож: “Эвт шаазгай буга барина" Энэ л багаар ажиллах чадвар юумуу да

За тэгвэл ямар ч байсан бусадтайгаа эв зүйгээ олоод дагаад явах чадвар гэсэн дүгнэлт энэ гурван гишүүний үгнээс гарлаа.

Арга ч үгүй биз. 5 хүнтэй “баг” хуралдаад асуудал шийдвэрлэлээ. Санал үл нийлэх нэг нөхөр бөөн бухимдал болов. Бид түүнийг “муйхар , зөрүүд” гэж нэрлэдэг.

ГЭХДЭЭ...
Нөгөө талаас Чукча нарын нэгэн тосгонд дэлхий бөөрөнхий хавтгай эсэхийг шийдвэрлэх хурал болжээ. Дийлэнхийн саналаар дэлхий хавтгай гэсэн дүгнэлтэнд хүрчээ. Эвт шаазгай буга барьдгийн үлгэрээр бөөрөнхий хэмээн саналаа өгсөн нөхдүүд санал нэгдлээ.

Мэдээж буруу дүгнэлт. Хэрвээ өмнө хэлснийг багаар ажиллах чадвар гэдгийг хүлээн зөвшөөрөх юм бол “Дэлхий бөөрөнхий” хэмээн хэлсэн нөхдүүд итгэл үнэмшилдээ үнэнч байсныхаа төлөө “муйхар , зөрүүд” болж таарч байна.

СҮҮЛИЙН АСУУЛТ: Тэгэхээр өөрийн саналдаа үнэнч байх нь багаар ажиллах чадвар уу? Бүлгийн саналыг дагах нь багаар ажиллах чадвар уу?

Б.Жавхаа

5 сарын 08- нд “Дэв” уран сайхны кино нээлтээ хийнэ

2010-04-05T15:21:00.000+08:00

Синебокс арт группын залуу уран бүтээлчдийн шинэ бүтээл “Дэв” сэтгэлзүйн аймшгийн кино удахгүй үзэгч та бүхэнд хүрэхэд бэлэн боллоо. Өнөөгийн нийгэмд өсөж дэвжиж яваа залуусын нийгэмд эзэлж буй байр суурь, амжилт, архидалт, садар замбараагүй амьдралаас болж хэрхэн амьдрал нь нуран унаж байгааг киноны турш гарах олон үйл явдлаар үзүүлсэн.

2010 оны 05 сарын 06 –ны 12.00 цагт Хэвлэлийн хүрээлэн хэвлэлийн бага хурал болох юм байна.
“ДЭВ” уран сайхны киноны гол дүрд УДЭТ –ын жүжигчин Ц.Цэрэнболд, С.Болд-Эрдэнэ, М.Тогтохжаргал мөн жүжигчин Э.Тамир, Б.Энх-Дөлгөөн, Б.Мөнхжин нар тоглолоо. Кино 2010 оны 5 сарын 08-нд Тэнгис, Өргөө, Соёмбо, М-Cinema кино театруудад нэгэн зэрэг нээлтээ хийх гэж байгаа юм байна. Мөн Соёмбо кино театрын 12.00 цагийн нээлтийн арга хэмжээнд эхний ирсэн 100 үзэгчдэд урилга өгөх болно.

Уг кино нь зураглал, дуу шумны хувьд маш өндөр түвшинд хийгдсэн ба Монголын кино урлагт мартагдаад байсан киноны хөгжим гэдэг зүйлийг жинхэнэ утгаар нь бүтээн туурвижээ. Хөгжмийн зохиолыг Пүрэвсүх бичиж Арга Билэг хамтлагийн тоглосон 8 бүрэн хэмжээний хөгжим бүхий СD 5 сарын 8-нд киноны нээлттэй зэрэгцэн худалдаанд гарах ба Улаанбаатар хотын бүх СD шопуудаас худалдан авах боломжтой юм.

2009 оны 8 сараас эхэлсэн энэхүү кино төслөө хамгийн шилдэг болгохын тулд маш чадварлаг олон уран бүтээлчидтэй хамтран ажилласан нь Синебоксын залуусын хийсэн ажлаас нь бэлхэн харагдаж байлаа. Уг кинонд зөвлөх найруулагчаар Ардын Жүжигчин Г.Жигжидсүрэн, хөгжмийн зохиолчоор A-Sound, Арга Билэг хамтлагийн төгөлдөр хуурч Пүрэвсүх, дууны инженерээр “Prosounds” Студийн Баттуваан, Рагу нар ажиллажээ. Мөн Залуу Маркетер Клуб ТББ киноны маркетингийн ажлыг хариуцан ажиллаж байна.

Орчин үеийн Монголын кино урлагт үзэгчид ам муутай байдаг тэр ойлголтыг өөрчлөн үнэхээр том тэсрэлт хийхээр ДЭВ киног бүтээсэн тухайгаа залуу уран бүтээлчид онцолж байсан. Юутай ч 5 сарын 8- наас эхлэн үзэгчдийн дунд шуугиан тарих сэтгэхүйн аймшгийн кино гарч эхлэх нь ээ.

www.gogo.mn

Ялгааг ол

2010-03-23T13:26:00.007+08:00

www.shuud.mn

www.news.mn

www.shuud.mn хотын төвийн зам дагуул гэрэлт самбаруудад дээр Түс Тас уриатай шинэхэн вэб хуудасны танилцуулга гарсан байсныг та бүхэн уг нь анзаарсан байх. Өчигдөр шөнө нээлтээ хийсэн энэ сайт саяхан өөрчлөгдсөн www.news.mn сайттай их л төсдөө болчиж.

www.time.com

Уг нь www.news.mn хуучин загварыг хархаар www.time.com санаанд ордог байсан юм л даа.

гадны сайтуудаас санаа авах нь байж болох ч жижигхэн зах зээл дээр нэг дор төстэй 2 сайт бүр төөрөгдүүлчихлээ. гэхдээ юм болгоныг шууд үзүүлвэл сайхан л байх гэхдээ л уриа үгийг нь сонсхоор наалдан пад санагдаад байхын.

www.news.mn бол монголын www.cnn.com юм байна.

ШУТИС, КтМС-ийн профессор док(ScD)., проф. Л. Оюунцэцэгийн товч намтар

2010-03-11T15:03:00.001+08:00

Овог: Ишгомбо
Эцгийн нэр: Лувсандондов
Нэр: Оюунцэцэг
Төрсөн он: 1963-11-16
Төрсөн газар Улаанбаатар хот
Жил: Туулай
Ам бүл: Нөхөр, 3 хүүхэдтэй
Төгссөн сургууль:
1971-1981, Завхан, Улиастай, 10 жил
1981-1982, Эрхүү, Улсын Их сургуулийн бэлтгэл курс
1982-1987, Эрхүү, Улс Ардын Аж Ахуйн Дээд сургууль
1994-1998, МУИС-ийн Аспирантур
2004-2007, ОХУ-ын Г.В. Плехановын нэрэмжит Эдийн засгийн
академийн докторантур

Мэргэжил: Хөдөлмөрийн эдийн засагч

Эрдмийн зэрэг, цол: 1998, Эдийн засгийн ухааны доктор(PhD)
2009 Эдийн засгийн шинжлэх ухааны доктор(ScD)
2003 Дэд профессор
2006 Профессор

Албан тушаал: ШУТИС-ийн профессор

Хамгаалсан сэдэв: 1998 он, ”Бүтээмжийн удирдлагыг боловсронгуй болгох нь.
(Монгол улсын Хөнгөн аж үйлдвэрийн салбарын жишээн дээр)”
2009 он, “Үндэсний инновацийн тогтолцоо бүрдүүлэх онол- арга зүйн
үндэс (Монгол улсын жишээн дээр)”

Ажилласан байдал:
1987-1988 Хөдөлмөр нийгэм хангамжийн улсын хороо, Мэргэжилтэн
1988-1992 Дорноговь, НААҮУГ, хөдөлмөрийн эдийн засагч
1992-2001 Шинжлэх ухаан технологийн их сургууль, Компьютерийн
техник менежментийн сургуульд багш, ахлах багш
2001-2002 Шинжлэх ухаан технологийн их сургууль, Компьютерийн
техник менежментийн сургууль, Үйлдвэрлэл технологийн
удирдлагын тэнхимийн эрхлэгч
2002 -2004 Шинжлэх ухаан технологийн их сургууль, Компьютерийн
техник менежментийн сургууль, Үйлдвэрлэл, бүтээмжийн
удирдлагын тэргүүлэх профессор
2003 оноос ШУТИС-ийн Жижиг дунд үйлдвэрлэлийн судалгаа,
сургалтын төвийн захирал
2004-2007 Шинжлэх ухаан технологийн их сургууль, Компьютерийн
техник менежментийн сургууль, Маркетинг, үйл
ажиллагааны удирдлагын тэргүүлэх профессор
2008 оноос Шинжлэх ухаан технологийн их сургууль, Компьютерийн
техник менежментийн сургууль, Маркетинг, үйлдвэрлэлийн багийн профессор

Мэргэжил дээшлүүлсэн байдал:

2009 Зардал бууруулах арга зам, удирдлагын бүртгэл, ОХУ-ын Г.В.
Плехановын нэрэмжит Эдийн засгийн академийн Улаанбаатарын салбар
2007 Байгууллагын өөрчлөн байгуулалт, инновацийн удирдлага, ОХУ-ын
Менежментийн олон улсын хүрээлэн
2007 Бүтээмжийн хэмжилт, шинжилгээ(BSС), ҮБХТ, Улаанбаатар
2006 Олон улсын маркетинг, Сургалт-семинар, Улаанбаатар, ММХ
2003 Бизнесийг инкубацийн хөгжил, Семинар, АББ, Тайван, Тайпей
2002 Жижиг ба том бизнесийг уялдуулан хөгжүүлэх асуудал, Сургалт
семинар, АББ, Тайван, Тайпей
2001 Үйлдвэрлэлийн менежмент, Аж үйлдвэрийн инженеринг, Чанарын
менежмент, Бизнес консальтинг, Модулийн сургалт, Тайван, Чао
Янгийн Технологийн их сургууль
2001 ISO 9000 ба ISO 14000, Сургалт семинар, ОУСБ, СХҮТ, Улаанбаатар
1999 Бүтээмжийн мэргэжилтэн бэлтгэх сургалт, АББ, Энэтхэг, Шинэ Дели
1998 Эдийн засаг, менежментийн модулийн сургалт, Австрали, Перт,
Куртины Технологийн их сургууль
1998 Бизнесийн англи хэлний курс, Австрали, Куртины Технологийн их
сургууль
1995 Бизнесийн англи хэлний 6 сарын курс, ТЗАХИ
1992 Бизнесийн удирдлагын дээд курс, ТЗУХИ

Эрдэм шинжилгээний ажлын үндсэн чиглэл:
Инновацийн удирдлага
Бүтээмж, чанар, үйлдвэрлэлийн менежмент
Жижиг дунд үйлдвэрлэл, бизнесийн хөгжил, төлөвшил
Технологи бизнесийн инкубаци, аж үйлдвэрийн парк
Брэндийн удирдлага, маркетингийн инноваци
Эдийн засгийн онол, сэтгэлгээний түүх
Дээд боловсролын менежмент

Мэргэшин заадаг хичээл:
Бүтээмжийн менежмент(бакалавр)
Чанарын менежмент(бакалавр)
Бүтээмжийн судалгаа ба шинжилгээ(магистр)
Чанарын шинжилгээ ба хяналт(магистр)
Инновацийн удирдлага(магистр)
Бизнесийн зөвлөгөө(магистр)
Брэндийн удирдлага(магистр)
Бүтээмжийн удирдлагын онол, парктикийн асуудлууд(доктор)
Чанарын удирдлагын онол, парктикийн асуудлууд(доктор)
Инновацийн удирдлагын онол, парктикийн асуудлууд(доктор)

Эрдэм шинжилгээний бүтээл:
эрдэм шинжилгээний өгүүлэг: 78
эрдэм шинжилгээний илтгэл: 63
төсөл, гэрээт ажил: 17
сургалт арга зүйн материал 33
монограф, ном, сурах бичиг, гарын авлага 14
эмхэтгэж хэвлүүлсэн, редакторласан ном бүтээл 14

Хэвлүүлсэн гол бүтээлүүд:

1. Формирование национальной инновационной системы: проблемы теории и практики /монография. –УБ, ”Бемби сан”, 2009, -541 c., 33.8 пл. ISBN 978-99929-77-71-X
2. Ф. Грей, Ф. Харрис, Жинхэнэ саятан /орч. Л. Оюунцэцэг, -УБ., “Бемби сан” хэвлэлийн үйлдвэр, 2008, -330 х.
3. Оюунцэцэг Л. Бүтээмжийн менежментийн онол арга зүйн асуудал, -УБ., “Бемби сан” хэвлэлийн үйлдвэр, 2003, -170 х.
4. Оюунцэцэг Л., Шүрчулуу П. Аж ахуйн нэгж байгууллагад бүтээмжийн удирдлагын боловсронгуй болгох нь. –УБ, “Эрдэм” хэвлэх үйлдвэр, 1999, -187 х.
5. Оюунцэцэг Л. Жижиг дунд үйлдвэрлэл, бизнесийн төсөл боловсруулах аргачилсан зөвлөмж, -УБ, “Бемби сан” хэвлэх үйлдвэр, 2003, -64 х.
6. Оюунцэцэг Л. Бүтээмжийн мөн чанар агуулга/ гарын авлага. –УБ, КтМС-ийн хэвлэл, 2000, -37 х
7. Швандер В.А., Праслова В. П. Үйлдвэрийн газрын эдийн засаг: тест, бодлого, нөхцөл. / Орч. Б. Цэрэндорж, Д. Алтанцэцэг, Л. Оюунцэцэг. –УБ.: ТИС-ийн хэвлэх үйлдвэр, 1999, 5.5 хх.
8. Д. Речмен, М. Мескон ба бусад. Орчин үеийн бизнес. II дэвтэр / Орч. Б: Даваасүрэн, Б. Нарангэрэл, Л. Оюунцэцэг. –УБ.: Есөн эрдэнэ, 1997, -144 х.
9. Д. Речмен, М. Мескон ба бусад. Орчин үеийн бизнес. I дэвтэр / Орч. Б: Даваасүрэн, Б. Нарангэрэл, Л. Оюунцэцэг. –УБ.: Есөн эрдэнэ, 1997, -141х.

Төсөл, гэрээт болон судалгааны ажил гүйцэтгэсэн, оролцсон байдал:

2007 “Монгол улсын үндэсний хөгжлийн цогц бодлого” шалгаруулах уралдаан
2006-2007 Уулын баяжуулах Эрдэнэт үйлдвэрийн Чанар хяналтын хэлтэсийн
бүтээмжийг дээшлүүлэх нь
2006-2007 Уулын баяжуулах Эрдэнэт үйлдвэрийн Бүтээмжийн хэмжилт шинжилгээний
нэгдсэн аргачлал нэвтрүүлэх нь
2005-2006 ШУТИС-д Хоолны үйлчилгээний сүлжээ нэвтрүүлэх боломж, ШУТИС,
ШУТ-ийн сан
2005-2006 ШУТИС-д технологи бизнесийн инкубацийг хөгжүүлэх боломж, ШУТИС,
ШУТ-ийн сан
2004-2005 Уулын баяжуулах Эрдэнэт үйлдвэрийн Бүтээмжийн хэмжилт шинжилгээний
нэгдсэн аргачлал нэвтрүүлэх нь, Баяжуулах фабрик
2003-2004 Уулын баяжуулах Эрдэнэт үйлдвэрийн Бүтээмжийн шинжилгээ, Баяжуулах
фабрик
2004 Төмөр замын Олон улсын тээвэр зуучлалын төвийн үйл ажиллагаа,
бүтээмжийн судалгаа, ТЗОУТЗТ
2002-2003 Дунд орлоготой бүлгийг ядуурлын эрсдэлээс урьдчилан сэргийлэх талаархи
судалгаа, НҮБ-ийн Хөгжлийн хөтөлбөр, “MON/01/U01” Төсөл
2002-2003 Шинжлэх ухаан-Боловсрол-Бизнесийн байгууллагуудын үйл ажиллагааны
уялдаа холбоог хангах зохистой хувилбар, ШУТ-ийн төсөл, БСШУЯ
2002-2003 Ноос, ноолуурын салбарын жижиг дунд үйлдвэрлэлийн дэмжих төсөл,
ШУТИС, Нэхмэлийн хүрээлэн, GTZ
2001-2002 Барилгын мэргэжил олгох сургалт, төсөл, “БАБ импекс” ХХК
1998-2000 Компаний бизнес төлөвлөгөө боловсруулах, бизнесийн зөвлөлгөө, “БАБ
импекс” ХХК
1996-1999 Сүрлэн барилга барих төсөл, НҮБХХ, Отгонтэнгэр трейд ХХК
1996-1998 Компаний үйл ажиллагааг сайжруулах төсөл, судалгаа, зөвлөлгөө, МОН ТБ
импекс ХХК
1994-1997 Монголын аж үйлдвэрийн салбарын бүтээмжийн судалгаа (ноос, ноолуур,
нэхмэл, оёдол, гутал, арьс шир боловсруулах үйлдвэрлэл)
1992- 1994 Бүтээмж, чанар, үйлдвэрлэлийн менежментийн онол, парктикийн судалгаа,
ТИС
1988- 1991 Хөдөлмөрийн нормчлолын судалгаа, ХНХУХ, Хөдөлмөр зохион байгуулалт, нормчлолын төв
1985- 1987 БНМАУ-ын хөдөлмөрийн нөөцийн ашиглалтын үр ашгийг дээшлүүлэх, оновчтой байршуулах асуудал
1982- 1984 Хөнгөн үйлдвэрийн салбарын үйлдвэрийн газрын ажиллагчдын хөдөлмөрийн
бүтээмжинд нөлөөлөх хүчин зүйлсийн судалгаа, Оюутны эрдэм
шинжилгээний дугуйлан, Эрхүү хот, УАААДС

Гавъяа шагнал
2007 Боловсролын тэргүүний ажилтан цол, тэмдэг
2007 ШУТИС-ийн чансаа өндөртэй профессор
2006 ШУТИС-ийн Тэргүүний профессор
2005 БСШУЯ-ны Жуух бичиг
2005 КтМС-ийн Тэргүүний профессор
2004 КтМС-ийн Шилдэг судлаач багш
2004 ШУТИС-ийн Эрдмийн зөвлөлийн шагнал
2003 КтМС-ийн Тэргүүний судлаач багш
2001 Худалдаа аж үйлдвэрийн тэргүүний ажилтан цол, тэмдэг
2000 КтМС-ийн Сургалтын тэргүүний багш
1998 КтМС-ийн Тэргүүний судлаач багш

Хэлний мэдлэг:

 Орос хэл - онцсайн
 Англи хэл - сайн

Док(Sc.D)., проф. Л. Оюунцэцэг

E-mail: loyuns@csms.edu.mn,

Монгол улсын нийгэм эдийн засгийн үзүүлэлт 2010 оны эхний 2 сарын байдлаар...

2010-03-11T13:27:00.001+08:00

I.Нийгмийн үзүүлэлт

-Ажил эрхлэлтийн байдал-
Үндэсний статистикийн газраас ажиллах хүчний судалгааг явуулсан байна. Судалгаанд нийт 3204 өрхийг хамруулсан байна.

Судалгааны дүнгээр 15 ба түүнээс дээш насны эдийн засгийн идэвхтэй хүн амын тоо 1120.3 мянга байгаагийн 53.2 хувь нь эрэгтэй, 46.8 хувь нь эмэгтэйчүүд байна.

Эдийн засгийн идэвхтэй хүн амын 977.4 мянга нь ажиллагчид, 142.9 мянга нь ажилгүй иргэд байна. Ажилгүйдлийн түвшин 2009 оны 4-р улиралд улсын хэмжээнд 12.8 хувь, хотод 16.5 хувь, хөдөөд 7.9 хувьтай байна. Аймаг, нийслэлийн хөдөлмөр, халамжийн үйлчилгээний хэлтэст бүртгэлтэй ажилгүй иргэдийн тоо 11.6 хувиар нэмэгдсэн байна.

Улсын хэмжээгээр 19.5 мянган эмэгтэй ажилгүй гэж бүртгүүлсэн нь нийт бүртгэлтэй ажилгүйчүүдийн 54.3 хувийг эзэлж байгаа юм.

Бүртгэлтэй ажилгүй иргэдээс 2010 оны эхний 2 сарын байдлаар 3000 хүн ажилд орсон байна. Үүний 18.1 хувь нь төрийн өмчит үйлдвэрийн газар, төсөвт байгууллагад, 81.9 хувь нь компани, хоршоо, бусад байгууллагад ажилд оржээ.

Нэг өрхийн сарын дундаж мөнгөн орлого 349.1 мянган төгрөг байгаа нь өмнөх оны мөн үеийнхээс 1.6 хувиар өссөн үзүүлэлт байна. Харин нэг өрхийн сарын дундаж мөнгөн зарлага 368.3 мянган төгрөг байгаа нь өмнөх оны мөн үетэй харьцуулахад 0.9 хувиар нэмэгдсэн үзүүлэлт аж.

Нийгмийн даатгалд 2010 оны эхний 2 сард 353.3 мян.хүн хамрагдаж, шимтгэл төлж байгаагийн 59 хувь нь аж ахуйн нэгж, байгууллагын, 41 хувь нь төсөвт байгууллагын даатгуулагчид байна. Нийгмийн даатгалын сангаас 2010 оны эхний 2 сард нийт 55.4 тэрбум төгрөгийн тэтгэвэр олгожээ. Нийгмийн халамжийн тэтгэвэр, тэтгэмж, тусламжийг 2010 оны эхний 2 сард 172.7 мянган хүнд олгож, 7.9 тэрбум төгрөг зарцуулжээ.

-Улсын хэмжээнд 2010 оны эхний 2 сард 3000 хүн нас баржээ-
Улсын хэмжээнд төрсөн хүүхдийн тоо (амьд төрөлтөөр) 2010 оны эхний 2 сард 11253 болж, өмнөх оны мөн үеийнхээс 983 хүүхдээр, амаржсан эх 11219 болж, 991 эхээр хувиар нэмэгдсэн байна. Улсын хэмжээгээр нэг хүртэлх насандаа эндсэн хүүхдийн тоо 243 болж, өмнөх оны мөн үеийнхээс 25 хүүхдээр,1-5 хүртэлх насандаа эндсэн хүүхдийн тоо 64 болж, 33 хүүхдээр нэмэгдэж, харин эхийн эндэгдэл 7 болж, 4 эхээр буурсан байна.

Халдварт өвчнөөр 2010 оны эхний 2 сард 4.9 мянган хүн өвчилжээ. Салхин цэцэг, вируст хепатит, тэмбүүг, цусан суулга, трихомониаз зэрэг халдварт өвчний тохиолдол буурсан байна. ХДХВ/ДОХ-ын тохиолдол 2010 оны эхний 2 сард хоёр бүртгэгдэж, 65 тохиолдол болжээ.

Улсын хэмжээнд 2010 оны эхний 2 сард 3000 хүн нас барсан нь өмнөх оны мөн үеийнхээс 576 хүн буюу 23.9 хувиар өссөн байна. Эмнэлэгт нийт 111.5 мянган хүн хэвтэж эмчлүүлсэн нь өмнөх оны мөн үеийнхээс 5.9 мянган хүн буюу 5.6 хувиар нэмэгдэв.

-Гэмт хэрэг-
Улсын хэмжээнд 2010 оны эхний 2 сард 3175 гэмт хэрэг бүртгэгдсэн нь өмнөх оны мөн үеийнхээс 191 хэргээр буюу 5.7 хувиар буурчээ. Зарим төрлийн гэмт хэрэг өссөн ч өмчлөх эрхийн эсрэг гэмт хэрэг, байгаль хамгаалах журмын эсрэг гэмт хэрэг, шүүн таслах ажиллагааны эсрэг гэмт хэрэг, хүүхэд, гэр бүл, нийгмийн ёс суртахууны эсрэг гэмт хэрэг, аж ахуйн эсрэг гэмт хэрэг 4.9-53.3 хувиар буурсан нь нийт гэмт хэргийн тоо буурахад нөлөөлжээ. Гэмт хэрэг үйлдэгдсэн газраар нь авч үзвэл 38.9 хувь нь гэр, орон сууцанд, 18.0 хувь нь гудамж талбайд, 14.2 хувь нь олон нийтийн газарт, 1.3 хувь нь нийтийн тээвэрт, 2.7 хувь нь төрийн байгууллагад, 2.1 хувь нь төрийн бус байгууллагад, 4.4 хувь нь аж ахуйн нэгжид, 4.5 хувь нь авто зам дээр, 13.9 хувь нь бусад газарт үйлдэгджээ.

II.Макро эдийн засгийн үзүүлэлт
Хэрэглээний үнийн улсын индекс 2010 оны 2 дугаар сард өмнөх сартай харьцуулахад 3.0 хувь, өмнөх оны жилийн эцсийнхээс 5.4 хувь, өмнөх оны мөн үеийнхээс 8.3 хувиар тус тус өссөн байна. Ерөнхий индекс өмнөх сартай харьцуулахад 3.0 хувиар өсөхөд хүнсний бараа, ундаа, усны бүлгийн үнэ 6.2 хувиар нэмэгдсэн нь голлон нөлөөлсөн байна. Түүнчлэн согтууруулах ундаа, тамхины бүлгийн үнэ дүнгээрээ 0.3 хувь, хувцас, бөс бараа, гутлынх 1.5 хувь, гэр ахуйн тавилга, барааных 1.1 хувь, эм, тариа, эмнэлгийн үйлчилгээнийх 0.1 хувь, холбооны хэрэгсэл, шуудангийн үйлчилгээнийх 8.4 хувь, амралт, чөлөөт цаг, соёлын бараа, үйлчилгээнийх 0.6 хувь, зочид буудал, нийтийн хоол, дотуур байрны үйлчилгээнийх 2.9 хувь, бусад бараа, үйлчилгээнийх 1.0 хувиар тус тус өсчээ.
Харин орон сууц, ус, цахилгаан, түлшний бүлгийн үнэ дүнгээрээ 0.1 хувь, тээврийн бүлгийнх 0.9 хувиар буурч, боловсролын үйлчилгээний бүлгийн үнэ тогтвортой байв. Хэрэглээний бараа, үйлчилгээний үнэ 2010 оны 2 дугаар сард өмнөх сартай харьцуулахад Өмнөговь аймагт 0.2 хувиар буурсан бөгөөд бусад 20 аймаг, Улаанбаатар хотод 0.3-7.7 хувиар өссөн байна.

-Банкуудын чанаргүй зээл 442,5 тэрбум төгрөгт хүрчээ-
Mонголбанкны мэдээгээр мөнгөний нийлүүлэлт 2010 оны 2 дугаар сарын эцэст 2960.0 тэрбум төгрөгт хүрч, өмнөх сарынхаас 89.0 тэрбум төг буюу 3.1 хувь, өмнөх оны мөн үеийнхээс 645.2 тэрбум төг буюу 27.9 хувиар өсчээ. Гүйлгээнд байгаа бэлэн мөнгө 2010 оны 2 дугаар сарын эцэст 352.3 тэрбум төгрөгт хүрч, өмнөх сарынхаас 1.5 тэрбум төг буюу 0.4 хувиар өсч, өмнөх оны мөн үеийнхээс 45.0 тэрбум төг буюу 11.3 хувиар буурчээ. Аж ахуйн нэгж, байгууллага, иргэдэд олгосон нийт зээлийн өрийн үлдэгдэл 2010 оны 2 дугаар сарын эцэст 2682.0 тэрбум төгрөгт хүрч, өмнөх сарынхаас 7.6 тэрбум төг буюу 0.3 хувиар өсч, өмнөх оны мөн үеийнхээс 3.3 тэрбум төг буюу 0.1 хувиар буурчээ.

Хугацаа хэтэрсэн зээлийн өрийн үлдэгдэл 2010 оны 2 дугаар сарын эцэст 142.8 тэрбум төгрөгт хүрч, нийт зээлийн өрийн үлдэгдлийн 5.3 хувийг эзэлж байгаа бөгөөд өмнөх сарынхаас 20.3 тэрбум төг буюу 16.6 хувь, өмнөх оны мөн үеийнхээс 0.2 тэрбум төг буюу 0.1 хувиар тус тус өсчээ. Банкны системийн хэмжээгээр чанаргүй зээл 2010 оны 2 дугаар сарын эцэст 442.5 тэрбум төг болж, нийт зээлийн өрийн үлдэгдлийн 16.5 хувийг эзэлж байгаа нь өмнөх сарынхаас 15.7 тэрбум төг буюу 3.4 хувиар буурч, өмнөх оны мөн үеийнхээс 243.9 тэрбум төг буюу 2.2 дахин нэмэгдсэн байна.

-Төсвийн алдагдал 36,6 тэрбум байна-
Үнэт цаасны арилжаа 2010 оны 2 дугаар сард 18 удаа явагдаж, 1.9 тэрбум төгрөгийн гүйлгээ хийж, 3.8 сая ш үнэт цаас арилжигдсан байна. Арилжигдсан үнэт цаасны тоо өмнөх сарынхаас 2.8 сая ш буюу 3.7 дахин өсч, өмнөх оны мөн үеийнхээс 8.5 сая ш буюу 3.2 дахин буурчээ. Гүйлгээний хэмжээ өмнөх сарынхаас 1.3 тэрбум төг буюу 3.0 дахин, өмнөх оны мөн үеийнхээс 0.5 тэрбум төг буюу 39.0 хувиар өсчээ. Улсын нэгдсэн төсвийн орлого, тусламжийн нийт хэмжээ 2010 оны эхний 2 сард 326.7 тэрбум төг, нийт зарлага, эргэж төлөгдөх цэвэр зээлийн хэмжээ 378.1 тэрбум төг болж, нийт тэнцэл 51.4 тэрбум төгрөгийн алдагдалтай гарлаа. Төсвийн алдагдал өмнөх оны мөн үеийнхээс 60.8 тэрбум төгрөгөөр буурахад төсвийн орлогын өсөлт зарлагынхаас 53.8 пунктээр их байгаа нь нөлөөлжээ. Төсвийн урсгал орлого 311.8 тэрбум төг, урсгал зардал 348.4 тэрбум төг болж,урсгал тэнцэл 36.6 тэрбум төгрөгийн алдагдалтай гарчээ. Татварын нийт орлого өмнөх оны мөн үеийнхээс 119.9 тэрбум төг буюу 74.8 хувиар өсөхөд зарим бүтээгдэхүүний үнийн өсөлтийн албан татварын орлого 37.0 тэрбум төг буюу 227.4 дахин, аж ахуйн нэгжийн орлогын албан татварынх 33.5 тэрбум төг буюу 2.2 дахин, нэмэгдсэн өртгийн албан татварынх 14.4 тэрбум төг буюу 34.6 хувиар өссөн нь голлон нөлөөлжээ.

-Манай улсад оруулсан шууд хөрөнгө оруулалт 184,5 сая ам.доллар байна-
Хөрөнгө ба санхүүгийн данс 2009 оны IV улиралд 363.3 сая ам.долларын ашигтай гарч, 2008 оны мөн үеийнхтэй харьцуулахад 55.0 сая ам.доллар буюу 17.8 хувиар өссөн байна. 2009 оны IV улиралд 284.1 сая ам.долларын гадаадын шууд хөрөнгө оруулалт хийгдсэн ба өмнөх оны мөн үетэй харьцуулахад 157.5 сая ам.доллар буюу 2.2 дахин өсчээ. Үүнд манай улсад оруулсан шууд хөрөнгө оруулалт 184.5 сая ам.доллар болж, өмнөх оны мөн үетэй харьцуулахад 57.2 сая ам.доллар буюу 1.4 дахин өссөн нь голлон нөлөөлсөн байна.

Манай улс 2010 оны эхний 2 сард дэлхийн 86 оронтой худалдаа хийж, гадаад худалдааны нийт бараа эргэлт 607.6 сая ам.доллар, үүнээс экспорт 311.7 сая ам.доллар, импорт 295.8 сая ам.долларт хүрчээ. Нийт бараа эргэлтийн хэмжээ өмнөх оны мөн үеийнхээс 169.4 сая ам.доллар буюу 38.7 хувь, үүний дотор экспортын хэмжээ 79.3 сая ам.доллар буюу 34.1 хувь, импортын хэмжээ 90.0 сая ам.доллар буюу 43.7 хувиар өсчээ. Гадаад худалдааны тэнцэл 2010 оны эхний 2 сард 15.9 сая ам.долларын ашигтай гарсан ч, өмнөх оны мөн үеийнхээс 10.6 сая ам.доллар буюу 40.0 хувиар багасав.

Хэдийгээр боловсруулаагүй буюу хагас боловсруулсан алтны экспортын биет хэмжээ 85.1 хувь, үнийн дүн нь 83.5 хувиар буурсан боловч нийт экспортын хэмжээ өмнөх оны мөн үеийнхээс өсөхөд зэсийн баяжмалын биет хэмжээ 2.1 хувь, үнийн дүн нь 2.2 дахин, цайрын баяжмалын биет хэмжээ 3.8 дахин, үнийн дүн 8.0 дахин, төмрийн хүдрийн биет хэмжээ 2.3 дахин, үнийн дүн нь 3.0 дахин өссөн нь голлон нөлөөлжээ.

III.Эдийн засгийн салбарын үзүүлэлт

-Улсын хэмжээнд 3 сая 397,4 мянган мал хорогджээ-
Улсын хэмжээгээр 2010 оны эхний 2 сарын байдлаар 2.1 мянган тэмээ, 110.7 мянган адуу, 186.4 мянган үхэр, 1196.2 мянган хонь, 1901.9 мянган ямаа буюу оны эхэнд тоологдсон нийт малын 7.7 хувьтай тэнцэх 3397.4 мянган том мал зүй бусаар хорогдсон байна. Нийт хорогдсон малын дийлэнх буюу 56.0 хувийг ямаа эзэлж байна. Том малын хорогдол 2010 оны эхний 2 сард 2002 оноос хойшхи онуудын бүтэн жилийн хорогдлоос давсан байгаа бөгөөд дээрх хугацааны жилийн дундаж хорогдолтой харьцуулахад 3.7 дахин их байна.

Аж үйлдвэрийн салбарын нийт үйлдвэрлэлт 2010 оны эхний 2 сард (2005 оны зэрэгцүүлэх үнээр) 266.2 тэрбум төгрөгт хүрч, өмнөх оны мөн үеийнхээс 38.7 тэрбум төг буюу 17.0 хувиар өслөө. Аж үйлдвэрийн салбарын нийт үйлдвэрлэлт өмнөх оны мөн үеийнхээс 17.0 хувиар өсөхөд 35 хувийн агуулгад шилжүүлснээр зэсийн баяжмал, 47 хувийн агуулгад шилжүүлснээр молибдений баяжмал болон цайр, хайлуур жоншны баяжмал, нүүрс, газрын тос, бүх төрлийн малын мах, гурил, архи, дарс, пиво, катодын зэс, металл цувимал, ган төмөр хийц зэрэг аж үйлдвэрийн салбарын голлох нэр төрлийн бүтээгдэхүүний үйлдвэрлэл өссөн нь нөлөөлсөн байна. Аж үйлдвэрийн салбарын дүнгээр 2010 оны эхний 2 сард 507.3 тэрбум төгрөгийн (оны үнээр) бүтээгдэхүүнийг дотоод, гадаадын зах зээлд борлуулав.

-Төмөр зам болон агаарын тээврийн салбарын орлого 51,1 тэрбум болжээ-
Улсын хэмжээнд 2010 оны эхний 2 сард нийт 3.9 тэрбум төгрөгийн барилга угсралт, их засварын ажил гүйцэтгэсний 2.6 тэрбум төгрөг буюу 66.3 хувь нь дотоодын, 1.3 тэрбум төгрөг буюу 33.7 хувь ньгадаадын барилгын байгууллагуудад ногдож байна.

Төмөр замын тээврээр 2010 оны эхний 2 сард давхардсан тоогоор 549.4 мянган зорчигч зорчиж, 2425.5 мян.т ачаа тээвэрлэсэн нь өмнөх оны мөн үеийнхээс зорчигчдын тоо 36.3 мян.хүн буюу 7.1 хувь, тээсэн ачаа 424.4 мян.т буюу 21.2 хувиар өсчээ.

Агаарын тээврээр 2010 оны эхний 2 сард давхардсан тоогоор 43.9 мянган зорчигч зорчиж, 237.0 тонн ачаа тээвэрлэсэн нь өмнөх оны мөн үеийнхээс зорчигчдын тоо 9.9 мян.хүн буюу 29.0 хувь, тээсэн ачаа 53.8 тонн буюу 29.4 хувиар өсчээ.

Төмөр зам болон агаарын тээврийн салбарын нийт орлого 2010 оны эхний 2 сард 51.1 тэрбум төгрөгт хүрч, өмнөх оны мөн үеийнхээс 9.3 тэрбум төгрөг буюу 22.2 хувиар өсчээ.

Аюулт үзэгдэл, осол 2010 оны эхний 2 сард 563 удаа гарсны улмаас 53 хүн амь насаа алдаж, 2.9 сая мал хорогджээ. Аюулт үзэгдэл, ослыг төрлөөр нь авч үзвэл объектын түймэр 522 удаа, хүчтэй цасан болон шороон шуурга 8 удаа, газар хөдлөлт 2 удаа бүртгэгджээ. Аюулт үзэгдэл, ослын улмаас 157.4 тэрбум төгрөгийн хохирол учирсан байна.

Монгол Улсын Үндэсний Статистикийн хороо

“Монголын инновацийн холбоо” ТББ байгуулагдлаа

2010-03-09T22:34:00.001+08:00

“Монголын инновацийн холбоо” ТББ-ын зорилго, зорилт, үйл ажиллагааны үндсэн чиглэл

“Монголын инновацийн холбоо” ТББ-ын эрхэм зорилго:

“Иргэдийн бүтээлч сэтгэлгээг хөгжүүлэх, нийгэмд инновацийн соёлыг төлөвшүүлэх чиглэлээр олон талт үйл ажиллагаа явуулах замаар шинжлэх ухаан технологи, инновацийн хөгжлийн таатай орчин бий болгох, үндэсний инновацийн үр ашигтай тогтолцоо бүрдүүлэхэд дэмжлэг үзүүлж, улмаар мэдлэгт суурилсан инновацийн эдийн засагтай, хөгжингүй Монгол улсыг бүтээн байгуулахад хувь нэмэр оруулах явдал мөн”.

“Монголын инновацийн холбоо” ТББ-ын үйл ажиллагааны зорилтууд:

1. Холбооны гишүүд, дэмжигчдийн инновацийн чадавхийг нэгтгэн, тэдний хүч чармайлтыг нийгэмд эерэг хандлага, эрүүл уур амьсгал бий болгох, инновацийн соёлыг төлөвшүүлэх, иргэдийн бүтээлч сэтгэлгээг хөгжүүлэх, нийгмийн сэтгэлгээний инноваци хийхэд чиглүүлэх(сэтгэлгээний инноваци)

2. Мэдлэгт суурилсан эдийн засагтай, хөгжингүй Монгол улсыг бүтээн байгуулах үндэс болох инновацийг хөгжүүлэх нийгэм, эдийн засаг, улс төр, шинжлэх ухаан технологийн таатай орчин бүрдүүлэх(инновацийн таатай орчин)

3. ШУТ, инновацийн салбарт холбооны гишүүдийн тэргүүлэгч байр суурийг бататгах, тэдний нэр хүндийг өсгөж, эерэг дүр төрхийг бий болгон, улс орны хөгжлийн гол зүтгүүр болох инновацийн манлайллыг төлөвшүүлэх(инновацийн манлайлал)

4. Инновацийг хөгжүүлэх чиглэлд шинжлэх ухаан- боловсрол-бизнес-төрийн болон иргэний нийгмийн байгууллагуудын үйл ажиллагааны уялдаа холбоог хангаж, үр ашигтай хамтын ажиллагааг эрчимжүүлэх замаар инновацийн түншлэлийг бий болгох(инновацийн түншлэл)

5. Монгол улсын тусгаар тогтнол, үндэсний аюулгүй байдлыг бататгахуйц инновацийн чиг баримжаатай хөгжлийн зөв бодлого, стратеги боловсруулж хэрэгжүүлэхэд гишүүд дэмжигчдийн хүчийг чиглүүлж, бодлогын инновацийг хэрэгжүүлэх (бодлогын инноваци)

Монголын инновацийн холбоо” ТББ-ын үйл ажиллагааны үндсэн чиглэл:

• Монгол улсад Үндэсний инновацийн тогтолцоо бүрдүүлэхэд дэмжлэг үзүүлэх, төрийн инновацийн бодлого боловсруулах, хэрэгжүүлэхэд оролцох;

• Гишүүд, дэмжигчдийн хүрээнд инновацийн үр ашигтай түншлэлийг хөгжүүлэх замаар тэдний инновацийн үйл ажиллагааг эрчимжүүлэх;

• Үндэсний инновацийн соёлын төлөвшүүлэх, иргэдийн бүтээлч сэтгэлгээг хөгжүүлэх үүднээс бүх нийтийн инновацийн боловсрол олгох сургалтын хөтөлбөр боловсруулж хэрэгжүүлэх;

• Инновацийн төсөл, хөтөлбөр боловсруулах, хэрэгжүүлэх, шалгаруулах, тэдгээрт оролцох;

• ШУТ, инновацийн чиглэлээр уралдаан тэмцээн, үзэсгэлэн, хурал, семинар, уулзалт, зөвлөгөөн зохион байгуулах, тэдгээрт оролцох;

• Эрдэм шинжилгээ судалгаа, туршилт зохион бүтээлтийн ажил гүйцэтгэх, оролцох;

• Инновацийн менежмент, технологи дамжуулалтын чиглэлээр мэргэшүүлэх, мэргэжлийн ур чадварыг дээшлүүлэх сургалт зохион байгуулах;

• ШУТ, инновацийн чиглэлээр мэргэжлийн зөвлөгөө өгөх, экспертиз, аудит хийх;

• Инновацийн мэдээлэл сурталчилгаа, хэвлэл нийтлэлийн үйл ажиллагаа явуулах, иновацийн мэдээллийн сан бүрдүүлэх, мэдээлэл түгээх сүлжээ байгуулах;

• Өндөр технологийн аж үйлдвэр, инноватив ЖДҮ, бизнесийг хөгжүүлэх, технологи, бизнесийн инкубацийн үйл ажиллагаа явуулах(эдийн засаг, менежмент, маркетинг, санхүү, хөрөнгө оруулалтын талын туслалцаа дэмжлэг, техник технологийн хангамж, сургалт);

• ШУТ, инновацийн хүрээнд гадаад хамтын ажиллагааг хөгжүүлэх;

• Холбооны гишүүд дэмжигчдийн зүгээс дүрмийн зорилгыг хэрэгжүүлэх чиглэлээр явуулж буй үйл ажиллагааг дэмжих;

МОНГОЛ УЛСАД ҮНДЭСНИЙ ИННОВАЦИЙН ТОГТОЛЦОО ХӨГЖҮҮЛЭХ ҮЗЭЛ БАРИМТЛАЛ, ҮНДЭСНИЙ ХӨГЖЛИЙН ШИНЭ ПАРАДИГМ

2010-03-09T14:39:00.003+08:00

МОНГОЛ УЛСАД ҮНДЭСНИЙ ИННОВАЦИЙН ТОГТОЛЦОО
ХӨГЖҮҮЛЭХ ҮЗЭЛ БАРИМТЛАЛ,
ҮНДЭСНИЙ ХӨГЖЛИЙН ШИНЭ ПАРАДИГМ

док(ScD)., проф. Л. Оюунцэцэг

ШУТИС, КтМС, Маркетинг үйлдвэрлэлийн профессорын баг,
Жижиг дунд үйлдвэрлэлийн судалгаа сургалтын төв
loyun2001@yahoo.com, loyuns@csms.edu.mn

Хураангуй

Даяаршлын өнөөгийн нөхцөлд улс орнуудын нийгэм- эдийн засгийн хөгжилд шинжлэх ухаан технологийн гүйцэтгэх үүрэг улам бүр өсөн нэмэгдэх хандлагатай болж байна. Улс орны өрсөлдөх чадвар хүн амын тоо, газар нутгийн хэмжээ, байгалийн баялгаар бус, харин мэдлэг оюунд түшиглэн нөөцөө хэрхэн үр өгөөжтэй ашиглаж байгаагаас ихээхэн хамаарч, үүнд инноваци шийдвэрлэх үүрэг гүйцэтгэх болов. Шинжлэх ухааны мэдлэгийг үр ашигтай хэрэглээ болгон хувиргахад чиглэсэн инновацийн үйл ажиллагаа ихээхэн эрчимжиж, түүнийг баримжаалах явдал эдийн засаг, аж үйлдвэрийн хөгжлийн цоо шинэ хандлагыг тодорхойлж байна. Дэлхий дахины ололт туршлагаас үзэхэд олон улс орон өөрийн онцлогт тохирсон инновацийн бодлого боловсруулан хэрэгжүүлж, үндэсний инновацийн үр ашигтай тогтолцоо бүрдүүлж хөгжүүлэн багагүй амжилтанд хүрээд байна. Үндэсний инновацийн тогтолцоо(ҮИТ)-г хөгжүүлэх нь өндөр хөгжилтэй орнуудын хувьд аж үйлдвэржилтийн дараах нийгэм, мэдлэгт түшиглэсэн эдийн засгийг хөгжүүлэхэд шийдвэрлэх үүрэг гүйцэтгэж байгаа төдийгүй, хөгжиж буй орнуудын тухайд хөгжлийн хурдацаа нэмэгдүүлэх, хоцрогдлоо богино хугацаанд даван туулах чухал арга зам мөн. Манай улсын хувьд дэлхий дахины энэхүү нийтлэг чиг хандлагыг харгалзан хөгжлийнхөө бодлого стратегийн хүрээнд инновацийн чиг баримжааг тусгаж, бодитойгоор хэрэгжүүлэх явдал ирээдүйн ололт амжилтын түлхүүр нөхцөл юм. Манай Засгийн газраас “Монгол улсад үндэсний инновацийн тогтолцоо хөгжүүлэх хөтөлбөр”(ЗГ-ын 306 тоот тогтоол, 2007.11.28) батлан гаргаж, хэрэгжүүлэх үйл ажиллагаа явагдаж эхлээд байгаа билээ. Илтгэлд инноваци, үндэсний инновацийн тогтолцооны онолын үндэс, Монгол улсын ҮИТ-ны онол-арга зүйн загвар, улс орны инновацийн хөгжлийн түвшин, ҮИТ хөгжүүлэх урьдач нөхцөл болон үзэл баримтлал, үндэсний хөгжлийн шинэ парадигм зэрэг асуудлуудыг хөндөн авч үзэв.

Түлхүүр үг: инноваци, үндэсний инновацийн тогтолцоо, хөгжлийн үзэл баримтлал,
парадигм

Инноваци ба үндэсний инновацийн тогтолцооны онолын үндэс
Инноваци(innovation) гэсэн ойлголт нь шинжлэх ухааны мэдлэг, шинэ, үр ашигтай зүйлсийг нэвтрүүлж, хэрэглээний эргэлтэнд оруулахтай шууд холбоотой. Эдүгээ эдийн засгийн онол, практикт инновацийн утга агуулгыг олон талтайгаар, тодруулбал, “инноваци бол үр дүн”, “инноваци нь процесс(үйл ажиллагаа)”, “инноваци - арга хэрэгсэл, тогтолцоо, үзэгдэл” гэсэн гурван өөр хандлагаар тодорхойлж байна. Эдгээрээс эхний хоёр нь явцуу, сүүлийнх нь өргөн хүрээтэй хандлага юм. Түүнчлэн нэг дэхийг үр дүнгийн, хоёр дахийг үйл явцын, гурав дахийг системийн хандлага гэж тодорхойлж болох талтай[2, 3]. 2006 онд шинэчлэгдэн батлагдсан Монгол улсын Шинжлэх ухаан технологийн тухай хуульд: “Инноваци гэж эрдэм шинжилгээний ажлын үр дүнг эцсийн бүтээгдэхүүн болгон зах зээл, үйлдвэрлэл, үйлчилгээнд нэвтрүүлэх цогц үйл ажиллагаа” хэмээн заасан[4]. Энд инновацийг үйл явцын хандлагаар тодорхойлсон гэж үзэж болно.

Ер нь инновацийг шинжлэх ухаан технологийн хувьд шинэлэг, практикт хэрэгжүүлэх болон үйлдвэрлэлд нэвтрүүлэх боломжтой, арилжигдахуйц, өөрөөр хэлбэл, зах зээлд борлогдон, хэрэглэгчийн хэрэгцээ шаардлагыг хангах чадвартай байх гэсэн гурван үндсэн шалгуурт нийцэж байх ёстой гэж үздэг. Инновацийн объектод бүтээгдэхүүн(нэр төрөл, чанар), үйлчилгээ, материал түүхий эд, үйлдвэрлэлийн багаж хэрэгсэл, тоног төхөөрөмж, технологийн процесс, хүний хүчин зүйл(хүний хөгжил), удирдлага, зохион байгуулалтын үйл ажиллагаа, тогтолцоо, нийгмийн салбар зэргийг хамруулж болно.

Зохиогчийн зүгээс өмнөх судлаачдын хандлагуудыг нэгтгэн харгалзаж, инновацийн мөн чанар агуулгыг дараах байдлаар тодорхойлон авч үзэх санал дэвшүүлж байгаа болно: “Эдийн засгийн хувьд үр өгөөжтэй хэрэглээ болон үйлдвэрлэл, практикт нэвтэрсэн шинэ ба шинэчилсэн бүтээгдэхүүн, технологи, түүнчлэн борлуулалт, удирдлага- зохион байгуулалт, санхүү-эдийн засгийн болон бусад дэвшилтэт шийдлийг инноваци гэнэ”[2, 3].

Инновацийн онолын хөгжил 1950-иад оноос, түүнийг үндэслэгч Австрийн эдийн засагч И. Шумпетерийн судалгаа бүтээлээс эх үндэстэй бөгөөд тэрбээр инновацийг орчин үеийн хандлагаар анхлан авч үзэж, түүний эдийн засгийн өсөлтөнд гүйцэтгэх үүргийг тодорхойлжээ[5]. Инновацийн онол нь аж ахуй эрхлэлтийн онол, өрсөлдөөний онол, эдийн засгийн мөчлөгийн онол, эдийн засгийн өсөлт ба хөгжлийн онолтой нягт уялдаатайгаар онолын нэг бие даасан чиг хандлага болон эрчимтэй хөгжиж байна. Сүүлийн жилүүдэд инновацийн онолын хүрээнд шинэ чиг хандлагууд бий болж байгаагаас эдийн засгийн хөгжлийн кластерийн онолыг дурьдаж болно. Энэхүү чиг хандлагын хөгжилд М. Портер, С. Стерн нар чухал үүрэг гүйцэтгэжээ[6]. Инновацийн онол, практикийн хүрээнд явуулсан судалгааг үндэслэн инновацийн онолын түүхэн хөгжлийн үйл явцыг дараах 5 үндсэн чиг хандлага-үе шатаар авч үзэж болно хэмээн үзэж байна[2, 3]. Эдгээр нь:
I. 1950-1960-аад он.Нийлүүлэлтийн чиг хандлага(Technology Push);
II. 1960-1970-аад он. Эрэлтийн чиг хандлага(Market Pull);
III. 1970-1980-аад он. Хосолмол чиг хандлага(Technology Push- Market Pull);
IY.1980-1990-ээд он. Интеграцчиллын буюу инновацийн системийн чиг хандлага;
Y. 1990-ээд он-өнөө үе. Сүлжээ интеграцчиллын буюу Үндэсний инновацийн тогтолцооны чиг хандлага;
1980-аад оны дунд үеэс ҮИТ-ны чиг хандлагын хүрээнд онол, практикийн өргөн хүрээтэй судалгааг янз бүрийн орны эрдэмтэн судлаачид эрчимтэй явуулж эхэлсэн бол 1990 –ээд оноос уг чиг хандлага ихээхэн түгээмэл болж, өндөр хөгжилтэй орнуудын эдийн засгийн практикт ҮИТ бодитойгоор хэрэгжсэн байна. АНУ, Европын холбооны тэргүүлэгч орнууд үндэсний инновацийн үр ашигтай тогтолцоог бүрдүүлж чадсан бөгөөд “шинжлэх ухаан-боловсрол-бизнес- төр”-ийн нягт уялдаа, хамтын ажиллагааг хангах хөгжлийн нэг шинэ, үр өгөөжтэй механизм хэмээн үзэж байна. Улс орнуудын хувьд ҮИТ-г хөгжүүлэх гол үндэслэл шаардлага нь нийгэм эдийн засгийн тогтвортой өсөлтийг хангаж, өрсөлдөх чадварыг бэхжүүлэх явдал мөн. Эдүгээ энэхүү чиг хандлага нь онол арга зүйн хүрээнд инновацийн онолын нэг бие даасан чиглэл болсны зэрэгцээ, практик хэрэгжилтийн хувьд улс орнуудын нийгэм- эдийн засгийн тогтолцооны нэг бүрэлдэхүүн хэсэг, төрийн эдийн засгийн хөгжлийн бодлогыг хэрэгжүүлэх механизм болон эрчимтэй хөгжиж байгаа билээ.
ҮИТ-ны чиг хандлагын эдийн засгийн онолын үндэс нь Германы эдийн засагч Фредрих Лист(1841)-ийн “үндэсний үйлдвэрлэлийн систем” –ийн үзэл баримтлалтай холбоотой гэж үздэг. Харин орчин үед, 1970-аад оноос онолын бие даасан хандлага болж хөгжихөд К.Фримен, Д. Кларк, Л. Соете нарын технологийн системийн судалгаа болон С. Девис, Э. Мэнсфилд, А. Ромео нарын зэрэг эрдэмтдийн инновацийн нэвчилт(диффузи)-ийн үйл явцын судалгаа чухал үүрэг гүйцэтгэжээ. ҮИТ-ны чиг хандлагын хөгжилд К. Фримен(1987), Р. Нельсон(1988), Б.Лундвол (1988) нарын судалгаа бүтээлүүд онцгой байр суурь эзэлдэг[7, 8, 9]. ОХУ-ын эрдэмтэд ҮИТ-ны чиг хандлагыг хөгжүүлэхэд ихээхэн хувь нэмэр оруулж байна. Энэ чиглэлээр цөөнгүй эрдэмтэд судалгаа явуулж, олон тооны бүтээл туурвил гаргажээ. Гол төлөөлөгчдийг дурьдвал В.В. Иванов, Н.А. Иванова, Н. В. Бекетов, В. Н. Фридлянов, В. А. Васин, Л. Э. Мендель, О. Г. Голиченко нар юм[2, 3].

Өнөөгийн байдлаар ҮИТ-ны чиг хандлагын хөгжилд хэд хэдэн тулгамдсан асуудал ажиглагдаж байна. Эдгээр нь юуны өмнө ҮИТ-ны мөн чанар, агуулгын тодорхойлолт нэг мөр болоогүй, нөгөө талаар инновацийн процесс үйл ажиллагааны мөн чанарын талаар бүрэн гүйцэт нэгдмэл ойлголт төлөвшөөгүй байгаатай холбоотой гэж үзэж байна.

ҮИТ-ны мөн чанар, агуулгын олон тодорхойлолтыг судлаачид боловсруулаад байна. Эдгээрийг иш үндэс болгон: “Үндэсний инновацийн тогтолцоо бол шинэ, эдийн засгийн хувьд үр ашигтай мэдлэгийг бий болгон нэвтрүүлж, хэрэглээний эргэлтэд оруулан ашиглахад тодорхой үүрэг гүйцэтгэн, хувь нэмэр оруулдаг, өөр хоорондоо харилцан уялдаатайгаар инновацийн хүрээнд хамтран ажилладаг төр, олон нийтийн болон хувийн хэвшлийн байгууллага, субъектүүдийн цогц нэгдэл” хэмээн тодорхойлж байгаа болно[2, 3].

Инновацийн процесс, үйл ажиллагаа нь судалгааны болон арилжааны гэсэн 2 үндсэн мөчлөгөөр явагддаг байна. Инновацийн хүрээн дэх интеграцийн үйл явц нь хэд хэдэн чиглэлээр хөгжиж иржээ. Эдгээрийг товч дурьдвал:

1. Салбар, сектор хоорондын интеграци(шинжлэх ухаан-боловсрол-бизнес, төр-бизнес г.м.);
2. Босоо/вертикаль интеграци (инновацийн үйлдвэрлэгч -хэрэглэгч хоорондын);
3. Хэвтээ/горизонталь интеграци (инновацийн үйлдвэрлэгчдийн хоорондын);
4. Сүлжээ интеграци(дээрх төрлүүдийн хосолмол хэлбэр);

Сүлжээ интеграцийн хөгжил нь шинжлэх ухаан технологи, инновацийн хүрээнд технологи бизнесийн инкубатор, инновацийн төв, технологи дамжуулах төв, шинжлэх ухаан, технологи, аж үйлдвэрийн парк гэх мэт шинэ бүтцүүд бий болох, кластер, технополис үүсч хөгжихөд чухал түлхэц өгчээ. Эдгээр нь инновацийн дэд бүтцийг бүрдүүлэгч үндсэн элементүүд юм. Чухамхүү сүлжээ интеграци өргөжин гүнгийрсэний үрээр инновацийн тогтолцоо, тэр дундаа үндэсний инновацийн тогтолцоо эрчимтэй хөгжиж байгаа билээ. Иймээс ҮИТ-ны үүсэл хөгжлийн үйл явцыг шинжлэх ухаан технологи, инновацийн хүрээнд эрчимтэй өрнөж буй интеграцийн процессийн үр дагавар гэж дүгнэж болно.

Бүрэн эхээр нь татаж авахыг хүсвэл ЭНД ДАРНА УУ

Интернэт маркетинг-2008 ном

2010-02-26T08:40:00.000+08:00

Интернэт маркетингийн тухай номыг pdf хэлбэрээр орууллаа.
татаж авах эсвэл дараах линкийг ашиглаж болно.

http://share.gogo.mn/CWT4xdT4Fo31821267146121/internet marketing.pdf

Үйлчилгээний маркетинг гэж юу вэ?

2010-02-25T20:24:00.004+08:00

Үйлчилгээний маркетингийн хичээлийг анхан шатнаас эхлэн дунд түвшинд хүртэл сэдэвчилсэн байдлаар хүргэхээр төлөвлөж байна. Өнөөдрийн хичээлээр үйлчилгээний маркетингийн үндсэн ойлголтуудыг тайлбарлая.

¯éë÷èëãýý ãýæ þó âý?

¯éë÷èãýý íü áîäèò áóñ øèíæ ÷àíàðòàé, ¿éë÷ë¿¿ëýã÷ ýñâýë òýäíèé ºì÷ëºëä áóé ýä õºðºíãºòýé õàðüöäàã, ºì÷ëºëèéí øèëæèëò áèé áîëãîäîãã¿é

Õýðýãëýã÷èéí ýðýëò, õýðýãöýýã õàíãàõ áîäèòîé á¿òýýãäýõ¿¿í, ýñâýë ¿éë àæèëëàãààã íü á¿õýëä íü á¿òýýãäýõ¿¿íä òîîöîãääîã òóë á¿òýýãäýõ¿¿í, ¿éë÷èëãýý íü á¿òýýãäýõ¿¿íèé äýä êàòåãîðè þì.

¯éë÷èëãýýíèé îíöëîã, øèíæ ÷àíàð

- ¯ë ìýäðýãäýõ

¯éë÷èëãýý íü õèéñâýð, áîäèò áóñ. Ò¿¿íèéã õ¿ëýýí àâàõ õ¿ðòëýý õàðæ, àìòàëæ, ¿íýðëýæ, ñîíñîõ áîëîìæã¿é áàéäàã.

- Ýõ ¿¿ñâýðýýñýý ñàëäàãã¿é

¯éë÷èëãýý íü ò¿¿íèé ýõ ¿¿ñâýð áîëîõ õ¿í, ýñâýë ìàøèíààñ ñàëàõ áîëîìæã¿é. ¯éë÷ë¿¿ëýã÷, ¿éë÷ëýã÷ õî¸ð õî¸óëàà ¿éë÷èëãýýíèé ãàðöàä íºëººëíº.

- Àíãëè õýëíèé ñóðãàëò

– Çààæ áóé áàãø

– Çààëãàæ áóé ñóðàã÷

– Àíãè òàíõèì, ñàìáàð ã.ì

¯éë÷èëãýý ¿ç¿¿ëýã÷ èë¿¿ îëîí òîîíû ò¿íø¿¿äòýé õàìòàð÷ àæèëëàõ

¯éë÷ëýã÷èéí ò¿ðãýí øóóðõàé áàéäëûã õàíãàõ

Õóâààðèëàëòûã ºðãºòãºõèéí òóëä áàéãóóëëàãûíõàà íýðèéí ºìíººñ çóó÷ëàã÷äûã àøèãëàõ

- ×àíàð íýã õýâèéí áàéäàãã¿é

¯éë÷ëýã÷ ¿éë÷èëãýýíèé öàã õóãàöàà, îðîí áàéð çýðãýýñ õàìààð÷ ¿éë÷èëãýýíèé ÷àíàð õýëáýëçýæ áàéäàã

- Õàäãàëàãäàõã¿é øèíæòýé

¯éë÷èëãýý íü õàäãàëàãäàõ áîëîìæã¿é áºãººä ýðýëò íü áàéíãà ººð÷ëºãäºæ áàéäàã.

¯éë÷èëãýýã õýðõýí ìýäðýãäýõ øèíæòýé áîëãîõ âý?

- ¯éë÷èëãýýíèé ¿ð ä¿íã óðüä÷èëàí òàíèëöóóëíà

- ¯éë÷èëãýýòýé õîëáîîòîé áóñàä àøèã, õîíæîîã îíöãîé àíõààðóóëàí, òàíèëöóóëíà

- ¯éë÷ë¿¿ëýã÷èéí èòãýëèéã íýìýãä¿¿ëýõèéí òóëä ¿éë÷èëãýýíäýý îíöãîé òàíèõ òýìäýã, ìàðêèéí ÿëãààã õýðýãëýíý.

- ¯éë÷ë¿¿ëýã÷èéí èòãýëèéã íýìýãä¿¿ëýõèéí òóëä ¿éë÷èëãýýíèéõýý ñóðòàë÷èëãààíä àëäàðòàé õ¿ì¿¿ñèéã îðîëöóóëàõ

¯éë÷èëãýýíèé ÷àíàðò õýðõýí õÿíàëò òàâèõ âý?

- Îð÷èí ¿åèéí ºíäºð ìýäëýãòýé ìýðãýæèëòýí áýëòãýõýä õºðºíãº îðóóëàëò õèéõ

- ¯éë÷èëãýýíèé ã¿éöýòãýëèéí ÿâöûã ñòàíäàðò÷èëàõ

- Îëîí íèéòèéí ñàíàë, ãîìäëûã àâàõ, òýäíèé äóíä àñóóëãà ÿâóóëàõ, èæèë òºðëèéí ¿éë÷èëãýýã çýðýãö¿¿ëæ ÿâóóëàõ çýðýã àðãààð áàéíãà ñóäàëæ áàéõ

¯éë÷èëãýýíèé à÷ààëëûã õýðõýí õóâààðèëàõ âý?

Ýðýëò òàëààñ íü:

- ßëãàâàðòàé ¿íý òîãòîîñíîîð

- Ýðýëò áóóðàõ ¿åä ò¿¿íèéã äýëãýð¿¿ëñíýýð

- À÷ààëëûí îðãèë ¿åä àëü íýãèéã ñîíãóóëõààð íýìýëò ¿éë÷èëãýýã ãàðãàõ

- Óðüä÷èëàí çàõèàëãà àâàõ

Á¿òýýãäýõ¿¿í

Êîòëåð á¿òýýãäýõ¿¿í, ¿éë÷èëãýýíèé òàëààðõ 4 ÿëãààòàé êàòåãîðè:

- Öýâýð á¿òýýãäýõ¿¿í

- ¯éë÷èëãýýíèé õàâñðàãà áîäèò

á¿òýýãäýõ¿¿í

- Òóñëàõ á¿òýýãäýõ¿¿í áà ¿éë÷èëãýýíèé

õàâñðàãà ãîë ¿éë÷èëãýý

- Öýâýð ¿éë÷èëãýý

Үйлчилгээний маркетингийн хольц

үргэлжлэл бий....

КтМС-ийн багш Д.Ганбаатар: Маркетингийн тулаан VI ''Ноос ноолуурын салбар''

2010-02-22T09:11:00.005+08:00

Зах зээл судлаачид цаг үргэлж л худалдан авагчаар баримжаа хийдэг. Тэд менежерүүдэд үйлдвэрлэлээсээ илүүтэй худалдан авагчдаа л түлхүү ажиглаж байхыг ахин дахин анхааруулдаг. Дэлхийн II дайнаас хойш чухамдаа эрхэмсэг худалдан авагч гуай л зах зээлийн ертөнцийг захирах болсон. Гэвч сүүлийн жилүүдэд эрхэмсэг эзэнтэн маань үхлүүт байгааг анзаарах боллоо. Компаниуд ингэж байгаад тааламжтай нөхцөлд ч унаад өгдгийг ойлгохын тулд бизнес дан үйлдвэрлэлээр баримжаалдаг байсан 20-иод онд эргэн очицгооё. Хенри фордын алдар нэр цэцэглэж байсан тэр үед Форд -Та дуртай өнгөтэй машинаа худалдан авч болно. Гэхдээ тэр чинь хар л байх болно гэж хэлж чадаж байлаа. Тэр цагт бизнес реклам гэгч юмыг өөртөө нээсэн юм. Нийтийг хамарсан зар сурталчилгаа нь нийтийг хамарсан эрэлтийг бий болгож нийтийг хангах үйлдвэрлэлд түлхэж байлаа.
Дайн дуусмагц тэргүүлэх компаниуд худалдан авагчаараа баримжаа хийх болов. Тоглолтыг зах зээл судлаачид хөтлөн зах зээлийн судалгаагаа үүндээ ашигладаг байсан.
Одоо ч гэсэн бүгдээрээ худалдан авагчаараа л бүхнийг баримжаалж байна. Хүмүүс юу хүсдгийг мэдэх нь бизнес эрхлэгчдэд төдий л тус болохгүй. Учир нь тэр хэрэгцээг хангахаар өөр хэдэн арван компани зүтгэж байгаа шүү дээ. Ийм нөхцөлд American Motors- ийн бэрхшээл нь худалдан авагчид бус General Motors, Ford, Chrysler болон гадаадын машин үйлдвэрлэгчид л байсан юм.

Асуудлын мөн чанараас жаахан холдож маркетингийг америк хөл бөмбөгтэй зүйрлэе. Илүү олон оноо авсан баг нь хождог биз дээ. Тэгвэл илүү их борлуулалт хийсэн маркетингийн баг л ялалт байгуулна. Ялалтын тухай ойлголт нь адил. Гэвч хөл бөмбөгийг маркетингийн дүрмээр тоглох гэвэл юу болох вэ ?

Маркетингийн менежерийг хөл бөмбөгийн талбай дээр зогсож байна гэж төсөөлье. Тэр юуны өмнө оноо авах өөрөөр хэлбэл борлуулалтаа өсгөх гол цэг болсон хаалганы байрлалыг тодорхойлж таарна. Дараа нь багаа хаалга руу чиглүүлж бөмбөгөө тоглолтод оруулна. Гэвч ийм бүдүүвч шулуун ойлголт нь шууд л сүйрэлд хүргэнэ гэдгийг ойлгохын тулд америк хөл бөмбөгийн дасгалжуулагч байх шаардлагагүй. Хөл бөмбөгт ялахын тулд хуурах хөдөлгөөн хийх, жигүүрээр довтлох, өөрөөр хэлбэл нөгөө багтайгаа хөөцөлдөж тоглох хэрэг гардаг. Өрсөлдөгчөө хэрхэн мэхлэж, яаж зөв довтлох чадвараас чинь оноо хамаарна. Дайнд ч гэсэн ялахын тулд шуудхан уухай хашгираад дайрах бус дайснаа хуурах, жигүүрээр хумиж бүслэх, дарамтлах зэргээр есөн шидийг хийх хэрэгтэй болдог. Жанжны эзэлж авсан нутаг дэвсгэр бол түүний уран чадварын тусгал юм.

Ноос, ноолуурын салбар бол Монголын нэлээд чухал салбарын нэг юм. Хэрэглэгчид бодож магадгүй ийм жижиг зах зээл дээр ноос, ноолуурын үйлдвэрлэгчид ийм олон байх хэрэг байна уу ? Дотоод зах зээлийг булаацалдах хэрэг юу байгаам бэ? Дэлхий гэж том зах зээл байна шдээ гэж. Энэ нь 2 талтай гэж ойлгож болно. Нэгдүгээрт хэрэглэгчидийн хувьд олон компани байх тусам сонголт ихтэй, хоёрдугаарт гадаад зах зээл дээр өрсөлдөөнд орохын тулд дотоод зах зээл дээр нэр хүндтэй байх хэрэгтэй болдог. Гадаадын компаниуд хамтрагчаа сонгохын тулд хэн ч мэдэхгүй нэг компанитай харьцсанаас харин дотооддоо нэр хүндтэй хэрэглэгчид мэддэг компанитай харьцах нь илүү дээр байдаг. Тэгэхээр зах зээлийн жижиг гэж голох биш харин яаж түүнийг эзлэх талаар бодох хэрэгтэй. Дотоод зах зээл маань гадаад зах зээл дээр гарах анхны гишгүүр юм. Иймээс л компаниуд дотоод зах зээлийг эзлэх сонирхолтой байдаг.

Энэ салбарын өрсөлдөөн намар, өвөл идэвхждэг. Зах зээлд улирлын чанартайгаар тулаан хийдгээрээ онцлог. Одоо ноолуурын компаниудын хоорондох өрсөлдөөн ид хүчээ авч, олон шинэ компани гарч ирж байгаа. Тиймээс ч шинэ бүтээгдэхүүн үйлдвэрлэж, зар сурталчилгаа хийн, урамшуулал зарлаж эхэллээ.

Монголын ноолуурын компаниудын бүтээгдэхүүн чанарын хувьд бол ив ижил. Харин загварын хувьд ялгаатай. Загвараар “Алтай кашмир”, “Гоёо”, “Говь”, дараа нь “Ээрмэл” орно. Будаг болон боловсруулалтын хувьд өөр байдаг. Хэрэглэгчиддээ гэж хэлэхэд 100 хувийн цэвэр ноолуураар хийсэн хувцас бөөсөрдөг. Харин торгоны холио болон өөр зүйл хольсон ноолуур бөөсрөхгүй. Хятадаас торгоны хольцтой ноолууран бүтээгдэхүүн импортоор их орж ирж байгаа. Торгоны холиог хийснээр бүтээгдэхүүний өртөг хямдардаг. Тиймээс зах зээлд хямд үнээр зарагддаг. Одоогийн байдлаар “Говь” компани торгоны хольцтой ноолууран бүтээгдэхүүн үйлдвэрлэж байгаа. Торгоны хольц оруулах нь дотоодын чанартай ноолуурын нэр хүндийг бууруулах сөрөг талтай. Дэлхийн зах зээл дэхь ноолууран бүтээгдэхүүний загварын чиг хандлага, өнгөнөөс Монголын компаниуд хоцордоггүй. Монголчууд хуваарилалтын сувгаа зөв зохион байгуулж чаддаггүй. Тиймээс олон улсын зах зээлд дээд зэргийн чанартайд тооцогддоггүй.

Монголд ноолуурын зах зээлд үйл ажиллагаа явуулдаг 20-иод компани бий. Эдгээр компаниуд дотроос “Говь”, “Алтай Кашмир”, “Гоёо”, “Ээрмэл” голлох байр суурь эзэлж байгаа. Тиймдээ ч энэ салбарын хөгжлийн чиг хандлагыг тодорхойлж зах зээлийг хуваан эзлэдэг. Ингээд дээрхи дөрвөн компанийн маркетингийн тулааныг хүргэж байна.

“Говь”компанийн хамгаалах стратеги

“Говь” компани зах зээлд эзэлсэн байр сууриа хамгаалах стратеги баримталдаг. Ноос, ноолуурын үйлдвэрлэл, худалдааны чиглэлдээ томоохон компаниудын тоонд орно. Зах зээлийг дангаараа эзлэж байсан цаг саяхан ч хувьчлагдсанаасаа хойш маркетингийн оновчтой бодлого төдийлөн хэрэгжүүлж чадаагүй. Нэлээд их хэмжээний хөрөнгө оруулалт хийсэн улсын үндсэн үйлдвэрүүдийн нэг байсан учраас нөөц бололцоо ихтэй, хуучин гол бааз суурь сайтай. Одоогийн байдлаар “Говь” компанийн эзлэсэн өндөрлөг рүү маш олон компаниуд мацаж байгаа. Өөрийн эзлэсэн байр суурийг хамгаалах, өндөрлөгөөсөө яаж буухгүй байх вэ гэдэгт анхаардаг. Тиймээс ч зах зээлд өөрийн мөн чанарыг мэдрүүлсэн, хүчирхэг давуу гэдгээ бусдад харуулах алхам хийж байгаа. Саяхан намар, өвлийн ноолууран хувцасны коллекциар үзэсгэлэн зохион байгуулсан. “Говь” хамгаалалтын стратегид шилжсэнээр бусад компани маркетингийн бодлогоо хэрэгжүүлсэний дараа зах зээлд шинэлэг бүтээгдэхүүн гаргадаг. Үүний илрэл нь жишээлбэл үйлвэрийн дэлгүүрээ сүүлд нээсэн явдал. Энэ тохиолдолд маркетингийн зардал харьцангүй бага гарна. Ихэнх удирдагч нар өндөрлөгрүү гарах хэцүү гэдэг харин эсрэгээрээ өндөрлөгийг эзлэх нь амархан харин өндөрлөгөө хамгаалах хэцүү гэж хэлмээр байна.

“Алтай Кашмир”-ийн нэр хүндийн стратеги

Ноолуурын зах зээлийн хоёр дахь том компани бол “Алтай Кашмир”. Энэ компаний үндсэн стратеги нь нэр хүндийн стратеги. Байгуулагдаад олон жил болсон, тухайн зах зээлдээ нэр хүндтэй компанийн тоонд зүй ёсоор орно. Цөөхөн тооны бүтээгдэхүүнийг олон загвараар үйлдвэрлэдэг. Олон загвараар бүтээгдэхүүн үйлдвэрлэхэд зардал их гарч зах зээлд өндөр өртөгөөр зарагддаг. Өндөр өртгийг дагаад чанар, өртөгийн хослолыг бий болгох шаардлага урган гарч буй. Тиймээс “Алтай кашмир” нэр хүндийн стратеги баримталдаг. Нэр хүндийн стратегийг бий болгохын тулд маркетингийн зардал өндөр гаргах хэрэгтэй болно. Энэ тохиолдолд давуу талаа хэрэглэгчдэд мэдрүүлэх ёстой. Зар сурталчилгаа, идэвхижүүлэлтэнд ч их хэмжээний мөнгө зарах хэрэгтэй болно. Өөрөөр хэлбэл өөрийн сүр хүчийг үзүүлэх хэрэгтэй. “Говь”-ийн байр суурийг эзлэж өндөрлөгт хүрэхийн тулд илүү хүч хөдөлмөр гаргах шаардлагатай. Дайтаж байна гэж үзвэл их цэрэг, техникийг ашиглаж хүчин чадлыг бүрэн дайчилна гэсэн үг. Маркетингийн зөв бодлого хэрэгжүүлбэл “Говь”-ийн байр суурийг эзлэх боломжтой.

“Гоёо”-гийн манлайлагчийн шинэчлэлтийг зогсоох стратеги

“Гоёо” манлайлагчийн шинэчлэлтийг зогсоох стратеги барьдаг. “Говь”-ийн зах зээлд хийж буй алхам бүрийг даган дууриаж, эсвэл эсрэг арга хэмжээ авдаг. Энэ нь тухайн зах зээлийг хүчээр эзлэх бодлого хэрэгжүүлнэ гэсэн үг. “Гоёо” компани нь “МСS”-ийн охин компанийн тоонд ордог. “МСS” дэлхийн томоохон компаниудын гэрээт борлуулагч учраас ихэнх брэндүүд нь маркетингийн зардалтайгаа орж ирдэг. Тэр хүрээнд хамтад нь маркетингийн арга хэмжээнүүдийг зохион байгуулдаг учраас зардал харьцангүй бага гарах боломжтой. Бусад өрсөлдөгчдийн хувьд өөрсдийн хүчээр маркетинг хийдэг учраас энэ асуудал нь нэлээд хүндээр тусдаг. “Гоёо” компанийн хувьд цэргийнхээр бааз суурь сайтай. Томоохон хэмжээний тулаан ороход бэлэн. Цохилтонд орсон ч даагаад гарна. “Говь” компанийн дараа ноолууран хувцасны коллекциор худалдаа зохион байгуулсан ч олон нийтэд төдийлөн мэдэгдээгүй. Энэ нь “Гоёо”, “Говь”-ийн асаасан галыг намжаах зорилгоор энэ арга хэмжээг зохион байгуулсантай холбоотой. Манлайлагчийн шинэчлэлтийг зогсоохын тулд “Гоёо” олон бодлого хэрэгжүүлдэг. Дагах стратеги барьж байсан бол стратегиа өөрчлөн манлайлагчийг сөрж зогсох хэмжээний том компани болж өргөжсөн. Өдгөө “Говь”, “Гоёо” хоёр зах зээлд өөд өөдөөсөө халз тулсан байдалтай байна.

“Ээрмэл”-ийн манлайлагчийг дагах стратеги

“Ээрмэл” компани зах зээлд манлайлагчийг дагах стратеги барьдаг. Салбартаа олон жил түүхтэй компани. Зах зээлд хэдэн жилийн өмнө хүчтэй алхам хийж байсан боловч тулаанд гарч ирж чадаагүй. Өнөөдөр үйл ажиллагаа нь зогсонги, шийдэмгий бус байдалтай байна.. Ямар нэг шинэ зүйл санаачилахгүй ерөнхийдөө жижиг өрсөлдөгчийн хэмжээнд очсон. Өмнөх нэр хүндээр нь аваад үзвэл манлайлагчийн байр суурийн төлөө өрсөлдөх компанийн тоонд зүй ёсоор орно. Гэсэн ч давуу талаа ашигладаггүй. Арслан мөртөө туулай зүрхтэй байдал анзаарагдаж байгаа. Манлайлагч компанийг давах зоригтой алхам хийх ёстой. Өөрөөр хэлбэл өрсөлдөөнд орж тухайн зах зээлийг эзлэн авах шинэ төрлийн бүтээгдэхүүнийг бий болгох, маркетингийн хүчтэй бодлого явуулах хэрэгтэй. Энэ компанид зах зээлд ойртон очиж шинэ стратеги боловсруулбал хөгжих бололцоо бий. Сайн маркетингийн бодлого, чадварлаг менежер дутаж байгаа.

“Говь” компанийн давуу болон сул тал

“Говь” компани зах зээлд өндөр байр суурь эзлэж байсан. Хүчтэй компани. Одоогийн зах зээлд өөрийн байр суурийг улам баталгаажуулах боломж байгаа боловч нарийн аргачлал боловсруулж чаддаггүй. Хуучин нэр хүндээрээ явж байгаа. Шинэлэг арга хэмжээг төдийлөн хэрэгжүүлдэггүй. Дотоодын зах зээлийг орхигдуулж байгаа сул талтай. Нэр хүндээ хадгалж маркетингаа бататгаж чаддаггүй. Идэвхижүүлэлтийн бодлого муу. Хувьчлалд орсноор “Говь” компани нэр хүндээ алдаагүй. Ингэснээр удирдлагын зардлаа бууруулж, өөрсдийн алхамуудыг хийх боломжтой болсон. Үйлдвэрийн дэлгүүрээ нээсэн, Италиас шинэ технологи оруулж ирсэн гээд давуу талууд байгаа.

Алтай кашмир” компанийн давуу болон сул тал
“Алтай кашмир” нэр хүндтэй компани. Чанартай бүтээгдэхүүн үйлдвэрлэдэг давуу талыг хэрэглэгчдийн сэтгэл зүйд хоногшуулж чадсан. Давуу байдлаа хадгалах нийгэм олон нийт рүү чиглэсэн маркетингийн бодлого дутуу хийсэн. Брэндийн буюу массын бүтээгдэхүүн зах зээлд гаргах шаардлагатай. ISO 9000 Олон улсын чанарын байгууллагаас ноолуурын салбартаа анх удаа гэрчилгээ авсан. Энэ нь “Алтай Кашмир” компанийн ноолууран бүтээгдэхүүний технологи чанарын өндөр түвшинд байгаагийн нотлогоо болсон. Өөрөөр хэлбэл түүхий эд бэлтгэлээс эхлээд хэрэглэгчийн гар дээр очих хүртэлх бүтээгдэхүүн үйлдвэрлэх шат стандартын дагуу хийгдсэн гэсэн үг. “Алтай Кашмир” бүтээгдэхүүнийхээ чанарыг ингэж баталгаажуулсанаараа бусад компаниудаасаа давуу талтай. Ноолууран бүтээгдэхүүний хэрэглээ талд анхаарч ноолууран хувцасны угаалгын нунтагийг худалдан авсан бүтээгдэхүүний үнийн дүнтэй тэнцүүлэн хэрэглэгчдэд олгож байгаа энэ нь ч нэлээд шинэлэг болсон. Гадаадаас дизайнер урьж ажиллуулж байгаа нь бүтээгдэхүүний загварыг сайжруулж байгаа нь дэвшилтэт алхам болсон. Дотоодын зах зээлд түлхүү анхаардаг.

“Гоёо” компанийн давуу болон сул тал
“Гоёо” бааз суурь сайтай. Зах зээлийн борлуулт болон идэвхижүүлэлтэнд бага анхаардаг ч хүчирхэг компанийн тоонд зүй ёсоор орно. Анх гарч ирэхдээ нэлээд өргөн далайцтай орж байсан боловч одоо төдийлөн сайн харагдахгүй байна. Боловсон хүчин санхүү, нэр хүнд зэрэг давуу тал ихтэй учраас давшилтанд орох бүрэн боломжтой. Шинэ бодлого хэрэгжүүлэхгүй, хуучныг даган дууриах, бусад компанийн хийсэн шинэчлэлтийг зогсоохоор оролддог сул талтай. Урьд нь хийж байсан зоригтой давшилтуудаа зах зээлд дахин сэргээх хэрэгтэй. Мэргэжилтнүүдийн дунд нэр хүнд нь буурч байгаа гэсэн мессеж хүчтэй тарж байгаа. Нэр хүндээ өсгөх талд илүү анхаарах шаардлагатай. Гоёо компани ноолуураар хүүхдийн хослол үйлдвэрлэж байгаа. Хүүхдийн хөдөлгөөн тоглох орчин эрс өөр. Энэ нь зах зээлд төдийлэн оновчтой сегмент байж чадахгүй. Ноолуур бол тансаг хэрэглээний бүтээгдэхүүн. 40-өөс дээш насныхан их хэрэглэдэг. Тэгэхээр хүүхдийн залуусын гэж сегментлэх нь нь буруу. Түүний оронд албаны, энгийн баяр ёслолын гэж сегментлэх нь тохиромжтой.

“Ээрмэл” компанийн давуу болон сул тал
Ноолуураас гадна ноосоор бүтээгдэхүүн хийх чадалтайгаараа бусад компаниудаасаа давуу. Урьдны өндөр нэр хүндийг ерөөсөө ашигладаггүй. Шилдэг удирдагч, маркетер, сайн боловсон хүчин дутмаг. Зах зээлээ судлан хүчтэй маркетингийн бодлого хэрэгжүүлбэл манлайлагчийн байр суурь эзлэх боломжтой. Хуучны хүчирхэг байсан давуу талаа тодотгон тулаанд орох боломжийг судлах ёстой.

Ноолуурын зах зээлийн тулаанд ялахын тулд

Ноолуурын зах зээлд хөрөнгө оруулж буй гадныхан энэ чиглэлээр Монголд аль компани нэр хүндтэй байгаа юм бэ гэдгийг илүү сонирхдог. Нэр хүндтэй компаниудтай л хамтрахыг хүсдэг. Тиймээс ноолуурын салбарын өрсөлдөгчид зах зээлд илүү сайн ажиллаж, нэр хүндээ сэргээх ёстой. Гэхдээ гадаад зах зээлд нэр хүндээ өсгөн, бүтээгдэхүүнээ гаргахад ч давхар анхаарах хэрэгтэй. Монголын ноолуурын жилдээ зах зээлд 20 тэрбум төгрөг эргэлддэг. 20 тэрбумын дийлэнхи хэсгийг “Говь” компани эзлэдэг. Гаднын жуулчид ихэнхи орлогыг оруулдаг. Соц нийгмийн үеийн ноолуурын зах зээлийн өрсөлдөөн хэвээр байгаа. Шинэчлэгдэж байгаа дүр зураг төдийлэн харагдахгүй байна.

Маркетингийн бодлогын гол нь бүтээгдэхүүний чанар болон нэр хүндийг нэмэгдүүлэх тал дээр ажиллагааг эрчимжүүлэх ёстой. Шинэлэг үйлчилгээг бий болгох, үйлдвэрийн болон нэрийн дэлгүүрийн тохижилтыг сайжруулах, үнийн урамшууллын аргуудыг ашиглах, үзэсгэлэн худалдааг зохион байгуулах, бүтээгдэхүүний каталоги хийх зэрэг ажлууд илүү тохиромжтой байдаг.

Хэн нэгнээ даган дуурайснаар хождоггүй. Зах зээлд анхдагч байсан нь хождогийг сана.

КтМС-ийн багш Д.Ганбаатар

ROLEX брэндийг үүсгэн байгуулагч Ханс Вильсдорф

2010-02-17T16:44:00.003+08:00

ROLEX өөрөө өөрийнхөө зах зээлийг бэлтгэж хэрэглэгчээ бэлтгэсэн үнэхээр гайхамшигт брэнд юм. Тухайн үед хүмүүсийн хэрэглэдэг цаг бүгд л Халаасанд хийдэг цаг байсан бол Ханс Вильсдорф халаасны цаг хийсэнгүй, харин хүмүүсийн бугуйнд зүүх боломжтой цаг үйлдвэрлэж хэрэглээгээ бий болгосон юм. Энэ бол яах аргагүй ROLEX брэндийн гайхамшиг болон үлдсэн.

ROLEX брэндийг үүсгэн байгуулагч Ханс Вильсдорф
Үүсгэн байгуулагч Ханс Вильсдорф нь Бавари гаралтай бөгөөд 12 насандаа өнчирч, 24 насандаа цагны үйлдвэртэй болохоор сэтгэл шулуудсан нэгэн аж.

Лондон хотноо ажиллаж байсан тэрээр 1905 онд "Вильсдорф ба Дэвис" хэмээх компани байгуулжээ. 1960 онд насан эцэс болтлоо "Худалдаачин" гэсэн нэрээр бүхий л албан ёсны бичиг баримтад гарын үсэг зурж байсан агаад өөрийгөө цаг үйлдвэрлэгч гэж хэзээ ч зарлан тунхаглаж байгаагүй аж. Халаасны цаг ноёрхож байсан тэр үед тэрээр бугуйн цаг хийх болжээ. Тогтооход амархан, хэлэхэд хялбархан, богинохон үгээр бүтээгдэхүүнээ нэрлэхийг эрмэлзсээр "Ролекс" гэж нэрлэх болжээ. Энэ нэр 1927 оны 11 дүгээр сарын 24-нд Ролекс Оустер маркийн цагийг үйлдвэрлэж гаргаснаар дэлхийд алдаршиж түүхээ бичүүлэх болжээ. Энэ цаг худалдаанд гараад жил болсны дараа "Daily Mail" сонинд бүтэн нүүр сурталчилгаа тавигдсан нь цагны үйлдвэрийн сурталчилгааны эхлэл болсон байна.

Ролекс (Rolex) маркийн цаг нь өндөр үнэ, чанар, чамин ганган. хийц загварын хувьд цагийг он, cap, өдөртэй болгож, улмаар ус, тоос шороо нэвтэрдэггүй, урвалд идэгдэж зэврэхгүй болгож сайжруулжээ. Ролекс нь Швейцарьт үйлдвэрлэдэг баталгаажсан цагны хамгийн том үйлдвэрлэгч юм. Дэйтона (Daytona) маркийн цагийг зэвэрдэггүй металлаар хийдэг бөгөөд ихээхэн эрэлттэй бүтээгдэхүүн юм. Энэ цагийг авч худалдахын тулд худалдаачид гурваас долоон жил хүлээдэг байна. Цаг цуглуулагчид энэ цагийг авахын тулд 15,000 ам.доллар төлдөг ч тохиолдол байдаг аж.

Ролекс, Оустер маркийн цаг нь гоё сайхан, чанар, загвар болон алдаагүй явдаг талаараа цагны ертөнцийг хаанчилж байна. Cellissima Tonneau маркийн цаг үйлдвэрлэх болсноор Ролекс компани нь бүтээгдэхүүнийхээ хүрээг өргөжүүлсэн билээ. Энэ загварын цаг нь Ролекс маркийн дотроос үнэт эрдэнийн чимэг бүхий цаг юм. Өнөө үед Ролекс гэдэг үг нь дэлхийн орчин үеийн спорт, баялаг, төгс төгөлдөр байдал болон эрчимтэй амьдралын загвартай агаар нэг сонсогдох болжээ. Ийм ч учраас дэлхийн нэртэй жүжигчид, уулчид, морин спортынхон, хайгуулчид, гольфчид, поло тоглогчид, уралдааны машин унагчид, алдартай бүтээгдэхүүн юм.

Ролекс гэдэг нь барааны нэр боловч уг нэр нь XX зуунд хүмүүсийн нийгэмд эзлэх байр суурийг илэрхийлэх үзэгдэл болон хувирсан. 1908 оны 7 дугаар сарын 2-нд Ханс Вильсдорф хэмээгч Ролекс маркийн цагийг анх бүртгүүлж байсан түүхтэй. 80 жилийн дараа тэрээр дэлхийн хамгийн том, хүчтэй үйлдвэрлэгч болж чаджээ. Ханс Вильсдорф тооны аргыг ашиглан "тасралтгүй" явдаг цагийг анх бүтээсэн байна. Алдарт “Ролекс Оустер” маркийн цаг нь мушгиснаас хойш 35 цаг тасралтгүй явдаг. Дараа нь Ролекс тэшүүрчид, теннисчид бүгд л энэхүү брэндийн элч төлөөлөгчид болж тус брэнд нь тэдгээрийн эрч хүч, авьяас чадвар, мэргэжлийн түвшин, амьдралын хэм маягийг илэрхийлэх болсон аж. 1953 онд Эверестийн оргилд түүхэн авиралт хийсэн ноён Эдмонд Хиллари Ролекс Оустер маркийн цаг зүүж явсан түүхтэй. 25 жилийн дараа энэ оргилыг мөн байлдан дагуулсан Рейнхолд Месснер алдарт Ролекс цагийг зүүж явжээ.

Эх сурвалж: News.gogo.mn

Дэлхийн махны зах зээл

2010-02-02T21:31:00.002+08:00

Үхрийн мах: АНУ-ын Хөдөө аж ахуй яамны (USDA) таамаглаж байгаагаар, 2010 онд үхрийн махны дэлхийн үйлдвэрлэл нэг хувиар үргэлжилж буурах аж. Харин Бразил болон Энэтхэгт үйлдвэрлэл нь өсөх бол Аргентин, Хятад болон АНУ-д буурах төлөвтэй байна. USDA-ийн үзэж буйгаар, 2010 онд Аргентин улсад үхрийн махны үйлдвэрлэл 13 хувиар буурч, 2.8 сая тонныг гаргах бол Хятадад мөн буурах агаад үйлдвэрлэл нь 2003/2004 оны түвшинд хүрэх гэнэ. Тэгвэл АНУ-д 2 хувиар үхрийн махны үйлдвэрлэл доошлох бол Бразилд 4 хувиар нэмэгдэх аж.

Үхрийн махны экспорт, импортын хувьд Энэтхэг улс бусад орноос нийлүүлэлтээ нэмэгдүүлэх боломжтой гэж USDA-ийн шинжээчид үзсэн байна. Тухайлбал, тус улс энэ онд үхрийн махныхаа экспортыг 700 мянган тоннд хүргэх гэнэ. Аргентины хувьд энэ жил экспортоо бууруулах бөгөөд ялангуяа Европын холбоо, Чили, ОХУ, Венесуэл болон Израильд хөлдөөсөн болон хөргөөсөн махны нийлүүлэлтээ багасгах юм байна. ОХУ эдийн засгийн өсөлтөөсөө шалтгаалж, энэ жил үхрийн махны үйлдвэрлэлээ багасгах тул импортынхоо махыг 11 хувиар нэмэгдүүлэх аж.

Үхрийн махны дэлхийн зах зээлийн үндсэн үзүүлэлт /мянган тн/

Гахайн мах: USDA-ийн үзэж буйгаар, Хятад улсад гахайн махны үйлдвэрлэл нэмэгдэх шалтгаанаас энэ жил махны дэлхийн үйлдвэрлэл гурван хувиар нэмэгдэх төлөвтэй байна.

АНУ, Канад болон Европын орнуудад гахайн махны үйлдвэрлэл өмнөх оноос үлэмж хэмжээгээр буурах бол Орос болон Украинд бага зэрэг өсөх магадлалтай аж. Хятадад 2010 онд Засгийн газрын дэмжлэг туслалцаатайгаар гахайн махны үйлдвэрлэл өнгөрсөн жилтэй харьцуулахад 4 хувиар нэмэгдэх юм байна.

Шувууны мах: Энэ онд шувууны махны дэлхий үйлдвэрлэл 3 хувиар нэмэгдэх төлөвтэй байна. Ялангуяа Бразил болон Хятадад үйлдвэрлэл нь өсөх аж. Түүнчлэн Аргентин, Энэтхэг болон Орост мөн нэмэгдэх гэнэ.

Тахианы махны дэлхийн зах зээлийн үндсэн үзүүлэлт /мянган тн/

Эх сурвалж: News.gogo.mn

Financial Translation Skills Training

2010-01-27T12:14:00.002+08:00

American Cultural and Information Center in Mongolia
Open and innovative course for future financial professionals

If you interested sample lecture please see web site of the financial department of jambiin batmunkh school of economic studies

Open and Innovative Academic and Pragmatic Skills Training for Finance Students Intensive translation program designed to help students who specialized on banking, finance, economics, statistics, and mathematical economics or related field.

Who is eligible?
• Financial or related sector junior students who wish to update their reading and translating knowledge and skills of Financial English.• Prospective students are expected to provide evidence of strong interest in the fields of Financial Research and Translation.• Students entering the program are expected to have adequate preparation in mathematics, corporate finance and economic analysis.
Topics
-Global financial crisis and its implications for financial institutions in least developing countries
-Short sales
-Holding period return
-Forecasting for the long haul
-Evaluating investments by Using Utility Scores
-Risk Aversion, Expected Utility, and the St.Petersburg Paradox
-The Markowitz Portfolio selection model
-Extension of the CAPM
-The Index Model and Diversification
-Individual assets and the APT
-Random walks and the efficient market hypothesis
-Behavioral finance
-The Fama-French Three-Factor Model
-Bond Indentures
-Interest rate uncertainty and forward rates
-Passive bond management
-Interest rate swap
-Inverse floater
-The aggregate stock market
-Hedge ratios and the Black-Scholes Formula
-Speculating on Mispriced Options
-Spot –Futures Parity Theorem
-Style analysis
Duration
23 February – 11, May 2010Featuring• Learn financial research papers and technical finance terminology and related grammar • Improve translation skills in Academic Financial Textbooks and Journals• Practice critical and quick reading in Academic Financial Papers and Textbooks
Requirement: Prospective students are required to interview in Mongolian.
Deadline: 12 February deadline for to getting registered
Apply online: Applicants with internet access may utilize our e-mail registration found on
our e-mail at ac_mongolia@yahoo.com
or please send your interest letter to following address

Phone/: 976-70115703
Ch. Togtokhtseren 99125332
E-mail: ac_mongolia@yahoo.com

Ulaanbaatar -28, Seoul gudamj-7
American Cultural and Information Center
Dashdorjiin Natsagdorj Central Ulaanbaatar City Library

Маркетингийн удирдлага /Шинэ ном/

2010-01-26T19:38:00.002+08:00

Монгол оронд маркетингийн ухаан үүсэн хөгжсөн арав гаруй жилийн хугацаанд олон арван эрдэмтэн, багш судлаачид энэхүү шинжлэх ухааны салбар чиглэлүүдээр Маркетингийн үндэс, Хэрэглэгчийн зан төлөв, Байгууллагын харилцааны маркетинг, Үйлчилгээний маркетинг, Аялал жуулчлалын маркетинг зэрэг олон ном, бүтээлээ туурвин олны хүртээл болгосон билээ.

Маркетингийн эрдэмтэн, судлаач багш нарын эдгээр бүтээлүүд бизнесийн байгууллагууд, тэдгээрт ажиллаж байгаа удирдах ажилтан, менежерүүд, ялангуяа зах зээлийн эрэлт хэрэгцээний цөм болж буй маркетингийн мэргэжлийг эзэмшихээр сонгосон оюутан суралцагсдад эх хэл дээрээ ашиглах гарын авлага болоход дор бүрнээ хувь нэмэр оруулсан юм. Тиймд миний бие эдгээр эрдэмтэн судлаачдын бүтээлд өчүүхэн хувь нэмэр оруулах үүднээс маркетингийн олон чухал асуудлыг онол арга зүйн хувьд судлан гаргахыг зорилго болгосон “Маркетингийн удирдлага: судалгаа, төлөвлөлт, хэрэгжүүлэлт, хяналт” хэмээх сурах бичгийн олон жилийн хөдөлмөр шингэсэн анхны хэвлэлийг та бүхэнд толилуулж байна.

Энэхүү сурах бичиг нь сүүлийн үеийн гадаадын болон өөрийн орны нэр хүндтэй хүмүүсийн бүтээлийг үндэс болгон бичигдсэн бөгөөд маркетингийн удирдлагын ойлголт, зах зээлийн боломжийн шинжилгээ, маркетингийн стратеги боловсруулах, маркетингийн шийдвэр гаргах, нийт маркетингийн хүчин чармайлтыг удирдах гэсэн таван үндсэн хэсэг, 22 бүлэгтэй, гадаадын болон өөрийн орны жишээтэй, нэр томъёоны тайлбар толь бүхий бүтээл тул “Маркетингийн удирдлага” сурах бичиг манай орны их, дээд сургууль, коллежийн оюутан, бие даан суралцагсад төдийгүй бизнесийн байгууллагын ажилтнуудад гарын авлага болгон хэрэглэхэд зохих хувь нэмэртэй.

Уншигч та энэ сурах бичгийн тусламжтайгаар маркетингийн тухай үндсэн мэдлэгээ гүнзгийрүүлэхээс гадна бизнесийн өдөр тутмын үйл ажиллагаандаа ашиглах олон аргачлал, арга зүйг олж авч чадна гэдэгт найдаж байна.

БИЕЧЛЭН ХИЙХ ХУДАЛДАА

2010-01-18T13:46:00.000+08:00

Биечлэн хийх худалдааны үүрэг, мөн чанар
Бизнесийн байгууллагад борлуулалт эрхэлдэг хүмүүсийг худалдагч, худалдаачин, худалдааны агент, коммивояжер, худалдааны зөвлөх, борлуулалтын менежер, маркетингийн төлөөлөгч гэх зэргээр нэрлэдэг.
Худалдааны агент гэдэг нь захиалагчийг эрж хайх , мэдээлэл тараах ,захиалагчийг үйлчлэх, мэдээлэл цуглуулах зэрэг үүргийн аль нэг эсвэл хоёрыг нь хийж гүйцэтгэдэг компаний ажилтан байна.

Худалдаачны мэргэжил нь хамгийн эртний мэргэжлүүдийн нэг боловч орчин үед эдгээр хүмүүсийн дүр төрх ихээхэн өөрчлөгдсөн бөгөөд тэд нар нь өндөр боловсролтой, сайн мэргэжсэн, хэрэглэгчидтэйгээ удаан хугацааны найдвартай холбоо харилцаа тогтоох чиглэлээр ажилладаг хүмүүс байдаг болсон юм.

Энэхүү харилцаа нь тэдгээрийн зүгээс хэрэглэгчидийнхээ санал хүсэлтийг анхааралтай сонсож, тэлний эрэлт хэрэгцээнд хүндэтгэлтэй хандан түүнийг хангахад компаний хүч бололцоог чиглүүлэн ажиллахад үндэслэгдсэн байдаг онцлогтой. Иймээс худалааны агентын ажил үүрийн төрөл цар хүрээ нилээд өргөн янз бүр байж болно. Тухайлбал их дэлгүүрт лангууны ард зогсоод захиалга хүлээн авагч, эсвэл бүтээгдэхүүн үйлчилгээний захиалга олохын тулд нилээд бүтээлч хандлагаар ажилладаг худалдааны агент, бас захиалга авах зорилгоор биш худалдан авагчидын дунд тааламжтай уур амьсгал эерэг ойлголт өгөх зорилготой ажилладаг худалдааны ажилтнууд ч байна. Зарим компаниудад зөвхөн техникийн мэдээлэл зөвлөлгөө өгөх үүрэгтэй худалдааны агент ажилладаг.

Биечлэн хийх худалдаа нь идэвхжүүлэлтийн нэг төрөл бөгөөд реклам сурталчилгааг бодвол худалдааны агент тодорхой хэрэглэгч хоёр нь нүүр тулж, эсвэл телефоноор, шинэ видео хэрэгсэл ашиглан шууд харилцдаг онцлогтой учраас ердийн рекламаас илүү үр ашигтай ч байх нь бий .Хэрэглэгчидтэйгээ шууд биечлэн харьцдаг учраас тэдний эрэлт шаардлагыг илүү сайн мэдэж компаний зүгээс санал болгох бараа үйлчилгээгэээ хэрэглэгч бүрийн тодорхой шаардлагад нийцүүлэхэд анхаарч ажиллах боломжтой юм. Түүнчлэн гол гол хэрэглэгчидтэйгээ урт хугацаанд биечлэсэн шууд харилцаа холбоогоо барьж ажилладаг.

Борлуулалтын албаны ажилтнууд нь өөрийн компани хэргэлэгч хоёрыг холбогч болдог бөгөөд тэд шинэ үйлчлүүлэгчээ олж тэдэнд өөрийн компаний санал болгож байгаа бараа үйлчилгээний тухай мэдээллийг хүргэж, борлуулалт хийдэг . Үүний тулд тэд хэргэлэгчдэд шууд хандаж барааныхаа тухай тайлбарлан тэдний асуултанд хариулах, үнэ ба нийлүүлэх хугацаагаа тогтож тавих шаардлагыг нь хангах зэргээр идэвхтэй ажилласаны эцэст сая борлуулалтаа хийдэг .Түүнээс гадна худалдааны агент нь хэрэглэгчдэд шаардлагатай үйлчилгээ үзүүлэх, зах зээлийн судалгаа хийх түүнийгээ нэгтгэн шинжлэх, борлуулалтын тайлан мэдээ гаргах зэрэг үүргийг мөн гүйцэтгэдэг.

Худалдааны агент нь компанид хэрэглэгчдийг төлөөлж харилцах бөгөөд тэдний ашиг сонирхолыг хамгаалж тэдний зүгээс худалдан авсан бүтээгдэхүүнтэй холбоотой асуудлыг нааштай шийдвэрлүүлэхэд тусладаг. Худалдааны агент нь үйлчлүүлэгчийнхээ хэрэгцээг судлаж мэддэгийн хувьд гаргаж байгаа бүтээгдэхүүний хэрэгцээний өртгийг ихэсгэх талд оролцдог ажилтнууд болдог учраас ихэнх тохиолдолд захиалгын менежерээр ажилладаг байна.

Хуучин ойлголтоор худалдааны агент зөвхөн борлуулалтаа хариуцдаг, компани бүхэлдээ ашиг олох талаар санаа тавидаг гэж үздэг байсан бол орчин үед энэ ойлголт өөрчлөгдөж худаладааны агент зөвхөн борлуулалтаа өсгөхөд анхаарах бус тэрчлэн яаж хэрэглэгчидийн эрэлт хэрэгцээг хангах вэ гэдгийг мэддэг байх шаардлагатай болж байна.Ийнхүү өнөөгийн бизнесийн байгууллага нь өөрийн худалдааны ажилтнаас дараах ажил үүргийг гүйцэтгэх чадвартай байхыг шаардах болжжээ.
Үүнд;
Бараа эргэлтэнд үнэлгээ өгөх
Зах зээлийн чадавхийг хэмжих
Зах зээлийн мэдээлэл цуглуулах
Зах зээлийн стратеги ба төлөвлөгөө боловсруулах зэрэг асуудал болно. Худалдааны агент нь бүх компаний хүч чадавхийг яаж үйлдвэрлэж буй бүтээгдэхүүнийхээ хэрэгцээний үнэт чанарыг дээд зэргээр сайжрууулах болон байнгын үйлчлүүлэгчээ сайн хангахад төвлөрүүлэх вэ гэдэгийг мэддэг байх ёстой болоод байна.Иймээс худалдааны ажилтан нь хэрэглэгчидтэй тогтоох харилцааны талаар боловруулах маркетингийн хөтөлбөрт оролцох гол оролцогч нь болно.

. Борлуулалтын урамшуулалын хөтөлбөр боловсруулах

2010-01-17T13:35:00.000+08:00

Энэ ажлыг хэрэгжүүлэх явцын гуравдахь үе нь борлуулалтын урамшууллын хөтөлбөрийн бүрэн агууллагыг тодорхойлох явдал юм. Энэ үе шат нь маркетингийн мэргэжилтнүүдээс өөр бусад шийдвэрүүд гаргахыг шаарддаг. Юуны түрүүнд урамшууллын хэмжээг тогтоох хэрэгтэй.Борлуулалтын идэхжүүлэлтийг амжилттай болгохын тулд нилээд бага урамшил хэрэглэх шаардлагатай .Харин том хэжээтэй урамшил нь наймаанд хүмүүсийн анхаарлыг татах нь илүү байх ба хүчтэй нөлөөлдөг.Маркетингийн мэргэжилтэн нь энэ асуудлыг шийдэхдээ урамшууллын хөтөлбөрийн тодорхой нөхцөлийг тодорхойлж өгөх хэрэгтэй .Энд үзүүлэх урамшуулал нь үйлчлүүлэгч бүрт юмуу эсвэл тодорхой хэсэг хүмүүст хамаарах уу гэдгийг тодруулсан байна.

Дараагийн шатанд уг хөтөлбөрийг хэрхэн идэвхжүүлж хүмүүст тарааж мэдээлэх тухай шийдэх шаардлагатай. Энэ үед уг хөтөлбөрийн ач холбогдол үргэлжлэх хугацааны асуудал нилээд чухал нөлөөтэй байна. Хэт богино хугацаанд явагдах урамшууллын ажиллагааны үед боломжит худалдан авагчид амжиж худалдан авч чадахгүй урамшууллын арга хэмжээнд хамрагдаж чадахгүйд хүрнэ.Хэрэв урамшууллын ажиллагаа хэт уртхугацаанд төлөвлөгдсөн байвал түүний хүмүүст үзүүлэх нөлөөлөл( даруйхан худалдан авалт хийхэд үзүүлэх нөлөө )нь багасна.

Эцэст нь борлуулалтын урамшуулалын төсөвийг тодорхойлох хэрэгтэй .Төсөв зардлын хэмжээг тогтоохдоо янз бүрийн хандлага ажиглагддаг.Энэхүү борлуулалтын урамшууллын төсвийг тооцохдоо үр ашгийг харгалзалгүйгээр авч үздэг.Зарим тохиолдолд өмнөх оны зардлын хэмжээнээс ургуулан борлуулалтын хэмжээтэй уялдуулан төсөвөө тооцдог байна.Гуравдахь хэсэг нь рекламын зардлаа борлуулалтын урамшууллын зардлаас тусад нь төсөвлөдөг

Шаардлагатай тохиолдолд урамшууллын хөтөлбөрөө бодит амьдрал дээр туршиж үзэж болох бөгөөд урамшууллын хөтөлбөрийг хэрэгжүүлж дууссаны эцэст үрдүнг тооцож үнэлгээ өгнө.Үр дүнг тооцох олон арга байх боловч ихэнх тохиолддолд урамшууллын өмнөх ба дараах үеийн борлуулалтын хэмжээг харьцуулах аргыг өргөн хэргэлдэг.Жишээ нь компаний зах зээлд эзлэх хувь хэмжээ 6%.байсанаа урамшуулалын хөтөлбөр хэрэгжүүлсэнээр 10% болж нэмэгдээд түүний дараа 5% хүртэл буурсан ба цаашдаа 7% болж өссөн. Эндээс дараах үнэлэлт дүгнэлт хийж болно. Уг урамшууллын хөтөлбөр нь шинэ худалдан авагчидыг татсан ба байнгын худалдан авагчидын худалдан авалтын төвшин нэмэгдсэн. Уг хөтөлбөрийн дараагаар борлуулалт унасан яагаад гэвэл хэрэглэгчид түрүүн авсан нөөцөө хэрэглэж байсан. Зах зээлийн хувь хэмжээ 7% болж өссөн нь уг урамшууллын хөтөлбөрийг хэрэгжүүлсэнээр шинэ хэрэглэгчдийг татаж чадсан байна. Хэрэв зах зээлийн хувь хэмжээ буцаад хуучин хэмжээндээ( 5%) очсон бол уг урамшууллын арга хэмжээгээр эрэлтийг зөвхөн цаг хугацааны хувьд өөрчилсөн болохоос нийт нийлбэр эрэлтийн хэмжээг өөрчилж чадаагүй гэсэн дүгнэлт гарна.

Байгууллага хэрэглэгчдийг урамшуулах арга хэрэгсэлүүд

2010-01-15T13:30:00.002+08:00

Өөрийн харилцагч түншүүд буюу байгууллага хэрэглэгчдийг урамшуулах нь ажил хэрэгч холбоо харилцаагаа дэмжих, борлуулалтыг урамшуулах, тэдгээрийн борлуулалтыг урамшуулан шагнах, худалдааны ажилтнуудыг идэвхжүүлэн урамшуулах чиглэлээр хийгдэнэ.Ихэнх энд хэрэглэгдэх арга хэрэгсэлүүд нь эцсийн хэрэглэгчид буюу худалдааг урамшуулах аргуудтай адил бөгөөд энд зарим өвөрмөц төрлийг тодруулж үзнэ. Худалдааны үзэсгэлэн ба уралдаан конкурс нь урамшуулалын чухал арга хэрэгсэл болдог.

Худалдааны үзэсгэлэн
Ихэнх үйлдвэрлэгчид болон худалдааны нийгэмлэг холбоо ньөөрийн бүтээгдэхүүний реклам сурталчилгааг хийхийн тулд худалдааны үзэсгэлэн зохион байгуулдаг. Эдгээр байгууллагууд нь ийм үзэсгэлэнд оролцсоноор шинээр ажил төрлийн холбоо тогтоох, хэрэглэгчидтэйгээ нүүр тулж уулзах, шинэ бараагаа танилцуулах,шинэ түншүүд олж авах, байгаа бараагаа худалдан борлуулах гэрээ хэлцэл хийх, мөн түүнчлэн хэрэглэгчиддээ өөрийн байгууллагын үйл ажиллагааны талаар хэвлэмэл болон аудио видио танилцуулга материал өгч сурталчилгааг нилээд эрчимтэй хйих боломжтой болно.Манай оронд тодорхой салбарын чиглэлээр төрөлжин зохион байгуулдаг худалдааны үзэсгэлэн нилээд олширч байна,Тухайлбал арьс шир,ноос ноолууран бүтээгдэхүүн, гутал, барилгын материал,хүнсний бүтээгдэхүүн зэргээр төрөлжсөн үзэсгэлэн зохион байгуулах боллоо. Ийм үзэсгэлэнд оролцсоноор эдгээр оролцогчдын худалдааны төлөөлөгчидтэй танил болоогүй байгаа боломжит түншүүд харилцагчидыг олж Түүнээс гадна ийм үзэсгэлэнд оролцсоноор үйлдвэрлэгч байгууллагын маркетингийн менежер нь цаашид чухам ямар төрлийн үзэсгэлэнд оролцох вэ, нэг үзэсгэлэнд оролцод хичнээн хөрөнгө мөнгийг зарцуулах шаардлагатай болох, хэрэглэгчдийн анхаарал сонирхолыг татахын тулд үзүүлэнд тавьж байрлуулах загваруудаа ямар байдлаар байрлуулах яаж худалдааны харилцаагаа үр ашигтай барь байх гэх зэрэг зарчимын чухал асуудлуудад оновчтой хариулт олох бололцоотой болно.

Үзэсгэлэнг тусгай зориулалтын байранд нилээд суурин байдалаар үргэлжилсэн хугацаагаар зохион байгуулах нь үр дүнтэй байдаг.Зарим орнуудад жижиг дунд үйлдвэрүүд өөрийн бүтээгдэхүүн үйл ажиллагааны талаар зөөврийн хөдөлгөөнтэй үзэсгэлэнг зохион байгуулж сурталчилгаа хийдэг.

Худалдаа арилжааны шинжтэй уралдаан тэмцээн ( конкурс)
Төдорхой хугацаанд борлуулалтаа эрчимжүүлэн нэмэгдүүлэхэд уриалан дуудаж худалдааны ажилтнууд дилерүүдийн дунд явуулдаг уралдаан шалгаруулалт нь худалдаа арилжааны шинжтэй уралдаан тэмцээн юм.Ихэнх компаниуд жилд нэг удаа түүнээс ч богино хугацаанд өөрийн худалдааны ажилтнуудаа идэхжүүлэн урамшуулахын тулд ийм уралдаан зарлан ажилладаг.Ийм уралдаанаар худалдааны ажилтнуудаа аль болох их борлуулалт хийхэд идэвжүүлэн урамшуулж шилдэг тэргүүний ажилтныг тодруулан тэдэндээ тойрон аялалын эрхийн бичиг олгох,бэлэн мөнгөөр шагнах болон бусад хэлбэрийн урамшуулал өгдөг. Эдгээр урамшил шагналыг мөн тусгай баллын үнэлгээгээр хийжболох бөгөөд тэр нь дараа нь янз бүрийн шаганал авах сонголтуудтай байна.

Ийм уралдаан нь байгуулагын борлуулалтын чиглэлд дэвшүүлсэн зорилго чиглэлтэй уялдсан тодорхой үзүүлэлтүүдээр хэмжих боломжтой байх нь илүү ач холбогдолтой байдаг бөгөөд хүмүүс адил нөхцөлд энд оролцох боломжтой гэдэгт итгэл үнэмшилтэй байх нь чухал.

Маркетингийн урамшуулал сурталчилгаа: ХҮДС-ийн Маркетенгийн багш: Ц.Долгорсүрэн

МЦХ компани маркетингийн менежер ажилд авна.

2010-01-08T17:20:00.001+08:00

Ажлын байрны нэр: Маркетингийн менежер

Ажлын байрны зорилго: Зах зээлийн судалгаа шинжилгээ хийх, бүтээгдэхүүн үйлчилгээг хөгжүүлэх, зах зээлд нэвтрүүлэх үйл ажиллагааг удирдан зохион байгуулах.

Тавигдах шаардлага, ур чадвар:
• 30 хүртэл насны
• Бизнесийн удирдлага, Маркетингийн бакалавр болон түүнээс дээш мэргэжлийн зэрэгтэй.
• Англи хэлний дундаас дээш түвшиний мэдлэгтэй
• Компьютерийн хэрэглээний программуудыг бүрэн эзэмшсэн
• Харилцааны өндөр соёлтой
• Бүтээлч, идэвхитэй
• Баг удирдах, хамтран ажиллах чадвартай
• Олон нийттэй харилцах, бусдад өөрийгөө илэрхийлэх өндөр ур чадвартай байх.

Та өөрийн дэлгэрэнгүй CV-гээ 2010 оны 1 сарын 20-ны дотор nyamaau@yahoo.com хаягаар ирүүлэх буюу дээрх шаардлагад хангаж байгаа тохиолдолд бид холбогдох болно.

Залуу Маркетер Клуб -ын шинэ жилийн зурагнуудаас

2010-01-08T14:12:00.001+08:00

ЗАЛУУ-МАРКЕТЕРҮҮД ТА БҮХЭНДЭЭ ШИНЭ ОНЫ МЭНД ХҮРГЭЕ.

2009-12-31T12:05:00.003+08:00

УЛИРАН СОЛИГДОХ ЦАГИЙН ЖАМААР

УЧРАН ЗОЛГОЖ БУЙ ШИНЭ ОНДОО

БИЛИГ ОЮУН ТӨГӨЛДӨР

БИЕ СЭТГЭЛ АМГАЛАН

АМЖИЛТ БҮТЭЭЛЭЭР ДҮҮРЭН БАЙХ БОЛТУГАЙ.

Шинэ ном- ОЛОН УЛСЫН МАРКЕТИНГ

2009-12-29T05:28:00.005+08:00

Номын тухай

Олон улсын маркетинг бол дэлхийн зах зээлийн аюул ба боломжуудыг шинжилсэний үндсэн дээр тухайн компанийн бүтээгдэхүүн, үйлчилгээг төлөвлөх, үнэ тогтоох, идэвхижүүлэх болон хүргэх бизнесийн үйл ажиллагааны гүйцэтгэл болохын зэрэгцээ тухайн аж ахуйн нэгжийн зорилт болон хүмүн капитал, санхүү болон биет хөрөнгө гэх мэт нөөцүүдийг удирдах үйл явц юм. Бүтээгдэхүүн, үйлчилгээ чөлөөтэй нэвтрэх нээлттэй эдийн засагт олон улсын маркетинг нь хэрэглэгч ба үйлдвэрлэгчийг боловсруулах, эрэлт нийлүүлэлтийг тэнцвэржүүлэх, зөв сонголт хийх, трансакцийн зардлыг бууруулах, зах зээлээ өргөжүүлэх, хэлэлцээр хийх болон үндэсний өрсөлдөх чадварыг сайжруулахад ихээхэн ач холбогдолтой байдаг. Худалдан авах чадвар ба биет дэд бүтцээс гадна, олон соёлын үнэт зүйлийг хүлээн зөвшөөрөх, бизнесийн таатай орчинг бүрдүүлсэн, ил тод, хариуцлага хүлээж чаддаг зах зээлд л олон улсын маркетингийн зорилт хэрэгжинэ. Эрдэс баялаг экспортлодог орон байнга түгшүүр дунд амьдардаг бол дэлхийн зах зээлд өрсөлдөх чадвартай пүүсүүд л нийгмийг урагш нь авч явдаг зүй тогтолтой. Иймд, бид дэлхийн зах зээлд өрсөлдөхийн тулд олон улсын маркетингийн мэдлэгийн ач холбогдол асар өндөр гэдэг нь тодорхой байна.

Номын бүтэц
“Олон улсын маркетинг: мэдээлэл, технологийн эрин зуунд дэлхийн зах зээлд өрсөлдөх стратеги” хэмээх энэхүү ном нь гурван хэсэгтэй. Олон улсын маркетингийн орчиний хүчин зүйлүүдийн тухай өгүүлэх “Олон Улсын Маркетингийн Орчиний Шинжилгээ” хэмээх нэгдүгээр хэсэг нь гурван бүлгээс бүрдэх бөгөөд “SLEPT” аргад дулдуйдахдаа дотоод маркетинг нь олон улсын маркетингиасаа юугаараа ялгаатай болох, дэлхийн зах зээлд шийдвэр гаргах онцлог, олон улсын маркетингийн нийгэм-эдийн засгийн хөгжилд гүйцэтгэх үүрэг, олон улсын зах зээлд үйл ажиллагаа явуулж буй орчиний хувьсагчууд нь компаниудын маркетингийн зориулалтад хэрхэн нөлөөлж байдаг, үүдэн бий болох эрсдэлийг хэрхэн бууруулах, олон улсын маркетинг түүнийг хөдөлгөгч хүчин зүйлүүд, дэлхийн зах зээл дэх тоглогчид тэдгээрийн маркетингийн онцлог, боломжуудыг хэрхэн ашиглах, санхүү-эдийн засгийн хямралын үеийн маркетинг, олон улсын зах зээлд маркетингийн үр нөлөөтэй хөтөлбөр боловсруулах урьдач нөхцөл зэргүүдийг авч үзэх болно.

Эхний бүлэгтээ, олон улсын маркетингийн талаархи суурь ойлголт, онцлог; маркетерийн зүгээс олон улсын зах зээлд үр нөлөөтэй өрсөлдөхийн тулд ямар ур чадвар, мэдлэг шаарддаг болох; хөгжиж буй орнуудын маркетинг болон хөгжилд маркетингийн гүйцэтгэх үүрэг; гадаад маркетингийн идэвхижүүлэхэд тулгамдаж буй асуудлууд, тэдгээрийг шийдвэрлэхэд засгийн газар ба хувийн хэвшилийн хоорондын түншилэлийн хэлбэр, энэ талаар төгсгөлд нь Ямайкын жишээтэй танилцах болно

2-р бүлэгтээ, дэлхийн зах зээлийг өргөжүүлэн тэлэгч даяаршил, бүс нутгийн интеграци ба технологи нь дэлхийн, бүс нутгийн болон нэг улсад ямар боломж, эрсдэл учруулж байгаа, түүнээс үүдэн маркетингийн хөтөлбөр, стратеги боловсруулахад хэрхэн тусгах талаар дэлгэрэнгүй авч үзэх болно.

Нэгдүгээр хэсгийн төгсгөлийн бүлэгтээ, нийгэм-соёлын, улс төр-эрх зүй, эдийн засгийн болон технологийн орчиний хүчин зүйлүүд нь маркетингийн стратеги боловсруулахад хэрхэн нөлөөлдөг, тэдгээрийг олон улсын маркетингийн хөтөлбөр боловсруулахад хэрхэн тусгах, зорилтот зах зээлийнхээ орчинд хэрхэн үнэлгээ өгөх, олон улсын маркетингийн орчин нь гадаад зах зээлд үйл ажиллагаа хэрэгжүүлж буй пүүсүүдэд хэрхэн нөлөөлдөг, эрс ялгаатай орчинд хэрхэн дасан зохицох, үүсч болох эрсдэлийг хэрхэн бууруулах, боломжийг хэрхэн бүрдүүлж ашиглах талаар SLEPT аргад дулдуйдан дэлгэрэнгүй өгүүлэх болно. Энэхүү бүлгийн төгсгөлд Африкт өрнөж буй мобайль утасны банкны үйлчилгээний хувьсгалтай танилцах болно.

"Олон Улсын Маркетингийн Төлөвлөлт ба Судалгаа” хэмээх хоёрдугаар хэсэг нь олон улсын маркетингийн төлөвлөлт ба олон улсын маркетингийн судалгаа гэсэн хоёр бүлэгтэй.

Энэ хэсэгтээ олон улсын зах зээлд хэрэглэгчидийнхээ хэрэгцээг хангах зорилт тавьж буй пүүсээс төлөвлөлт, хяналт ба судалгааны үйл явцыг хэрэгжүүлэх замаар гадаад маркетингийн төлөвлөлтийн бэлтгэлийг хэрхэн хангах, дэлхийн зах зээл дэх эрсдэл болон сорилтуудад хариу үйлдэл үзүүлэх, боломжуудыг хэрхэн тодорхойлох, аль зах зээлд гарч өрсөлдөх, хэсэгчилэлийг хэрхэн гүйцэтгэх, түүнчилэн өрсөлдөх чадвараа хангах үүднээс шинжилгээний ямар аргачлалууд байдаг, гадаад зах зээлд стратегийн зорилтоо хэрэгжүүлэхдээ хязгаарлагдмал нөөцийн хүрээнд маркетингийн холцийг боловсруулахын тулд Маркетингийн Мэдээллийн Системээр дамжуулан өгөгдлийг хэрхэн цуглуулж гадаад маркетингийн шийдвэр гаргадаг болохыг судлана.

Дөрөвдүгээр бүлэгтээ, олон улсын хэмжээнд маркетингийн боломжуудыг үнэлж тодорхойлохдоо төлөвлөлт хяналтыг ямар үе шаттай хийдэг, гадаад зах зээлд нэвтрэн орох стратегиуд болон олон улсын зах зээлийг хэрхэн хэсэгчлэх асуудлыг авч үзнэ.

Тавдугаар бүлэгтээ, олон улсын маркетингийн мэдээллийн системийн онцлог, судалгааны үе шатууд, гадаад зах зээлийн шинжилгээний “5 с” аргуудыг гадаад, интернет судалгааг маркетингийн судалгаанд тулгарч байдаг бэрхшээлүүд, тэдгээрийг хэрхэн зохицуулах талаар хамтатган авч үзэх болно. Хоёрдугаар хэсгийн төгсгөлд “B&R” - ийн зүгээс гадаад шинэ зах зээл нээхэд маркетингийн судалгаа хэрхэн хийж байгааг авч үзэх болно.

"Олон Улсын Маркетингийн Холцийн Стратеги” хэмээх гуравдугаар хэсэгтээ гадаад зах зээлүүдэд маркетингийн үр нөлөөтэй бөгөөд өрсөлдөх чадвартай стратеги хэрхэн бүрдүүлэх талаар авч үзнэ. Энэхүү хэсэг нь 4 бүлэгтэй.

6-р бүлэгтээ, олон улсын зах зээл дэх бүтээгдэхүүн, үйлчилгээний онцлог, амьдралын мөчлөг, нэвтрэлтийн үе шатууд, ба өрсөлдөх чадварыг авч үзэх бөгөөд бренд гэж юу болох, брендийн ямар стратегиуд байдаг, бүтээгдэхүүний нийцүүлэх болон жишигчилэх стратеги, олон улсын үйлчилгээний зах зээл ба аутосиргийн зах зээлийг авч үзэхийн зэрэгцээ бүлгийн кейс болгож Египтийн аутсорсингийн амжилтын нууцтай танилцах болно.

7-р бүлэгтээ үйлдвэрлэгчээс хэрэглэгчрүү хүргэх үүрэгтэй олон улсын хувиарлалтын төрөл бүрийн сувгуудыг авч үзэхийн зэрэгцээ улс орнуудын хоорондын зуучилагчидийн хэлбэр, чиг үүрэг болон зорилтуудыг дурдана. Олон хувиарлалтын суваг сонгоход нөлөөлөх хүчин зүйл, сувгын гишүүдийг хэрхэн сонгох, сэдэлжүүлэх, хянах болон хувиарлалтын сувгийг жишигчлэх ба нийцүүлэх асуудлыг Лико компанийн жишээн дээр авч үзэж эцэст нь олон улсын ложистикийн талаар товчихон өгүүлэх болно.

Олон улсын орчинд үнийн шийдвэр гаргах аргачлалын талаар дурдах 8-р бүлэгтээ, олон улсын маркетингийн үнэ бүрэдэхэд нөлөөлөгч хувьсагчууд, үнэ тогтоох аргууд шилжих үнэ, коунтертрейд, шилжих үнэ Олон улсын зах зээлд үнийг жишигчилэх болон нийцүүлэх стратегийг “Getinge AB” компанийн жишээнээс суралцах болно. Дараагаар нь олон улсын зах зээлээс автомашины эд ангиуд дахь зах зээлийн таатай байдлыг ашиглахад Сингапурын үйлдвэрлэл эрхлэгчийн сул болон давуу талыг үнэлэх байдлаар “Beta Automotive” компанийн кейстей ажиллах болно.

9-р бүлэгтээ, олон улсын маркетингийн холцид идэвхижүүлэлтийн стратегийг хэрхэн төлөвлөж хэрэгжүүлэх, борлуулалтын багыг хэрхэн байгуулах, интернет идэвхижүүлэлт болон олон улсын зах зээлд идэвхижүүлэлтийн стратегийг хэрхэн нийцүүлэх болон жишигжүүлэх асуудлыг авч үзээд бүлгийн кейсээр “Монгол Кашимер” Хувьцаат компанийн экспортын идэвхижүүлэлтийг хямралын энэ цаг үед хэрхэн хэрэгжүүлж болох талаар суралцах болно.

Төгсгөлийн хэсэгтээ ашигласан эх сурвалж болон веб сайтуудыг багтаасан болно.

Дэлхийн сонгодогыг Америк сурах бичгүүд тодорхойлдог учираас маркетингийг Америк болон Европын орчиноос тайлбарладаг. Иймд, Монгол хэл дээр дэлхийн сонгодог сурах бичгийг хуулбарлаж байгаа нөхцөлд бид өөрсдийн үндэсний онцлогын үүднээс тулгамдаж буй асуудлыг шийдвэрлэхэд үйлчилэх учиртай болов ч энэ талд тун дутмаг болсныг хүлээн зөвшөөрч байгааг өчөөд цөөн хувьтай хэвлэж судлаач, бизнес эрхлэгчид болон энэ чиглэлээр суралцаж буй ирээдүйн тогтвортой хөгжлийг бүтээгч оюутан та бүхний мэргэн санаа, зөвлөмж асар чухаг тул сэтгэлээ харамгүй хайрлана уу.

Цаасны хэмжээ- A4
Хуудасны тоо-290
Үсгийн шрифт-9.5
Хэвлэсэн газар: “Соёмбо принтинг” ХХК
Хэвлэсэн он: 2009
Харилцах шуудангийн хаяг: Зип код 14201 Шуудангийн хаяг 46A, хайрцаг 404
Цахим шуудан: tumurbatdalkhsuren@ymail.com

Түүхэн дэх хамгийн баян хүмүүс

2009-12-18T23:04:00.002+08:00

Жон Рокфеллер 100 мянган доллартай болж, 100 наслах юмсан гэж мөрөөдөж байсан нэгэн. Гэвч тэрбээр 98 хүрэх наснаасаа 2 cap хүрэлгүй нас нөгцсөн юм. Түүний эхний мөрөөдөл нь биелсэн билээ.

Эндрю Карнеги ган цутгах томоохон компани байгуулсан бөгөөд төмөр зам үйлдвэрлэдэг. Тэрбээр 68 настай байхдаа 298.3 тэрбум долларын хөрөнгөтэй байжээ.

Осман Али Хан, Азаф Жа VIII нь Хайдерабад болон Берар вант улсын сүүлийн хаан байсан бөгөөд удалгүй Энэтхэг тус улсыг эзлэн авсан түүхтэй. 1937 онд Азаф Жа дэлхийн хамгийн баян хүн гэж Time Magazine сэтгүүлийн эхний нүүрэнд заларч байжээ. Тэрбээр 50 настай байхдаа 210.8 тэрбумын хөрөнгөтэй байсан байна.

Николай II /Николай Александрович Романов/-Оросын сүүлчийн хаан. Тэрбээр 1894-1917 он хүртэл эзэнт улсыг захирч байв. Түүний хөрөнгө өв залгамжлагдаж ирсэн бөгөөд 49 настай байхдаа Николай хаан 235 тэрбум доллартай байсан байна.

Уильям Генри Вандербиль нь эцэг Корнелиусаас 100 сая долларын хөрөнгө өвлөж байсан гэдэг. Тэрбээр эцгийнхээ хөрөнгийг арвижуулж чадсан байна. Уильям 64 настайдаа 231.6 тэрбум доллартай байв.

Эх сурвалж: Business Times

Залуу Маркетеруудийн Шинэ Жил

2009-12-07T16:16:00.002+08:00

ХӨТӨЛБӨР/PROGRAM

18:00-19:00 CLASSIC TIME

Улаан хивс, цагаан дарс, хар зураг
Албан ёсны нээлт
Ододтой бүжиглэсэн нь
Нэгэн зүгт хамтлаг

19:00-20:00 COOK TIME

Баярын зоог
Cook show-Тэнгис /surprise/
Дуучин Хонгор

20:20-21:00 TOP TIME

Өвлийн өвгөн, цасан охид
Шагнал гардуулах ёслол
HOT TIME / surprise/
Мотив хамтлаг /surprise/
COCTAIL SHOW

21:00-21:50 FUNNY TIME

TV cocktail хамтлаг
WHITE DANCE
Дуучин Одноо
Чөлөөт бүжиг

21:50-22:30 THE END

Хаалтын арга хэмжээ
Гэрэл сүүдэр /surprise/

Тасалбарын үнэ: 45000
Дэлгэрэнгүй мэдээллийг: 331808, 88086325

Зах зээлийн Сегментчлэл хийх нь

2009-11-29T23:46:00.002+08:00

1. Газарзүйн зарчим
- Голлох зах зээл нь монгол улс ирээдүйд үйлдвэрлэлээ өргөжүүлж Европ, Хойд Америкийн орнуудад эсгий бүтээгдэхүүнээ экспортлох бодолтой
- Бүс нутгаар нь хөдөө орон нутгийн, хотын хэрэглэгчдэд
- Төв суурингийн, алслагдсан сум дүүргийн хэрэглэгчид

2. Хүн ам зүйн зарчим
- Орлогоор нь хот болон аймгийн төвийн хүмүүс ихэвчлэн тогтмол орлоготой, хөдөө орон нутгийнхан мал аж ахуйгаас хамаарсан тогтмол бүс орлоготой. Эсгий бүтээгдэхүүнд зэрэглэл тогтоогоогүй учир бүс нутаг бүрт ижил үнээр худалдаалагдана.
- Нийгмийн ангиар: эсгий бүтээгдэхүүнийг хөдөө орон нутагт малчид, хот суурин газарт ажилчид өргөн хэрэглэдэг

3. Сэтгэл зүйн зарчим
- Сонирхол: хямд үнэ сонирхоно
Эдэлгээний хугацаа
Бүтээгдэхүүний хэмжээ, стандарт
Ур хийц
Илчлэг байдал

4. Зан төлөвийн зарчим
- Хэрэглэгчийн байр суурь: байнгын хэрэглэгчид
Урьд нь хэрэглэж байсан
Анх хэрэглэж байгаа
Боломжит хэрэглэгч
- Худалдан авагчийн бэлэн байдлын түвшин
- бүтээгдэхүүнийг мэддэг
- бүтээгдэхүүнийг сонирходог
- хүсдэг
- худалдан авхад бэлэн
Бүтээгдэхүүнд хандах хандлага
- Эерэг хандлага
- өвөрмөц хандлага
- үл тоомсорлосон
- Санаачлагч
- Дайсагнасан

Бизнес төлөвлөгөө хийхийн учир

2009-11-19T22:06:00.003+08:00

Ta бизнес төлөвлөгөөгөө хийхдээ хамгийн түрүүнд бизнесийнхээ эдийн засгийн хувьд хэрэгжих боломжийн бүх талыг үнэлсэн тойм, үүний дотор бизнесийн хэтийн төлөвийн тодорхойлолт, шинжилгээг бичих хэрэгтэй.

Энэхүү зөвлөгөөнд бизнес эхлэхэд анхаарвал зохих хамгийн чухал зүйлсийг арван хоёр хэсэг болгон хуваасан тул та бизнес төлөвлөгөөгөө тус загварын дагуу хийж болно. Бизнес төлөвлөгөө нь бизнесийн хэмжээнээс хамаарах хашир хэрсүү аж ахуй эрхлэгч болгоны хийдэг алхам юм. Бизнес төлөвлөгөө олон янзын хэлбэртэй байдаг. Номын сан, дэлгүүрүүдэд бизнес төлөвлөгөөний загварууд бүхий ном байдаг.

Бизнес эхэлж буй олон аж ахуй эрхлэгчид бизнес төлөвлөгөөгөө бичих дургүй байдгийг мэдэх хэрэгтэй. Тиймээс доорх төлөвлөгөөний хэсэг бүрийг хийхийг зөвлөж байна.

Яагаад бизнес төлөвлөгөө хийдэг вэ?
“Таны бизнес амжилттай байгаа үед боломжтой бол өмч хөрөнгө худалдан авах талаар бод.”

Таны бизнес төлөвлөгөө олон талаар ашигтай байна. Энэхүү үнэт хэрэгслийг алгасахгүй байх зарим шалтгааныг энд дурдав.
-Юуны өмнө энэ нь холбогдох мэдээлэл, шинжилгээг ашиглан таны зорилгыг тодорхойлж, тодруулна.
-Та зээлдүүлэгч, хөрөнгө оруулагч, банк зэрэг чухал хувь хүн байгууллагатай харилцахдаа үүнийг өөрийгөө ойлгуулах хэрэгсэл болгон ашиглаж болно.
-Хүмүүсээс, үүний дотор танд үнэлж баршгүй зөвлөлгөөг үнэгүй өгч чадах, таны эхлэх гэж буй бизнесийн салбарын хүмүүсээс санал, зөвлөгөө хүсэхдээ энэ төлөвлөгөөг ашиглаж болно. Олон аж ахуй эрхлэгчид цаг, ажил хэмнэж өгч чадах мэргэжилтний санал бодлыг авахгүйгээр өөрийнхөөрөө зүтгэдэг. Энэ нь амьдралд шаардлагагүй бэрхшээлүүдийг үүсгэдэг.
-Таны бизнес төлөвлөгөө таны төлөвлөлтийн явц дахь алдаа дутагдлыг илрүүлж чадна.

Бизнес төлөвлөгөө хийхдээ юунаас зайлсхийх хэрэгтэй вэ?
Хэтийн, ирээдүйн төлөвлөлтөд зарим ухаалаг хязгаарлалт тавь. (Хэтийн гэдэг нь нэг жилээс илүү хугацааг хэлнэ.) Ойрын зорилгоо баримтлах нь илүү сайн бөгөөд бизнесийн явцад төлөвлөгөөгөө өөрчил. Хэтийн төлөвлөлт утгагүй болох нь олонтаа, учир нь таны бизнесийн Мөн чанар анхны ойлголтоосоо өөр болж болдог.

Өөдрөг үзлээс зайлсхий. Үнэн хэрэгтээ өөдрөг үзлийг багасгахын тулд шаардагдах капитал, цаг хугацаа, борлуулалт, ашгийг урьдчилан тооцохдоо багаар тооц. Цөөхөн бизнес төлөвлөгөө хэр их мөнгө, цаг хугацаа шаардагдахыг зөв урьдчилан тооцсон байдаг. Таны бизнест бэрхшээл тохиолдох үед ямар стратеги баримтлахаа бичих хэрэгтэй. Асуудлыг тайлбарлахдаа энгийн хэллэг хэрэглэ. Уншиж ойлгоход хялбар болго.

Бизнесийнхээ өвөрмөц шинж буюу патентжуулсан нээлтэнд ч бүү найд. Сайн нээлттэй бизнес эхэлсэн хүмүүс дандаа амжилт олдоггүй, харин сайн эдийн засагтай бол амжилт олдог.

Таны төлөвлөгөөндөө засаж оруулж болох зарим сэдвийг энд дурдав
-Эрхэм зорилгын мэдэгдэл:
Энэ нь танай бизнесийн зорилго, зорилтын товч тойм юм.

-Хүмүүс: Таны амжилтын хамгийн чухал бүрэлдэхүүн хэсэг бол та өөрөө юм. Та урьд өмнөх туршлагаа шинэ бизнестээ хэрхэн хэрэглэх талаар төвлөрөн бич. Өөрийнхөө болон энэ бизнесийг эхлэхэд оролцох хүн бүрийн товч намтрыг бэлд. Баримтанд тулгуурла. Хэтрүүлгээс зайлсхий. Таны бизнес төлөвлөгөөний энэхүү хэсгийг зээлдүүлэгч, хөрөнгө оруулагч, борлуулагч зэрэг тантай холбоотой хүмүүс маш анхааралтай унших болно. Гэхдээ та өөрөө хийж чадахгүй зүйлээ хийж чадна гэж болохгүй. Хэрэв танд нэг гол үүргээ гүйцэтгэх чадвар байхгүй бол үүнийг бизнес төлөвлөгөөндөө оруул. Жишээ нь хэрэв та ажилтнуудыг сургах чадваргүй бол, энэхүү дутагдлаа яаж нөхөхөө тайлбарла. Та төлөвлөгөөндөө түнш нэмж оруулах буюу танд байхгүй чадварыг хангах гол ажилтнуудыг хөлслөхөөр төлөвлөж болно. Оруулахаар төлөвлөж буй бүх удирдах хүмүүсийн намтрыг оруул.

-Танай бизнесийн танилцуулга:
Хийх гэж буй бизнесээ тодорхойл. Мөн үүнийгээ хэрхэн төлөвлөж байгаагаа тодорхойл. Та үйлчлэх гэж буй зах зээлдээ төвлөрөхийг хичээ.

-Эдийн засгийн үнэлгээ
Танай бизнесийн орох гэж байгаа эдийн засгийн орчны бүрэн үнэлгээг оруул. Бизнес төлөвлөгөөндөө ашиглах гэж байгаа тохируулагч агентлагууд болон хүн ам зүйн мэдээ танай бизнестэй ямар холбоотойг тайлбарла. Тохиромжтой бол орон нутгийн төлөвлөлтийн хэлтсүүдэд байдаг хүн ам зүйн судалгаа болон хүмүүсийн хөл хөдөлгөөний талаархи мэдээллийг оруул.

-Мөнгөн гүйлгээний тайлан
Танд шаардагдах капиталыг нэгтгэсэн нэг жилийн мөнгөн гүйлгээг оруул. Ямар бэрхшээл гарах, асуудлыг хэрхэн шийдвэрлэхээр төлөвлөж байгаа тухай дүгнэлтээ оруул.

-Маркетингийн төлөвлөгөө, өргөжүүлэх төлөвлөгөөгөө оруул.

-Жижиг бизнесийн удирдлага зэрэг танд хэрэг болох засгийн газрын вэбсайт руу орж үз. Энэ вэбсайтын гол хуудсан дээр “Нөөц” гэсэн хэсэг рүү ор.

Сайн бизнес төлөвлөгөө хийх зургаан алхам
Бизнес эхэлж буй аж ахуй эрхлэгчид бизнес төлөвлөгөө бичихдээ бэрхшээлтэй тулгардаг. Энэ хичээл танд олон талаар тусална, Тиймээс энэхүү төлөвлөлтийн аргачлалыг бүү алгас! Үүнийг хялбарчлахын тулд сайн төлөвлөгөө гаргахад тань туслах зургаан алхмыг энд дурдав:

1.Өөрийн бизнесийн үндсэн ойлголтыг тодорхойл.
2.Таны бизнесийн ойлголтын хэрэгжих боломж, онцгой шинжийн талаар олж чадах бүх мэдээллийг цуглуул.
З.Эмхэтгэн нэгтгэсэн мэдээлэл дээрээ үндэслэн ойлголтоо тодорхойлж тодруул.
4.Бизнесийнхээ онцгой шинжийг тоймло. “Юу, хаана, яагаад, яаж” гэсэн хандлага хэрэглэх нь ашигтай.
5.Төлөвлөгөөгөө анхаарал татах хэлбэрт оруулбал, танд төвлөрөх, мөн чанарыг ойлгоход туслах төдийгүй, таны хувьд маш чухал бизнесийн харилцаанд ашиглах үнэт хэрэгсэл болно.
6.Таны төлөвлөгөөнд бизнесийг амжилттай болгоход шаардлагатай дараахь хүчин зүйлс орсон эсэхийг шалга

-Эрүүл бизнесийн ойлголт
Аж ахуй эрхлэгчдийн хийдэг хамгийн түгээмэл ганц алдаа бол эхлэхдээ зөв бизнес сонгодоггүйд оршино. Хэтийн бизнесийнхээ талаар мэдэж авах хамгийн сайн арга бол өөрийн бизнесээ эхлэхээс өмнө энэ салбартаа өөр компанид ажиллах явдал юм. Сайн бизнесийн тухай таны ойлголт, бодит байдлын хооронд их зөрөө байж болно.

-Зах зээлээ ойлгох
Ойлголтоо турших нэг сайн арга бол эхлэхээсээ өмнө бүтээгдэхүүн буюу үйлчилгээгээ борлуулж турших явдал юм. Та өөрийгөө дэлхий даяар цаасан шувуу нисгэгчдийн төсөөллийг эзэмдэх гайхамшигт цаасан шувуутай гэж бодож байна уу? Тэгвэл та эхлээд хэдийг гараараа хийгээд борлуулах гээд үз.

-Эрүүл, өсөж буй тогтвортой салбар
Нисэх онгоц, автомашин зэрэг бүх үеийн агуу их нээлтүүдийн зарим нь эдгээр агуу дэвшлийг ашиглахыг оролдсон олон хүнд эдийн засгийн үр ашгаа өгөөгүй гэдгийг сана. Жишээ нь Вилбер Райт анхны онгоцыг нисгэснээс хойших бүх агаарын тээврийн хуримтлагдсан ашиг тэгээс бага юм. (Агаарын тээврийн алдагдал ашгаасаа их байсаар ирсэн.) Амжилт олохын тулд хүн төрөлхтний хувьд агуу их нээлт буюу дэвшлийг авчирсан бизнес олох шаардлагагүй, харин агуу их эдийн засагтай бизнесийг олсон хүмүүс л амжилтанд хүрдэг.

-Чадварлаг менежмент
Өөрийн дуртай, бахархдаг, ёс зүйн сайн чанартай, таны чадварыг нөхөх, танаас ухаантай хүмүүсийг хай. Танд байхгүй чадварыг эзэмшсэн хүмүүсийг ажилд авахаар төлөвлө. Өөрийн өвөрмөц чадварыг тодорхойлж, таны сул талыг давуу тал болгох өөр хүмүүсийг хай.

-Чадварлаг санхүүгийн хяналт
Та нягтлан бодох бүртгэл, компьютерийн програм хангамж, мөнгөн гүйлгээний менежментээр мэргэжих нь ямар чухлыг сүүлд олж мэдэх болно. Ихэнх аж ахуйн эрхлэгчид нягтлан бодох бүртгэлийн боловсрол мэргэжилгүй байдаг бөгөөд эдгээр чадварыг сурахын тулд сургуульд дахин явах ёстой болдог. Та оноо хэрхэн өгдгийг нь мэдэхгүй байж, тоглоомын бооцоонд хамаг мөнгөө тавих уу? Хүмүүс бизнест үргэлж ийм алдаа гаргадаг.

-Бизнесийн тууштай чиглэл
Хэрэв та тусгай бүтээгдэхүүн буюу үйлчилгээний талаар бодож байгаа бол мэргэжлийн хүмүүс мэргэжлийн бус хүмүүсээс хавьгүй илүү ажилладгийг олж мэднэ. Та өөрийн сайн хийдэг зүйл дээр төвлөрснөөр бага үнэтэй хэн нэгэнтэй өрсөлдөх шаардлагагүй болно.

Эх сурвалж: Business times

Зах зээлийн өрсөлдөөний А.Юдановагийн онол

2009-11-18T16:55:00.002+08:00

Тухайн зах зээлийн өрсөлдөөний сүүлийн үеийн онолын нэг нь А.Юдановын/Орос/ гаргасан онол юм. Тэрээр нэг зах зээл дээр ажилллаж байгаа нийт компаниудыг 4 үндсэн хэсэгт ангилж, хэсэг тус бүрийг биологийн системийн хувьд төрөл байдал үйл ажиллагаатай нь холбон үзсэн юм

Хулганууд
Эдгээр нь жижигхэн ба уян хатан зах зээлийн өөрчлөлтөнд маш хурдан зохицох чадвартай. Эдгээр нь гол төлөв орлуулах бараа бүтээгдэхүүн ба дуурайлгаж хийсэн зүйлсийг зах зээл дээр гаргадаг. Үйл ажилллагааны тогтсон чиглэл үгүй. Түүний уян хатан бөгөөд хурдан зохицох чадвар нь өрсөлдөөний стратегийн үндэс суурь нь болдог
Үнэгнүүд
Энэ нарийн мэргэшсэн, өндөр эрэлттэй зах зээлийн нэгэн хэсгийг бүрэн эзэмшсэн , их том биш компаниуд байдаг. Эдгээрийн өрсөлдөөний стратеги нь мэргэжлийн өндөр түвшин, бага зардал, бүтээгдэхүүний чанарын үзүүлэлтэнд тулгуурладаг.
Заан ба арслангууд
Энд том хэмжээний компаниуд орох ба эдгээр нь зах зээлийн ихээхэн хэсгийг эзэмших учраас зах зээлд хяналт тавих боломжтой. Эдгээрийн өрсөлдөөний стратеги нь үйлдвэрлэлийн хэмжээ их байгаатай холбоотой зардлын бага түвшин , ихэнхи хэрэглэгчдийн хэрэгцээг хангадаг байдал зэрэгт үндэслэдэг.
Эрвээхэйнүүд
Эдгээрийн өрсөлдөөний стратеги нь шинэ санаачлага, шинэ технологи нь шинэ бүтээгдэхүүн байдаг боловч зах зээлтэй холбогдох чадвар муу, зах зээлийг эзэмшихэд шаардлагатай хөрөнгө хүрэлцээгүй байдаг.