Saturday, January 31, 2009

2008 оны хамгийн өндөр боруулалт хийсэн хамтлаг дуучдын цомогууд


Forbes сэтгүүлээс өнгөрөгч онд хамгийн их борлуулалт хийсэн хамтлаг дуучдын цомогуудыг гаргасан байна. Жагсаалтыг Taylor Swift тэргүүлсэн байна.

  1. Taylor Swift
  2. AC/DC
  3. Lil Wayne
  4. Coldplay
  5. Metallica
  6. Kid Rock
  7. Jonas Brothers
  8. Sugarland
  9. Nickelback
  10. Jack Johnson


Forbes сэтгүүлийн тайланд:

Өмнөх оны бодит борлуулалт урд оныхоосоо 8.5% -иар буусан байна. 2008 онд нийт 535 сая цомог худалдаалагдсан байна.


Цааш нь...

Friday, January 30, 2009

FM РАДИО ХЭЗЭЭ ХАМГИЙН ОЛОН СОНСОГЧТОЙ БАЙДАГ ВЭ?


РАДИО ХЭЗЭЭ ХАМГИЙН ОЛОН СОНСОГЧТОЙ БАЙДАГ ВЭ?

Хэвлэлийн Хүрээлэнгийн “Хэвлэл мэдээлэл хэрэглэгчдийн судалгаа”-ны 2009 оны нэгдүгээр сарын тайлан хэрэглэгч байгууллагууддаа хүрч байна. Энэ сарын судалгаагаар радио сонсогчдын зан үйлийн мэдээллийг түлхүү судалж, радио долгионы зах зээлийг тодорхойлжээ.

Их Британийн радио долгионы судалгааны RAJAR байгууллага Англид өглөө 6-8 цагт, өдөр 12-14 цагт, орой 16-17 цагт радио сонсогчид хамгийн олон байдгааг тогтоосон бол Монголын Хэвлэлийн Хүрээлэнгийн “Хэвлэл Мэдээлэл Хэрэглэгчдийн Судалгаа”-гаар Улаанбаатар хотын өдөр 14-15 цагийн хооронд хамгийн олон хүн радио сонсож байгаа юм байна. Мэдээлэл авдаг түгээмэл эх сурвалжуудын нэг бол радио. Хамгийн сүүлд “Лавайн эгшиг 97,5”, “P-3 100,9” зэрэг радио бий болсноор нийслэлд богино долгионы 23 радио өрсөлдөж байна.

Судалгаагаар дээрх 23 радиогийн хүртээмж, сонсогчдын зан үйл болон FM радиогийн оргил цагын хүрээ гэх мэт урьд нь судлаагүй олон хэрэгцээтэй асуудлын судалжээ.

Даваа, Ням ер нь амралт, ажлын өдөр харгалзахгүй телевизийг олон хүн үздэг байхад радио сонсогчдын хувьд амралтын өдрүүдэд, ялангуяа 14 цагийн үед хамгийн их цаг заваа зарцуулдаг байна. “Life 104.0” болон “Hi Fi 98.9” радиог залуус илүү сонсож байгаа бол МҮОНР, “Гэр бүлийн радио 104.5”-ийг 40 -өөс дээш насныхан сонирхдог. Улаанбаатар хотын 12-аас дээш насны нийт хүн амын 87 хувь нь радиог ямар нэгэн байдлаар сонсдог ба өдөрт 35 орчим хувьд нь радио нэвтрүүлэг, дуу хөгжим хүрдэг байна. Эдгээр мэдээллийг Хэвлэлийн Хүрээлэнгийн “Хэвлэл мэдээлэл хэрэглэгчдийн судалгаа”-ны 2009 оны нэгдүгээр сарын тайлангаас дэлгэрүүлж мэдэх боломжтой юм байна.

Монголын Хэвлэлийн Хүрээлэн
Мэдээлэл Судалгааны Алба:
Харилцах утас: 7011-3475

Цааш нь...

Маркетингийн нэр томьёо ны тайлбар № 13 "O" /Opininon Leaders - Үзэл бодлын манлайлагчид. Бусдад үлгэр дууриалал болдог хүмүүс... /


Open-end questions - Нээлттэй асуултууд. Респондентод өөрийнхөө үгээр хариулах боломж олгодог асуултууд.

Opininon Leaders - Үзэл бодлын манлайлагчид. Бусдад үлгэр дууриалал болдог хүмүүс.

Opportunity - Боломж. Макро орчны зүгээс гарч ирж буй компаний хувьд ашигтайгаар эргэх, боломжтой үйл явдал, нөхцөл байдал. /SWOT анализ/

Optional-product pricing - Нэмэлт бүтээгдэхүүнийг үнэлэх. Үндсэн бүтээгдэхүүнийхээ хажуугаар хэрэглэгчийн хүсэлтээр нэмэлт шинж чанар, давуу тал, тоноглол бүхий нэмэлт үйлчилгээ, бхүтээгдэхүүнийг тусд нь үнэлж санал болгох.

Эх сурвалж: Д.Баярмаа - "Маркетерийн бичил судар"

Цааш нь...

Thursday, January 29, 2009

Giorgio Armani S.p.A. компаний - Менежментийн бодлого


Менежментийн бодлого

Үйлдвэрлэл, үйл ажиллагаа. Армани групп нь өөрөө бүтээгдэхүүнээ үйлдвэрлэх бодлого явуулдаг ба иймээс ч удаа дараалан өөрийн нийлүүлэгч компаниуд болох Intai S.p.A., Simint S.p.A., Guardi S.p.A., Borgo 21 S.p.A. нарын хувьцааг худалдан авч, өөрийн болгосон. Одоо Армани груп нь 13 үйлдвэр, 300 гаруй дэлгүүрүүдийг ажиллуулдаг, хувьцаат компани юм. Мөн саяхнаас дэлхий даяар онлайн дэлгүүрийг нээн ажиллуулж байгаа: www.giorgioarmani.com

Гол үйл ажиллагаандаа баримталдаг бодлогууд нь
1. Хэзээд чанартай, өөрийн гэсэн онцлогтой, моод хөөгөөгүй хувцас үйлдвэрлэх,
2. Ажиллагсадтайгаа сайн харьцах, тэднийг сургах, мотивацжуулахад анхаарах,
3. Хэрэглэгч бол хаан ба тэдэнд худалдан авах тансаг орчинг бүрдүүлэн, сайхан харилцах,
4. Өөрийн брэндийн онцлогийг хаа ч байсан хадгалах

Нийлүүлэлт, хуваарилалт. Бүтээгдэхүүний байршуулалтаа дэлхийн томоохон, баян чинээлэг хотуудад хийдэг, хэзээ ч жижиг лангуун дээр бүтээгдэхүүнээ тавьдаггүй нь компаний имижийн нэг онцлог юм.

Нийлүүлэлтийг үйлдвэрлэгч төвүүдээс дэлхий даяар тараан байршуулах маягаар хийдэг ба хэд хэдэн орчин үеийн систем болох CRM зэргийг ашигладаг. Мөн бүтээгдэхүүний чанар, хадгалалтанд гойд анхаарч, жишээ нь Хятад болон Азийн орнуудад төв үйлдвэрээс бүтээгдэхүүн нийлүүлэхдээ тусгай компани хөлсөлдөг нь Crown юм. Өөр хэд хэдэн компанитай хамтарч ажилладаг.

Хэрэглэгч нь бүтээгдэхүүнийг жижиглэнгээр нэрийн дэлгүүр эсвэл их дэлгүүрээс худалдан авдаг буюу жижиглэнгийн худалдааны бодлого баримталдаг. Хэзээ ч бүтээгдэхүүнээ бөөнддөггүй. Зах зээл дээр байрлах бүтээгдэхүүнийхээ тоог нарийн тооцдог нь түүний АНУ-н томоохон хотууд дах дэлгүүрүүдээс харж болно.



Цааш нь...

Wednesday, January 28, 2009

Giorgio Armani S.p.A. компаний тухай - КтМС-ийн багш Д.Ганбаатар


Giorgio Armani S.p.A. компаний тухай
Төрөл : Хувийн
Байгуулагдсан он: 1975, Милан
Үүсгэн байгуулагч: Giorgio Armani болон Sergio Galeotti
Төв Милан, Итали
Ерөнхийлөгч : Giorgio Armani
Салбар:Загвар ба чөлөөт
Орлого:$1.69 тэрбум (2005)
Ажиллагсад: 4,700
Website: www.giorgioarmani.com


Армани группийн тухай товч:
Армани груп нь дэлхийн тэргүүлэгч загварын, тансаг хувцас, эдлэлийн групын нэг бөгөөд 4600 гаруй ажиллагсадтай,13 үйлдвэртэй италийн компани юм. Энэ нь хувцас, хэрэгсэл, нүдний шил, бугуйн цаг, үнэт эдлэл, гэрийн дотоод засал, сүрчиг ба гоо сайхны бүтээгдэхүүнийг эдгээр брэнд нэрүүдийн дор үйлдвэрлэх, хуваарилах, жижиглэнгийн худалдаа эрхлэх үйл ажиллагааг эрхэлдэг.
  • Giorgio Armani
  • Armani Collezioni
  • Emporio Armani
  • AJ | Armani Jeans
  • A/X Armani Exchange
  • Armani Junior
  • Armani Casa
  • Armani Privè
  • Armani Cosmetics
  • Armani Hotels
  • Armani/Air

Групийн жижиглэнгийн сүлжээ нь 59 Жиоржио Армани, 11 Armani Collezioni, 122 Emporio Armani, 71 A/X Armani Exchange, 13 AJ | Armani Jeans, 6 Armani Junior, 1 Giorgio Armani Accessori, 17 Armani Casa дэлгүүрүүдийг 37 оронд ажиллуулдаг.


Компаний эрхэм зорилго
Giorgio Armani SpA-гийн гол зорилго нь загварын гайхалтай төгс бүтээл болсон хувцас болон хэрэгслүүдийг хэрэглэгчдэд зориулан бүтээх явдал юм. Арманигийн хувцаснууд нь байнга өөрчлөгдөн хувьсаж байдаг дэлхий дээр удаан хугацаанд чанар, үнэ цэнээ алдахгүй, модноос хальсан бүтээгдэхүүн байна.

Компаний стратеги ба зорилт
Арманигийн баримталдаг стратеги нь цаг хугацаанд хуучирч, загварын ертөнцийн нийтлэг хуулийг дагахгүй бүтээгдэхүүн үйлдвэрлэхэд чиглэгддэг. Ойрын ирээдүйд шинэ технологи, дэд бүтэц болон салбарууддаа хөрөнгө оруулахаар төлөвлөж байгаа. 2005 оноос Армани груп нь доорх зорилтуудыг өмнөө тавин ажиллаж байна:
  • Шинээр үүсэн, хурдацтай хөгжиж байгаа зах зээлүүд дээр өөрийн бүтээгдэхүүнээ танилцуулж, дэлгүүрүүдээ нээх. 42 дэлгүүр эхний ээлжинд нээж, 30 франчайзингийн гэрээ байгуулах.
  • Ирээдүйд борлуулалт нь өсөлттэй байх цаг, үнэт эдлэл, нүдний шил зэргийн бүтээгдэхүүний үйлдвэрлэлийг нэмэгдүүлэх
  • Гутал болон савхин бүтээгдэхүүнийхээ борлуулалтын өсөлтийг хэвээр хадгалан, үйл ажиллагаагаа өргөжүүлэх
Компаний салбар нэгж хэсгүүд, тэдгээрийн
үйл ажиллагаа
Тус групп нь нийт 13 үйлдвэр, 300 гаруй жижиглэнгийн худалдааны дэлгүүртэй. Гол салбарууд нь : Antinea S.r.l.; Giorgio Armani Corporation (U.S.A.); Giorgio Armani Asia Pacific Limited (Hong Kong); Giorgio Armani Japan (85%); Intai S.p.A.; Simint S.p.A. (53.24%); Trimil (51%).

Групийн бүтцийг схемчлэн харуулбал:
Компаний амжилтын нууцууд

Армани групын амжилтын гол түлхүүр нь түүний эзэн Жиоржио Арманигийн ухаан, авъяас чадвар, заль мэхд оршдог. Түүнийг өдгөө загварын ертөнцийн хаан, италийн загварын ертөнцийн эцэг гэж нэрлэж байгаа нь түүний авъяас чадвар ямар их үнэлэгдэж байгааг гэрчилнэ. Энэ бүх амжилтынхаа нууцыг тэрбээр “Би өөрийнхөөрөө бүхнийг хийж, өөрийн гэсэн байр сууриа олж авсанд оршиж байгаа юм” гэж тайлбарласан байдаг. Үнэхээр ч тэр бүгдийг өөрийнхөөрөө хийдэг. Хувцасны загварын моод хөөлгүй, сонгодог, хэзээ ч хуучрахгүй загварын хувцаснууд үйлдвэрлэх, эмэгтэй хүний хувцсыг эрэгтэйлэг, чөлөөтэй болгосон, Холивудын оддыг анх хувцас рекламандаа ашигласан гээд л бүгд түүний санаа, эдгээр нь ч амжилтанд хүрснийг бид харж байна.

Жиоржио Армани өөрийнхөө амжилтанд хүргэсэн 10 зарчмыг ийнхүү танилцуулжээ:
1. Өөрийнхөө бодлыг хэзээ ч бүү алд
2. Шинэ авъяастай хүмүүс хөлслөх гэж хөөцөлдсөнөөс байгаа ажилчдаа үнэлж сур
3. Амжилт суутан байхыг шаарддаггүй. Харин хөдөлмөрч бай
4. Өөрийнхөө итгэж байгаа зүйлээ л хий, бусад чинь галзуу гэж дуудсан ч хамаагүй
5. Шинэ зах зээлд орж байгаа үедээ тэр зах зээлд хэтэрхий уусч болохгүй, өөрийнхөө бусдаас ялгарах онцлогийг хадгал.
6. Загвар зохион бүтээгч байна гэдэг нь хэвлэлийнхний нүдэнд үргэлж ашиггүй бүтээгдэхүүний борлуулалттай болж харагдана гэсэн үг. Чи үүний эсрэг юу ч хийж чадахгүй гэдгээ сана.
7. Загварын сэтгүүлчил үргэлж шинийг эрэлхийлж байдаг, үүнийг ч гэсэн ч яаж ч чадахгүй
8. Загварын хэвлэлийнхэн чиний загварыг бусдад яг хүссэнээр чинь танилцуулна гэж үгүй
9. Бусдаас зээл, тусламж авахаасаа битгий татгалз.
10. Өөрийн ямар ч бүтээгдэхүүний эцсийн эрхийг хэн нэгэнд битгий өг.

Үргэлжлэл бий . . .

Маргааш та бүхэндээ Армани -гийн Менежментийн бодлого, Маркетингийн бодлого, Хүний нөөцийн бодлогын талаар танилцуулах болно

Эх сурвалж: Дэлхийн шилдэг брэндүүдийн талаарх мэдээлэл өгсөн КтМС-ийн багш Д.Ганбаатардаа Баярлалаа

Цааш нь...

Monday, January 26, 2009

Маркетингийн нэр томьёо ны тайлбар № 12 "N" /Network Marketing Multi-level Marketing - Сүлжээний бизнес. Шууд борлуулалтын олон шатлалт хэлбэр.. /


Need - Хэрэгцээ. Хүнд аливаа зүйл хэрэгтэй болох нь мэдрэгдэж санаанд буух жишээлбэл, хоол идэх, шингэн юм уух, дулаацах, аюулгүй орчинд байх, хүнд хайрлуулах г.м

Network Marketing Multi-level Marketing - Сүлжээний бизнес. Шууд борлуулалтын олон шатлалт хэлбэр.

Niche - Зах зээлийн сиймхий.

Nicher - Сиймхийч. Зах зээлийн сиймхий буюу маш жижиг сегментэд төвлөрөн үйл ажиллагаагаа явуулдаг компани (зах зээлийн 10 хүртэлх хувийг эзэлдэг)

Эх сурвалж: Д.Баярмаа - "Маркетерийн бичил судар"

Цааш нь...

Sunday, January 25, 2009

Залуу Маркетер Клуб



Цааш нь...

Friday, January 23, 2009

КтМС-ийн багш Д.Ганбаатар: Үүрэн телефоны зах зээл дээрх - Маркетингийн тулаан


Маркетингийн тулаан

Зах зээлийн дайнд ялахын тулд

Цэргийн шилдэг жанжин хамгийн сайн төлөвлөгөө боловсруулдаг. Маркетингийн гол стратегийг цэргийн тактиктай холбовол бизнест амжилт олох магадлал өдөртөй. Бизнесийн байгууллагын тулаан хэрэглэгчдийн толгойд болдог. Жишээлбэл хэрэглэгч угаалгын нунтаг сонгохдоо Омо, Ариел хоёрын алийг нь авах вэ гэж боддог. Тиймээс бизнесийн байгууллага бүтээгдэхүүнийхээ давуу талыг хэрэглэгчийн толгойд суулгаж өгөх ёстой. Яг үүний адил тухайн байгууллага ямар стратеги баримталбал үр дүнд хүрэх вэ гэдгийг маркетер тодорхойлдог. Шилдэг маркетер бизнесийн өрсөлдөөний талбар болох хэрэглэгчийн толгойд болж буй дайнд орохын тулд бүх хүчээ дайчлах ёстой. Эхлээд өөрийнхөө компанийг дараа нь өрсөлдөгч талаа нарийн судлана. Өрсөлдөгч талынхаа давуу, сул талыг жижиг ямар ч компани байж болно. Тэр болгоныг тооцоолж үзсэний үндсэн дээр яаж байлдах тактикаа боловсруулна.

Тулаан

Ингээд маркетингийн тулааны стратегиудын зарчмын талаар уншигч та бүхэнд хүргэж байна. Тулааны зарчим олон янз. Шууд, араас нь дайрч эсвэл өөд өөдөөсөө довтолж болно. Өрмийг нь хамах, хориглох, хамгаалах гээд олон стратеги байдаг. Өрмийг нь хамна гэдэг бол зах зээлд шинэ бүтээгдэхүүн гаргаж, бусдаас түрүүн байх бүх зүйлийг хийнэ. Хориглох стратеги олон давуу талтай.хориглолтонд байгаа компани маш бага, давшиж байгаа тал их хохирол амсдаг. Давшилтанд орж байгаа тал хориглолтонд байгаа талаас хоёр дахин илүү хүчтэй байснаар ялдаг. Хориглож байгаа тал хоёр дахин бага хүчтэй байсан ч давшигчийг ялж болно. Жишээлбэл: Хориглолтонд байгаа тал 6, давшиж байгаа тал 9 хүнтэй байгаа бөгөөд давшиж байгаа талын онох магадлал 1/9, хориглолтонд байгаа талын онох магадлал хориглож байгаа талын онох магадлал 1/3 байна. Давшиж байгаа тал тооны хувьд олон байна. 50 хувиар илүү . туршилтаар үзэх юм бол хоёр гал нээлтийн дараа ерөнхий харьцаа өөр болно. Эхний гал нээлтийн дараа 9:6 гэсэн харьцаа 7:5 болж өөрчлөгдөнө. Хоёр дахь гал нээлтийн дараа 5:4 болж хувирна. Гурав дахь гал нээлтийн дараа 3:3 болно. Давшиж байгаа тал 50 хувийн давуу байдлаа алдлаа. Хориглолтын давуу тал нь хориглолт хийснээр илүү бага хохирол амсана. Хориглох стратегийг хэн хэрэглэх вэ?. Ихэвчлэн том байр сууриа олсон компаниуд хориглолтын стратегийг баримтладаг.монголд Мобиком, Скайтел, Юнител, Жи Мобайл гэсэн үүрэн телефоны дөрвөн компани зах зээлд түлхүү байр суурь эзлэн ажиллаж байна. Мобиком хориглолтын стратегид шилжээд байгаа. Жи Мобайл , Скайтелийн үндсэн хэрэглэгчийг булаах юм бол Мобиком хэтэрхий том болно. Хэтэрхий том болбол тэр компанийг хаах төгс бус өрсөлдөөнийг хориглох арга хэмжээ авна. Хориглолтын стратеги баримталж байгаа компани давшилт хийхгүй. Ерөнхийдөө бусад өрсөлдөгч нар ямар төлөвлөгөө хэрэгжүүлэхийг хараад дараа нь юу хийхээ төлөвлөнө. Энэ тохилдолд маркетингийн зарлага багасч, хөрөнгө бага шаардана. Шинэ бүтээгдэхүүн төдийлөн гарч ирэхгүй. Хуучин байгаа зүйлээ сайжруулахад анхаарч, хэрэглэгчдийгээ тогтоон барьж тэдэнд зориулан үйлчилгээ явуулна. Үүрэн телефоны зах зээлд Мобиком 600 мянган хэрэглэгчидтэй болсон. 600 мянган хэрэглэгч гэдэг бол ханасан тоо. Давуу талаа олж монополь болсон тохиолдолд хориглолтын стратегид орж болдог. Цоо шинэ компани хориглолтын стратегируу орж болохгүй.


Мобикомын хамгаалалт

Мобиком анх гарч ирээд өрмийг хамах стратеги хэрэгжүүлсэн. Скайтел гарч ирэнгүүт Мобиком хамгаалалтын стратегид шилжсэн. Хамгаалалтын стратеги хориглолтын стратегиас юугаараа ялгаатай вэ гэвэл тухайн байгуулгын сул талруу довтолдог. Хийгээгүй зүйлийг нь хийдэг. Скайтел залууст зориулсан D20 үйлчилгээг нэвтрүүлсэний дараа Мобиком оюутан залууст зориулсан үйлчилгээг бий болгосон нь хамгаалалтын стратегийн жишээ. Дараа нь үүрэн телефоны зах зээлд Юнител орж ирмэгц Мобиком стратегиэ өөрчлөн хүлээлтэнд орсон. Хэрэглэгчийн стратеги нь өрсөлдөгч компани цоо шинэ бүтээгдэхүүн үйлчилгээг зах зээлд нэвтрүүлсэний дараа тухайн бүтээгдэхүүн үйлчилгээг аажимдаа өөрийн компанид нэвтрүүлдэг. Юнител зах зээл дээр амжилттай ажиллахын түлд дандаа шинэ бүтээгдэхүүн үйлчилгээг хийж байгаа. Тэр болгоны алдаа оноог нь цэгнэсний үндсэн дээг аажимдаа Мобиком тэр шинэ бүтээгдэхүүн үйлчилгээг нь хэрэгжүүлдэг. Үүрэн телефоны зах зээлд ЖиМобайл орж ирэхэд Мобиком үндсэн буюу хориглолтын стратегируу шилжсэн. Мобиком хуучин хэрэглэгчидээ алдахгүй тогтоон барих мөн хэнрүү ч халдахгүй. Мобикомруу Юнител , Жи Мобайл довтлоход хүчин мөхөсдөнө. Скайтел Юнител болон ЖиМобайл 2-луу довтлох юм бол өсөлт нь тийм сайн биш учраас хэрэггүй. Иймээс Мобикомын хэрэглэгчдээс булаан авах нь илүү ашигтай тул Мобикомруу давшина.

Скайтелын давшилт

Скайтелийн хувьд хориглолтын стратеги биш давших стратеги барих ёстой. Давших стратеги нь өөрөөсөө арай хүч илүүтэй компанийн хувийг булааж авдаг. Скайтел шинэ бүтээгдэхүүн гаргаж олон үйлчилгээ санал болгож байгаа нь давших стратегийн чанар. Давших стратеги нь өөртөө байгаа бүх нөөцөөрөө давшина. Юнител 100 мянга, Жи Мобайл 50мянган хэрэглэгчидтэй байгаа. Тэр хоёрын хувийг булаах нь Скайтелийн хувьд ашигтай биш. 50мянган хэрэглэгчийн 10 хувь гэхээр 5000 хэрэглэгч байгаа. Мобиком 600 мянган хэрэглэгчийн 10 хувийг авна гэхээр 60 мянган хэрэглэгч булаана. Тэгэхээр том бялуу хүртэхийн тулд Мобикомруу дайрахаас өөр аргагүй. Мобикомын хэрэглэгчдийг Скайтел урвуулна. Скайтелийн хувьд энэ бол жинхэнэ тулааны тактик юм

Юнителийн жигүүрийн довтолгоо

Юнителийн хувьд жигүүрийн довтолгоо хийнэ. Давших тийм их хүч байхгүй учраас энэ стратеги илүү дээр. Жигүүрийн стратеги барьж байгаа компани илүү шинэ бүтээгдэхүүн үйлчилгээг байнга санал болгодог. Ингэхийг тулд судалгаа шинжилгээний ажилдаа илүү их хөрөнгө зарцуулах шаардлага гарна. Тиймээс Юнител жигүүрийн довтолгоо хийж байгаа учраас Мобиком, Скайтел, Юнителийн хийгээгүй цоо шинэ үйлчилгээг бий болгохыг зорих ёстой. Ийм довтолгоо хийж байгаа компани өндөр зардал гаргадаг. Тэгэхээр Мобиком хориглож, Скайтел давшин хоорондоо тулалдаж байхад Юнител жигүүрийн довтолгоо хийж байна гэсэн үг.

Жи Мобайлын мөлжүүртэй яс

Жи Мобайлын хувьд аль нэг рүү нь давших юм бол хүчин мөхсдөнө. Тиймээс тэд нартай тулалдаан орох нь хэтэрхий эрсдэлтэй тул өөрт тохирсон жижиг зах зээлийг олж ганцаараа эзлэх стратеги хэрэгжүүлэх ёстой. Өөрөө хэлбэл өөртөө тохирсон мөлжүүртэй яс олох ёстой гэсэн үг. Мөлжүүртэй яс олсон компанийн жишээ гэвэл “Американ моторс”. Тэд цэргийн зориулалттай автомашиныг иргэний зориулалттай болгож өөрчилсөн. Энэ нь бидний мэдэх Hummer юм. Тухайн бүтээгдэхүүнийг өөр компани хийх сонирхолгүй учир нь том зах зээлийн хувьд хэтэрхий жижигдэнэ. Иймээс Жи Мобайл өөрийн бүтээгдэхүүний хэрэглэх дуртай хэсэг бүлэг хэрэглэгч бий болгох нь илүү ашигтай. Үндсэндээ Мобикомын хориглох стратегийн хэмжээнд Жи Мобайл жижиг зах зээлд дошин дээрээ ялах стратегийг хэрэгжүүлэх ёстой.

Стратегийн алдаа

Жигүүрийн довтолгоо хийж байгаа Юнител компани хориглох стратегт барьж буй Мобиком, давшилт хийж буй Скайтелаас илүү гарах магадлал бий эсэх талаар мэргэжлийн маркетеруудаас тодрууллаа.дэлхийн бикнесийн түүхэнд байр солигдсон компани зөндөө байдаг. Ингэхийн тулд том компанийн зах зээлийг булаах гэж стратеги хэрэгжүүлэх ёстой. 1980 оны дунд үе гэхэд Хуандэй, Тоёотоогоос илүү нэр хүндтэй байсан. Гэтэл өдгөө хэрэглэгчид Тоёотоог илүү үнэлдэг болсон. Тухай үед Хуандэй илүү өндөр зэрэглэлийн хэрэглэгчдэд зориулсан бүтээгдэхүүн гаргасан. Гэхдээ зах зээлд бүтээгдэхүүнээ гаргахдаа үнээ буруу тогтоосноос алдаа гарсан. Харин Тоёотоо Хуандэйгийн машинаас хоёр дахин илүү үнэтэй машин худалдаанд гаргасан ч амжилт олсон. 2008 оны байдлаар харахад Тоёотоо Хуандэйг ардаа цэвэр орхиод байна. Бизнесийн байгууллагын түгээмэл гаргадаг алдаа бол зах зээлд судалгаа хийх дургуй хийсэн ч муу багаар хийлгэсэн байдаг. Судалгаа сайн хийсэн баг амжилтанд хүрэх магадлалтай. Яагаад гэвэл Монголын зах зээл дахиж өсөхгүй. Өөрөөр хэлбэл цаашид тэлэхгүй гэсэн үг. Тэгэхээр хэрэглэгчдээс Мобиком сард 5000 төгрөг авч байсан бол яаж 5100 төгрөг авах вэ гэдэг дээг илүү ажиллаж буй. Ингэхийн тулд утсаар хэрэглэгчрүү зар сурталчилгаа явуулж, нэгж шилжүүлэн, нэгжийн зээлийн үйлчилгээ нэвтрүүлж байгаа. Эндээс илүү ашиг олох боломжтой юм. Тэд хэрэглэгчдээ, ашгаа алдахгүйн тулд хориглолтын стратеги баримталж байгаа.

Скайтелийн алдаа

Скайтел компани залууст зориулсан үйлчилгээ гаргасан. Тухайн бүтээгдэхүүнийг D20 гэж зах зээлд хоногшуулсан. 9120 гэсэн сер дотор 10мянган хэрэглэгч багтдаг. Зөв маркетингитэй эхэлсэн боловч хэрэглэгчид дээр алдаа гарсан . 10 мянган хэрэглэгчтэй болмогц 10001 дэхь хэрэглэгч хаачих вэ гэсэн асуудал үүсч, 9120 сер дуусаад дараагийн сер гаргах гэтэл гацсан. Яагаад? Хэрэглэгчидэд D20 гэж хоногшуулсан учраас 9130 ч юмуу өөр дугаар гаргасан тохиолдолд зах зээл хүлээж авахгүй. Иймээс D20 той уялдуулан 9620 гэсэн сер гаргасан. Буруу төлөвлөлт нь алдаа, эрсдэлийг дагуулдаг. Явц дундаа тактикаа зөв боловсруулж байгаа боловч стратегиа буруу хэрэгжүүлснээр алдаа гарсан. Асар их зардалыг нэмж гаргасан мөн гол хэрэглэгчээ алдсан.

Мобикомын алдаа

Залууст зориулсан үйлчилгээг гаргах шаардлагатай гэдгийг Мобиком ухаарсан. Монголын зах зээлд 180 мянган оюутан байдаг. Тиймээс Мобисюдентийг гаргахдаа Скайтел нэг сер дугаар гаргаад алдсан. Тийм учраас бид энэ алдааг давтахгүй гэсний үндсэн дээр 9960-9969 серийг гаргасан. 9960 дотор 10 мянган хэрэглэгч , 9960-9969 хүртлэх серт 100 мянган хэрэглэгч багтана. Мобиком хангалттай хэрэглэгчдийг багтаахаар тооцсон боловч хоногшуулалтаа буруу хийсэн.

Энэ алдаанаа болж хэрэглэгчид Мобистюденттэй хүнийг мөнгөгүй ядуу гэж бодоод 9911-тэй хүнийг баян хүн гэж бодор болсон. Ингэснээр 9960 дугаарын нэр хүнд унасан. Тиймээс эндээс хориглолтын стратегийн давуу тал харагдаж байгаа. Бусад компаниуд шинэ үйлчилгээ гаргаж ирсэний дараа бүтээгдэхүүн гарч ирдэг учраас илүү туршлага суух боломжтой. Гэхдээ туршлага байсан боловч хэрэгжүүлэлтийг буруу хийснээс алдсан.
Монополь компанийн нуралт

Хэтэрхий Монополь болоод нурсан компанийн жишээ бол Микрософт. Микрософтийн хөрөнгө 70тэрбум давсан. Тиймээс даоан тэрбумаар үнэлэгдсэн компанийг дотор нь 8 жижиг болгон хуваасан. Ямар ч компанийнй хувьд амьдралын мөчлөг гэж байдаг. Дэлхийн түүхэнд 120 жил маркетингаа зөв авч яваа компани бол Cola. Орлого нь байнгын өсөлттөй жигд байдаг. Мобикомын хувьд өрсөлдөгч байхгүй, орлогыг бууруулах хэцүү. Нэгэнт зах зээлд байр сууриа эзэлсэн компанийн ашиг орлогно автоматаар өсдөг. Мобикомын 600 мянган хэрэглэгч байнга мөнгө төлдөг учраас авдаг орлого өссөн хэвээрээ л байгаа. Мобиком 9999 гэсэн сер гаргасан. 9910,9909,9999 зэрэг гаргаагүй учраас өнөөдөр алдаа гарсан. Хүмүүсээс чи 9999 дугаар авах уу? 9911-ийг авах уу? Гэхээр хүн болгон 9911гэж хариулдаг. Ингэж нэг дугаарт хэтэрхий төвлөрөл үүссэн учраас төвлөрөл нь даамжраад нөгөө бүтээгдэхүүнд нөлөөлж эхэлдэг. Ямар ч компанийн үндсэн бүтээгдэхүүн хоорондоо өрсөлдөгч байх биш нэг нэгнийгээ дэмжих ёстой.

Юнителийн алдаа

Юнител компани 30-аад сер дугаар гаргасан. 30сер дугаар 300 мянган хэрэглэгчидтэй байх ёстой бол одоогийн байдлаар үндсэндээ 90 мянган хэрэглэгчидтэй. Тэгэхээр бидний мэдэх алт мөнгөн дугаартай хүмүүс л тухайн серийн хэрэглэгч нар байна. 1серт 10 мянган дугаар багтана. Жишээ нь: 88110000-88119999 хүртэл гэсэн үг. Энэ дугааруудаас 3000 дугаар ямар нэгэн маркетинг хийгээгүй өөрөө борлогдох болно. Харин үлдсэн 7000 дугаар дээр маркетинг хийгдэх ёстой. Ихэнхи компани нэг шинэ сер дугаар гаргаад түүнийгээ маркетинг гэж нэрлэдэг. 9911,9910-ийн нэр хүнд өсгөх хэрэгтэй. 9999-ийн нэр хүндийг өсгөхөд Мобиком чармайлт гаргасан. Гэхдээ уламжлалт аргаар биш 9911-ийг бүрэлдүүлсэн тэр арга барилаар авч үзсэн. Яг үндсэндээ нэр хүндтэй болохын тулд зах зээлд байсан 9911 дугаараа бүгдийг нь мобиком татаж авсан. Тэгээд зах зээлд хиймэл хомсдлыг бий болгоод өөрсдөд нь 4000-5000 дугаар байхад сенсааци тарьсан. Олон нийтийн дунд хүлээлт үүссэний дараа аажимдаа үнэ нь өссөн. Стратегийн энэ тактикийг Юнител 8811 дугаартаа авч хэрэглэж болно. Юнител жигүүрийн довтолгоо хийх гэж байгаа бол уламжлалт алдааг давтах ёсгүй. Гэтэл аялдан дагалдагч болоод байгаа нь бас нэг алдаа болж буй. 9911 гэвэл 8811, 9909 гэвэл 8808 гэж адил зүйл хийгээд байгаа учраас хүмүүс Юнителийн ялгааг харж чадахгүй байгаа юм.

Цааш нь...

Thursday, January 22, 2009

Бенчмаркингийн тухай


Энэ ойлголтыг мэргэжлийн түвшинд оруулж ирсэн хүмүүс бол бизнесийн зөвлөгөө өгөгчид. Тэд зөвлөгөө авч байгаа компаниуддаа юуг яаж хийх вэ, яаж ажиллах вэ, өрсөлдөгчөөс хоцрохгүйн тулд, тэднийг гүйцэхийн тулд яах вэ гэдгийг зөвлөж бенчмаркинг хийж эхэлсэн байна.

Гол санаа нь өөрийн бүтээгдэхүүн болон үйл ажиллагааг маш амжилттай яваа бусад байгууллагынхтай харьцуулж, түүний давуу талаас суралцах. Энэ ам-жилттай яваа байгууллага нь ихэвчлэн танай өрсөлдөгч байх болов уу.

Бенчмаркинг нь үндсэндээ мэдээлэл олох, тэдгээрээ үнэлэх, бусдаас суралцах, илүү сайжруулан сэтгэх, илүү өндөр түшинд ажиллах зэрэг олон цогц үйл ажиллагаанаас бүрдэнэ.
Бенчмаркинг хийхдээ хамгийн түрүүнд танайхаас илүү амжилттай яваа бизнесийг олж тогтоон, түүний амжилтын нууцыг олж мэдээд, хэрэгтэй гэсэн зүйлүүдээ өөрийнхдөө нэвтрүүлэн илүү сайжруулж, өндөр түвшинд ажиллахаас эхэлнэ.

Анх энэ аргыг Rank Xerox компани 1979 оны үед хямралд орж дампуурах дөхөж байхдаа ухаалгаар ашиглажээ. Тэд Японы компаниудтай өөрийн үйл ажиллагааг харьцуулснаар зардалдаа анализ хийж, бүтээгдэхүүний чанараа сайжруулж чадсан гэдэг.

Бенчмаркинг нь үндсэндээ 4 үе шаттай судалгааны хэсгээс эхэлдэг.

1.Өөрийн бизнесийн үйл ажиллагаанд нарийвчилсан шинжилгээ хийх
2. Бусад компанийн үйл ажиллагаанд нарийвчилсэн шинжилгээ хийх
3. Өөрийнхийг бусдынхтай харьцуулж үнэлгээ өгөх
4. Алдагдлыг багасгахад зайлшгїй хийгдэх ёстой шинэчлэлүүдийг тодорхойлох.
Үүний дараа та ямар хэлбэрийн бенчмаркинг хийхээ тодорхойлно.

Тухайлбал:

-Дотоод - компанийхаа нэгж хэсгүүдийн ажлыг хооронд нь харьцуулах
-Өрсөлдөгчийн - өөрийнхийг өрсөлдөгчтэй харьцуулах
-Ерөнхий - өөрийнхийг шууд бус өрсөлдөгчтэй харьцуулах.

Өөрөөр хэлбэл та махан бүтээгдэхүүний үйлдвэрлэгч байлаа гэхэд сүүн үїтээгдэхүүний үйлдвэрлэгчээс түүний борлуулалтаа хийх аргыг нь суралцаж, нэвтүүлж болно гэсэн үг.

Бенчмаркинг бол зөвхөн нэг удаа хийгдээд өнгөрөх анализ биш гэдгийг сайтар ойлгоорой. Амжилтанд хүрэн хүртлээ байнга өөрчлөлт шинэчлэл хийж болно. Тэгэхээр энэ бол байдаг л нэг тагнуулын, санаа хулгайлах ажил биш, харин нарийн мэдрэмж шаардсан урлаг байгаа биз. Тийм ч учраас энэ ойлголтыг зөвхөн бизнесийн компаниудаас гадна төрийн байгууллага, эмнэлэг, сургууль, агентлагууд хүртэл ашиглаж байна.

ҮЕ ШАТУУД

Бенчмаркинг хийхдээ стратеги төлөвлөлт хийх бөгөөд ингэхдээ өрсөлдөгчийн баримталж буй бодлого, стратегид нэлээд хүчтэй суурилах юм. Юуны өмнө тухайн салбарын єсєлт, өрсөлдөөний нөхцөл байдал, хэтийн хандлагыг судлана. Салбарт ажиллаж байгаа компаниудын өрсөлдөөний шинж чанар, салбарын бусдын анхаарлыг татах хэмжээ, бүтээгдэхүүнийг орлуулах боломж, ер нь салбар өсөх хандлага байна уу, ашгийн хувь нь хэр зэрэг вэ гээд л бүгдийг тооцно. Ингээд салбар чинь өсөх хандлагатай, та өрсөлдөж чадмаар санагдвал дараагийн шинжилгээг хийж эхэлнэ. Энэ бол өрсөлдөөний шинжилгээ.

Үүнд томоохон өрсөлдөгчдийн хэтийн төлөв, өрсөлдөх арга барилыг анхаарна. Хэрэв өрсөлдөгч хямд үнээр өрсөлдөх хандлагатай бол түүний санхүүгийн байдал хэр баталгаатайг судлаарай. Энэ нь тэр хэдий хугацаанд тэсч чадахыг илэрхийлнэ.

Энэ аргыг та ч ашиглаж болно шүү дээ. Хэрэв өрсөлдөгч тань дөнгөж хөл дээрээ дэнжигнэж байгаа, санхүүгийн ар тал нь баталгаагїй байвал та хямд үнийн стратеги баримталж тэднийг зах зээл дээр оршин тогтнох аргагүй болгож болно. Харин өрсөлдөгч санхїїгийн хувьд баталгаатай бол ингэж үнийн дайн” хийх хэрэггүй. Өрсөлдөгч ямар давуу талтай, яагаад хэрэглэгч тэднийг сонгодог болохыг судал. Магадгүй түүнд үнэхээр чадвартай боловсон хүчин, эсвэл маш найдвартай хямд түүхий эд байж болно. Өрсөлдөгч эдгээр дээрээ төвлөрөх гэж байгаа бол та ч хоцорч болохгүй шүү.

Ингээд хангалттай мэдээлэлтэй болсны дараа та хүрэх гэж буй зорилгоо тодорхойлж үүндээ хүрэхэд ямар стратеги баримталж, хэрхэн ажиллах төлөвлөгөөг гаргах юм. Танайх ямар давуу талаа ашиглаж өрсөлдөх вэ гэдгээ шийдсэнээр илүү сайжруулах түвшиндээ орж байна гэсэн үг.

Хэрэв сайн техниктэй бол олноор, бага өртгөөр үйлдвэрлэж хямд үнээр өрсөлдөж болно, эсвэл маш сайн борлуулалтын сүлжээг үүсгэх, шинэ зүйл нэвтрүүлэх, эсвэл өвөрмөц маркетингийн арга хэрэглэж ч болно. Ингээд танай компани ухаалаг өрсөлдөгчид боллоо.
БЕНЧМАРКИНГ ЯАГААД АМЖИЛТ ОЛОХ БОЛОВ

Консалтинг компаниуд сүүлийн хоёр жилд бенчмаркингийг маш сайн ашиглах болсон. Учир нь энэ бол бага зардал, бага эрсдэлтэйгээр бизнесийн үйл ажиллагаагаа сайжруулах шилдэг арга юм. Яагаад бенчмаркинг ийнхүү амжилт олж байгаа шалтгааныг олон улсын бенчмаркингийн хүрээлэн судалж үзжээ.

Глобаль өрсөлдөөн
Бизнес глобальчлагдахын хэрээр өрсөлдөөн маш хурдацтай хөгжих болсон. Энэ үед цоо шинэ зүйл бодож олох гэж суухын оронд сайн ажиллаж байгаа компаниас суралцах нь илүү хурдан, хялбар.

Чанарын урамшуулал
Амжилттай бөгөөд шилдэг бизнесмэн, компаниудыг шалгаруулж байгаагаас харахад шинэ санаа гаргасаныг нь биш, харин өрсөлдөөнийг сайн даван туулж байгааг нь шалгаруулах болсон.

Туршлага үнэ цэнэтэй болох
Техник, технологийн ололтууд богино хугацаанд бүх оронд нэвтрэх болсон учир бизнесийн арга барилууд ерөнхийдөө ижил болсон. Ийм үед гагцхүү бага зардлаар үр ашигтай ажилласан нь хожиж байгаа учир туршлага маш чухал.

АМЖИЛТАНД ХҮРЭХЭД ХЭН ХЭРЭГТЭЙ ВЭ?
Хэрэв өрсөлдөгчийн тань зах зээлд эзлэх хувь нэмэгдээд байгаа бол тэр таны ямар нэг сайн тал, эсвэл сул талыг чинь мэдчихжээ гэсэн үг. Өөрөөр хэлбэл танай компанийн давуу, сул тал, зах зээл, хэрэглэгчдийг сайтар судлаад, дүгнэлт хийж чаддаг менежер, маркетологууд түүнд байна. Харин та түүнээс суралцахад танд сайн мэргэжилтэн, зөвлөгчид хэрэгтэй болно.
Дэлхий дээрх хамгийн сайн бенчмаркинг хийгчдийг япончууд гэдэг. Тэд бусдын санаан дээр ажиллах, ажиглахдаа гярхай. Европ, америкийн зах зээл, бараа үйлчилгээ, тэдний сул давуу тал, онцлог, хэрэглэгчдийн хэрэгцээ шаардлага зэргийг сайтар судалж байгаад илүү шинэлэг, сайн зүйлийг хямд үнээр гаргахдаа гарамгай.

Дээр өгүүлсэн XEROX компанийхан борлуулалт нь яагаад буурч байгаадаа иж бүрэн шинжилгээ хийхдээ FUJI-гээс суралцжээ. Тэд Японд очиж техникийн үзүүлэлт, менежментийн арга барил, боловсон хїчнээ яаж сонгодог, цалинжуулдаг, урамшуулдаг зэргийг бүгдийг судласан. Иймээс ч тэд үргүй зардлуудаа бууруулж үр ашгаа нэмэгдүүлж чаджээ. Одоо хїртэл бенчмарк бол XEROX-ын бизнес-стратеги байдаг юм.

Өөр нэгэн компани бенчмаркинг хийхдээ хэлтэс тус бүртээ өрсөлдөгчийн үйл ажиллагаатай холбоотой мэдээллийг цуглуул гэсэн үүрэг өгдөг байж. Цугларсан бїх мэдээллүүд дээр дарга нар нь нэгдсэн шинжилгээ хийх бөгөөд цаашид яаж ажиллах баримжаагаа авдаг байна. Одоо тэдний туршлагаас судлахаар өрсөлдөгчид нь ирдэг бөгөөд тэд ч мэдээллээ дэлгэдэг.

Тэд “Ололт амжилт, мэдээллээ нууснаар хөгжил удааширна, өрсөлдөөн зогсонги байдалд орно. Тиймээс бид амжилтаа бусдаас нуудаггүй” гэж байлаа.

Эх сурвалж: http://yaruuhan.blog.banjig.net (Лука даа баярлалаа)

Цааш нь...

Wednesday, January 21, 2009

Маркетингийн Шилдгүүдийг Шалгаруулна


Маркетингийн шилдгүүдийг шалгаруулна

2009 онд Монголын Маркетингийн Холбоо үүсгэн байгуулагдсаны 15 жилийн ой тохиож байна. Энэ ойн хүрээнд “Зах Зээлд Манлайлагч - 2008” маркетингийн шилдгүүдийг шалгаруулах ёслолын арга хэмжээг 2009 оны 2 сарын 18-нд Улсын Драмын Эрдмийн Театрт зохион байгуулна. Уламжлалт энэ арга хэмжээ нь 6 дах жилдээ болж байна.

Манай шалгаруулалтын болзлыг хангасан байгууллага, маркетеруудыг өргөнөөр оролцохыг урьж байна.

Шалгаруулалтын журамыг ЭНД дарж татаж авна уу?

Цааш нь...

Giorgio Armani S.p.A. компаний тухай - КтМС-ийн багш Д.Ганбаатар


Giorgio Armani S.p.A. компаний тухай
Төрөл : Хувийн
Байгуулагдсан он: 1975, Милан
Үүсгэн байгуулагч: Giorgio Armani болон Sergio Galeotti
Төв Милан, Итали
Ерөнхийлөгч : Giorgio Armani
Салбар:Загвар ба чөлөөт
Орлого:$1.69 тэрбум (2005)
Ажиллагсад: 4,700
Website: www.giorgioarmani.com


Армани группийн тухай товч:
Армани груп нь дэлхийн тэргүүлэгч загварын, тансаг хувцас, эдлэлийн групын нэг бөгөөд 4600 гаруй ажиллагсадтай,13 үйлдвэртэй италийн компани юм. Энэ нь хувцас, хэрэгсэл, нүдний шил, бугуйн цаг, үнэт эдлэл, гэрийн дотоод засал, сүрчиг ба гоо сайхны бүтээгдэхүүнийг эдгээр брэнд нэрүүдийн дор үйлдвэрлэх, хуваарилах, жижиглэнгийн худалдаа эрхлэх үйл ажиллагааг эрхэлдэг.
  • Giorgio Armani
  • Armani Collezioni
  • Emporio Armani
  • AJ | Armani Jeans
  • A/X Armani Exchange
  • Armani Junior
  • Armani Casa
  • Armani Privè
  • Armani Cosmetics
  • Armani Hotels
  • Armani/Air

Групийн жижиглэнгийн сүлжээ нь 59 Жиоржио Армани, 11 Armani Collezioni, 122 Emporio Armani, 71 A/X Armani Exchange, 13 AJ | Armani Jeans, 6 Armani Junior, 1 Giorgio Armani Accessori, 17 Armani Casa дэлгүүрүүдийг 37 оронд ажиллуулдаг.


Компаний эрхэм зорилго
Giorgio Armani SpA-гийн гол зорилго нь загварын гайхалтай төгс бүтээл болсон хувцас болон хэрэгслүүдийг хэрэглэгчдэд зориулан бүтээх явдал юм. Арманигийн хувцаснууд нь байнга өөрчлөгдөн хувьсаж байдаг дэлхий дээр удаан хугацаанд чанар, үнэ цэнээ алдахгүй, модноос хальсан бүтээгдэхүүн байна.

Компаний стратеги ба зорилт
Арманигийн баримталдаг стратеги нь цаг хугацаанд хуучирч, загварын ертөнцийн нийтлэг хуулийг дагахгүй бүтээгдэхүүн үйлдвэрлэхэд чиглэгддэг. Ойрын ирээдүйд шинэ технологи, дэд бүтэц болон салбарууддаа хөрөнгө оруулахаар төлөвлөж байгаа. 2005 оноос Армани груп нь доорх зорилтуудыг өмнөө тавин ажиллаж байна:
  • Шинээр үүсэн, хурдацтай хөгжиж байгаа зах зээлүүд дээр өөрийн бүтээгдэхүүнээ танилцуулж, дэлгүүрүүдээ нээх. 42 дэлгүүр эхний ээлжинд нээж, 30 франчайзингийн гэрээ байгуулах.
  • Ирээдүйд борлуулалт нь өсөлттэй байх цаг, үнэт эдлэл, нүдний шил зэргийн бүтээгдэхүүний үйлдвэрлэлийг нэмэгдүүлэх
  • Гутал болон савхин бүтээгдэхүүнийхээ борлуулалтын өсөлтийг хэвээр хадгалан, үйл ажиллагаагаа өргөжүүлэх
Компаний салбар нэгж хэсгүүд, тэдгээрийн
үйл ажиллагаа
Тус групп нь нийт 13 үйлдвэр, 300 гаруй жижиглэнгийн худалдааны дэлгүүртэй. Гол салбарууд нь : Antinea S.r.l.; Giorgio Armani Corporation (U.S.A.); Giorgio Armani Asia Pacific Limited (Hong Kong); Giorgio Armani Japan (85%); Intai S.p.A.; Simint S.p.A. (53.24%); Trimil (51%).

Групийн бүтцийг схемчлэн харуулбал:
Компаний амжилтын нууцууд

Армани групын амжилтын гол түлхүүр нь түүний эзэн Жиоржио Арманигийн ухаан, авъяас чадвар, заль мэхд оршдог. Түүнийг өдгөө загварын ертөнцийн хаан, италийн загварын ертөнцийн эцэг гэж нэрлэж байгаа нь түүний авъяас чадвар ямар их үнэлэгдэж байгааг гэрчилнэ. Энэ бүх амжилтынхаа нууцыг тэрбээр “Би өөрийнхөөрөө бүхнийг хийж, өөрийн гэсэн байр сууриа олж авсанд оршиж байгаа юм” гэж тайлбарласан байдаг. Үнэхээр ч тэр бүгдийг өөрийнхөөрөө хийдэг. Хувцасны загварын моод хөөлгүй, сонгодог, хэзээ ч хуучрахгүй загварын хувцаснууд үйлдвэрлэх, эмэгтэй хүний хувцсыг эрэгтэйлэг, чөлөөтэй болгосон, Холивудын оддыг анх хувцас рекламандаа ашигласан гээд л бүгд түүний санаа, эдгээр нь ч амжилтанд хүрснийг бид харж байна.

Жиоржио Армани өөрийнхөө амжилтанд хүргэсэн 10 зарчмыг ийнхүү танилцуулжээ:
1. Өөрийнхөө бодлыг хэзээ ч бүү алд
2. Шинэ авъяастай хүмүүс хөлслөх гэж хөөцөлдсөнөөс байгаа ажилчдаа үнэлж сур
3. Амжилт суутан байхыг шаарддаггүй. Харин хөдөлмөрч бай
4. Өөрийнхөө итгэж байгаа зүйлээ л хий, бусад чинь галзуу гэж дуудсан ч хамаагүй
5. Шинэ зах зээлд орж байгаа үедээ тэр зах зээлд хэтэрхий уусч болохгүй, өөрийнхөө бусдаас ялгарах онцлогийг хадгал.
6. Загвар зохион бүтээгч байна гэдэг нь хэвлэлийнхний нүдэнд үргэлж ашиггүй бүтээгдэхүүний борлуулалттай болж харагдана гэсэн үг. Чи үүний эсрэг юу ч хийж чадахгүй гэдгээ сана.
7. Загварын сэтгүүлчил үргэлж шинийг эрэлхийлж байдаг, үүнийг ч гэсэн ч яаж ч чадахгүй
8. Загварын хэвлэлийнхэн чиний загварыг бусдад яг хүссэнээр чинь танилцуулна гэж үгүй
9. Бусдаас зээл, тусламж авахаасаа битгий татгалз.
10. Өөрийн ямар ч бүтээгдэхүүний эцсийн эрхийг хэн нэгэнд битгий өг.

Үргэлжлэл бий . . .

Маргааш та бүхэндээ Армани -гийн Менежментийн бодлого, Маркетингийн бодлого, Хүний нөөцийн бодлогын талаар танилцуулах болно

Эх сурвалж: Дэлхийн шилдэг брэндүүдийн талаарх мэдээлэл өгсөн КтМС-ийн багш Д.Ганбаатардаа Баярлалаа

Цааш нь...

Tuesday, January 20, 2009

Маркетерууддаа гэж хэлэхэд



Маркетерууддаа гэж хэлэхэд

1 дүгээр хэсэг:

Энүүхэндээ гэж хэлэхэд маркетер байна гэдэг нэг бодлын хүн болгоны мэддэг, мэдээжийн юмыг хийгээд байгаа юм шиг хирнээ маш нарийн торгон мэдрэмж шаардсан, цаг ямагт толгойдоо элдвийг бодож байдаг, нэг утас алдвал нилээд зүйл алддаг, үргэлж мэдээлэлээр чихцэлдэж байдаг, нэг тийм байнга чамайг малтаж татаж чангааж байдаг сонирхолтой хэр нь ядаргаатай ажил . “Маркетерууд ер нь нэг тийм анивчуур хүмүүс байдаг” гэж хэн нэг нь хэлэхийг сонссон юм байна хэхэ .., Цаг үргэлж гэгэлзэж, шинийг эрэлхийлж, амжих гэж гүйж, унтахдаа хүртэл шинэ санаа зүүдлээд байхаар яадаргаа наад зах нь АНИВЧУУР болж илэрч байгаа юм л даа.

Тэгэхээр өөрөө ч мэдэлгүй энэхүү яадаргаа, стресс, нервт орчихдог эсвэл ороход амархан андууддаа зориулаад, стрессээ чөлөөт цагаараа тайлах буюу нөгөө мундаг сэтгэл зүйн номууд дээр байдаг аргуудаар стрессийг тайлах зав гарахгүй байгаа нөхдүүдэд ажлаа хийнгээ хэрхэн стресс тайлах, хэрхэн ажлаасаа кайф авах талаар нэг ийм арга байдаг юм шүү, өөрийн биеэр туршсан тул эргэлзэх хэрэггүй нэг арга санал болгоё оо.

Мэргэжил нэгт нөхөддөө хандаж хэлэхэд бусдын мөнгийг үржүүлэх гэж ивээн тэтгэлэг, идэвхижүүлэлт, олон нийтийн арга хэмжээ, брендинг, нэрийн маркетинг гэх мэт олон ажлуудыг цаг наргүй хийж зүтгэдэг дээ. Тухайн эвэнтийнхээ багахан хувийг их дээд сургуулиудийн олимпиадууд, өнчин хүүхдүүдийн болон өндөр настны асрамжийн газар, хөдөлмөрийн чадваргүй болон чадваргүй хэр нь хөдөлмөр эрхлэгчид, хүнд өвчнөөр өвдсөн хүмүүс, авьяастай хэр нь гарах гарцаа олохгүй байгаа нэгэн гэх мэт маш олон эмзэг сувгийн хүмүүст бага ч гэлээ нэмэр болж багахан зардлыг тэдэнд зориулж ажиллая. Тэд нар ямар их баярладаг гэж санана. Чин сэтгэлээсээ баярлаж байгаа хүн өөр юм билээ шүү, баярын нулимс, халуун гар атгалт, чин сэтгэлээсээ чамайг тэд чанга тэврээд бяцлах шахахаар чи өөрөө ч чин сэтгэлээсээ уйлмаар ч юм шиг дуулмаар ч юм шиг болоод хамрын чин самсаа шархиран цээж өөдөө тань нэг юм огшоод ирэмз... Үүнээс сайхан кайф, стресс тайлах арга гэж ховор шүү нөхдөө..,
Үргүй зардал гээд удирдлага чин дурамжхан байж болох л юм, тэгэхдээ бид чинь юун төлөө маркетерууд билээ, хариуд нь байгууллага, удирдлагынхаа хийсэн энэхүү гавьяатай ажлын ГАВЬЯА-г нь нэг сайн дуудаад өгөх хэрэгтэй.., бүгд л нэр хүндэд дуртай шүүдээ...

Товчхондоо тэнүүн яваад нь тэмээгээр тусалсанаас
Тэвдэж яваад нь тэвнээр тусал гэж сайхан үг бий...

Тэр бүр хийгээд байдаггүй ч гэлээ боломж олдвол би нэг ч гэсэн ядарсан нэгэнд мөнгөн болон мөнгөн бус хандив, тэтгэлэг өгчих юмсан гэж боддог юм, тэгснээрээ би сэтгэлийн асар их кайф авч, мэргэжлээрээ бахархах сэтгэл төрж, нэг их цэнэглэгддэг юм гэхүү дээ.., Иймээс энэхүү сайхан мэдрэмжээ та бүхэнтэй хуваалцахыг хүслээ.

Буян хураа гэх нь хаашаа юм хэхэ


Маркетерууддаа гэж хэлхэд – Жишээ

2-р хэсэг:

За давс хийвэл уустал гэж... Илүү бодитой болгохын тулд сэтгэлдээ үлдсэн хамгийн дурсамжтай хандивийн ажлаа бас л тантай хуваалцмаар санагдлаа

Аав маань насаараа шахуу... МУИС-МКС-д Математикийн багш хийж байгаад намайг жаахан байхад хүнд өвчнөөр бурхан болсон юм. 9 жилийн дараа намайг ажил дээрээ байхад “ Улсын математикийн олимпиад” ивээн тэтгээч гэсэн хүсэлт ирсэн. / Ноос ноолуурын Монголдоо л урдаа барьдаг томоохон хүчтэй компанид ажиллаж байсан/ Надад зүгээр л МАТЕМАТИК гэдэг үг нь нөлөөлж би захиралдаа 500,000 төгрөгийн хандив өвлийн арга хэмжээнд хавсарган барьсаар орлоо. Харин захирал :- Ийм хэрэгтэй хэрэггүй юманд мөнгө үрж байхаар хөл бөмбөгийн тэмцээн болно, тэрэнд арын стенд хийх мөнгөнд нь 2,000,000 төгрөг хандив болго гэж лүндэн буулгалаа. Шалихгүй юманд шар хөдөлж нилээн өөрийнхөөрөө зүтгэж байж 200,000 цохуулж авлаа. / 10 дахин бага ч гэлээ өгсөн нь их юм болсон шүү хэхэ/ Захирал маань хөл бөмбөгийн хоббитой нэгэн байсан юм. Хүний сонирхолыг бас хүндлэлгүй яахав ..

За тэгээд Олимпиад болох өдөр нь ХААИС дээр болж тэнд нь очиж гардуулах юм боллоо. Тэнд зүс мэдэх маш олон нэртэй Доктор, Проффесор багш нар бас жаахаан юм байж зузаан зузаан хүнд хүнд рамтай, 4-н нүдтэй туулайн бүжингүүд энд тэнд сандарч гүйлдээд хөөрхөн юм билээ хэхэ ... өхөөрдмөөр санагдав

Миний барьж очсон 200,000 хаа очиж гайгүй өндөртөө орж байна шүү харин нүүр улайж байсан гайгүй болчихсон. Хараад байхнээ зохион байгуулж буй хэлбэр, шагнал урамшуулал, хангалт тун муу тарчиг гэж хэлхэд муухай ч тиймхэн байгаа нь анзаарагдсан. Эд нар чин оюуны урдаа барьдаг хүмүүс биздээ? Ирээдүйн суутнууд биздээ? Гомдолтой л харагдаж байлаа нуух юун...

За тэгээд хандив шагнал гаруулж эхэлхэд надад баярлаж гарыг мин жинхэнэ бяц атгах шахаж, өвгөн багш нар духан дээр мин үнэрлэж : Буянтай хүүхэд байна гэх юм. / Байгууллагын мөнгө л дөө ууг нь хэхэ / Намайг бол хэн ч танихгүй байлаа, Харин би нэг өвгөн багшийг таниж байсан юм. Тэр багшийг Дашдорж гэдэг... - Би яагаав тэр багшийн охин ш дээ. гээд аавыгаа дурсаад хальт хэлчихсэн. Тэгэхэд тэр багш намайг тэврээд, үнсээд, бусад багш нартаа хэлээд танилцуулаад, тайзан дээр дуудаж ирээд ингэж хэлсэн :- Энэ хүүхэд аав нь бидэн шиг хүн байсан болхоор биднийг ойлгоод, өдий олон жил өнгөрсөн ч гэлээ хэн ч танихгүй байхад өөрөө сэтгэлээрээ ирсэн байна, бид нар маш их баярлаж байна. Гээд нулимс унагааж бусдыгаа уруу татхаар нь миний сандарсан гээ хэлээд юухэв... Арай л уйлчаагүй ...

Тэгэхдээ өр мин хөндүүрлэж сэтгэл эмзэглэж, энэ хүмүүс ямар их хайраар, халамжаар дутаа вэ? Зөвхөн өөрийн бор зүрхээрээ дэнжигнэж утга учрыг нь, үндэсийг нь тасалчихгүй тулд хичээж яваа ямар сайхан сэтгэл вэ ? Нийгэм өдрөөс өдөрт хамгийн их хэрэгтэй байгаа хүмүүсээсээ холдож байгаа нь харваас илт байсан...

Эндээс би хүн хүнээрээ, сэтгэлээр, хандиваар ямар их дутдагийг ойлгосон, тэндээс гарахдаа би ойрд сэтгэл хөдлөөгүйгээрээ хөдлөж цаанаа л нэг ёстой л инээмээр ч юм шиг дуулмаар ч юм шиг хэсэгтээ аз жаргалтай санагдсан, одоо ч эргээд бодохнээ инээмсэглэл төрдөгийн... тэгээд үүнээс хойш иймэрхүү мөнгөн болон мөнгөн бус хандив тэтгэлэгт боломж олдвол бага бага гэлтгүй оролцож тэр хэрээрээ бусдыг баярлуулж, сэтгэлийн асар их кайф авч, ингэж бусдыг баярлуулах боломж олгосон мэргэжлээрээ бахархах сэтгэл төрдөг... чин сэтгэлээсээ...

Та бас оролдоод үзээрэй, маш амархан


Тука 2009/01/20



Цааш нь...

Дэлхийн брэнд ROLEX -ийн талаар




Та бүхэндээ шилдэг брэндүүдийн амжилтын түүх үүдийг хуваалцаж байгаа билээ энэ удаа Дэлхийн брэнд гэж нэрлэж болохуйц ROLEX брэндийн талаар мэдээлэл хүргэж байна. Маркетингийн ертөнц ROLEX өөрөө өөрийнхөө зах зээлийг бэлтгэж хэрэглэгчээ бэлтгэсэн үнэхээр гайхамшигт брэнд юм. Тухайн үед хүмүүсийн хэрэглэдэг цаг бүгд л Халаасанд хийдэг цаг байсан бол Ханс Вильсдорф халаасны цаг хийсэнгүй харин хүмүүсийн бугуйнд зүүх боломжтой цаг үйлдвэрлэж хэрэглээгээ бий болгосон юм. Энэ бол яах аргагүй ROLEX брэндийн гайхамшиг болон үлдсэн

ROLEX брэндийг үүсгэн байгуулагч Ханс Вильсдорф



Үүсгэн байгуулагч Ханс Вильсдорф нь бавари гаралтай бөгөөд 12 насандаа өнчирч, 24 насандаа цагны үйлдвэртэй болохоор сэтгэл шулуудсан нэгэн аж. Лондон хотноо ажиллаж байсан ба 1905 онд "Вильсдорф ба Дэвис" хэмээх компани байгуулжээ. 1960 онд насан эцэс болтлоо "Худалдаачин" гэсэн нэрээр бүхий л албан ёсны бичиг баримтад гарын үсэг зурж байсан ба өөрийгөө цаг үйлдвэрлэгч гэж хэзээ ч зарлан тунхаглаж байгаагүй аж. Халаасны цаг ноёрхож байсан тэр үед тэрээр бугуйн цаг хийх болжээ. Тогтооход амархан, хэлэхэд хялбархан, богинохон үгээр бүтээгдэхүүнээ нэрлэхийг эрмэлзсээр "Ролекс" гэж нэрлэх болжээ. Энэ нэр 1927 оны 11-р сарын 24-нд Ролекс Оустер маркийн цагийг үйлдвэрлэж гаргаснаар дэлхийд алдаршиж түүхээ бичүүлэх болжээ. Энэ цаг худалдаанд гараад жил болсоны дараа "Daily Mail" сонинд бүтэн нүүр сурталчилгаа тавигдсан нь цагны үйлдвэрийн сурталчилгааны эхлэл болсон байна.



ROLEX -ийн талаар

Ролекс (Rоlех) маркийн цаг нь өндөр үнэ, чанар, чамин ганган, хийц загварын хувьд алдартай бүтээгдэхүүн юм. Ролекс гэдэг нь барааны нэр боловч уг нэр нь 20-р зуунд хүмүүсийн нийгэмд эзлэх байр суурийг илэрхийлэх үзэгдэл болон хувирсан. 1908 оны 7 дугаар сарын 2-нд Ханс Вильсдорф хэмээгч Ролекс маркийн цагийг анх бүртгүүлж байсан түүхтэй. 80 жилийн дараа тэрээр дэлхийн хамгийн том, хүчтэй үйлдвэрлэгч болж чаджээ. Ханс Вильсдорф тооны аргыг ашиглан "тасралтгүй" явдаг цагийг анх бүтээсэн байна. Алдарт 'Ролекс Оустер' маркийн цаг нь мушгиснаас хойш 35 цаг тасралтгүй явдаг. Дараа нь Ролекс цагийг он, сар, өдөртэй болгож, улмаар ус, тоос шороо нэвтэрдэггүй, урвалд идэгдэж зэврэхгүй болгож сайжруулжээ. Ролекс нь Швейцарьт үйлдвэрлэдэг баталгаажсан цагны хамгийн том үйлдвэрлэгч юм. Дэйтона (Daytona) маркийн цагийг зэвэрдэггүй металлаар хийдэг бөгөөд ихээхэн эрэлттэй бүтээгдэхүүн юм. Энэ цагийг авч худалдахын тулд худалдаачид гурваас долоон жил хүлээдэг байна. Цаг цуглуулагчид энэ цагийг авахын тулд 15,000 ам.доллар төлдөг ч тохиолдол байдаг аж. Ролекс, Оустер маркийн цаг нь гоё сайхан, чанар, загвар болон алдаагүй явдаг талаараа цагны ертөнцийг хаанчилж байна. Cellissima Tonneau маркийн цаг үйлдвэрлэх болсноор Ролекс компани нь бүтээгдэхүүнийхээ хүрээг өргөжүүлсэн билээ. Энэ загварын цаг нь Ролекс маркийн дотроос үнэт эрдэнийн чимэг бүхий цаг юм. Өнөө үед Ролекс гэдэг үг нь дэлхийн орчин үеийн спорт, баялаг, төгс төгөлдөр байдал болон эрчимтэй амьдралын загвартай агаар нэг сонсогдох болжээ.

Ийм ч учраас дэлхийн нэртэй жүжигчид, уулчид, морин спортынхон, хайгуулчид, гольфчид, поло тоглогчид, уралдааны машин унагчид, тэшүүрчид, теннисчид бүгд л энэхүү брэндийн элч төлөөлөгчид болж эрч хүч, авьяас чадвар, мэргэжлийн түвшин, амьдралын хэм маягийг илэрхийлэх болсон аж. 1953 онд Эверестийн орголд түүхэн авиралт хийсэн ноён Эдмонд Хиллари Ролекс Оустер маркийн цаг зүүж явсан түүхтэй. 25 жилийн дараа энэ оргилыг мөн байлдан дагуулсан Рейнхолд Месснер алдарт Ролекс цагийг зүүж явжээ.


Цагны чанарыг үнэ тодорхойлдог уу
Дэлхийд алдартай Breguet цагны тvvхийг олон янзаар тайлбарладаг. Гайхамшигт цагчин Абрахам Луйс Брэгvэт 1765 онд зохион бvтээсэн суут хvн бєгєєд бvх л vеийн турш тэрээр алдартай байсан тєдийгvй анхны автомат цагийг бvтээсэн нэгэн юм. 1801 онд тэрээр автомат цагны эрхийг патенталж авсан бєгєєд анхны автомат цагийг 1810 онд vйлдвэрлэн, худалдаанд гаргажээ. Тухайн vеийн хамгийн нэр нєлєє бvхий алдар, цуутай Напелеон болон хатан хаан Викториа, Уинстон Черчил нар анхны Breguet цагаар гангарч байжээ.

Эрчvvдэд зориулсан-ХХ
18 каратын алтаар хийгдсэн уг цаг нь салхины хvчийг эсэргvvцэх євєрмєц хийц загвар бvхий биндэрьяа цэцгийн адил талсттайгаас гадна 100 метрийн гvн дэх усанд унасан ч ямар нэгэн асуудал гарахгvй, маш сайн усны хамгаалалттай. XX нь 21,600 доллараар зах зээлд худалдаалагдаж байгаа ажээ.
Сонгодог загварын « Reveil du Tsar»
Brequet-ын сонгодог шинэхэн загвар «Reveil du Tsar» нь аялагчдад зориулсан бєгєєд 2003 онд Женевт болсон Grand Prix de I Horologerie шагнал хvртсэн бол Lausanne vзэсгэлэнгээс оны шилдэг эрэгтэй хvний бугуйн цагаар шалгарч байжээ.

Жорж Буш 50 долларын vнэтэй цагаар гангардаг
Дэлхийд алдартай, олны танил хvмvvс євєрмєц хийц загвар, дахин давтагдашгvй чанар бvхий алдартай фирмийн цагаар гангардаг нь нууц биш. Хэдийгээр цаг vйлдвэрлэлээр дэлхийд алдартай олон фирм байдаг ч хамгийн их гар ажиллагаа, олон эд анги, зах зээлд борлуулалтаараа дээгvvрт бичигддэг. «Оросын 7 хоногийн мэдээ» сониноос энэ зууны хамгийн vнэтэй цагийг улс тєрийн ямар гишvvн зvvдэг вэ? гэсэн нэгэн сонирхолтой жагсаалтыг гаргажээ.

Дэлхийд хамгийн vнэтэй болон чанартай цагийг Швейцарчууд vйлдвэрлэдэг гэдэгтээ та санал нийлэх байх. Оросын Ерєнхийлєгч Владимир Путин дэлхийд хамгийн vнэтэй цаг зvvдэг олны танил хvмvvсийн нэг юм. Орос улсын тэргvvн, дэлхийд нэр нєлєє бvхий тvvний хувьд 60 000 ам.долларын vнэтэй Patek Philippe гэдэг цаг зvvдэг бєгєєд тэрээр уг цагаа 2003 онд худалдан авч байжээ. Тvvний уг цаг нь ерєнхийлєгчийн бvтэн жилийнх нь цалинтай тэнцэх хэмжээний vнэтэй бєгєєд Patek Philippe цагных нь ижил тєрлийн Patek Philippe Calatrava цаг мєн тvvнд байдаг байна.

Харин тус жагсаалтад дээгvvр байр эзэлсэн Alpha банкны ерєнхийлєгч Петр Авен 19 000 ам.долларын vнэтэй цагаан метал бvхий алтан цаг зvvдэг бол Москва хотын дарга Юри Лужков Patek Philippe-ын 18 000 ам.долларын vнэтэй цаг зvvдэг байна. Тэрээр уг цагийг нэг жилийн ємнє худалдан авч байсан бол Оросын алдарт зохиолч Александр Пушкины хєрєг зураг дээр мєн ийм тєрлийн цаг зvvсэн байдаг байна. Челсиа багийн эзэмшигч Роман Абрамович Rolex фирмийн 29 000 амдолларын vнэтэй Rolex Daytona загварын цаг зvvдэг бєгєєд тvvнээс гадна 19 000 ам.долларын vнэтэй Rolex Oyster цаг тvvнд байдаг байна.
Дэлхийн хамгийн том гvрний тєрийн тэргvvн АНУ-ын ерєнхийлєгч Жорж Буш тун даруу тєлєв зантай хvн бєгєєд тэр ердєє 50 ам. долларын vнэтэй Timex Indiglo хэмээх нэртэй цаг зvvдэг байна.

Харин АНУ-ын Калифорни мужийн амбан захирагч Арнолд Шварцнигэр гурван тєрлийн цагаар гангардаг бєгєєд Audemars Piguet, Royal Oak болон Paneria Luminor фирмийн цагтай ажээ.

Єнгєрєгч оныг хvртэл дэлхийд хамгийн vнэтэй цагны эзэн хэмээн нэрлэгдэж байсан Vacheron Constantin-ны 540 000 ам.долларын vнэтэй цагийг Италийн ерєнхий сайд Сильвиа Берлускони зvvдэг ажээ.

Үргэлжлэл бий . . .



Цааш нь...

Monday, January 19, 2009

Giorgio Armani - ийн амжилтын түүх


Амжилтын замнал

1980-аад оноос Холливудын оддыг загвараа сурталчлуулах ажилдаа анх татан оруулсан хүн бол Жиоржио Армани байсан бөгөөд үүнийхээ ч ачаар дэлхийн ноймер нэг тансаг брэндүүдийн нэг болж чадсан гэж үздэг. Анх 1980 онд Ричард Гирийн American Gigolo киноны хувцсыг бүтээсэн нь амжилт авчирч, цаашид ч Batman (1989), Pulp Fiction (Emporio Armani), Ready to Wear (both 1994) зэрэг кинонуудын хувцсыг хариуцан ажилсан нь шуугиан тарьж байв.

1980 он гэхэд Арманигийн компани аль хэдийн хэд хэдэн төрлийн брэндүүдийг бий болгосон байсан нь Mani, Armani Junior, Giorgio Armani, Emporio Armani нар байв. Энэ үед жинс эд хүчээ авч байсан тул Armani болон Emporio Armani брэндийн жинсүүдийг 1980 онд гаргасан байна. Мөн Арманигийн дотуур хувцас, усны хувцасуудыг гаргаж, L'Oréal (үүсгэн байгуулагч H. Rubinstein)-тай Арманигийн гоо сайхны бүтээгдэхүүн үйлдвэрлэх, түгээх лицензийн гэрээ байгуулав (1980). Харамсалтай нь Жиоржио Арманигийн найз, компаний үүсгэн байгуулагчдын нэг, өдөр тутмын менежментийн ажлыг зохицуулдаг байсан Галлеоти 1985 онд ДОХ-ын улмаас нас нөгчиж, өөрийн 50 хувийн эзэмшлийн хувьцаагаа Арманид өвлүүлжээ. Армани энэ үед барьц алдалгүй, харин олон ажиглагчдын гайхшралыг төрүүлсэн ухаалаг алхмыг хийсэн байна. Тэр компаниа улам өргөжүүлж чадан компаний орлого 75 сая байснаа 209 сая болтлоо нэмэгдсэн байна.

1986 онд анхны Армани Жуниороо Миланд, Лондонд анхны ресторанаа 1980 онд, анхны нүдний шилээ 1988 онд Luxottica S.p.A.-тай лицензийн гэрээ байгуулж гарган, бүр өөрийн сэтгүүлээ хүртэл гаргаж байв. Энэ үед Арманиг хэд хэдэн загварын магнатууд худалдан авахыг хүссэн ч саналаас татгалзжээ.

Өрсөлдөгч компаниуд томоохон брэндүүдийг өөртөө нэгтгэх бодлого явуулж байхад Армани өөрийн зах зээлээ барих, маркетинг, менежментдээ илүү анхаарч байв. Тэр харин өөрийн нийлүүлэгч компаниуд болох Antinea S.r.l. болон Intai S.p.A.-гийн хувьцааг 1989, 1990 онуудад худалдан авсан байна.
1990-ээд он гэхэд Арманигийн орлого нь 306 саяд хүрч, үүнээс жижиглэнгийн худалдаанаас 160 сая, түрээсийн төлбөр болон лиценз зэргээс 130 сая, үйлдвэрлэлийн орлого 16 саяд хүрч байв. Эндээс цэвэр ашгийг нь олбол 54,2 сая байсан ба нийт эргэлтийн бүтээгдэхүүн нь 1,6 тэрбум доллартай тэнцэж байв. Бусад загварын хаузууд 1980 оны эдийн засгийн хямралаас болж өр зээлд баригдаж байхад Армани үнэтэй бүтээгдэхүүнүүдээ зарсан хэвээр, ямар ч өр ширгүй байв.

1991 онд Арманигийн гайхалтай менежментийн бодлогын талаар Форбес сэтгүүлд гарч байсан ба түүний Италийн загварын зар сурталчилгааны нарийн бодлогыг үнэлжээ.
Жиоржио Армани A/X-ийн брэндийн хувцасны дэлгүүрийг 150 болгоно гэж төлөвлөж байсан ч энэ өргөжүүлэлт нь анхнаасаа орлогоо багатай байсан тул илүү дэлгүүрүүдээ Сингапурын компанид зарсан байна. Эндээс Армани брэндийн бүтээгдэхүүний нийлүүлэлтийн тоог тодорхой хэмжээнд барих ёстойг ойлгож, тийнхүү стратеги баримтлалх болсон байна. 1990 оны эхээр Alitalia Арманиг MD-11 онгоцны дотоод дизайн заслыг хийлгүүлэхээр хөлсөлсөн. Мөн 1994 онд италийн багийн хөлбөмбөгийн дэлхийн аваргад оролцох хувцсыг, 1999 онд Британий Newcastle United багийн хувцсыг тус тус зохион бүтээж байжээ.

1996 онд Армани Манхэттэн хотноо Emporio Armani-гийн нэг, бусад 4-н брэндийн нэг дэлгүүрийг, Милан, Лондон, Токиод 1997 онд анхны Collezioni Giorgio Armani дэлгүүрийг, Ромд Армани жинсний дэлгүүрийг тус тус нээж, мөн онд бугуйн цагаа анх үйлдвэрлэжээ.
1997 онд Арманиг ирэхээс өмнө Gianni Versace-гийн амийг Миамид егүүтгэсэн хэрэг гарсны дараа Жиоржио өөрийн компанийг нээлттэй хувьцаатай болгохоор шийдэж, удирдлага зохион байгуулалтаа шинэчилжээ. Мөн олон шинэчлэлтүүд хийсний дотроос анх интернет худалдаанд оролцох болж, вэбсайтаа гаргажээ.

1999 он байдлаар Арманигийн орлого 12 хувиар өссөн боловч, Луксотикад их татвар төлснөөс болж нийт ашиг нь 12 хувиар буурсан байна.

2000 онд тус компани 25 жилийнхээ ойн баярыг тэмдэглэсэн ба энэ үед үйл ажиллагааны орлого 193 сая Евро, нийт орлого 1,03 тэрбум еврод хүрсэн байв. Глобал жижиглэнгийн худалдаа нь EUR 3.6 тэрбумд хүрч, 20 хувийн өсөлттэй гарчээ. 2000 оноос хойш маш их өөрчлөлт хийснийг доорх хүснэгтэд дэлгэрэнгүй харуулав.

Үргэлжлэл бий . . .



Цааш нь...

Италийн Алдарт загвар зохион бүтээгч Giorgio Armani -ийн намтар, Giorgio Armani S.p.A. компаний үүссэн түүх


Giorgio Armani S.p.A. компаний үүсгэн байгуулагч "Жиоржио Армани"

Төрсөн он сар өдөр 1934 оны 7-р сарын 11
Италийн Пиаценза хотод төрсөн
Иргэншил Итали
Компани Giorgio Armani S.p.A.
Хөрөнгө 4,1 тэрбум доллар

Жиоржио Армани нь италийн алдарт загвар зохион бүтээгч бөгөөд дэлхийн хамгийн баян хүмүүсийн тоонд зүй ёсоор ордог. Одоо 75 насыг зооглож байгаа тэрбээр маш хөдөлмөрч хүн ба олон алдартай загварууд, брэндүүд бүтээсний дотор хамгийн алдартай нь эрэгтэй хүний хувцасны загварууд нь юм. Жиоржио Армани нь 1974 онд өөрийн Армани нэртэй хувцас загварын компанийг байгуулж, шошго бий болгосон нь одоо өргөжин тэлж арав гаруй охин компанитай, дэлхийн хамгийн шилдэг компаниудын нэг болсон байна. Түүний загваруудын нэг онцлог нь энгийн атлаа маш зөв хийсэн, тансаг бас дэгжин байдлыг илтгэдэг явдал нь юм. Мөн эрэгтэй хүний загварын суурьнаас нь эмэгтэй хүний загварууд гарч байдаг, эмэгтэй хүний загваруудаас мөн эрэгтэйнхийг гаргаж авдаг нь уг брэндийн нэг онцлог.

Жиоржио Арманигийн намтар

Тэрбээр 1934 онд Италийн Милан хотоос 50 милийн зайд орших Пиаценза хотод эгэл жирийн айлын гэрт төржээ. Орон нутгийнхаа жирийн 10 жилд суралцсан хүүхэд ахуй насандаа театр болон кинонд их дуртай байв. Сургуулиа төгсөөд хоёр жилийн туршид анагаахын чиглэлээр суралцаж байсан ч удалгүй сургуулиа хаяж фото зураг сонирхох болов. Гэтэл түүнийг эх орон нь дуудаж цэргийн албанд алба хаасан байна. Цэргээс халагдан ирсэн 1957 онд Миланы La Rinascente нэртэй их дэлгүүрт үзүүлэнгийн цонхны дизайныг янзалдаг хүнээр бараг 4 жил шахам ажиллажээ. Хожим дурсахдаа түүний ирээдүйн загварын ертөнцөд хөл алхах эхлэл нь энд тавигдсан гэж Армани ярьдаг. “Тэнд ажиллаж байхдаа бид шинэ загварын чиг хандлагыг тандахын тулд Англи орон луу үе үе айлчлах хэрэгтэй байв. Тэнд л би хамаг онгодоо олж авсан. Нэг удаа Английн нэг жижиг дэлгүүрт шар өнгөтэй хөшиг байхаар нь худалдан авч, Итали дахь дэлгүүртээ тавихад хүн бүр л намайг солиотой гэж байв. Учир нь шар хөшиг бол маш гоёмсог, хэт чамин, жинхэнэ Англи стилийн эд гэж тооцогддог байв” гэж нэг удаа тэрбээр дурссан байдаг.

1961 онд дэлгүүрийн ажлаасаа гарч хэдий ямар ч сургууль соёлд явж байгаагүй ч тэр загвар зохион бүтээгчээр Nino Cerruti нэртэй загварын хаузд ажиллах болжээ. 10 гаруй жил уг хаузд урам зориг, бүтээл дүүрэн ажиллан, хувцас, бөс даавууны талаар хангалттай мэдлэгтэй болсон Армани тэндээс гарч чөлөөт загвар зохион бүтээгчээр хэсэг бие даан ажилласан байна. Гэхдээ 1975 оны 7-р сарын 24-нд найз, хамтран ажиллагч Sergio Galeotti-н ятгалгаар өөрийн гэсэн загварын компани болох Giorgio Armani Spa-гаа нээжээ. Компаниа байгуулах санхүүгийн эх үүсвэрээ хуучин Волгсваген машинаа худалдан олж авсан гэх яриа байдаг. Өөр нэг хувилбарт бол хамтран ажиллагч хоёр эхлэлийн 10,000 долларын хөрөнгөтэй байсан ч гэж үздэг.

Анх нээгдсэн цагаасаа л Арманигийн компани маш их ашигтай ажиллаж, эхний жилдээ 1 сая долларын ашиг олсон байна. Энэ бүхэнд урамшсан Армани улам бүр идэвхи зүтгэлтэй ажиллаж, түүнийг амжилт бүтээл даган, дэлхийн хамгийн том, дээд зэрэглэлийн брэндүүдийн нэгийг 1980-аад оны дундуур гэхэд бүтээж чадсан байв. Харамсалтай нь түүний хамтрагч Sergio Galeotti ДОХ-ын улмаас 1985 онд нас барсан нь маш их гарз хохирол болжээ. Galeotti нас барахдаа өөрийн хувьцааг Арманид өвлүүлэн үлдээсэн бөгөөд ганцаараа бүх ажлыг хүчрэхгүй Армани эгч Розанагаа туслуулахаар дууджээ.

Энэ цаг үеэс хойш өдгөө Жиоржио Армани компаний гол хувьцаа эзэмшигч болж, компаниа өргөжүүлэн тэлсээр одоогийн амжилтанд хүрсэн байна.

Жиоржио Арманигийн тухай баримтуудаас
:

Сонирхол:
• Интер Милан багийн үнэнч хөгжөөн дэмжигч. Олон тэмцээн уралдаан болон түүнд оролцогч баг, тамирчдыг дэмждэг, хувцсыг нь заримдаа оёдог.
• Хоол. Дэлхий даяар өөрийн гэсэн 14 Emporio Armani-н кафетай. Цаашдаа гал тогооны хэрэгсэлд хөрөнгө оруулж, шинэ шинэ загвар гарган ирнэ гэж төлөвлөдөг.
Түүнийг бусад хүмүүс:
• ажлын хэнээтэй хүн гэж тодорхойлдог
Буяны ажил:
• 2002 онд НҮБ-ийн дүрвэгсдийн асуудлыг хариуцсан сайн дурын амбан сайдаар сонгогдож байсан
• Загвар өмсөгчдийг хэт туранхай байхыг хориглосон анхны загвар зохион бүтээгчдийн нэг
Өргөмжлөлүүд:
• Италийн загварын эцэг гэгддэг
• 2001 онд Форбес сэтгүүл Жиоржио Арманиг Италийн хамгийн баян, хамгийн алдартай загвар зохион бүтээгч хэмээн тодруулж байсан.
Шагналууд:
Neiman-Marcus Award (1979)
• CFDA International Award (1983)
• The semi-annual Italian men's fashion trade show Pitti Uomo in Florence celebrated in Summer 1996 its 50th fair with a magnificent fashion show called
• "G.A.Story" portaying the life and work of Giorgio Armani. The show concept was developed by well-known opera-director Robert Wilson.
Хаяг:
Giorgio Armani, 11 Via Borgonuovo, 20121 Milan
Утас: +392 80 14 81


Giorgio Armani S.p.A. компаний үүссэн түүх

Жиоржио Армани болон Сержио Галлеоти нар 1975 оны 7-р сарын 24-нд өөрсдийн хөрөнгөөр хувцас загварын компани болох Giorgio Armani S.p.A.-г байгуулжээ. Анхны жилээ эрэгтэй хүний хувцасны загвар дан гарган, хэрэглэхэд бэлэн байдалтайгаар бүтээдэг байснаа дараагийн жил нь эмэгтэй хүмүүст зориулсан загвараа гаргасан байна.

Компани анхнаасаа л амжилттай ажиллаж, эхний жилдээ 1 сая долларын борлуулалт хийж чадсан байна. 1978 онд GFT (Gruppo Finanziario Tessile) компанитай лицензийн гэрээ байгуулж, Арманигийн төв оффисын байрыг Миланы 21 Via Borgonuovo-д байрлалтай 17-р зууны плазаг бариулахаар болсон нь оффиссоос гадна загварын шоуны тайз, Арманигийн хувийн гэр болжээ.

Дараагийн жил нь 1979 онд Жиоржио Армани АНУ-д өөрийн Жиоржио Армани Корпорацаа байгуулж, энэ үед компани нь дэлхийн тэргүүлэгч загварын хаузуудын тоонд орох болов.
Энэ амжилтын нууц нь Арманигийн зоригтой загварын аз туршсан явдал, уламжлалт эрэгтэйчүүдийн костьюм пиджакны загварыг өөрчилсөн нь гэж зарим нь ярьдаг. Харин эмэгтэйчүүдийн загварын хувьд илүү чөлөөтэй, бага гоёл чимэглэлтэй байдаг. Бусад загвар зохион бүтээгчид түүний загварыг дуурайх гэж оролддог боловч оргиналийг хэзээ ч гүйцдэггүй.

Үргэлжлэл бий . . .

Цааш нь...

Wednesday, January 7, 2009

Амжилттай худалдааны зарчим ба Дэлгүүрийн дизайн


Амжилттай худалдааны зарчимууд
Жижиглэн худалдаа мянга гаруй жилийн түүхтэй. Энэ бүх хугацаанд яаж худалдан авагчдыг татах вэ? Гэсэн асуулт л худалдагчдын санааг зовоодог байсан. Өнөөдөр дэлгүүрүүд болон бусад жигжиглэнгийн худалдаа эрхэлж байгаа байгууллагуудын хувьд худалан авагчдыг татах, бараа бүтээгдэхүүнээ хэрэглэгчдэд хүргэх тал дээр илүү анхаарах болжээ.
Дэлгүүрийн дизайн
Дэлгүүрийн дизайн нь имидж бүрдүүлэх гол хүчин зүйл юм. Limited дэлгүүрийн сүлжээ залуучуудад хаяглагдсан байдаг бол Lerner’s - зах зээлийн арай ахимаг насны сегментед зориулан имидж бүрдүүлдэг. Энэ хоёр дэлгүүрийн сүлжээ нэг хүн эзэмшдэг ч чиглэсэн зах зээл нь өөр өөр байдаг байна. Худалдааг бүрэн утгаар нь явуулахын тулд жижглэнгийн худалдаачин өөрийн дэлгүүрийн дизайны философийг бүрэн ухамсарлаж дэлгүүрийн имиджээ бүрдүүлэх ёстой. Харин имидж нь зорилтот сегментийн нийгмийн хэрэгцээг хангах ёстой. Нийгмийн хэрэгцээг хайрын хэрэгцээ, хүндэтгэлийн хэрэгцээ, харилцааны хэрэгцээ, имижийн хэрэгцээ, амьдралын тодорхой хэв маягийн гэх зэргээр ойлгодог. Үнэ, стиль, нас зэрэг нь нэмэлт шаардлагууд юм. Мөн хүйс, сэтгэл хөдлөлийн онцлог зэргийг тооцоолох хэрэгтэй.

Их дэлгүүрүүдэд эрчүүдийн хувцасны 80 хувийг хүүхнүүд эрчүүдэд зориулан авдаг байна. Гэхдээ худалдааны төвүүдэд байрласан, залуучуудад чиглэсэн дэлгүүрүүд хувцасныхаа 80 хувийг шууд эрчүүдэд худалддаг.

Залуу хүмүүс хувцсаа өөрсдөө худалдаж авахыг илүүд үздэг байна. Тэд стилээ өөрсдөө сонгохыг хүсдэг бөгөөд размераа зөв сонгоход их санаа тавидаг. Худалдааны төвүүдэд байрласан дэлгүүрүүдийн хүртээмжтэй байдал нь залуучуудыг татдаг аж. Тийм учраас залуу хүмүүсийн сэтгэл хөөрлийн онцлогуудыг тооцоолж дэлгүүрийн имижийг бүрдүүлэхээс гадна имиджээ тод өнгө, хурц гэрэл зэргийг тусгаж өгөх ёстой. Гэхдээ цаг хугацааны дараа залуу хүмүүсийн зах зээл өөрчлөгдөнө. Тийм учраас имидж ч гэсэн өөрчлөгдөх ёстой гэдгийг санах хэрэгтэй.

Хэрэв Wall-Mart дэлгүүрийн сүлжээ Bloomingdale’s шиг байсан бол худалдан авагчдыг татахад хэцүү байх байсан. Wall Mart -аар үйлчлүүлэгчдийн толгойг эргүүлж болохгүй. Дэлгүүрийн гадаад болон дотоод имиджийг бүрдүүлж, дэлгүүрийн “хэрэгтэй дүр төрхийг” бүтээхийн тулд олон жил шаардагддаг. Имиджийг бүрдүүлэх ажлыг худалдааны ажилтнууд болон дэлгүүрийн зөвлөхүүд төлөвлөн хийдэг. Зарим тохиолдолд удирдлагын шинэ баг “гэрийн даалгавар”-аа биелүүлэхийн оронд өөрсдөө дур мэдэн шийдвэр гаргаж дэлгүүрийн имиджийг өөрчилдөг. Тэд алдаа гаргаж, нэг хоёр жилийн дотор бизнесээ сүйтгэж ч болох юм.

Иймд та өөрийн дэлгүүрийн имидж илүү их анхаарах хэрэгтэй юм байна.

Эх сурвалж: Роберт Колборны “Марчандайзинг – Амжилттай худалдааны зарчимууд” номноос

Цааш нь...

Tuesday, January 6, 2009

Маркетингийн нэр томьёо ны тайлбар № 11 "M" /Marketing - Маркетинг. Зах зээлийг эзэмдэх буюу хэрэглэгчийг өөртөө татаж, хадгалж үлдэх ухаан. /


Market - Зах зээл. эдийн засагчид зах зээл гэдэг ойлголтын дор хоорондоо тодорхой төрлийн арилжаа хийх худалдагч болон худалдан авагчдын нийлбэрийг авч үздэг. тухайлбал үнэт цаасны зах зээл, үл хөдлөх хөрөнгийн зах зээл зэрэг маркетеруудын хувьд зах зээл нь тухайн бүтээгдэхүүний хэрэглэгчдийг илэрхийлдэг жич: гар утасны, гутлын зах зээл г.м.
2. зах. арилжаа наймаа хийдэг газар. Олон жижиглэнгийн болон бөөний худалдаачдыг төвлөрүүлсэн зардал багатай, хямд үнэтэй худалдааны газар.

Market Research - Зах зээлийн судалгаа. Тухайн зах зээлийн тухай дэлгэрэнгүй мэдээллийг цуглуулан түүний бүтэц, байршил, багтаамж, худалдааны үйл ажиллагаа, зах зээлд байгаа саад хориг, өрсөлдөөн, төлөв байдлыг тодорхойлоход чиглэгдсэн судалгаа.

Marketing - Маркетинг. Зах зээлийг эзэмдэх буюу хэрэглэгчийг өөртөө татаж, хадгалж үлдэх ухаан. Ф.Котлер маркетингийг өргөн утгаар нь хүмүүсийн хүсэл, хэрэгцээг хангахад чиглэсэн, үнэт чанар бүхий бүтээгдэхүүн бүтээх, арилжин солилцох нийгмийн болон удирдлагын үйл явц, мөн бизнесийн үүднээс хэрэглэгчдэд үнэт чанар бүхий бүтээгдэхүүн бий болгож хүргэх, тэдэнтэй харилцан ашигтай, тогтвортой харилцах үйл явц гэж тодорхойлсон байна.

Marketing Manager - Маркетингийн менежер. Байгууллагын маркетингийн үйл ажиллагааг хариуцан ажиллах менежер. Энэхүү тодорхойлолт нь маркетингийн иж бүрдэл болох бүтээгдэхүүн, үнэ, хуваарилалт, идэвхжүүлэлт зэрэг холбогдох бүхий л асуудлуудыг хамрах боловч заримдаа маркетингийн аль нэгэн чиг үүргээр хязгаарлагдаж болдог. Жич: Брэнд менежер, Борлуулалтын менежер, Олон нийтийн харьлцааны менежер, зар сурталчилгааны менежер г.м

Mass Marketing - нийтийн маркетинг. Зах зээлийг бүрдүүлэгч хэрэглэгчдийн ялгаатай талуудыг үл харгалзан, сегментлэлгүйгээр нэг ижил бүтээгдэхүүнийг нийт зах зээлд санал болгох.

Эх сурвалж: Маркетерийн бичил судар Д.Баярмаа

Цааш нь...

Monday, January 5, 2009

Бүтэн нүүр реклам хамгийн үр нөлөөтэй


Нийслэлийн хүн амын 50 орчим хувь нь сонинг захиалж болон худалдан авч уншдаг гэсэн судалгааны дүн бий. Мэдээж хот суурин газар, аймгийн төвүүдийн оршин суугчид хамгийн их хэвлэл уншдаг. Харин суманд өдөр тутмын сонин хүрэхэд 7 хоногийн хугацаа зарцуулдаг учир өдөр тутмын сонин төдийлөн хүрдэггүй байна. Дээрх шалтгаан болон интернетийн хэрэглээ нэмэгдэхийн хирээр сонины борлуулалт буурах хандлага ажиглагдаж байна. 2004 онд 30 сая гаруй сонин Монголын зах зээлд борлогдсон бол 2007 онд энэ тоо гурван саяар буурчээ. Сонины нийт борлуулалтын тал орчим хувийг өдөр тутмын 12 сонин эзэлдэг бөгөөд одоогоор насанд хүрсэн нэг хүнд жилд 15 ширхэг өдөр тутмын сонин оногдож байгаа юм.

Сонины хүртээмжтэй байдлыг судлахад “Өнөөдөр” сонинг нийслэлийн 12 ба түүнээс дээш насны нийт хүн амын 18.0 хувь /142.370 уншигч/ ямар нэгэн байдлаар уншдаг ажээ. Удаагаар нь Өдрийн сонин, Сэрүүлэг, Зууны мэдээ сонинууд орж байна. Харин сэтгүүлийн хүртээмжээр “Uptown” сэтгүүл 32 мянга орчим уншигчтайгаар тэргүүлжээ. Гялбаа, Цаг төр сэтгүүлүүд мөн уншигчдын хүрээ өргөн байгаа нь судалгаагаар харагдлаа.

Сонин сэтгүүлийн рекламны байрлалыг судлахад сонины аль нэг булан, эсвэл нийтлэлийн доор байрлах рекламнаас илүү бүтэн нүүрийг эзэлсэн реклам олон нийтийн анхааралд илүү өртдөг байна. Судалгаанд оролцогсдын 22.6 хувь нь сонингийн бүтэн нүүр реклам хамгийн хүртээмжтэй, үр нөлөөтэй байдаг гэжээ.

Хэвлэлийн Хүрээлэнгийн “Хэвлэл мэдээлэл хэрэглэгчдийн судалгаа”-ны XII сарын тайлан хоёр оны зааг дээр хэрэглэгчиддээ хүрч байна. Энэ сарын судалгаандаа бид уншигчдын тухай мэдээллийг түлхүү судалж, сонин сэтгүүлийн зах зээлийг тодорхойллоо.

Монголын Хэвлэлийн хүрээлэн

Цааш нь...

Маркетингийн нэр томьёо ны тайлбар № 10" L " /Logo - Лого. Брэндийг таних тэмдэг. Эмблем, дүрс, тодорхой хэлбэр өнгөний зохицолтой бичигдсэн үг эсвэл/


Leader - Тэргүүлэгч. Зах зээлд эзлэх хувиараа бусдаасаа давамгайлах компани (Голдуу зах зээлийн 40 - өөс дээш хувийг эзэлдэг)

Lifestyle - Амьдралын хэв маяг. Хүний өдөр тутмын амьдралын онцлог шинж, ца болон мөнгөө хэрхэн зарцуулж байгаа байдал.

Logo - Лого. Брэндийг таних тэмдэг. Эмблем, дүрс, тодорхой хэлбэр өнгөний зохицолтой бичигдсэн үг эсвэл эдгээрийг хослуулсан байж болно.

Leisure Class - "Цагийг хоосон өнгөрөөх давхрага" Т.Веблэн амьдралаа онцын үр бүтээлгүй өнгрөөдөг ба хэрэглээ нь "Үзүүлэнгийн" шинжтэй байдаг хүмүүсийг ингэж нэрлэжээ.

Цааш нь...
:
Design by Dzelque Blogger Templates 2008

Design by infinityskins.blogspot.com 2008