2008 оны дэлхийн тэргүүн баячууд тодорлоо

"Форбс" сэтгүүл Аме­рикийн шилдэг 400 тэрбумтны жагсаалтыг гаргалаа. Уг жагсаалтыг "Мicrosoft" ком­панийг үүсгэн байгуулагч, 52 настай Билл Гейтс тэргүүл­лээ. 57 тэрбум ам.доллартай тэнцэх хөрөнгөтэй тэрбээр өнгөрсөн зургадугаар сард ажлаа өгч "Билл ба Мелинда Гейтсын сан"-г тэргүүлэх болсон. Тэрээр 11 жил "Форбс" сэтгүүлээс жил бүр гаргадаг дэлхийн тэргүүн баячуудын жагсаалтын нэг­дүгээрт бичигдэж байсан юм. Сүүлийн жилүүдэд түүнийг хөрөнгөөрөө давсан хүн нэг бус удаа гарсан ч тэр өнөө жил дахин тэргүүллээ. Уг жаг­саалтын хоёрдугаарт "Berk­­shire Hathaway" ком­панийн тэргүүн Уоррен Баф­фет (50 тэрбум ам.доллар) орсон байна. Өдгөө 78 настай тэр­бумтан өнгөрсөн онд манай дэлхийн хамгийн баян хүнээр тодорсон юм. Гэвч сүүлийн үед АНУ эдийн зас­гийн хям­ралд орсноос У.Баф­фет хө­рөнгийнхөө 15 хувийг алджээ. Гуравдугаарт 27 тэрбум ам.дол­лартай тэнцэх хөрөн­гөтэй "Oracle" кор­по­рацийн тэргүүн Лоренс Эл­лисон бичигдсэн байна.. "Форбс" сэтгүүл энэ судал­гааг 27 дахь жилдээ хийж байгаа бөгөөд шилдэг 400 тэрбумтан нь нийтдээ 1.57 трил­лион ам.долларын хө­рөнгөтэй аж. Өнгөрсөн онтой харьцуулбал тэдний хөрөнгө 30 тэрбум ам.доллараар нэ­мэгдсэн бай­на. Америкийн шилдэг 400 тэрбумтны жагсаалтад теле­визийн хөтлөгч Опра Уинфри зэрэг нийт 42 эмэгтэй оржээ. Эл жагсаалтад багтсан шил­дэг тэрбумтнуудын 19 хувь нь хөрөнгөө өв залгамжлан ав­сан байна.