Tuesday, September 30, 2008

"МАРКЕТИНГИЙН СУРГАЛТ СУДАЛГАА, БИЗНЕСИЙН ХӨГЖИЛ" сэдэвт сургалт болно


МАРКЕТИНГИЙН СУРГАЛТ СУДАЛГАА, БИЗНЕСИЙН ХӨГЖИЛ

сэдэвт онол арга зүйн үндэсний семинар

СУРГАЛТЫН ЗОРИЛГО: Маркетингийн сургалт судалгаанд гарч буй шинэлэг чиглэлүүдийг
нэгтгэн дүгнэж, бизнесийн хөгжилд ашиглах арга замуудыг хэлэлцэнэ.


ХААНА:
Монгол шилтгээн – д

ХЭЗЭЭ: 2008 оны 10 сарын 11- нд 09.00 -18.00
.....

Сургалт семинарт маркетингийн мэргэжлийн доктор, профессоруу, бизнесийн байгууллагад ажиллаж буй туршлагатай маркетерууд оролцох болно.

ЛЕКТОРУУД:

1. ММХ – ны ерөнхийлөгч - Проф. Д.Дагвадорж
2. МУИСЭЗ –ын Маркетинг, Олон улсын худалдааны тэнхимийн эрхлэгч Б.Даваасүрэн
3. СЭЗДС багш
4. Зоос банкны сургалт хөгжлийн төвийн захирал - Докторант Ш.Алтанцэцэг
5. ХҮДС –ын багш Л.Бурмаа
6. Соёл Эрдэм ДС –ын багш С.Нарандулам
7. Скайтел компаний маркетингийн албаны дарга Ц. Пүрэвдорж
Маркетингий албаны ахлах мэргэжилтэн Д.Баасанцогт
8. Залуу Маркетер Клуб


Бүртгэл : 2008 оны 09 сарын 20 –с 10 сарын 10 - г дуустал



МАРКЕТИНГИЙН СУРГАЛТ СУДАЛГАА, БИЗНЕСИЙН ХӨГЖИЛ
сэдэвт онол арга зүйн үндэсний семинар


СУРГАЛТЫН ЗОРИЛГО: Маркетингийн сургалт судалгаанд гарч буй шинэлэг чиглэлүүдийг 
  нэгтгэн дүгнэж, бизнесийн хөгжилд ашиглах арга замуудыг хэлэлцэнэ


09.00 цагт Бүртгэл – Хотоос хөдлөх / Гурван гал худалдааны төвийн талбай дээрээс/
10.00 – 10.40 ММХ – ны ерөнхийлөгч - Проф. Д.Дагвадорж - Монголын Маркетинг ба 
  бизнесийн хөгжил
   
10.40 – 11.20 Зоос банкны сургалт хөгжлийн төвийн захирал - Докторант Ш.Алтанцэцэг 
  Арилжааны банкууд ба компаниуд хоорондын уялдаа холбооны 
  шинэ парадигм

11.20 – 11.30 Асуулт хэлэлцүүлэг
   
11.30 – 12.10 СЭЗДС – Маркетингийн удирдлага, судалгаа: Multimedia сургалт
   
12.10 – 12.50 МУИСЭЗС –ын Док. Б.Даваасүрэн - Монголын их дээд сургуулийн 
  маркетингийн сургалт: бодит байдал, тулгамдсан асуудлууд

12. 50 – 13.00 Асуулт хэлэлцүүлэг

13.00 -14.00 Өдрийн Зоог

14.00 – 14.40 Соёл Эрдэм ДС –ын багш С.Нарандулам – ОУ-ын үйлчилгээний маркетингийн 
  стратеги бодлого

14.40 – 15.20 Скайтел компаний маркетингийн албаны дарга Ц. Пүрэвдорж – 
  Маркетингий албаны ахлах мэргэжилтэн Д.Баасанцогт
Маркетингийн судалгаа, бизнесийн амжилтын үндэс
 /Скайтел компаний жишээн дээр/

15.20 – 15.35 Асуулт хэлэлцүүлэг

15.35 – 16. 15 Цайны завсарлага

16.15 – 16.55 ХҮДС –ын багш Л.Бурмаа - Өрсөлдөх чадвар ба маркетингийн стратеги

16.55 – 17.35 Залуу Маркетер Клуб – Маркетерын авъяас чадвар, бизнесийн амжилт

17.35 – 17.50 Асуулт хэлэлцүүлэг
17.50 – 18.00 Хаалт / Дурсгалын зураг / 

Дэлгэрэнгүй мэдээллийг доорх хаягаас авна уу

Хаяг : “Гурван гал оффис” 613 тоот
Харилцах утас : 322933, 88086325
Факс: 322933
Э- мэйл : mongolianmarketing@gmail.com




Цааш нь...

Monday, September 29, 2008

Б.Нандин-эрдэнэ багшийн шинэ ном гарлаа


Салбар бүрийн маркетер, хүний нөөцийн менежерүүдийн анхааралд


Монголын анхны маркетинг, борлуулалтын мультимедиа сурах бичгийг Маркетер, СЭЗДС-ийн багш Б.Нандин-Эрдэнэ “Миний мэдэх маркетингийн удирдлага”, “Миний мэдэх маркетингийн судалгаа”, “Миний мэдэх борлуулалтын удирдлага” 3 цувралаар мэргэжлийн болон мэргэшсэн маркетерүүдэд зориулан гаргалаа. Мультимедиа сурах бичгийн нээлтийн үйл ажиллагаа 2008.10.01-ний өдрийн 1900 цагаас СЭЗДС-ийн 313 тоот танхимд явагдана. Нээлтэнд оролцож, сурах бичгийг худалдан авахыг хүссэн маркетер, менежерүүд 88070808, 88086325, 322933 дугаарын утсанд бүртгүүлнэ үү. Суудлын тоо хязгаартай.  

Мультимедиа сурах бичгийн товч танилцуулга 



1. “Миний мэдэх маркетингийн удирдлага” мультимедиа сурах бичиг нь нийтдээ 15 бүлэг видео хичээл болон загвар маркетингийн төлөвлөгөөтэй. Маркетингийн орчин үеийн онолын ойлголтууд , бизнесийн амьд жишээг өөртөө агуулсан мэргэжлийн маркетерүүдэд зориулсан сурах бичиг. 
2. “Миний мэдэх маркетингийн судалгаа ” мультимедиа сурах бичиг нь нийтдээ 10 бүлэг видео хичээл болон загвар маркетингийн судалгааны тайлантай. Маркетингийн судалгааны онолын ойлголтууд , маркетингийн судалгааны амьд жишээг өөртөө агуулсан мэргэшсэн маркетерүүдэд зориулсан сурах бичиг.
3. “Миний мэдэх борлуулалтын удирдлага ” мультимедиа сурах бичиг нь нийтдээ 13 бүлэг видео хичээл болон загвар орлуулалтын төлөвлөгөөтэй. Борлуулалтын орчин үеийн онолын ойлголтууд , бизнесийн амьд жишээг өөртөө агуулсан мэргэшсэн маркетерүүдэд зориулсан сурах бичиг.
Мультимедиа сурах бичгийн нэг бүрийн үнэ 20000 төгрөг бөгөөд нээлтийн үйл ажиллагааны үеэр борлуулна.  


Цааш нь...

Friday, September 26, 2008

Canon брэндийн логоны хувьсал


Канон брэнд нь монголд хамгийн хүчтэй брэндийн нэг. Монголчууд канон гэдгийг Каноон хувилагч гэдгээр нь андахгүй билээ. Та монголд хаанаас хэнээс ч канон гэж юу вэ гэвэл хувилагч л гэж хариулцгаана.  энийг брэндийн хүч хоногшилт л гэж ч ойлгож болно.  

Барууны оронд очоод каноон хайж байна гэвэл тэд юу ч ойлгохгүй тэдэн Xerox хайж байна гэвэл харин та бидэнд хувилагч байрлах газрыг зааж өгч мэдэх юм. 

Логоны өөрчлөлтийг харж байхад лого  яагаад өөрчлөгдөх ёстой юм бэ? гэсэн асуулт урган гарч ирнэ анхны хэлбэрээрээ байж болоогүйн гол шалтгаан бол хэрэглэгч. хэрэглэгчидийн нүдэнд хамгийн эвтэйхнээр харагдаж тэдэнд сайхан сэтгэгдэл үлдээж дахин давтагдашгүй, энгийн хэлбэртэй байлгахыг л брэнд бүтээгчид зоридгийг харж болно

Цааш нь...

Adidas лого гоо өөрчилжээ


Нэлээн дээр Adidas брэндийн нэр болон логоны талаар бичиж байсан билээ.  Өнөөдөр www.adidas.com оор ортол нэг зүйл сонирхол нэлээн татлаа. 

адидас ын лого өөрчлөгджээ. цаг хугацааны явцад брэндийн лого өөрчлөгдөх явдал их байдаг энэ адидасыг тойроогүй бас дайрчээ. хэрхэн өөрчлөгдсөнийг харна уу


Цааш нь...

Thursday, September 25, 2008

Соёл урлагийн маркетингийн менежер хүн юу хийдэг вэ?


Соёл урлагийн салбарын маркетингийн менежерийн талаар та хэр сайн мэдэх вэ?

Соёл урлагийн маркетингийн менежер нь ерөнхий болон салбарын менежмент, маркетингийн онол, дэлхийн урлагийн түүх, урлагийн онол, нийгэм хүмүүнлэг, эрх зүйн шинжлэх ухааныг судласанаар дэлхийн болон монголын соёлын өвийг хойч үедээ уламжлуулан хадгалах, сурталчлах, түгээн дэлгэрүүлэх, эдийн засгийн эргэлтэнд оруулах  маркетингийн стратегийн төлөвлөгөө, хөтөлбөр боловсруулах, хэрэгжүүлэх арга техникийг эзэмшиж, бүтээгдэхүүн ба үйлчилгээ, борлуулалт, идэвхижүүлэлт, зар сурталчилгааны талаархи бодлого боловсруулах, маркетингийн үйл ажиллагаанд нь задлан шинжилгээ хийдэг.

Соёл урлагийн маркетингийн менежер нь соёлын ба мэргэжлийн урлагийн байгууллагын маркетингийн менежерийн үүрэг гүйцэтгэх бөгөөд маркетингийн судалгаа, төлөвлөлт, зар сурталчилгаа, борлуулалтын асуудал хариуцсан менежерээр төрөлжин ажиллах боломжтой. Маркетингийн менежер нь байгууллагын маркетингийн удирдлагад онолын үүднээс дүн шинжилгээ хийж, бүтээгдэхүүн, үйлчилгээний зах зээлийн өрсөлдөөнийг ханган, маркетингийн шийдвэрийн хувилбаруудаас оновчтой сонголт хийх, маркетингийн судалгаа, шинжилгээ хийж, дүгнэлт гаргах, байгууллагын маркетингийн стратегийн төлөвлөгөө, хөтөлбөр, жилийн үйл ажиллагааны төлөвлөгөөг боловсруулж, зохион байгуулах, үр дүнг нэгтгэн тайлагнах зэрэг маркетингийн удирдлагыг хэрэгжүүлэх ур чадварыг эзэмшинэ.

Цааш нь...

Wednesday, September 24, 2008

Ч.Долгорсүрэн Багшийн сурталчилгааны Мессеж лекц

Байгууллагууд өөрийн брэндийг бүтээхийн тулд маш их зардал гаргадаг билээ. Сайн Пи-Ар сайн сурталчилгааны тусламжтайгаар өөрийн бүтээгдэхүүн үйлчилгээг хэрэглэгчидийн хайртай брэнд болгон хоногшуулхад хамгийн их анхаарах зүйл бол яах аргагүй Сурталчилгааны мессеж. Иймээс Та бүхэнд Ч.Долгорсүрэн багшийн Сурталчилгааны Мэдэгдэл нэртэй лекцийг татаж авхаар тавьлаа Цааш нь гэдэг дээр дараад татах линкээ аваарай.

Дээрх лекцийг ЭНД дарж татаж авна уу

Цааш нь...

Monday, September 22, 2008

Та шинэ санаагаа хурдан бизнес болго


Та хэрэв өөрийн бизнес санаагаа олсон бол бизнесээ хурдан эхэл эс бөгөөс таниас өрсөх хийх хүмүүс олон байгаа гэдгийг анхаарах хэрэгтэй. ямар ч ажлыг хойш тавих тусам бүтэх магадлал нь 80% -иар буурдаг гэдгийг санахад илүүдэхгүй болов уу. Өнөөдрөөс эхэл:

1. СЭТГЭЛ САНААГАА БЭЛТГЭХ
Юуны түрүүнд бизнес эрхлэгчид “ТОМ” мөрөөдөлтай байх ёстой. Бусад хүмүүсийн хувьд бүтэхгүй санагдаж байгаа зүйл тэд нарын нүдэнд бүхэл бүтэн боломж болон харагддаг. Энэ мөрөөдлийнхөө төлөө цуцалтгүй тэмцэхэд бүх сэтгэл зүрхээрээ бэлэн байх ёстой. Хенри Фордыг моторт машин бүтээх агуу хүслээсээ татгалзаад өөрийн туслахаар ажиллахийг түүний найз, алдарт зохион бүтээгч Томас Эдисон хүртэл ятгаж байсан гэдэг. Тэрээр үр дүн нь удаан байсан ч уйгагүй зүтгэлээрээ амжилтанд хүрч чадсан билээ.

Үүний тулд Наполеон Хиллийн “Баяж, сэтгэ”, Бодо Шипперийн “Санхүүгийн эрх чөлөөнд хүрэх зам” зэрэг сэтгэл санааг чинь бэлтгэхэд алхам алхамаар өгсөн зөвлөгөө бүхий номнууд болон урам өгч, зоригжуулах тийм амжилтийн түүхүүдийг олж уншаарай. Эдгээр ном, материалыг зөвхөн нэгээр тогтохгүй хэд хэдэн удаа уншиж бүр сэтгэлдээ шингээж авбал илүү амжилтанд хүрнэ. Түүнчлэн өөрт чинь шинэ санаа, урам зориг өгөх өвөрмөц сэтгэдэг хүмүүсээр найз нөхдийнхөө хүрээг өргөжүүлээрэй.

2. БИЗНЕСИЙН МЭДЛЭГ ЧАДВАРАА ДЭЭШЛҮҮЛЭХ

Авьяасыг бизнес удирдан явуулах чадвартай хутгаж болохгүй. Жишээ нь чи маш сайн цахилгаанчин байж болно. Харин та цахилгаан засварын газар нээж ажиллуулахад чинь ур чадвараас гадна санхүү, менежмент, маркетенгийн мэдлэг шаардагдана. Эдгээр мэдлэгийг ном сурах бичиг, сургалтаар, мөн арвин сайхан туршлагаас авах болно. өөрөөр хэлбэл бизнестээ мөнгөөрөө хөрөнгө оруулж эхлэхээс өмнө цаг хугацаагаар хөрөнгө оруулж эхлэ гэсэн үг. Ажиллаж байгаа боссынхаа ажиллах чадвараас нь суралцахад гэмгүй. Мөн жижиг бизнес эрхлэгчдэд дэмжлэг үзүүлдэг байгууллагуудын web site-aaс хэрэгцээт мэдээлэл, зөвлөгөө, онлайн хичээл зэргийг үнэ төлбөргүй авах боломжтой. Үүний дотор тэтгэвэртээ гарсан томоохон бизнесменүүд зөвлөгөө өгдөг SCORE байгууллагын веб сайт /www.score.org/ олон зуун хэрэгцээт сайтууд руу орж болох линкүүд агуулдаг Small Business Administration байгууллагын web site /www.sba.gov/ бизнесээ хэрхэн эхлэх вэ, удирдах нь зэрэг сонирхолтой гарчигийн доор хэрэгцээт мэдээллүүдийг авч болно.

3. БҮТЭЭГДЭХҮҮН ҮЙЛЧИЛГЭЭНИЙ ЧИГЛЭЛЭЭ СОНГОХ

Худалдан авагчид ихэнх тохиолдолд хүссэн зүйлээ бус хэрэгцээт зүйлээ худалдан авдаг. өндөр үнэтэй ховор нандин бүтээгдэхүүн үйлчилгээ санал болгосноос жирийн өдөр тутмийн хэрэгцээт бараа үйлчилгээг санал болговол илүү худалдаалагдах магадлалтай.
“USA Weekend” сэтгүүлд мэдээлсэнээр 2003 онд 600 000 жижиг бизнес үүдээ нээжээ. 2008 он гэхэд эднээс тал нь тэсч үлдэнэ гэж судлаачид үзэж байна. өөрийн чинь мөрөөдлийн бизнес амжилттай ажиллана гэж түүндээ итгэ. Хэрэв өөрийн туршлага чадварт түшиглэсэн бизнес нээх санаатай бол ажиллаж байх явцдаа наад зах нь босс чинь хаана хаанаас ямар үнэ болон чанартай түүхий эд, материал татан авч байна, барааний эргэлт ямар хугацаанд борлогдож байна, ямар байна вэ гэдгийг ч ажиглан мэдэж авахад илүүдэхгүй.

4. ЯМАР ТҮВШИНИЙ БИЗНЕСЭЭС ЭХЛЭХЭЭ ШИЙДЭХ

Үүнд өөрийн шинэ санаанд үндэслэж бүр тэгээс нь эхлэх, үйл ажиллагаагаа явуулж байгаа бизнес худалдан авах, аль эсвэл franchise худалдан авах уу гэдгээ сонгоно.
Хэрэв цоо шинээр бизнес эхлэх гэж байгаа бол амжилт авчрах санааг ялгаж таних нь чухал болно. Бизнес эрхлэгчийн боломж нь зөвхөн хэрэглэгчийн хүссэн бүтээгдэхүүн, үйлчилгээн дээр тогтоно. Олон хүн шинэ бүтээгдэхүүн үйлчилгээний талаар санаа дотроо агуулж байдаг боловч сайхан санаа бүр бизнесийн сайхан боломжийг авчирдаггүйг анхаараарай. Харин зах зээл дээр бүтээгдэхүүн үйчилгээ болж гарах үед хэрэглэгч сэтгэл нь татагдаж, улмаар хүнд хүч хөдөлмөрөөрөө олсон мөнгөө зарцуулахад бэлэн тийм л санааний тухай яригдана.

Цааш нь...

Эрхэм СЕО та өөрийгөө нэг тольдоорой


Жижиг ч том аливаа байгууллага хөгжиж чадахгүй байгаа, өрсөлдөөнийг ялан гарч чадахгүй байгаа нь үйлдвэрлэлийн техник технологийн хоцрогдол, ажилчидын мэдлэг боловсрол гэх мэт хүчин зүйлээс гадна хамгийн чухал нь удирдах ажилтануудын үүрэг юм.
Хамгийн эхэнд удирдагч, хүнд итгэдэг байх ёстой. Албан тушаалын харилцаа ч эрх мэдэл шилжүүлэх явдал ч цаанаа харилцан итгэлцэл дээр тогтдог. Харамсалтай нь үнэхээр ажил ахиулахуйц итгэлцэл амьдрал дээр ховорхон. Хүнийг хардаж сэрдэх, итгэл хүлээлгэхгүй байх тусам л ажилтанууд үнэнч биш ажиллах сэтгэхүйтэй болдог. Өөртөө дайсан бэлдэж хүн хүнийг хардаж сууснаас хяналтын тогтолцоогоо л жаахан сайжруулчих. Тэгэхэд л бүх зүйл болно.

  Дараагийнх нь бусдын алдааг хүлцэх чадвартай байх хэрэгтэй. Алдчих вий, буруу хийчих вий гэж болгоомжилдог удирдагч эрх мэдлээ хэзээ ч шилжүүлдэггүй. Амьдрал дээр хүн гэдэг амьтан алдаж онох нь энэ тэнцүү. Хэн ч алдаанаас дархлагддаггүй. Тэгэхээр таны удирдлаганд байгаа хүмүүс бас алдаж болно. Алдаанаас үүдэн гарах хохирлийг боловсон хүчний мэдлэг, чадварын өсөлтийн зардал гэж үзэх хэрэгтэй. Том бас давтан хийсэн алдааг ч олон талаас нь судалж ойлгуулах, ажилд нь санаа өгсөн, чиглүүлсэн асуулт тавих гээд хүмүүсийг хөдөлгөх, ухааруулах арга мундахгүй.

  Хамгийн чухал нь доод хүмүүстээ эрх мэдэл олгох зориг тэнхээтэй байх хэрэгтэй. Удирдах хүн доод хүмүүстээ шийдвэр гаргах эрх олгоход сэтгэлзүйн хувь бэлэн байх ёстой. Удирдах ажилтанууд доод хүмүүсээ мэдлэг чадвар дутмаг, туршлага суугаагүй гэж голоод эрх мэдэл олгохоос болгоомжилдог. Харамсалтай нь өөрийн эрх мэдэлд хэт итгэж, доод хүмүүсийнхээ өмнөөс асуудал шийддэг дарга нар олон байдаг. Ийм явдал наад зах нь өөрийнхөө цагийг алдана, бас шийдвэрдэх ёстой томоохон асуудлаа хойш тавина гэсэн үг. Өмнөөс нь асуудал шийдээд байвал доод хүмүүс ажил хариуцахаа байж, төвөгтэйхэн бүхнийг дээш дамжуулдаг болчихдог. Мөн зөвхөн таны дуртайг хайж хийдэг нэгэн болж хувирнаа гэсэн үг.

  Доод хүмүүстээ аль болох хариуцлагатай ажил, асуудалд оролцож, сурч, дадлагажих өргөн боломж олгох нь голж болгоомжлохоос хавьгүй дээр. Эрх мэдлийн цаана үүрэг хариуцлага байдаг гэдгийг л сайтар ойлгуулсан байхад хангалттай. Нэг ёсондоо эрх мэдэл үүрэг хариуцлага 2 тэнцүү байдаг гэсэн үг.

  Тэднээр эрх мэдлийн нь хүрээний асуудлыг (өөрөө тэднээс илүү шийдчихэж чадах байлаа ч гэсэн) ямар ч байсан шийдүүлээд, харин өөрөө байгууллагын хэмжээний чухал асуудалд хүч анхаарлаа дайчилж ажилласан удирдагч илүү амжилтанд хүрдэг. Хэцүү ч байсан эрх мэдэл шилжүүлэх энэ аргыг хэрэглэхээс өөр замгүй, эс тэгвэл удирдлага ямар ч утгагүй болно.

  Хүмүүсийн ажлыг хянах үр нөлөөтэй арга эзэмшиж, хэрэглэхгүйгээр эрх мэдлийг шилжүүлнэ гэж байдаггүй. Өөрөөр хэлбэл, олгосон эрх мэдлийг чинь тухайн хүн үүргээ биелүүлэхэд зориулж чадаж буй эсэхийг цаг ямагт мэдэж байхын тулд хяналт зайлшгүй хэрэгтэй.

  Сайн удирдагчийн нэг онцлог шинж бол хүмүүсийн санаа бодлыг соргог мэдрэх, сонсох чадвар юм. Бусдын үгээр ажилчидаа дүгнэх, хов живэнд хутгалдах нь хамгийн муу удирдагчийн шинж. Эмэгтэй дарга нар ихэнхдээ иймэрхүү алдааг гаргадаг нь ажиглагддаг. Өөрийн итгэсэн хүний үгэнд итгэх, бусдыг өөрөө биш бусдаар дүгнүүлэн, дүгнэлтийг нь өөрийн юм шиг ашиглан шийдвэр гаргадаг.

  Мэдээж удирдагч бусдын санаа сэдлийг урамшуулж дэмжээд зогсохгүй бодитой туслалцаа үзүүлдэг байх учиртай. Хүнд хэзээ ч урмын үг илүүддэггүй. Компаниа аль болох урт наслуулая гэж бодно, тэр хэмжээгээр магтаалыг харамгүй хэлж байх нь чухал.

Цааш нь...

Friday, September 19, 2008

МАРКЕТИНГИЙН ТУЛАЛДААН

Эл Райс, Жек Траут “Marketing Warfare” номноос

1-р бүлэг

ДАЙНЫ 2500 ЖИЛ

Дарамт учруулахуйц бөөгнөрөл үүсгэхээр хүчийг хуримтлуулах ёстой. Энэ бол суурь ойлголт. Бүх Зүйлд аль болох эртнээс блтгэх шаардлагатай.

Карл фон Клаузевиц

Маркетинг бол дайн гэж тогтсоноос хойш бид гартаа байгаа бүхнээ Зэвсэг болгон ашиглах ёстой болов. Дайны түүхийг судлахаас эхлэе. Түүхээс сурах юм их бий. Вилл ба Ариэль Дюран нарын бичсэнээс үзэхэд хүн төрөлхтөн сүүлийн 3438 жилийн түүхэндээ 268 жилийг л дайнгүй өнгөрөөжээ. Тэрнээс цаашхи түүх гэсэн дайн тулааны үргэлжилсэн жагсаалтаас бүрдэх байх. Иисус христийг төрөхөөс өмнө мэргэжлийн жанжнуудаар толгойлуулсан мэргэжлийн армиуд энэ ертөнцийн энд тэндгүй тулалдаж, үзэлцэж байсан. Тоо томшгүй олон тулалдааны явцад дайны стратеги бий болж төгөлдөржсөн юм.

Марафон: МЭӨ 490 он

15000 персүүд афины Зүүн хойно байрлах марафоны буланд буужээ. Тэдэнтэй 11000 афинчууд тулсан юм. Грекүүд тооны хувьд цөөн байсан ч Фаланги буюу гинжин хэлхээ хэмээх тактикаараа давуу байдлыг олж авчээ. Грек дайчин бүр өөрийн бамбайг хажуугийнхаа дайчны бамбайг ирмэгдүүлэн хучихаар барина. Өөрөөр хэлбэл өөрийгөө хагас хажуугийн нөхрөө хагас хамгаалахаар барина. Гэтэл нэг нэгээрээ тулалдаж сурсан персүүдийн хувьд энэ нь шинэ тулгар Зүйл болжээ. 6000 перс, 200 грек үхсэнээр уг тулаан өндөрлөсөн билээ. Сонгомол түүхэнд орсон энэ тулаан эдүгээгийн Hertz, Avis машин түрээслэх конторуудын тэмцлийн үндэс болж өгсөн юм. Марафонд анх удаа хүчийг хуримтлуулж нэгэн бодгаль болгох тактикийг хэрэглэсэн юм. Грекчүүдийн ялалтыг мэдэгдэх гэж 22 миль буюу 35 км 400 метр газар Зогсолтгүй гүйсэн эрэлхэг цэрэг Фейдиппидесийн түүхийг харин бид сайн мэддэг. Тэр афинд гүйж орж ирээд - Бид яллаа. Баярлацгаа! Гэж хэлмэгц үхэтхийн унажээ. Марафон гүйлт гэж олимпийн хамгийн хүндэт төрлийг түүний дурсгалд Зориулан өнөөг хүртэл орхиогүй юм. Орчин цагийн марафонд гүйгч 42 км 430 метр газар гүйдэг. Гүйхийн өмнө харин персүүдтэй алалдахгүй нь сайхан юм даа.

Арбела: МЭӨ 331 он

Үүнээс хойш 150 жил өнгөрөхөд ертөнц даяр Их александрын цуу түгэж байлаа. Аристотелийн шавь хомерийг шүтэн бишрэгч. Эрэлхэг, бас болгоомжтой дайчин.

Дунайн сав газруудад дараалсан ялалтууд байгуулаад Александр гэр лүүгээ яарч явав. Замд нь Дарий хаанаар удирдуулсан персийн хороо цэрэг хөндөлджээ.

Тэд 300 алтан Зоосоор демосфенийг хөлслөн авч александрын арми бут ниргэгдсэн гэсэн худал цууг тараалгаж байв. Магадгүй энэ нь анхны рекламын агентыг төрүүлсөн хэрэг байсан биз ээ.

Хоёр тал хүч тэнцэн тулсаар хэдэн жилийг үдсэний эцэст шийдвэрлэх тулалдаанд оржээ. МЭӨ 331 онд Арбела хотын дэргэд энэ тулаан болсон юм. Тэр үед ихэнх тулдадааныг маш нарийн дүрслэн бичиж баримтжуулан үлдээдэг байсан нь 2300 жилийн дараа бид хо ёр талын үйл ажиллагааг сэргээн харах боломжийг бидэнд олгож байна.( 2300 жилийн дараа P&G компанийн ядаж ганц маркетингийн төлөвлөгөөг олж үзэж чадах болов уу)

Дарий цэргүүдээ уламжлалт байрлалаар өрөв. Эхэнд нь 15 Заан, 200 тэрэгт цэрэг. Александр арай л овжин арга сэджээ. Тэр өөрийн ялалтыг хло ёр жигүүрээс хумиж дайрах морьт цэрэгт даатгаж байлаа. Уг нь тэр цагт энэ аргыг ямар нэгэн байдлаар 2000 жилийн турш хэрэглэж ирсэн байсан. Дайралтыг Александр баруун жигүүрээр эхлүүлэв. Энэ нь персүүдийг Зүүн жигүүрээ тулгаралтанд оруулахад хүргэв. Тэгмэгц александрын морьтнууд тойрог үүсгэн персийн эгнээ рүү баруун өнцгөөс нь Зүсэн оржээ.

Александ энэ тулаалдаанд гайхамшигт ялалт байгуулж стратегийн хаадын хаан гэдгээ харуулсан юм. Хх зууны цэргийн сэтгэгч Б.Г.Лиддел харт үүнийг шууд бус хандлагын онол гэж нэрлсэн юм. Сайн арми дайсныхаа хүлээгээгүй талаас нь дайрдаг юм гэж харт хэлж байна.

Метавр: МЭӨ 207 он

Цэргийн алдар гавъяаны дараачийн төв нь Рим байлаа. МЭӨ 207 онд Римчүүд өөрсдийн дайчин чадварыг Метавр гол дээр нотлон харуулсан юм.

Тэр цагт Италийг карфагений арми эзэлсэн байв. Ах дүү Ганнибал, Гасдрубал нараар удирдуулсан карфагенчууд дайралтанд тухайн үеийнхээ хуягт машин болсон зааныг ашигладаг байв. Ганнибал италийн өмнөд хэсгийг, Гасдрубал хойд хэсгийг нь хуваан Захирч байсан нь тэдний алдаа болсон юм.

Нерон жанжин тэдэнд хүчээ бөөн цул болгож хуримтлуул хэмээх цэргийн сонгомол зарчмыг ойлгуулж өгчээ. Нерон эхлээд Ганнибал руу өмнө Зүг чиглэв. Бүрий болмогч тэр цэргээ хойд Зүг рүү эргүүлжээ. Түүхэн дэх хамгийн хүнд Марш десантыг хийснээр Нерон римийн генералууд Порций, Ливиус нарын цэрэгтэй нэгдэв. Тулалдаан Арбелийн дэргэдэх тулааныг яг хуулбарлажээ. Нероны энэ ялалтнь цэрэг дайны бүхий л түүхэнд хосгүй юм. Харамсалтай нь хүмүүс ялагчаас илүүтэйгээр ялагдагчийг хайрладаг байх юм.

Өнөөдөр бидний санаанд байгаа Нерон бол жанжнаас 250 жилийн хойно хаанчилж байсан дарангуйлагч билээ. Түүнд их жанжныг хүндэтгэдэг эцэг нь нэр хайрласан юмсанж. Түүнчлэн Ганнибал болон түүний заануудын тухай ялагчаас илүүтэй ярьдаг байлаа. Худалдаачдын үгээр бол ялагчид онигоо ярьж, хожигдогсод хэвлэлийн хурал хийлгэдэг гэдэг л энэ байх.

Гастингс: 1066 он

Мянга орчим жилийг алгасаад английн нэгэн жижигхэн хот Гастингст ирцгээе. Энд нормандчууд Түрэмгий Вильгельмийн удирдлага дор түүхийн явцын өөрчлөсөн юм. Тэдний эсрэг харольд хааны саксууд Зогсож байлаа.

Цэргийн болоод маркетинийн аливаа тулалдаанд байдагчлан хо ёр тал аль аль нь бага Зэрэг амжилттай, бас бага Зэрэг алдаатай тулалдаж эхлэв. Гэтэл Вильгельм онц чухал гийд гаргалаа. Түүнийхээр бол нормандын цэрэг хамаг хүчээ дайсны аугаа удирдагч харольд хаан руу чиглүүлэх нь гол Зорилт болох ажээ. Тэгээд 20 рыцарыг сонгож саксуудын эгнээг нэвтлэн хааныг олзлох тушаал өгөв. (Орчин цагийнхаар бол 20 өмгөөлөгчийг 5 жилийн гэрээгээр илгээсэн хэрэг) үр дүнд нь дөрөвхөн рыцарь хөөрхий хаанд хүрч чадаад түүнийг алсан байна. Вильгелмийн Зөв байжээ. Хаан нь үхмэгц саксуудын хамгаалалт суларч нормандчууд ялалт байгууллаа.

Креси: 1346 он

Дайн бизнест байдаг шиг ямагт нэг талын бус, сөргөлдөгч талуудын тэмцлээр нөхцөлддөг. 1346 онд Креси хотод англууд Француудтай тооцоо бодохоор хүрэлцэн иржээ. Эдуард III хааны ялалтын түлхүүр нь английн том нум болсон юм. Энэ бол Зах Зээлийн тулалдаанд цоо шинэ бүтээгдэхүүн нэвтрүүлэхтэй адил Зүйл. XIV Зуунд тийм нумтай байна гэдэг пулеметтай цэрэг нумтай цэрэгтэй үзэлцэхтэй агаар нэгэн байлаа. Нумт цэргүүд анх удаа морьт цэргийг срөн Зогсох боломжийг олж авчээ. Том нум нь арбалетийг (хавчаахай) бодвол 6 дахин хурдан гэлээ ч шаггүй дасгал сургуулилт,

тушлага чадварыг шаардна. Том нумаар 200 ярд(183м) газар байгаа байг онож сурахад 6 жил шаардагддаг байжээ. Тийм ч учраас эртний англи эрчүүд бүтэн сайныг сүмд очиж бус сум харваж өнгөрөөдөг байсан юм.

69 жилийн дараа 1415 онд азенкурын орчимд Францчууд Кресигээс ямарч сургамж аваагүй нь тодорхой болжээ. Тэнд францын 20 000 хүнтэй армийг 5 500 англи бут ниргэсэн юм. Том нум үнэхээр морьт цэргийн эрлэг байв.

Маркетингийн тулалдаанд илүү хүчтэй өрсөлдөгчөө дарахад тань том нум шаардлагатай. Адил жишээ гэвэл Haloid компанийн том нум нь ксерографийн аппарат болсон юм. Тэд үүгээрээ Polaroid- Ын Land хэмээх бүтээгдэхүүнийг нуга дарж чаджээ.

Квебек: 1759 он

Францууд 1759 онд Квебект ахиад л ялагдсан билээ. Англичууд Жеймс вольфын удирдлагаар огт төсөөлөөгүй цэгээс нь нь дайрч оржээ. Английн явган цэрэг авирах, давах боломжгүй гэгдэж байсан хадан хавцлыг даваад Квебекийн араар урсаж байсан голыг уруудаад ороод ирсэн байна. Ингэснээр тэд ажиллах өргөн боломжийг олж авсан юм.

Маркетингийн дайнд шулуун дайралт тэр болгон сайн дайралт биш. Дайралтын өмнө өрсөлдөгчийн байрлал дор яаж нуугдвал ашигтай вэ ? Гэж өөрөөсөө асуу.

Харамсалтай нь өнөөх Жеймс вольф өөрийн армийн ялалтын туг мандахыг үзэж амжилгүй өөд болжээ. Өрсөлдөгч маркиз Луи жозеф де Монколм ч үхжээ. Энэ нь ямар ч тулалдаан гарз хохиролгүйгээр өнгөрдөггүйг ахин сануулж байна.

Банкер хилл: 1775 он

Тэр тулалдаанаас хойш 16 жилийн дараа дайн Америкт хүрч халдварлажээ. Бостоны хавьд Банкер хиллийн толгодын дунд тусгаар тогтнолын төлөө дайны хамгийн алдартай тулалдаан болсон юм.

Ичгэвтэр нь жирийн америк хүн 1) ямар нэртэй толгодод, 2) хэн гэгч ялж тэдний хувь Заяаг шийдвэрлэснийг мэддэггүй юм.

Америкууд Банкер хиллээс холгүй Брид давааны оройд байрлаж байв. Тэднийг -дайсныхаа нүдний цөцгий харагдахаас нааш битгий буудаж бай! Хэмээх үгээрээ алдаршсан Ульям Прескот толгойлжээ. Өдрийн гурван цаг гэхэд английн генерал Улиам хоугаар удирдуулсан 3000 цэрэг давшилтанд орлоо. Хатан хааны албатуудыг 50 ярд газар ойртох хүртэл нь америкчууд огт гал нээсэнгүй. Энэ бол нүсэр мал нядалгаа байлаа. Сайн бэхэлсэн дайсан луугаа шулуухан давхиад орно гэдэг ийм л төгсгөл үзэх тавилантай. Англичууд мянга гаруй цэргээ алдаж хүнд гарз хохирол амссан ч ялсан юм. Учир нь тэд цэргийнхээ тоог гурав дахин нэмж хүний олноор ааглаж байж дарж авчээ.

Трентон: 1776 он

Трэнтоны дэргэдэх тулалдааны талаар бүгд л сонссон байх. Жорж Вашингтон Зул саоын баярын шөнө Делавэрийг гатлан дийлдэшгүй гэгдэж байсан гессений хөлсний цэргүүдийг ниргэсэн билээ. Яаж ? Яахав дээ, үнэн хэрэгтээ вашингтоны цэргүүд гессенчүүдээс тооны хувьд хавьгүй илүү байсан хэрэг. 1500 цэргийн эсрэг 2000. Тэр шөнө үндсэндээ гэнэтийн довтолгооны хувилбар, тооны хувьд давуу байдал гэж хо ёр юмаар л ялсан болой.

Маркетингт клаузевицийн хүчний Зарчим гэж нэрлээд байгаа Зүйлийг дутуу үнэлж болохгүй. Ихэнх тохиолдолд тои армитай нь л ялдаг. Наполеон -Бурхан том хороодын талд л Зогсдог гэж хүртэл хэлж байсан билээ.

Аустерлиц: 1805 он

Тэгсэн хирнээ Наполеон 1805 онд Аустерлицийн орчимд хамгийн бага хороотойгоор хамгийн нөлөөтэй ялалтыг байгуулсан байдаг. Юугаар ялав аа гэхээр, хурдан шилжих хөдөлгөөнөөр. Тэр австри, оросын цэргүүдэд өөрийн баруун жигүүр лүү довтлох боломж өгмөгц Зөрж тэдний Зүүн жигүүр лүү нь хурдтай цөмхөн орсноор дайсны төвд гарсан сул байдлыг ашиглан бүрэн ялалт байгуулсан юм. Наполеоны амжилтын түлхүүр нь хурдан шилжилт. Тэрээр өөрийн цэргүүдийг дайснаа нэг миль газар хороож ядан байхад 2 миль газрыг өлхөн туулдаг гэж сайрхаж байсан удаатай. -Би тулалдаанд ялагдаж болно. Харин Ганц ч минутыг болов алдахыг тэвчихгүй гэж Наполеон айлджээ.

Энэ нь маркетингтай яаж уялдах вэ? Зах Зээлээ судлах, турших, төлөвлөх Зэрэгт хайран цаг, минут, өдөр хоногоо, сар жилээ алдах хэрэг байна уу? Үнэт цагийг бид их төлөв хоосон өнгөрөөдөг. Үр дүнд нь үргэлж л ялагдаж, амжилтаа алдаж байдаг шүү дээ.

1812 онд Бородинод Наполеон аустирлицынхаа амжилтыг мартжээ. Зөвлөхүүдын сануулгыг эс тоон гол хүчээ оросуудын эсрэг шууд дайралтанл оруулсан юм. 30000 Франц эр амт үрэгдэж хөлдүүс болжээ. Хожим нь энэ дүр Зураг адольф Гитлерийн цэргүүд дээр давтагдсан ажгуу.

Ватерлоо: 1815 он

3 жилийн дараа Бельгийн жижиг тосгон Ватерлоод түүний төгсгөл иржээ. Герцог Артур Веллингтон наполеоны нэр алдраа эгүүлэн авах замыг хөндөлдөн Зогслоо. Тэр тулаанд уг нь Наполеон тооны хувьд ялимгүй давуу байсан. Веллингтоны 67000 цэргийн эсрэг түүний 74000 цэрэг. Веллингтон хүлээж, Наполщон давшлаа. Наполеон англичуудад Пруссаас нэмэлт хүч ирж явааг мэдэж байсан учраас өрсөхөөр яарчээ.

Тулалдааныг хөтлөн явуулах клаузевицийн хо ёрдугаар Зарчим бол хамгаалж байгаа талд давуу тал буй. Маш сайн хамгаалалтыг давах маш хэцүү. Үүнд үндэслээд хэлэхэд өрсөлдөгчдийн Зарцуулах мөнгөний хэмжээ, авч явуулах арга хэмжээнээс үл шалтгаалан макдональдс хамгийн том хурдан хоолны сүлжээ байсаар л байх болно.

1815 оны 6 сарын 18 ны 19 цаг 30 минутанд бүрий харуйн дунд Наполеон эр Зоригоо шавхан эзэн хааны гвардийн 10 хороог англичуудын төв рүү халз дайралтад орохыг тушаалаа. Эр Зориг гэж эр Зоригийг л хэлнэ гэж тэр хэлсэн байна. Клаузевиц тэр тулааныг дүгнэж -Бонапарт ялах боломжгүйг мэдсээр байж ялах горьдлого өвөрлөн сүүлчийнхээ нөөцийг шавхсан юм. Үгүйрэн хоосорсон хирнээ л сүүлчийн Зоосоо дайны талбар луу чулуудсанаар титмээ бас чулуудчихсан юм гэж бичжээ.

Детройтын Aмерикан моторз энэ тулаанаас ямар сургамж авч болох вэ? Тэд суудлын жижиг тэрэгний үйлдвэрлэлээ Зогсоож, Jeep брэндээс орж байгаа ашгаасаа татгалзаж болох уу?

Бууж өгөх гэдэг шившиг биш. Ухаантай генерал сайн шатарчин шиг хожигдох нь тодорхой болчихсон өргийг үргэлжлүүлэхээс татгалзаж, амьд үлдсэн цэргүүдээ аврах замыг сонгодог.

Балаклава: 1854 он

Балаклава хэмээх газар лорд Регланаар удирдуулсан англичууд хэн нэгнээр толгойлуулсан оросуудтай тулгарчээ. Ялагчийг хэн ч анзаардаггүй, санадаггүй. (General Motors, P&G -ийн ерөнхийлөгч хэн гэдгийг та санаж байгна уу?)

Юутай ч Балаклавад дэлхийн хамгийн үр дүнтэй хамгийн цуутай дайралтыг хийжээ. Цуутай гэдэг нь -Шуурхай бригадын давшилт сүйрсэн юм. Лорд Кардиган 600 цэргээ дайсны давуу хүчний суман дор чанх урагш давшуулснаас тэдний хүүрээр Зам Засчээ. Хамгийн үр дүнтэй гэхийн учир нь -хүнд бригадын дайралт мөн адил төгсгөл амсчээ. Шуурхай бригад хүнд бригадын давшилтыг хангаж чадаагүй нь регланы тушаалыг Кардиган бүруу ойлгосноос үүдэлтэй байжээ.

Геттисберг: 1863 он

Хүмүүсийн нэрс л солигдохоос бус түүх давтагдаж байдаг. 1863 онд Роберт Э.Ли бас нэгэн мартагдсан ялагчийг сөрөн тулалджээ. Ялсан жанжны нэрийг санахгүй байна. Лав л Улисс С.Грант биш. Түүнийг Жорж Ж.Миад гэдэг байсныг мартагдсан ялагчдын урт жагсаалтаас харж болно.

Тэрхүү Иргэний дайны шийдвэрлэх тулааны талаар хэдэн Зуун ном бичгдсэн. Ли арай эрт дайрчихсан бол яах байсан болоо ? Пикет өөрийн дайралтыг цаг хугацаанд хийсэн бол яах байсан бол? Гэж Зөндөө л бичсэн. Тооны хэлээр ярьцгаая. Ли генералд 75000 цэрэг, Миадад 88000 црэг байжээ. Хойд талынхан яагаад ялсныг ойлгохын тулд тэр олон балай номыг унших хэрэггүй байгаа биз дээ.

Дайныг хөтлөн явуулах анхдагч Зарчим үүнийг тодорхой харуулдаг. Хүчний Зарчим бол суурь санаа. Боломж байвал аль болох эртнээс байгаа тодруулж шийдвэрлэх мөчид байлдааны нэгжүүдийг байж болох их тоогоор нэмэгдүүл гэж клаузевиц сургажээ. Тэр түүх сударт тэмдэглэгдэн үлдсэн байлдаануудыг бүгдийг судалж үзээд дайснаасаа тооны хувьд бага байсан хирнээ ялалт байгуулсан хо ёрхон тохиолдлыг олжээ. Бусдад нь хүч илүүтэй нь ялсан байв.

Геттисбергт Миад өрсөлдөгчөөсөө 13000 цэргээр илүү байсан билээ.

Сомма: 1916 он

Бүх дайнуудад цэг тавих учиртай дайн үхлийн шинэ Зэвсэг пулемет бий болсноор эхэлжээ. Энэхүү техникийн нээлт нь хориглож байгаа талын боломжийг нэмэгдүүлсэн юм.(50, 60 аад онд ТВ гарч ирснээр маркетингт юу тохиолдсонтой адил)

7 сарын 1нд долоо хоногийн их бууны бэлтгэл хийсний дараа англи францын цэргүүд нуувчнаас гарч өргөн Фронтоор довтолжээ. Тэднийг германууд пулеметын шөргөн галаар угтав. Холбоотнуудын хохирол тулааны эхний өдөр гэхэд л 50000 хүнд хүрчээ. Тулаан харин 140 өдөр үргэлжилсэн юм. Ийм аймшигтай нядалгааг ертөнц Соммагаас өмнө ч , хойно ч ахиж үзээгүй билээ. Газрын хөрсийг цусаар дэвтээн байж ердөө л 5 миль газар эзэлжээ.

Хойтон жил нь англичууд Камбрт танк хэмээх нууц бүтээлээ гаргаж ирсэн ч ач холбогдлыг нь 20 орчим жил үнэлээгүй юм. Явган цэргүүд Соммад 5 миль газрыг эзлэх гэж ядарч байсан байхад танк эхний өдрөө л эзэлчихэж. Харамсалтай нь цэргүүд эзэлсэн газар нь бэхжиж амжаагүйгээс англичууд давуу байдлаа тэр дор нь алджээ.

Седан: 1940 он

Чиний гавъяаг найзуудаас чинь илүүтэй өрсөлдөгчид чинь үнэлж чадна. 1917 онд Камбрт англичуудын хийсэн танкны туршилтын борлуулалт 1940 онд арденны ой, Седанд чухал үүрэг гүйцэтгэжээ. Өнөө цагт сонгомол хэмээн үздэг тэр тулаанд Фон ранштедын танкын цувуу холбоотнуудын хамгаалалтын сул цэгээр нэвтэрч Франц, англичуудын хооронд завсар гаргасан юм.

Квебекийн хацлыг нэвтэршгүй хэмээн алмайрч суусан тэр хүмүүсийн удам бололтой францын цэргийн эрхтнүүд Арденнд танк хэрэглэх боломжгүй гэж онолдон байтал германы танкууд гараад иржээ. Боломжгүй гэгдэж байсан танкууд гараад ирмэгц англичууд францыг хамгаалах гэж улайрах нь утгагүй болсныг ойлгож британыг хамгаалахад бэлтгэж эхэлсэн ажээ.

Ла Маншийн хоолой тэдний туслагч болсноос германууд англитай хийх тулааныг Зөвхөн агаарт явуулахад хүрсэн юм. Төрөлх английнхаа тэнгэр торнадо, спитфайрууд Герингийн мессершмиттэй эн Зэрэгцэн өрсөлдөж байлаа.

Хэдэн жилийн дараа холбоотнуудад туслахаар америкийн арми Дуайт Д.эйзенхауэраар удирдуулан ирсэн бөлгөө. Энэ бол ихэнх тулааныг ялалтанд хүргэдэг нууц болох хүчний давуу байдлын Зарчим хүрэлцэн ирсэн хэрэг байлаа. Хэрвээ арми бизнес хо ёрын нэгдлийг бэлгэдэх учиртай хүн байх ёстой бол тэр нь ухаант генерал Дуайт Д.эйзенхауэр мөнөөс мөн байсан юм. Тэр ажлын өрөөндөө л ажилладаг. Түүний өрөөнд гаднаас ирсэн бичиг баримт, гадагшаа явсан бичиг баримт гэсэн хоёр хавтас байдаг. Бас нарийн бичгийн дарга үүдэнд нь суудаг. Тэр үргэлж том бизнесийн хэлээр ярьдаг байсан. Европ руу хөдлөхийн өмнө тэр цэргүүддээ -хэрвээ би та бүхэнд биечлэн тушаагаагүй л бол онцын шаардлагагүй үед амиараа дэнчин тавих гээд байх хэрэггүй гэж хэлжээ.

Дэлхий II дайны Фронт бид ялсан ч бидний дайсан байсан герман, япончууд маркетинийн Фронт дээр биднийг ялчихаад байна. XXI зууны маркетингийн дайны ялагчид нь хэн бэ? Дайны түүхэн сургамжуудыг ухамсарласан, Их Александр шиг төлөвлөж чаддаг, Наполеон Бонапарт шиг уян хатан шилжилттэй, Жорж Паттон шиг шаргуу тулалддаг маркетингийн генералууд л ялалт байгуулна.

Нэгдүгээр бүлэг төгсөв.

Үргэлжлэл бий...


Цааш нь...

Их дээд сургуулийн маркетингийн багш, судлаачдын анхааралд


Их дээд сургуулийн маркетингийн багш,
судлаачдын анхааралд

Монголын Маркетингийн Холбооноос их дээд сургуулийн маркетингийн профессор, багш нарт зориулсан “ Маркетингийн сургалт судалгааны тулгамдсан асуудлууд” сэдэвт нэг өдрийн сургалт семинарыг 2008 оны 10 сарын 11-нд “Монгол Шилтгээн” – д зохион байгуулах гэж байна.


Сургалт семинарын зорилго нь маркетингийн шинжлэх ухаанд гарч буй шинэ чиглэлүүдийг их дээд сургуулийн маркетингийн сургалт судалгаанд тусгах боломж, сайжруулах арга замыг хэлэлцэхэд оршино.


Сургалт семинарт маркетингийн мэргэжлийн доктор, профессорууд, бизнесийн байгууллагад ажиллаж буй туршлагатай маркетерууд оролцох болно.


Сургалт семинарт оролцох багш нарын нэр, тавих илтгэлүүдийн талаархи саналаа 9 сарын 25- ны дотор Монголын Маркетингийн Холбоонд ирүүлнэ үү.

Та бүхэн дэлгэрэнгүй мэдээллийг ММХ – с авна уу.
• Хаяг : “Гурван гал оффис” 613 тоот
• Харилцах утас : 322933, 88086325
• Факс: 322933
• Э- мэйл : mongolianmarketing@gmail.com


ММХ сургалтын алба

Цааш нь...

Thursday, September 18, 2008

Д.Хардел: “Зуун төгрөгтэй явснаас зуун нөхөртэй байсан нь дээр” гэдэг цэвэр маркетинг шүү


Франц улсын иргэн, маркетингийн ухаанаар дэлхийд нэрд гарсан профессор Доминик Хардел лекц уншив. Тэрбээр дэлхийн бизнесийн сургуулиудыг эрэмбэлсэн энэ оны жагсаалтын долдугаарт орсон Парис дахь “ESSEC” сургуулийн профессор юм.

Монголын маркетингийн холбооны урилгаар ирж, хоёр өдөр ажилласан Доминик Хардел манай менежерүүдэд “Олон улсын маркетингийн шинэ стратеги” сэдвээр лекц уншиж, үйл ажиллагаагаа өргөжүүлэн, дэлхийн зах зээлд гарах ухааны нууцыг задалсан юм. Түүнтэй маркетингийн ухааны талаар ярилцлаа.

-Та манай маркетингийн менежерүүдэд уншсан лекцийнхээ гол агуулгыг цөөн үгээр илэрхийлнэ үү?
-Сургалтад суусан залуусыг хамгийн сайн ойлгоосой гэж хүссэн зүйл нь маркетингийн амин сүнс болох өдөр тутмын харилцаа, хэрэглэгч түншүүдээ гэсэн чин сэтгэл. Үүнд анхаарлаа төвлөрүүлээч ээ гэдгийг онцолсон. Мэдээлэл солилцоод, өөрийгөө таниулаад, бусдаас юм олж авах хэрэгтэй. Авсан мэдээлэлдээ үндэслэн ойлголцож, зах зээлийн араншинг таньж мэдэх нь чухал. Монголын залуу маркетеруудыг харахад сурах идэвх, шинийг мэдье гэсэн тэмүүлэл их байгаа нь сайхан санагдаж байлаа. Орчин үеийн маркетинг гэхээр мэдээллийн технологийн хөгжлийг бүрэн гүйцэд ашиглаж, үнэнч хэрэглэгчээ яаж торгоон барих стратеги, тактикийг хэлж өглөө.

-Мэдээллийн технологийг бүрэн дүүрэн ашиглах нь маркетинг хийх бас нэг чухал хөшүүрэг байх нь ээ?
-Тэгэлгүй яах вэ, миний ярьсан чухал санаануудын нэг нь мэдээллийн технологи. Мэдээллийн зуунд газрын хол гэж байхгүй. Бизнест орон зайн тухай ойлголт үгүй болсон. Өрсөлдөгч чинь дэлхийн өнцөг булан бүрт байгаа. Токиод өчигдөр байсан өрсөлдөгч өнөөдөр таны хажууд сууж байж болно. Тээвэр, харилцаа холбоо, ялангуяа интернэт бизнесийн харилцааг эрчимжүүлж байна. Иймээс мэдрэмжтэй, хурдтай ажиллахын чухлыг ойлгуулахыг хичээсэн.

-Маркетингийг хөгжүүлэхийн тулд манайхан юу хийх хэрэгтэй юм шиг санагдаж байна вэ?
-Хүнд өөрийгөө зөв ойлгуулах, хүмүүсээс шинэ мэдээлэл олж авах нь чухал. Бусдаас авсан мэдээллээ эргүүлээд олон хүнд түгээн дэлгэрүүлэхэд суралцах хэрэгтэй гэж бодогдож байна. Тэгэхийн тулд өөрийн авьяас чадвараа хөгжүүлэх шаардлагатай. Чадвартай хүн амжилтад хүрнэ. Монголын маркетингийн холбооны ерөнхийлөгч, профессор Д.Дагвадорж “Зуун төгрөгтэй явснаас зуун нөхөртэй явсан нь дээр” гэж монголчууд ярьдаг гэж хэлсэн. Энэ бол цэвэр маркетингийн санаа байсан шүү. Маркетинг гэдэг бол практик амьдралтай шууд холбоотой, харилцаа юм. Монголчууд маркетингийг жинхэнэ утгаар нь хөгжүүлэхэд багагүй урт хугацаа туулах хэрэгтэй юм уу гэж санагддаг. Монгол хүмүүстэй ярихад битүү, нээлттэй биш юм шиг бодогдож байна л даа.

-Тэгэхээр маркетингийг хөгжүүлэхийн тулд манайхан юу хийх хэрэгтэй юм шиг санагдав?
-Бусдаас авсан мэдээллээ эргүүлээд олон хүнд түгээн дэлгэрүүлэхийн тулд авьяас, чадвараа хөгжүүлэх шаардлагатай. Чадвартай хүн амжилтад хүрэхэд хол биш. Манайд нөөц байгаа гэдгийг монголчууд мэддэг болсон нь сайн хэрэг. Үүнийгээ цааш нь хүнд хүргэж, ойлгуулах ёстой гэдгийг ч ухамсарлажээ.

-Монголын маркетингийн хөгжил тодорхой шатанд хүрлээ. Европын орнуудтай харьцуулахад манайханд ялгаатай ямар зүйл ажиглагдаж байна вэ?
-Европын маркетингийн хөгжил 100, Монголынх 10 гаруй жилийн түүхтэй болохоор ялгаа байлгүй яах вэ. Барууны бизнес бүхэлдээ маркетингид суурилдаг гэхэд болно. Хэдийгээр цөөн жилийн түүхтэй ч монголчууд өнөөдөр маркетингийн үзэл баримтлал, нарийн ойлголтуудыг эзэмшин бизнестээ ашиглаж байгаа юм байна. Маркетинг хийнэ гэж экспортолж болох бүтээгдэхүүн эсвэл байгалийн баялаг зэрэг биетэй зүйлийг л хамруулан ярих нь явцуу. Монгол хүн оюуны хүч, мэдлэг чадвараа таньж, оюун ухаан шингэсэн бүтээгдэхүүнийг экспортлоход түлхүү анхаараасай гэж бодож байна. Монголын хувьд харилцааны ухааныг сурч мэдэн, хэлхээ холбоогоо өргөжүүлж шинэ санаа шинэчлэлээр дүүрэн байх нь амжилтын үндэс болов уу. Монголын маркетингийн холбоо гишүүддээ болон нийт бизнес эрхлэгчдэд Азиас гадна дэлхий дахины маркетингийн ноу-хауг эзэмшүүлж байгаа нь сайхан үйлс юм. Энэ холбоо Азийн маркетингийн холбооны гишүүн учир танай орон дэлхийн маркетингийн сүлжээний салшгүй хэсэг нь болж байна гэсэн үг.

-Дэлхийд танигдсан том компаниудын маркетингийн жишээ их сонирхолтой байлаа гэж энэ сургалтад оролцогчид ярьж байна?
-Тийм ээ. Дэлхий даяар сүлжээ байгуулж, хэрэглэгчийг үй олноор нь татсан “Делл”, “Амазон”, “Боди шооп” зэрэг компанийн дэлхийн зах зээлийг эзэлсэн маркетингийн стратеги бодлогууд, тэдгээрийг үүсгэн байгуулагчдын амьдрал үйл ажиллагааны сонирхолтой түүхийг өгүүлсэн юм.

-Манай уншигчдад нэг жишээ сонирхуулаач?
-Компьютер үйлдвэрлэлээрээ дэлхийд тэргүүлдэг АНУ-ын “Делл” корпорацийн ерөнхийлөгч Майкл Делл 20 гаруйхан насандаа дэлхийд нэртэй бизнесмэн болно гэсэн зорилго тавьсан. Эднийх одоо 35 сая хэрэглэгчтэй. Зорьсондоо хүрсэн нууц нь хэрэглэгчтэйгээ байнгын харилцаа тогтоож, тэдний итгэлийг хүлээж чадсаных. Компьютер авсан хэрэглэгч бүхэн рүү утас цохиж, “Таны компьютер таалагдаж байна уу?” гэж асуудаг. Шинэ бүтээгдэхүүн гарвал хэрэглэгчтэйгээ дахин холбоо барьж “Манайх ийм компьютер гаргалаа, таны өмнө авснаас ийм ийм давуу талтай” гэж санал болгодог. Хэрэглэгчдийнхээ хүрээг тэлж, нэр хүндээ алдаагүйн нууц ердөө энэ.

-Та энэ чиглэлээр хэр удаан ажиллаж байна вэ?
-Маркетингийн чиглэлээр 47 жил ажиллажээ. Маркетингийн тухай хичээлийг 30 жил заасан. Онолоор авсан мэдлэгээ ажил болгож, дэлхийд нэртэй компаниудад ажиллаж байлаа, “Юнилевр”-т ажиллаж байсан. Би 17 жил маркетинг хийж байна. Мөн Америк, Орос, Солонгос зэрэг оронд ажилласан. Танай маркетингийн залуу менежерүүд, их, дээд сургуулийн маркетингийн профессор багш нар миний лекцийг сонирхон сонсож, сургалтад идэвхтэй оролцсонд баяртай байна.

Маркетингийн сэтгэлгээ монголчуудад их ойрхон шүү. Манайхны сэтгэлгээнд маркетингийн санаа олон байдаг. “Зан сайтай айлд хүн болгон ирдэг, Замаг сайтай усанд шувуу болгон цуглардаг” гэдэг ардын зүйр үг хэрэглэгч түншүүдээрээ хүрээлүүлэхийг сургасан ухаан” гэж холын зочны түнш Д.Дагвадорж профессор онцолж байв.

Эх сурвалж: Өдрийн сонин


Цааш нь...

Wednesday, September 17, 2008

"Орчин үеийн маркетингийн удирдлага, интернэт маркетинг" лекц

IT паркд мэдээлэл харилцаа холбоо технологийн газраас IT ийн чиглэлийн компаниудад зориулсан инкубаторт ажилдаг болсоноос хойш маш олон байгууллага зах зээл дээр өөрийн гэсэн орон зайг бий болгож байгаа билээ. Энэ салбар маань ч сүүлийн жилүүдэд эрчимтэй хөгжиж байна. Мэдээлэл технологийн салбарын хөгжил гэдэг бол хамгийн хурдацтай хөгжиж байгаа салбар учираас энэ зах зээлийн талаар Инкубатор менежер: А.Болдбаатар ын "Орчин үеийн маркетингийн удирдлага интернэт маркетинг" лекцыг орууллаа. татах

Цааш нь...

Tuesday, September 16, 2008

Бурхан бол менежер тийм болохоор менежер та бол бурхан!


 Тиймээ! Өнөөдөр менежер гэдэг албан тушаалын эрэлт манайд өсөж байна. Yнэ цэнэ нь харин ямар байгааг хэлж мэдэхгүй. Тааруу ч байдаг байж болох. Нэг тиймэрхүү л ажиглагддаг. Нэг их гоё хувцасласан улс. Гоё дүр эсгэгчид. 

Гэхдээ гоёыг бүтээж дүрийг бүтээж зах зээлийг эзэлж байгаа нь цөөхөн. Байгууллага компанийнхаа амин зүрх нь менежер л байдаг. Мөн орчин үед захирал бүрийг эзэн босс бүрийг сайн менежер байхыг шаардаж байна. Yгүй дээ л сайн менежер туслахгүй бол удахгүй бизнес үйл ажиллагаа *чад* хийнэ. Энэ бол ёстой нөгөө зах зээлийн нийгмийн нүцгэн үнэн. 
Бурхан бол менежер тийм болохоор менежер та б.ол бурхан. Яагаад гэвэл бусдын бэрхшээл таны бэрхшээл байдаг. Таны ажил бол бэрхшээлийг олж харах шийдвэрлэх. Та бүгдийг сонсож мэдэж мэдэрч урдчилан олж харж шийдвэрлэж засаж залруулж байх ёстой. Харилцаа бол таны гол зэвсэг. Гэрээ хэлэлцээр тохиролцоо шийдвэр бол таны дайралт хамгаалалт бэхлэлт. За за олон юм ярьж онолдох гэж оролдож энэ тэр гээд таныг чилээгээд яахав. 

Нэгэн зүйл: 
Нэгэн залуу нэгэн бүсгүйд дурлажээ. Тэрээр өдөр шөнөгүй бурхан минь та надад туслаач тэр бүсгүйтэй намайг гэрлүүлж өгөөч гэж залбиран гуйх болов. 
Бурхан ч түүн дээр туслахаар ирэв. Тэгээд нөхцөл байдлыг судалж үзэв. Өнөөх бүсгүй нь өөр хүнтэй сүй тавьсан бөгөөд түүнд ямар ч талаараа тохирохгүй цаашлаад эрүүл мэндийн хувьд ч явцгүй нэгэн байв. Өөрөөр хэлбэл дурласан бүсгүй нь тэр залууд хэзээ ч тохирохгүй бүтэхгүй нэгэн аж. 
Харамсалтай нь бурхан бол бурхан. Тэр залуугийн хүслийг биелүүлэх л үүрэгтэй. 
Ингээд бурхан залуу дээр ирээд * чи заавал түүнтэй гэрлэж яах гэсэн юм бэ би чамд өөр илүү бүсгүй олж өгье* гэв. Гэвч залуу *үгүй би хайртай хүнтэйгээ л суууна* гэж дайрчээ. Бурхан түүнд *би чамайг Билл Гейтсийн охинтой суулгаж өгье* гэлээ. Залуу *тэгвэл ч өөр хэрэг шүү* гэснээ нэг их бодолгүй дуртайяа зөвшөөрөв. 
Бурхан Билл Гейтс дээр ирээд *охинд чинь би нөхөр санал болгоё* гэжээ. Билл Гейтс *өө тэр ярихгүй манай хүргэн болох гэсэн эрс зөндөө л байна охин маань өөрөө шийдэх асуудал* гээд халгаасангүй. Бурхан *миний санал болгож байгаа хүн бол Дэлхийн банкний дэд ерөнхийлөгч* гэв. Билл Гейтс * тэгвэл ч өөр хэрэг шүү* гээд нэг их бодолгүй дуртайяа зөвшөөрөв. 
Бурхан Дэлхийн банкны ерөнхийлөгч дээр ирээд *Би танд дэд ерөнхийлөгч санал болгож байна* гэв. Дэлхийн банкны дэд ерөнхийлөгч *өө тэр ярихгүй манай дэд ерөнхийлөгч сайн хүн байдаг манайд өөр хүн хэрэггүй* гээд халгаасангүй. Бурхан *миний санал болгож байгаа хүн Билл Гейтсийн хүргэн байгаа юм л даа* гэв. Дэлхийн банкны дэд ерөнхийлөгч *Тэгвэл ч өөр хэрэг шүү* гээд нэг их бодолгүй дуртайяа зөвшөөрөв. 
Ингээд л гүйцээ. Бурхан сайн менежер байгаа биз. Ямар ч зардал чирэгдэлгүй бүх зүйл бүгдийн таалалд нийцэв. 

Тиймээ менежер та ингэж л ажиллах хэрэгтэй. Нөхцөл байдал бодит байдал хоёрыг холбож чадвал та амжилтанд хүрнэ. 

Бас нэгэн зүйл: 
Нэгэн дэлхийд алдартай гутлын фирм өөрийн үйлдвэрлэдэг гутлыг бүх л улс оронд зарж борлуулах өргөн компанит ажиллага явуулав. Тэгээд нэг удаа *манай гутлыг өмсдөггүй* газар орон үлдсэн байна уу мэдээд ир гээд менежерээ явуулж. Цаадах нь ч явж явж ирээд Африк гэж нэг газар байна гэв. 
Ингээд дахиад нэг менежерээ судлаад ир гэж явуулав. Тэр нь очоод тэнд гутал өмсөх шаардалга ч байдаггүй халуун дулаан газар байна. Хүмүүс нь гутал өмсдөг ч үгүй юм байна. Манай зэх зээл биш байна гэсээр уруу царайлан орж ирэв. 
Тэд дахиад нэг менежерээ илгээв. Удалгүй нөгөөх нь бөөн баяр орж ирэв. Тиймээ тэнд манай ганц ч гутлыг байтугай өөр бусад ганц ч гутал өмсдөг хүн алга манай том зах зээл байна гэсээр орж ирэв. Ингээд л гүйцээ. 

Хүн болгон өөрийнхөөрөө юмыг хүлээж авдаг. Менежер болгон тэгвэл тийм биш. Харин болж бүтэх талаас нь юмыг олж харж чаддаг байх хэрэгтэй. Мэдээж африкчуудад гутал өмсүүлж сургаж гутал моодонд оруулж яагаад болохгүй гэж. Яагаад тэдний байнгын хэрэглээ гутал болгож болохгүй гэж. 

Болохгүй юм гэж үгүй 
Бүтэхгүй юм гэж үгүй 
Бяцхан туулай барыг ч барьж болно оо гэдэггүй бил үү. 

Тиймээ хар өнгийг харж байна гэдэг цагаан өнгө байгаа болоод л ялгаж харагдаж байгаа хэрэг шүү дээ. Менежер та бол будагчин. Багсаа аваад будаад байж дээ. Харин ямар өнгөөр хэрхэн будах нь таны чадварын асуудал. Пи ар-ын мэргэжилтэн бол та өөрөө шүү. 
За за нэг иймэрхүү шив дээ!

Эх сурвалж: Цахим ТВ

Цааш нь...

Monday, September 15, 2008

New BRAND NAME

М-Си-Эс Электроникс компани нь шинэхэн компьютер угсралтын үйлдвэр нээх гэж буй мэдээллийг саяхан хүлээж авлаа. Доорхи уралдаан нь уг нь М-Си-Эс группын ажилчдын дунд зарласан уралдаан билээ. Гэхдээ эрхэм маркетеруудын маань санаа, оноо илүүдэхгүй байх хэмээн бодож энэхүү зарыг тавилаа.


Цааш нь...

Tuesday, September 9, 2008

Голомт банкны хэтийн зорилго, эрхэм зорилго, зорилт, стратеги



Өчигдөр бизнесийн зорилго, зорилт зэргийг хэрхэн тодорхойлох талаар онол талын мэдээлэл оруулсан билээ. Монголын бакны салбарт тэргүүлэгч Голомт банкны хэтийн зорилго, эрхэм зорилго, зорилт, стратегиа хэрхэн тодорхойлсон талаар та бүхэнд үлгэр жишээ болгох мэдээллийг орууллаа. Та бүхэн харицуулан хараарай


Голомт банкны хэтийн зорилго, эрхэм зорилго, зорилт, стратеги


Хэтийн зорилго
  • Монголын банкны салбарт тэргүүлэгч, дэлхийн жишигт нийцсэн үйл ажиллагаатай нэр хүнд бүхий найдвартай банк байна.
Эрхэм зорилго
  • Шинэ дэвшилтэт үйлчилгээ бүхий анхдагч байж, харилцагчдыг дээдэлсэн санхүүгийн бүрэн төгс үйлчилгээ үзүүлдэг, өндөр үр өгөөжтэй, чадварлаг боловсон хүчин бүхий улс орны нийгэм эдийн засагийн хөгжилд бодитойгоор хувь нэмрээ оруулдаг банк байхыг зорино.
Зорилт
  • Байнкийг хөрөнгийн зах зээл дээр чөлөөтэй арилжаалагддаг хувьцаа бүхий хувьцаат компани болгон өөрчлөнг зохион байгуулах
  • Зах зээлд тэргүүлэх байр эзлэх, цаашид урт хугацаанд байр сууриа тогтвортой хадгалах
  • Банкны бүхий л үйл ажиллагаандаа дэвшилтэт технологи нэвтрүүлэх, хөгжүүлэх
  • Зээлийг бүх төрөл зориулалтаар идэвхтэй хөгжүүлэх, зээлийн алдагдлыг бууруулж ажиллах
  • Үндсэн эх үүсвэрт харилцах дансны эх үүсвэрийн хэмжээг нэмэгдүүлэх, урт хуагцаанд хадгаламж татах ажлыг эрчимжүүлэх
  • Төлбөрийн картын зах зээлийг бүрэтн төлөвшүүлж, тэргүүлэх байр сууриа бэхжүүлэх, картын гүйлгээний хэмжээ, карт эзэмшигчдийн тоог нэмэгдүүлэх
  • Санхүүгийн шинэлэг үйлчилгээний төрлүүдийг нэвтрүүлэх, хэрэгцээг төлөвшүүлэх

Стратеги
Дэвшилтэт технологи нэвтрүүлэх
  • Мэдээллийн технологийн орчин үеийн ололт амжилтуудыг үйл ажиллагаандаа тууштэй нэвтрүүлж хөгжүүлэх, боловсронгуй болгох
  • шинэлэг үйлчилгээг зах зээлд бүрэн төгс хүргэх
  • харилцагчидын эрэлт хэрэгцээнд тулгуурласан санхүүгийн уламжлалт болон шинэлэг үйлчилгээг зорилтот зах зээлд амжилттай нэвтрүүлэх
  • үйлчилгээний шинэ хэрэглээг төлөвшүүлж хөгжүүлэх
Харилцагчидыг татах, тэдний итгэлийг хадгалж үлдэх
  • зах зээлийн сегмент харицагч бүрийн эрэлт хэрэгцээнг байнга мэдэрч ажиллах
  • шинэлэг бөгөөд сэтгэл ханамж бүхий эелдэг дотно, шуурхай, чанартай үйлчилгээг хүргэх
  • харицагчидыг халамжилж үнэнч байдлыг дээшлүүлэх
Чадварлаг боловсон хүчнээр багаа бүрдүүлэх
  • байнкны хүний нөөцийг чадварлаг боловсон хүчнээр бэхжүүлж, тэднийг сурч хөгжих таатай боломж нөхцөлөөр хангах
  • Хүн нэг бүрийн бүтээмжийг өсгөх замаар ашигт ажиллагааг нэмэгдүүлэх
  • түүнд хүн нэг бүрийн оруулсан хувь нэмрийг бодитойгоор тооцон урамшуулах замаар тэдний ажиллах эрмэлзэл, байнкны өмнө хүлээх хариуцлагыг дээшлүүлэх
  • банк ба ажилтан хамтдаа хөгжин дэвших
Нийгэм эдийн хөгжилд бодитой хувь нэмрээ оруулах
  • нийгэм болоод улс орны эдийн засагийн хөгжилд өргөн цар хүрээтэйгээр өөрийн хувь нэмрээ оруулах
  • монголын иээдүй болон унаган байгаль, хүүхдийн төлөө үйл ажиллагаа явуулах
Стратеги бодлого төлөвлөлт, Маркетинг
  • Орчны бодитой судалгаанд үндэслэсэн шинэлэг үйлчилгээний хэлбэр, уян хатан үнийн орчны бодлого, үр нөлөө бүхий мэдээлэл сурталчилгаа, идэвхжүүлэлт, хүртээмжтэй байдлыг чухалчлах
  • харилцагчидаа дээдэлсэн өндөр нэр хүнд бүхий имиджийг бүрдүүлэх
  • эхний ээлжинд хөрш зэргэлдээ орнуудад, улмаар бусад гадаад орнуудад банкны салбар нэгж байгуулах

Цааш нь...

Monday, September 8, 2008

Бизнесийн афоризм


Бизнесийн алдарт менежер, захирал, докторуу дын хэлсэн алдартай үгсийг цуглуулдаг ХХБ-ны Баясгалан маань удахгүй өөрийн цуглуулсан материалаараа ном гаргах гэж байгаа билээ харин номыг нь гархаас өмнө ганц нэг афоризм уудыг нь блогтоо тавиулж байна аа.

"Today’s smart marketers don’t sell products; They sell benefit packages. They don’t selll purchase value only; They sell use value."

"Philip Kotler"

MARKETING IS THE ART OF CREATING GENUINE CUSTOMER VALUE

"Philip Kotler"

Price is what you pay Value is what you get

"WARREN BUFFET"

Customers will forget the price they paid. But they will always remember the value.

"Ron Kaufman"

Цааш нь...

Бизнесийн зорилгыг тодорхойлох

Бизнесийн зорилгыг тодорхойлох

Зорилгоо тодорхойлно гэдэг нь аливаа бизнесийн хувьд ялангуяа шинээр бизнес эрхлэгчдийн хувьд маш чухал юм. Зорилго гэдэг нь таны хүрэхийг зорьсон ямарваа зүйл бөгөөд мөн таны бизнесийн амжилтыг хэмжих хэмжүүр юм. Зорилгондоо хүрч чадах уу гэдэг нь зорилт тавьж байгаа арга замаас их шалтгаалдаг. Зорилго чухал гэдгийг олон хүн хүлээн зөвшөөрдөг ч тэдний зөвхөн 5 аас цөөн хувь нь зорилго болон түүнд хүрэх ажлын төлөвлөгөөгөө бичдэг. Үүний гол буруутан нь айдас. Хэрвээ та зорилго тавихаас зайлсхийдэг бол доорхи алхмуудыг зөвлөж байна.

1. Ойрын ирээдүйн болон алс хэтийн зорилго тогтоох

Та магадгүй долоо хоногоор, улирлаар, жилээр тэр бүү хэл 3, 5 жилээр зорилгоо тогтоохийг хүсч байж болно. Богино хугацааны зорилго тогтоохийн тулд эхлээд урт хугацааныхыг тогтоох нь зүйтэй. Хэдэн долларийн орлого олох, хэзээ хэдэн харилцагчтай болохыг хүсч байгаагаа та мэдэж байгаа юу? Хэрвээ тийм зүйл таны толгойд даруй орж ирэхгүй бол хэдэн минут суугаад мэргэжлийн хувьд алсдаа ямар үр дүнд хүрэхийг хүсдэгээ бод. Хэрвээ та алс хэтийн зорилгоо тодорхойлчихвол түүнээсээ хөөгөөд ойрын зорилтуудаа тогтоож болно. Хэрвээ энэ жил та $100,000-ийн орлого олохыг хүсч байвал энэ мөнгийг хийхийн тулд юу юу хийж болохыг жагсаагаарай. Жагсаалт гаргахад хэцүү байвал хамт ажилладаг хүнээс эсвэл найзаасаа асуугаарай. Жагсаалтаа бэлэн болсны дараа тэдгээрийг үе шатуудад ангилна.

2. Зорилго тодорхой, цаг хугацаагаар хэмжиж болохуйц байна

"Борлуулалтаа нэмэгдүүлнэ гэдэг нь" сайн зорилго боловч амжилтаа юуг үндэслэн үнэлж дүгнэх нь тодорхойгүй байна. Иймээс зорилгоо улам тодорхой болгож өөрчлөх хэрэгтэй. Бүх зорилго тодорхой (Шинэ харилцагч олж авах), хэмжигдэхүйц (Гурван шинэ харилцагч олж авах), тодорхой цаг хугацаа заасан (Гурван шинэ харилцагч 11 дүгээр сар гэхэд олж авах) байна.

3. Хүрэхээргүй хэт том зорилго тогтоогоод хэрэггүй

Зорилго хүрч болохуйц байх ёстой. Хэрвээ хэт биелэгдэхгүй зүйл зоривол та өөрийгөө ялагдалд хүргэж болзошгүй. Бүү залхуур Нөгөө талаар зарим шинээр бизнес эрхлэгчид хэт хялбар зорилго тогтоох нь бий. Хэрвээ та тийм хандлагатай байдаг бол арай хэцүү зорилго тавихийг хичээ. Тухайлбал та ихэвчлэн улиралд нэг шинэ харилцагч олж авахийг зорьдог байсан бол одоо хоёр эсвэл гурвыг олж авахыг зориорой.

4. Хүрэх зүйлдээ холбогдолтой зорилго тавь

Зорилго таныг тодорхой нэг хүссэн зүйлд хүрэхэд тус болно. Таны бизнесийн амжилтанд нэг их холбогдолгүй, мөн таныг үргэлж завгүй байлгадаг зорилго тогтоохоос болгоомжил. Хэрвээ та тодорхойлсон зорилгоо тустай гэж бодохгүй бол түүнд хүрэх гэж чармайхгүй.

5. Тэвчээртэй, тууштай бай

Бичсэн зорилгондоо хүрч чадахгүй юм шиг, зорилго тавьж байгаа байдал тань нэг л болохгүй байгаа юм шиг санагдсан ч битгий бууж өгөөрэй. Хэд хэдэн сараар цааш үргэлжлүүлэн зоилго тавиад л байвал аяндаа таны зорилгоо тодорхойлох чадвар сайжирна.

6. Зорилгоо байнга хянаж бай

Долоо хоног тутмын г/м богино хугацааний зорилгоо ширээн дээрээ ч юм уу эсвэл компьюторийнхоо хажуууд дэлгээтэй байлгаж бай. Ингэснээр та юунд хүрэх гэж байгаагаа үргэлж санах болно. Жилийнхээ зорилгыг сар бүр хянаж замаасаа хазайгаагүй гэдгээ шалгаж бай. Хэрвээ таны бизнес чиглэлээ өөрчилбөл зорилгоо өөрчлөхөөс бүү ай. Уян хатан байна гэдэг нь зорилго тогтоохийн нэг чухал хэсэг юм шүү.



Цааш нь...
:
Design by Dzelque Blogger Templates 2008

Design by infinityskins.blogspot.com 2008